Pizza Maru (朗豪坊)

Open Now

Now Closed

今日與同事經過旺角做嘢，午餐想食pizza，見到呢間餐廳嘅lunch Menu選擇都多，決定試試。餐廳裝修走美式風格，牆壁掛上大電視播住K-Pop，聽住啲歌能量返晒嚟。我哋分別點咗一個午餐及一客單點pizza。午餐隨主菜跟Home Made Iced Tea以外，可以加錢點飲品、餐湯及小食。餐湯韓式嘅豆腐海帶湯及Home Made Iced Tea明太鮮蝦海帶意粉 Myeongran (Pollock Roe) Prawn Pasta蝦夠爽口唔會太韌，與辣辣地嘅明太子醬及紫菜碎、洋蔥、西蘭花及杏鮑菇撈埋一齊食，Creamy得來啖啖都食到明太子，層次感豐富。瑪格麗特比薩 🍕Margherita Pizza (Large)單點咗個Pizza share食，由於同事係Pizza控，佢話食pizza一定要揀最傳統嗰隻，傳統Pizza最考功夫見真章。佢哋嘅水牛芝士形狀呈粒粒四方形，配上新鮮嘅車厘茄及大量火箭菜，口感香脆清爽，食得出佢嘅烘焙麵粉香，果然對得住佢個名。小食加咗炸蠔，有三隻，炸得夠脆口，唔算太油，不過不失。Peach Lime Iced Tea同事點咗呢杯特飲，好香水果味，但唔會太甜，

嚟旺角呢間分店食韓式意大利嘢，一於儲定脂肪做小脂女，韓流禦寒呢間以pizza命名嘅餐廳，好難唔叫返底pizza大胃見芝加哥pizza麵包底好吸引，勁過芝心批，成個餅底都好爆芝，餡料有雙倍馬蘇里拉芝士、芝士條、牛小排、辣肉腸、番茄、巴馬臣芝士、糖霜、意大利香芹同Moru番茄醬，相當豐富，同豐厚嘅芝士勁夾食炸雞進補都係食韓國餐嘅例行餐事，炒年糕辣辣地，底下有好正嘅玫瑰醬，點嚟食幾開胃半份炸雞有6件雞，炸到骨頭都食得落肚，肉質非常嫩滑，脆皮勁脆，仲要嚿嚿都超大嚿食得炸雞，點都要嗌杯嘢飲襯吓，唔飲酒都可以嗌杯蜜桃soda，果香同茶香都balance由於仲係Happy Hour，就揀杯莓味啤，極具果香，送pizza炸雞一流

朋友介紹嚟呢間試吓食😌個韓式炸雞好出色，外脆內軟仲要爆汁，好食過炸雞專門店嗰啲😂😂另外招牌芝加哥pizza拉絲芝士滿滿！第一次食到皮比涵好食嘅pizza，pizza皮有蜜糖做點綴，特別得黎好惹味仲有佢嘅鴨胸泡菜意粉都唔錯，醬汁好濃，但係有少少辣，唔食得辣嘅朋友要留意吓啦

成日經過朗豪坊food court層都會見到呢間野排曬隊咁，都知佢有番咁上下吸引力。原來係食炸雞同勁多款pizza揀，係韓國fusion菜。Honey Garlic Chicken with Cracker ($239)一份炸雞有12件，有炸雞不特止，仲有蝦片～ 蒜同honey味都好突出。Bulgogi Chicago ($223)如果你係芝士控，一定要order呢個系列嘅pizza，佢係加左double portion嘅mozzarella，一拎起件pizza係有無盡嘅拉絲效果！真係不得了！。📍Pizza Maru (朗豪坊) (旺角)旺角亞皆老街8號朗豪坊4樓3號舖。@pizzamaruhk 。#gpigmk

朗豪坊呢間Pizza Maru一直都好受歡迎 成日都見到好多人排隊 今日早咗收工可以唔使排隊就食到餐廳環境整潔光猛 美式裝潢店員好友善入面仲有大大部LED播住kpop 好有feel薯角炭燒雞肉芝加哥 $223呢款pizza係厚批 批邊用咗蜜糖杏仁食落甜甜地脆脆地配料都好豐富有炒洋蔥 蘑菇 Maru香雞 薯角 蕃茄 最令人驚喜嘅係有超級多芝士 有雙倍馬蘇裡拉芝士 芝士條同忌廉芝士幕絲夾起第一舊pizza嗰陣見到芝士拉絲真係充滿食慾 除咗批邊有芝士成個批都有滿滿嘅芝士 超滿足不過記得要快啲食晒唔係芝士會變硬玫瑰炒年糕炸雞 (6件) $148炸雞即叫即整上枱熱辣辣 炸雞外表金黃色好吸引雞肉炸得外脆內嫩炸粉唔會好厚 好厚肉冇乜骨年糕煙煙韌韌 玫瑰醬辣辣地食落好惹味Strawberry Makgeolli $78粉紅色好少女心 士多啤梨味啱啱好唔會太濃太淡 飲落有少少乳酸味 好啱女仔飲

♡韓式海鮮炒年糕-卡邦尼醬 $123：年糕口感軟糯，底下嘅粉絲已經俾卡邦尼醬浸到勁入味，食落啖啖都好香🥰♡太陽番茄芝加哥 $207:一拉開系滿滿當當嘅芝士拉絲😍望落已經勁吸引。鋪喺面頭嘅蕃茄同辣肉腸酸酸鹹鹹，可以中和下芝士嘅膩。♡蜂蜜牛油秘製炸雞 $118：表皮酥脆，食落好香牛油味。雞肉都好嫩滑有汁水，炸得啱啱好😋👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻呢間非常適合「芝士控」，個pizza 入面嘅芝士含量系真係會食過返尋味，香得黎又夠曬份量🤤

叫咗兩個外賣pizza一個係：江南牛仔另一個係： 太陽蕃茄芝加哥我就比較喜歡太陽蕃茄芝加哥，芝士味濃郁，配合蕃茄酸酸地，好開胃不過江南牛仔係朱古力味既麵包邊皮，食完中間嘅Pizza再食， 甜甜地嘅邊皮， 就好似食緊甜品一樣我自己就推介芝加哥薄餅：太陽蕃茄芝加哥

喺我心中排名都幾高嘅pizza🍕杏仁烤雞pizza個芝士份量多到不得了，對於我呢啲拉絲芝士嚟講真係開心死了🤣唔使食，淨係見到都覺得開心🥰當然啦，成個味道都係好好食，雖然好多芝士比比較漏，但我都可以一個人食三塊就知道我幾鍾意了🤣另外我都好鍾意佢呢間嘅意粉都做得好出色，佢呢個蕃茄軟殼蟹意粉都好正，佢嘅蕃茄帶點辣辣地，成個調味都好好食😋反而我覺得炸雞方面，調味都係好食嘅，亦都好香口，不過以咁樣嘅價錢，出面嘅其他餐廳嘅炸雞好似會大隻啲，所以感覺呢間份量比較少！但係呢間整體真係愛店，每隔一排就會掛住佢😍

今日約左一班朋友出嚟傾計食飯，決定去啲一大班人食得開心啲嘅餐廳😎5個人等位比較耐，都等左半個鐘先有位😢坐低冇耐店員就比左人頭水，而且都不斷幫手refill👍🏻首先嚟左蟹肉飛魚子意粉（$188），意粉好creamy但偏硬，份量偏少，一般般🥺跟住脆炸章魚仔（$96），份量少到嚇親我🤣炸粉好厚，食一大啖但淨係少少章魚，頗失望😢韓國烤肉芝加哥pizza（$223）regular size望落細細個，但食一舊已經好滿足😍超多芝士超拉絲，餸可能成個pizza得六舊烤肉，但芝士多到夠曬膩🤣薄餅皮都好脆好香😎最後嚟左12件半半炸雞（$259）蜂蜜牛油配粟米燒幾出色，牛油味好香😍蜂蜜蒜泥配蝦片都好香蜂蜜味，略嫌醬偏少😆最後加一後人均$168，整體嚟講，其實每人淨係分到一件pizza兩件炸雞一啖意粉兩舊章魚仔，但要我比呢個價錢🤔除非下次想豪食/慶祝，我諗平日都真係未必encore了😢

今日嚟睇戲，睇之前梗係要醫下個肚，揀咗佢～Pizza Maru脆炸章魚仔～乾身，香口彈牙，點埋啲汁，開胃好味。群蟹派對～嘅然係群蟹，真係唔知係乜蟹定無蟹，總之啲料同汁加埋，好好味就得。Maru秘制青口煱，係好滿滿嘅一煱，但其實隻隻啲營養有問題，其實啲肉好細隻，而啲「秘制汁」就喺晒底，要食在大半至品嘗到。忘記咗個名～乜牛肉波菜意大利飯，啲有波菜汁嘅意大利飯，食落好好味，但sorry, 應該講係無波菜味，好食係因為佢已經浸有其他味嘅飯。魚香青椒炸雞，雞鬆脆唔柴好咬口，不過佢哋炸雞應該係一樣，只是醬汁唔同，如果你食椒就肯定辣，呢款如果你唔食椒，其實無乜味，覺得魚仔啲味唔夾炸雞，下次會叫第二款。呢間每格一排就會嚟，欣賞呢間經常更新餐牌，服務亦都有一定水準同質素。回頭度：8/10唔知點解總是覺得無頭幾次食咁好食，係咪因為開多咗分店而導致失準？

最近我在 Pizza Maru 嘗試了他們的美食，真的讓我驚喜不已！🍕✨ 我點了韓式炸雞、厚底披薩、炸魷魚和海鮮炒飯，每一道菜都充滿了濃郁的風味，讓我一次過滿足了所有的味蕾。😍首先，韓式炸雞外酥內嫩，醬汁香甜可口，讓人一口接一口，根本停不下來！🍗🔥 厚底披薩的麵皮鬆軟，配上豐富的配料，每一口都讓人感受到滿滿的幸福感。🧀🥳炸魷魚的口感Q彈，搭配特製的醬料，讓我感受到海鮮的鮮美。🐙🍽️ 最後，海鮮炒飯則是完美的收尾，米飯粒粒分明，鮮蝦和蔬菜的搭配讓整個菜餚更加豐富。🍚❤️Pizza Maru 的環境也非常舒適，適合與朋友聚餐或家庭聚會。如果你還沒來試過，真心推薦你來這裡享受美食！🌟

秘製青口鍋青口肉超飽滿，肥美，美道鮮甜，完美配合芝士味，食完又會有再食下一隻的衝動，而且份量足夠，唯一扣分位是有幾粒青口沒有打開殼，說明有幾粒不新鮮。韓式烤肉芝加哥薄餅很重芝士味，牛肉片雖然細小，但是吃下口卻有很重的牛味，也是完美結合芝士及牛肉味，再有薄餅將味道提升層次感。食得出這塊薄餅有認真做。這個小食拼盤有 韓式雞、牛油雞、燒粟米、蓮藕。多重口感及味蕾的衝擊，總之就好食好食和好食！環境方面，有點擠逼，客流都算快，滿座情況下等位等了約10分鐘就能入座。結帳金額$688

呢間野已經係食第二次今次有朋友生日佢話想食呢間我都好開心🙊食2 次都有比佢個芝加哥薄餅驚艷到😍.太陽蕃茄芝加哥薄餅9.5/10必食！😍 (上次有食，今次encore)鍾意食芝士嘅人一定唔可以錯過呢個薄餅扣0.5分係因為芝士太多😂食完一件已經飽咗三份一🥲.蜂蜜牛油炸雞配粟米燒 9/10炸雞皮夠脆😍肉嫩juicy😍值得encore!!.Drink: pink lady iced tea 8.5/10我諗佢因為知道自己啲嘢食有d漏😂😂杯茶唔會太甜又fresh.蟹肉飛魚子意粉 8/10其實我唔係好食到啲蟹肉不過味道幾好..overall, 呢間店推比重口味人士👍😂

今年早前4月，好朋友得知 <Pizza Maru> crossover Line friends 主題，專登約我一齊去！期間，Line friends 主題背景及推出一系列美食！ 朗豪坊店9:00 last order10:00 closedMenu惠顧 Line friends 主題食物，送貼紙 1張，送完即止！Mango Grapefruits Ade $48芒果加埋柚子口味清新！入口冰涼清爽！6 件芝士炸雞$118芝士炸雞口味無得輸！  炸漿外層香脆，啖啖肉又厚身！韓式烤牛肉薄餅13吋(大薄批) $148薄餅底薄，卻不失香脆，加上彩椒；令賣相色彩繽紛！ Line friends x Pizza maru期間限定美食有幾款！朋友發現，出奇地這間分店的食客，好少人叫 Line friends 系列！Line friends 芒果鮮蝦炸雞派對 $158有軟腍甜美多汁的芒果粒、烤蝦、炸雞，醬汁似是泰式酸辣醬混合芒果汁，味道勉強夾得來，整體配搭過得去啦！韓式烤牛肉薄餅13吋(大厚批) $148加入 Mozzarella cheese，煙韌的芝士，強勁的拉絲效果，未食已經嘩嘩

之前放工終於約到朋友一齊食呢間bookmark咗好耐想試嘅pizza，好彩7點到都係等咗一陣就有位Grilled Potato Chicken Chicago (Honey Almond Edge) 薯角炭燒雞肉芝加哥(蜜糖杏仁邊)(雙倍馬蘇里拉芝士，芝士條，忌廉芝士慕絲，炒洋蔥，蘑菇，Maru 香雞，薯角，蕃茄，蜜糖，杏仁片，糖霜，意大利香芹，BBQ醬)個pizza嘅芝士拉絲真係好正幾種芝士配合一齊又唔會太濃同埋蓋過其他食材嘅味道，而且口感非常煙韌，有咬口，雞肉嫩滑，配上BBQ醬風味十足，pizza邊邊又有甜甜哋嘅蜜糖同香口嘅杏仁大大提升咗小女子嘅體驗Honey Butter Fried Chicken with Coin Rib 蜂蜜牛油炸雞配粟米燒 $139/6件炸雞幾大件，外脆內嫩好香口，而且雞肉充滿肉汁，蜜糖嘅甜味中和咗牛油嘅油膩感，兩者好夾，粟米切到細細塊好易食，蜜糖甜甜哋好好味Peach Lime Iced Tea $48成杯唔會好甜，好fresh，好適合配pizza，好解膩呢間整體嚟講價錢中上，不過真係幾好味，而且兩個人食兩樣已經好飽，鐘意拉絲pizza嘅話呢間幾正