薄餅怪獸

Open Now

Now Closed

Pizza monster去咗土瓜環見到個心形pizza就去咗try try叫咗個肉醬意粉 老實講 好普通ಠ_ಠ好似中學去大家樂食肉醬意粉嘅味道 就係冇乜味咁 可能大家樂面頭芝士仲多啲🫠加洲風情pizza55除咗個pizza係心形之外是無特別的 um。。。Pizza Hut質素咁款囉炸雞算係最出色 熱辣辣上 皮是脆的 雞肉唔鞋Overall唔會再去ಠ_ಠ去土瓜環會試其他鋪頭rather than this

十分失望！ 烤雞沙律：一塊雞放在沙律菜面，雞很油膩，沙律菜沒有新鮮菜的味道。海鮮意粉：太少汁，扁意粉太乾，味道太淡。雞翼：雞翼沒有醃，也煮不入味，煮得太熟。黑松露pizza: 批底太油膩，除了菇有味道，整個批都無味。

芝士！相信係大多數香港人的至愛。今日要介紹的係位於土瓜灣的Pizza Monster。店舖麻雀雖小，但五藏俱全。其實本人本身就唔中意食pizza，因為又乾又熱氣又硬，所以無咩好感，但卻被發現店內有一個「拉絲」芝士比賽，就係咁就被吸引左來了。食評睇圖啊☺️☺️好啦總結一下！睇完之後係咪心思思好想食呢！我覺得舖頭雖然比較細，但係入邊裝修好舒服，其實都幾適合坐低慢慢傾吓計，店員同老闆都係好nice和熱情招待的。如果大家平時都係去某大品牌食pizza或者撒記，我真心覺得你可以試吓呢間，我拍心口保證佢質素更勝人一籌，而且價錢真係極具競爭性，至少我呢個麻煩人覺得好食，會再嚟！補充一句，如果舖頭用來切pizza的刀可以鋒利返少少，就perfect了🤭🤭

好耐冇嚟過土瓜灣，見到好多學生入咗去呢間Pizza Moster嗰度食，而且睇個Menu又覺得幾平🙈所以我就入咗去試吓！嚟得pizza Monster就梗係要嗌一份Pizza啦！🍕中批（6件） - 怪獸多寶🐾上到嚟賣相好靚😍好色彩繽紛💜材料都好豐富👉🏻有洋蔥🧅青椒🫑辣肉腸🌶火腿、蘑菇、菠蘿🍍牛肉、豬肉、蕃茄醬🥫等等，熱辣辣，食落口感好鬆軟，唔係啲硬底嘅Pizza，大家可以一試☺️午餐Set - 肉醬意粉🍝 配芝麻醬沙律🥗 凍即磨咖啡☕️$55一擺上枱面就係標準嘅意粉餐碟🤍上面幾乎鋪滿晒肉醬見唔到意粉🍝 分量十足，意粉係粗意粉，肉醬汁唔太鹹加上少少🤏芝士粉啱啱好，而且跟餐附送胡麻醬沙律🥗 過冬即磨咖啡叫咗少甜少冰真係幾好飲😍 之前叫咗全糖覺得太甜，真係搞唔掂！宜家呢個少甜少冰簡直係完美😚 蒜蓉包（六片）$46口痕想食多個蒜蓉包，所以就叫左，佢擺盤擺得幾靚，可以打卡🤞🏻食落好重蒜蓉味，唔錯！食唔晒仲可以打包聽日食🤣 第二日食都依然好好食😋總括而言 (5個💙係最高)好味指數 : 💙💙💙🤍🤍服務態度 : 💙💙💙🤍🤍環境打卡 : 💙💙🤍🤍🤍回頭指數 : 💙💙💙🤍🤍📍Pizza Monster薄餅怪獸

本來星期日中午打算再到九龍城覓食12:30去到周圍已經double parking停車場又要排長龍，想搵個位泊車唔容易所以轉到去土瓜灣覓食泊到車後，行出馬頭圍道見到這間餐廳望真啲原來食pizza 🍕 店舖不算很大，裝修特別用手機掃QR code自助下單但感覺程式不太friendly 😅出菜也很快總括，薄Pizza底相對比較好味，好脆厚底，食到第二個的時候，好似食緊麵包店買的pizza包麻辣味，千島醬味，燒烤味，泡菜味，芝士味全部都唔夠味🥲

🎼屯馬開通真的很興𡚒🎶去土瓜灣真係好方便🎵小店喺正馬頭圍道金拱門旁邊，星期五晚爆哂場，好受街坊歡迎靚靚logo燈，啱哂打卡之前pizza乞母親節限定嘅❤心形派，呢度長期有供應，仲可以自選款式，無論同BB豬定母親大人嚟食，佢都一定冧冧豬😍🍕怪獸多寶（細，$68）等如至尊，呢度一樣有美式厚薄派選擇，厚派比pizza乞輕盈得多，一啲都唔油，好鬆軟，食多幾件都唔會滯。🍗原件惹味烤雞沙律🥗 $68超大碟，配日式芝麻醬，好refreshing🌬招牌炸雞🍗（$20/件）呢排成日喺網上見到啲人po上校伯伯啲雞嘅圖，件雞仲細過葡撻😭呢度就真係童叟無欺，大大件，外皮超脆，又唔會太油，雞肉嫰滑。

薄餅怪獸 (土瓜灣)📍土瓜灣馬頭圍道418號樂意居地下2號舖.Tea time.⭕️M2半月批 怪獸多寶 💰$59👧🏻💬 熱飲包埋 凍飲+$5個批好鬆軟，有唔同既料，相比某連所店好吃。材料包括: 洋蔥、青椒、辣肉腸、火腿、蘑菇、菠蘿、牛肉、豬肉.⭕️m5熱狗拼薯條💰$52👧🏻💬上枱熱辣辣，個熱狗包是脆的，有烘過，好正！個醬夠晒味，我覺得相比Pizza 更正。.⭕️麻辣烤雞💰$21👧🏻💬個皮好脆好Juicy ，雖然相比之下個雞髀咁細有啲貴，但真心推介食一次！好正！麻辣有點似譚仔，但唔算好辣十小都冇。.#土瓜灣 #土瓜灣美食 #美食 #下午茶 #香港 #熱狗 #薯條 #雞髀 #多汁 #日常 #打卡 #拍拖 #pizza #yummy #frenchfries #tea #teatime #time #daily #food #foodie #good #happy #juicy

🔆午市套餐小食可選炸雞🍗、薄餅🍕、炸薯條🍟、蒜蓉包🧄。⚠️著校服減$5❣️🍕千島海鮮迷您批 $58第一次見心形嘅薄餅💓 真係好令😆 呢間公司都幾有諗頭😌 心形薄餅係售完即止⚠️記得要問下佢！味道唔差，同Pizza Hut嗰啲有得比，材料都好豐富👉🏻有洋蔥🧅蟹柳、魷魚🦑蜆肉、千島醬等等，以呢個價錢嚟講唔錯🫶🏻🍛是日午餐飯 $55今日係炸雞黑椒豬頸肉飯，黑椒汁好夠味😋配料有蘑菇🍄、粟米🌽、芝士🧀，豬頸肉分量都好多，啖啖食到🤩仲有舊炸雞胸肉，超脆！！好邪惡！小編最緊要係多汁送飯😂味道唔錯！🍗招牌炸雞炸得脆卜卜，好邪惡😋

作為一個芝士狂迷，最近見到Anchor出咗個Pizza芝士拉絲活動「 #安佳薄餅拉絲挑戰 」，嘗以Anchor芝士整嘅芝士，將芝士拉絲拉到10cm以上，即送精美環保袋一個，反正成日食Pizza，當然順手挑戰下啦！😆今次我就嚟到土瓜灣嘅Pizza店 #薄餅怪獸 挑戰！呢間店嘅Pizza，由麵糰混合、發酵、磋製均係手工製作，食上口份外鬆脆，麥香濃郁！✦ 千島海鮮 HK$68（6寸）🍴4.5/6由於只有我一個，揀咗個6寸細Size Pizza， 如果揀細批，只可揀厚批底！雖說是厚批，但個人覺得好鬆較，餅底空氣孔平均，帶有豐富彈性，好食👍此外，Pizza除了海鮮，仲放滿六式芝士，當中當然包括了Anchor芝士，超足料！今次我就將芝士拉絲拉到10cm以上，店員仲趕緊搵把間呎拍埋嚟，輕鬆成功挑戰！😍 開心仔！✦ 檸檬蜜糖雞翼 HK$33（4隻）🍴4/5雞翼烤得香脆，內裡多汁，加上酸甜清新嘅 檸檬蜜糖醬，好開胃！🤩

平時吃pizza最喜歡那滿滿芝士、極邪惡的拉絲效果‼️😉 最近參加了安佳薄餅拉絲挑戰(ᴀɴᴄʜᴏʀ ᴘɪᴢᴢᴀ ꜱᴛʀᴇᴛᴄʜ ᴄʜᴀʟʟᴇɴɢᴇ)🧀🧀 只需於𝟭/𝟱/𝟮𝟬𝟮𝟮–𝟯𝟭/𝟱/𝟮𝟬𝟮𝟮到指定餐廳ᴏʀᴅᴇʀ指定使用ᴀɴᴄʜᴏʀ芝士製成的ᴘɪᴢᴢᴀ，即可獲得ᴘɪᴢᴢᴀ ᴛᴏᴛᴇ ʙᴀɢ及寶麗萊即影即有照片‼️📸 挑戰者拉出的芝士拉絲達到指定長度，更可獲得由餐廳送出優惠券一張‼️💌 快點相約朋友一齊來玩吧‼️🫴🏻▫️❥$𝟭𝟱𝟵 千島海鮮批🍕 此款ᴘɪᴢᴢᴀ由ᴀɴᴄʜᴏʀ芝士製成，熱氣騰騰時可拉出長達20ᴄᴍ的拉絲效果‼️😚 厚實的餅底帶點脆，喜歡那口感‼️🫦▫️❥$𝟲𝟯 檸檬蜜糖雞翼🐥 甜甜的雞翼大概無人不歡吧😉 肉質也很嫩滑‼️▫️❥$𝟲𝟰 海鮮闊條麵🍝 材料跟ᴘɪᴢᴢᴀ大同小異，口感ᴄʀᴇᴀᴍʏ‼️

從屯馬線開左真係多左機會去土瓜灣🤓.除左Cafe土瓜灣仲有唔少本土小店值得支持.搵到一間標榜每日新鮮手製餅底Pizza店🍕👨🏼‍🍳 見到Anchor同Pizza Monster搞左個出左拉絲挑戰.唔知用Anchor芝士做拉絲唔知係咪易D呢😲平時小妹去食Pizza都想影相拉絲相🥺但真係好難影!!今次有餐廳影埋即影即有做挑戰記錄.重有個Pizza Tote Bag🍕好似一個Mini Pizza 包裝有心思~➿ 12吋加州風情揀左大批~拉絲效果比顯D.一上枱就試下拉🤩🤩🤩效果好正好邪惡厚🍕Pizza批口感非常鬆軟.口感鬆化有麵包感.批底香脆.材料都料.➿ 台式辣味炸雞 炸雞係即叫即炸.雞皮炸得非常脆口.份都幾量大件好有肉汁咯嫌唔夠辣🌶🌶🌶但值得一試.➿ 葡汁雞皇焗飯小妹本身好鐘意食焗飯.尼到既焗飯價錢親民.而且椰汁味好香🤤🤤好多雞肉.如果可以再焗燶啲就更好➿ 黑松露芝士焗啡菇 朋友叫既大啡茹~價錢比其他小食咯貴.但本身🍄成比本較貴所以價錢味道都係水準之上.黑松露醬架芝士同啡茹味道好夾近年有唔少人都肯花錢喺飲食上面.高級連鎖餐廳.花巧食物都越來越多.係小區內搵到一間親民價.用心制作既餐廳.都可

舖面位處三間小學斜對面，挺方便學生哥，見在場也多是青少年，並且難得近土瓜灣站出口夠方便。餐枱夠大，而且中間是一列長枱，方便一大夥人。挑了旁邊較自成一角的可坐六人卡位。挺肚餓，也等不及2點半下午茶餐牌，來些散叫。先來的兩杯凍檸檬茶，甜味和平時飲的不同，朋友稱有點似黑糖味，飲來較清甜不澀。接着來的蒜蓉包沙律，蒜蓉雖不算很濃烈攻鼻但很香很脆口，火箭菜、羅馬生菜、紅毛菜等等鋪滿整碟，菜新鮮乾淨。炸雞給了雞上髀及雞搥，雞上髀去了大片骨，雞皮極脆灑了點香草碎，在枱放了五分鐘才吃，嚙開內裏還是出煙。喜孜孜是那見那心形薄餅，挑了星級夏威夷，除了火腿、菠蘿外，還有些水蜜桃點綴，甜甜的襯住鬆脆薄餅底，清新味蕾，挺合此等翳焗天氣吃。坊間薄餅店就算是細批也還是大大份，此處小巧夠料方便人少少吃一個或人多可試多幾款其他。

呢間之前見好多人排隊，所以一直冇去食，今次見到人多所以就決定去試吓～朋友叫咗杯凍檸茶都幾大杯，我就揀咗羅宋湯，都幾多料。因為覺得食pizza同埋炸雞好邪惡，所以叫咗一份沙律。佢嘅蒜蓉包都唔錯，又唔會好乾身，少少脆口咁，佢嘅油醋汁調味調得幾好，成個沙律好清爽，好啱解漏。之前聽朋友講話佢個炸雞好好食，所以今次叫咗兩件，一件係雞髀，一件係雞胸。我覺得佢同KFC炸雞有少少似，但係佢炸得更香脆，又唔會太厚粉，仲保留到肉汁，呢個我會再叫。最後叫咗個星級夏威夷嘅細批，估唔到佢都幾有心思，係一個心形🧡。我幾鍾意呢種厚度嘅Pizza，佢上面除咗菠蘿之外仲有蜜桃，口感豐富得來更鮮甜，同千島醬好夾，如果大家鍾意食菠蘿Pizza，呢個可以試吓。其實我覺得佢啲Pizza口味都好多，不過真係一次試唔晒🤣，下次再試吓其他啦唯有。

屯馬線嘅通行的確方便咗阿叔再嚟土瓜灣搵食，呢區除咗新開唔少咖啡店外，其實本身都有好多價錢親民又富有特色嘅小店，今次同啡友下午茶前就嚟幫襯吓附近嘅小店先！ 呢間小店打正旗號賣薄餅，一場嚟到唔係唔叫番個食呀嘛！呢度嘅薄餅用上Anchor嘅芝士，Anchor嘅牛油食得多，但佢哋嘅芝士都係第一次聽。剛好小店為推廣Anchor嘅芝士，特別舉行咗別開生面嘅比賽 - 拉絲挑戰，只要拉出15cm嘅芝士，就即可獲得限量Anchor tote bag一個同埋優惠券一張。食得又玩得，真係啱晒我哋呢班芝士迷。 加州風情薄餅 (12”：$148)，比起宜家一啲新派、創意十足嘅薄餅，其實阿叔更愛用上傳統、簡單嘅材料，呢個加州風情除咗菠蘿、栗米、火腿、洋蔥外，仲有勁多芝士，只要輕輕一拉，要做出好似平時睇電視廣告咁澎湃嘅拉絲效果真係絕對無難度。 招牌炸雞 ($20/件)，即叫即炸嘅炸雞，炸粉夠薄，雞肉肉質都夠嫩滑，比起當當同叔叔嘅肉汁更多。 黑松露芝士焗啡菇 ($86)，掌心咁大嘅大啡菇菇味濃郁，又夠多汁，加上黑松露同芝士更邪惡！

九龍區要搵間高質素嘅Pizza店🍕一啲都唔容易，今次經過土瓜灣馬頭圍道，發現有一間平民Pizza小店，但係都幾多街坊幫襯，甚至好多都係一家人男女老幼一齊食！呢間薄餅店同好多傳統連鎖店唔同，佢哋嘅Pizza餅底原來係每日新鮮製造，同埋價錢好公道，最平$68就有一個6吋批，中批同大批仲有得揀厚薄添！今次人少少，就嗌咗一個細批（$68）、兩件炸雞（$20/1）、同埋一個長通粉（$56）。佢哋嘅「怪獸多寶」批（其實就係雜錦批）好足料，而且最重要係芝士份量十足，雖然睇餐牌相入面嘅心形❤️咁吸引，但味道絕對好過市面上大部份連鎖，加上九龍區唔似港島咁隨時都有西式Pizza選擇，絕對係滿足咗一班街坊嘅口腹之慾。而要重點推介嘅反而係佢哋嘅炸雞，超juicy同超脆口，調味亦都好適中，難怪係佢哋嘅招牌菜，真心好食過KFC好多倍！另外嘅吞拿魚焗長通粉都唔錯，雖然個人prefer焗得再乾身啲，但勝在醬汁份量夠，唔會食到一半就變咗齋通粉。味道: 🌕🌕🌕🌕🌘服務: 🌕🌕🌕🌕🌘環境: 🌕🌕🌕🌕🌘價錢: 🌕🌕🌕🌕🌘－－－－－－－－－－－－📍薄餅怪獸 Pizza Monster土瓜灣馬頭圍道418號樂意居地下2號舖－－－－