Pizza Maru (荃新天地)

Open Now

Now Closed

其實都已經幫襯過兩次，證明真係值得再三去食。第一次七點幾八點去到，都等咗差不多1小時。第二次六點幾去到，唔使等位，所以下次都係早啲開飯。總括來講，叫咗牛肉同雞肉芝士薄餅，都好多芝士，仲拉絲，而且個薄餅皮脆口，連我怕食厚批嘅人都成個批邊食埋。炸雞就唔會再叫，因為好鞋🤧，意粉叫咗個泡菜帶子卡邦尼，以為有泡菜又卡邦尼會好古怪，點知食落都幾好食。

平日喺荃灣收工近近地喺Citywalk搵食見到呢間韓式西餐廳好似評語幾好 又多人食就試一試佢啦平日夜晚都要等一陣位 (不過星期六日係勁排隊 平日唔算太多人就試試)入到去環境都幾舒服 座位算寬敞我地兩個人叫左3樣野2杯飲品Honey Butter Fried Chicken份量都幾多 6隻都係大隻好香蜜糖牛油味 偏甜炸粉唔會好厚食都滯 恰到好處9" Crab Festival Pizza黎到一間用Pizza做店名既餐廳點可以唔試佢既Pizza見到有蟹肉既野 唔洗諗即刻揀好都算幾多蟹肉 仲有D蝦 夠鮮味用左茄汁底 面頭有少少燒汁同沙律醬同蟹肉, 蝦, 同木魚花好夾炸魷魚圈魷魚不過不失咁啦 正常發揮反而配左個沙律椰菜絲又幾好食 (錯重點lol)不過呢個價錢我就覺得偏貴下次都係試返其他小食飲品就因為唔飲酒所以就咁叫左兩個juice都係正常發揮啦要留意返 如果叫Pizza就要等好似20mins預返D時間整體黎講都算唔錯 會回頭再食👍🏻

五人行嚟呢度食晚餐，等咗差不多一個鐘，一路有叫四人枱號(B枱)，但五人以上(C枱)嘅枱號一路冇郁過。到最後入得，都係比張四人枱我地，叫三個人逼埋坐梳化🥲放眼一望個場，根本就無大枱。如果一早就打算安排5個人坐四人枱，點解B枱叫左咁多張都未到我地入去？坐低叫餐，幾樣野都冇，啤酒得返2隻可以揀，重點係侍應小姐係sorry not sorry嘅態度。我知你生意好(which我食完都唔明有咩咁worth the hype)，可能唔憂做啦😅但基本cs都冇，以後唔想再黎食，都唔會推薦比任何人。

假日先走黎食，好crazy呀😱😱爆多人，等左差不多成個鐘先入到去！！依間野，在韓國好受歡迎🎉🎉在香港就唔知啦🤔我地係門口已經睇定有咩食，入座即刻點！！叫左個炸雞同芝加哥pizza 🍗🍕佢都算上菜快，係感多食客黎講。嘩！！d pizza係拉絲拉得好勁呀😍😍芝加哥薄餅一如既往裡裡外外均充滿雙重Mozzarella芝士 、芝士條及忌廉芝士慕絲，口味澎湃滿瀉🤪🤪我地嗌左半份蜂蜜蒜泥炸雞～～炸雞都好食,但你話會唔會好有驚喜呢？其實又唔覺...我地叫既野唔算多，但食太多芝士同炸野關係，係膩到一個點🤐🤐

2021年12月4日(六)朋友介紹Pizza Maru 外賣自取回家慢慢嘆晚市5:30pm 開始，門口已人山人海，想堂食就真係要早啲到，買左等40分鐘取食物。12吋Pizza外賣包裝美觀，用絲帶綁住，但不好取，沒有膠袋，搭車回家很難攞。12吋肉食主義金芝邊薄餅以為唔辣，都辣辣地，身一次食有牛扒的Pizza。牛扒好吃，金芝邊即焗出爐，堂食會芝味啲。牛骨汁醬油炸雞6件6件細細件，有骨雞，1翼1上髀1下髀3雞胸，雞胸肉滑嫩，牛骨汁偏甜。今餐我哋2人食，我哋都超級肚餓，所以KO晒，不過就飽過頭呢個份量2-4人食會好啲。

時間：星期日晚。未夠6pm地點：荃新天地pizza maru呢間野，聽講幾好食，就同老婆黎試下，諗住早d入黎，無咁多人。點知就出事，係門口已經睇定食咩，入到去已即叫，結果等15分鐘上左炸雞，多骨少肉，味道ok的，約25分鐘上埋個意粉。。。。最出事個位黎啦，個pizza...落左單超過1小時先到。。。。係超過1小時。。。。味道真係唔差，你等得既可以去食，不過我就餓死左。。。。*眼見同場至少5枱有同樣問題

芝加哥薄餅，芝士非常多，批邊都有，芝心批的效果。餅底與其他傳統薄餅製作不同。太陽蕃茄芝加哥薄餅，配上臘肉腸和厚厚的芝士，再在披薩上加上糖粉。非常美味。手工泡菜芝士波，外皮脆脆再配上蛋黃醬，中上之選！蒜香甜辣秘製炸雞，唔辣野味。蒜香味非常濃郁。甜甜酸酸的味覺！一家大小適合食用。芒果特飲和荔枝特飲都非常美味。環境略嫌擠逼！

因為要點家湊仔 所以叫左外賣take away 返到屋企都仲好好食 pizza 醬汁超正 話曬我都韓國讀過下書 食過下韓式pizzaPizza maru絕對可以話正宗韓式口味 keep到同韓國品質相近 下次堂食先要試炸雞啦 外賣返到屋企個軟腳蟹南瓜飯因爲放左外賣盒 個擺盤明顯係唔吸引 不過食落有驚喜呀 蟹仍脆 飯好味

今日無book位之下黎到餐廳，好好采等左唔係好耐已經有位叫左一個柚子沙律，味道好清新，帶有淡淡柚子香味，沙律菜好新鮮，入面有啲合桃同杏仁，健康得黎又好味，好fresh再黎就係魷魚圈，不過可能炸個陣油溫唔太夠，食落有d油不過裡面個餡好實在，唔會好似坊間咁得個炸皮。值得一提伴碟嘅沙律菜酸maymay解滯一流，為此菜式拉返分數甜辣炸雞唔錯，炸得幾香脆，size比較細隻d,不過好多汁好juicy不過敗筆位就係略嫌個汁無辣味，只得甜味，如果你話係甜炸雞咁就會好啲最後主菜係Pizza, 餡料非常多，主要有蕃茄牛肉薄餅面積太細「浪」唔曬d餡，搞到係咁跌落黎，牛肉好惹味，餅底厚薄適中，芝心批入面芝士拉絲拉得好勁，芝士份量超多！芝士控一定大愛，不過食完兩件真係超級滯總括呢餐算係唔錯，不過未去到驚為天人，如果唔使排隊嘅話可以再食

荃灣呢間開左好耐但一直見佢大排長龍...次次都食唔到...今次專程6點半前黎到就係要食佢！！！！！好好彩一去到唔洗等...當我地order晒野食既時候..出面已經勁多人排隊🙈🙈🙈我地嗌左半份蜂蜜蒜泥炸雞,半份首爾醬油咖哩粉炸雞同一個泡菜海灣芝加哥～～2份炸雞都好食,但你話會唔會好surprise 其實又唔會...我自己就偏好蜂蜜,妹妹就勁鍾意咖哩個款～但重頭器佢個泡菜芝加哥勁勁勁勁好食,佢pizza底係好薄,但鋪上厚厚既料同芝士....我係勁鍾意芝士,仲要佢厚厚既邊都包住好多芝士,個pizza邊超好食！好重麥香味！！！！！我地勁唔夠喉,即刻嗌多個薯角炭燒雞肉芝加哥，反而呢個就失色少少，雞肉有d鞋,但bbq醬都好食，但本人鍾意泡菜個個多d~~~~~~🥰🥰🥰而且佢cp值超高！！！！！大家鍾意飲啤酒佢去到8點前都仲係happy hour可以飲多幾杯喇～～～～🥳🥳🥳

去荃灣睇戲順便食飯 見呢間好受歡迎咁就入咗去試吓我哋就嗌咗群蟹派對12” $178,呢個有啲普通，不過啲料好足泡菜海灣芝加哥9” $189, 呢個好好食！一上枱啲芝士超級多，而且拉絲拉得好勁，味道上 好好食個pizza邊平時最唔鐘意食，但呢個係蜜糖杏仁邊，令到食慾大增Half & Half炸雞$223, 我哋就選咗芝士秘製炸雞同埋蒜香甜辣秘製炸雞。炸得幾好而且重保留住個肉汁 唔錯最後重嗌咗帶子泡菜卡邦尼$158，味道不錯，估唔到泡菜同意粉夾🤣🤣總括來說食物幾好，但服務態度就麻麻，改善埋就完美🤣😂

Korean food has always been very popular since like, a long time ago. I personally think that the reason why Korean food is so attractive is that they always have a strong flavour, such as cheese, kimchi, and more cheese. If you like to taste something with a strong flavour, Pizza Maru might be a match for you!You might think the fried chickens are too small and not enough just by looking at the photo, but they are actually for two and my friend and I were full after finishing these chickens and

餐廳推薦👨🏻‍🍳📝 Pizza Maru📍荃灣楊屋道1號荃新天地1期UG樓28及30號舖Pizza世一🥲🍽薯角炭燒雞肉芝加哥 (+/- 蜜糖杏仁邊)🍽Grilled Potato Chicken Chicago (+/- Honey Almond Edge)🍕暫時食過最好食最有口感既pizza，勁芝、熱喇喇、勁厚底🤤呢個可以加蜜糖杏仁邊，試過一次加邊，都好食🤤其他野食無印象🥲#pizzamaru #薯角炭燒雞肉芝加哥 #pizza推薦

除咗有 book枱外，食過Pizza Maru嘅朋友都知，大排長龍等位是常識吧！唔好以為等外賣會好啲，已經問定外賣時間都要45至50分鐘，看似好耐，但其實係要成一個鐘😑，只係叫咗：蒜香甜辣秘製炸雞、太陽蕃茄芝加哥及軟殼蟹沙律。我過咗50分鐘問counter 個order有得拎未，佢話pizza未ready，可能係咁軟殼蟹响個盒焗得太耐，淋哂又濕濕地，no good！但炸雞同Pizza keep住水準，仍然好味。

呢間店一直都好多人排隊，我近排又愛上食炸雞，當然要去試下係咪咁好食。一坐低即叫咗個甜辣炸雞，佢個蒜香甜辣醬幾惹味，炸雞熱辣辣，肉嫩有汁，好食。呢間pizza都好出名，但因為有人唔好芝士，所以無叫到最出名嘅芝加哥pizza,叫咗個韓國烤肉pizza,但我想講呢個pizza都好好食，批邊外脆肉軟都幾多餡，前排忍唔住又再去呢間食多次炸雞啦！