薄餅怪獸

Open Now

Now Closed

呢間之前見好多人排隊，所以一直冇去食，今次見到人多所以就決定去試吓～朋友叫咗杯凍檸茶都幾大杯，我就揀咗羅宋湯，都幾多料。因為覺得食pizza同埋炸雞好邪惡，所以叫咗一份沙律。佢嘅蒜蓉包都唔錯，又唔會好乾身，少少脆口咁，佢嘅油醋汁調味調得幾好，成個沙律好清爽，好啱解漏。之前聽朋友講話佢個炸雞好好食，所以今次叫咗兩件，一件係雞髀，一件係雞胸。我覺得佢同KFC炸雞有少少似，但係佢炸得更香脆，又唔會太厚粉，仲保留到肉汁，呢個我會再叫。最後叫咗個星級夏威夷嘅細批，估唔到佢都幾有心思，係一個心形🧡。我幾鍾意呢種厚度嘅Pizza，佢上面除咗菠蘿之外仲有蜜桃，口感豐富得來更鮮甜，同千島醬好夾，如果大家鍾意食菠蘿Pizza，呢個可以試吓。其實我覺得佢啲Pizza口味都好多，不過真係一次試唔晒🤣，下次再試吓其他啦唯有。