脆意雞 (Closed)

我於6時致電叫外賣 店員告知需時1小時15分鐘我再於7時致電 店員說外賣司機已出車我再於7時45分致電查問為何仍未送到對方說司機不懂路線 我再於8時致電 店員說司機搞錯order如果你想等3小時才食到 歡迎試試未試過如此憤怒 6時已經是很早的時間竟然等兩個小時都未有得食呢間公司係點樣做生意？已經不是一次 如果你做唔到外賣就不要做接多多order都無用啦 根本應付唔黎真心以後俾錢我都唔會食你呢間野不知所謂！！！！！

炸雞，除左大型連鎖店-肯x基，都想食下其他既，好耐之前黎食過，覺得唔差又抵食，今次番尋味⋯⋯點知就係伏既開始價錢你好平，三十幾四十蚊，當然唔預質素可以點好但食落質素真係差到呢炸雞又干又油，冷藏味還在Pizza包厚料少白汁無味，撈落意粉又怪，賣相又唔好真係幾十蚊都唔抵食餐廳環境又唔整潔不會再去

窮妹識食緊係5:55下午茶當夜晚飯食tea set是日精選+小食自選+湯$29菠菜龍利柳焗飯菠菜好似幾塊零落既菜葉 魚柳同炒飯底都唔錯 係錫紙盒邊既飯較為乾身姐正正常常啦什菌芝士忌廉意粉醬汁算ok濃但偏小唔太多撈意粉 麵條再硬身些會更好肉醬烤腸原先以為係台式烤腸 原來係脆皮腸仔×6lol 不過肉醬幾好味 是日pizza:粟米煙肉千島醬pizza藕斷絲連既芝士 酸甜開胃既千島醬 超甜粟米 微脆既批邊... 其實好抵食 份量都唔小 兩個人食到飽曬 ps小食有11款揀 炸雞,窩夫,脆薯王... 認真以咁既價錢已心滿意足 不能要求太多

星期日係度食下午茶，好耐冇食過佢個炸雞啦！當佢黎第一份時，我已經失望左，擺碟美唔美觀已經唔洗提，炸雞好細舊，多炸粉、又炸得過火左同偏咸肉醬螺絲粉既味雖然正常，但肉醬太多菇 (變左菇醬)檸檬蜜糖雞翼個汁冇乜檸檬味，似自己去BBQ燒雞翼，然後揸上蜜糖既味道；件pizza雖然幾好食，但點解要煎過呢？

已多次光顧這間薄餅炸雞專門店~ 原名為芝脆雞，最近改名為脆意雞，食品亦隨之比以往更多元化，例如多了烤雞、沙律、芝士蛋糕和多款特色小食等~今夜點了墨西哥香辣迷你薄餅、炸雞拼燒雞和百里香燒排骨~薄餅批底比大型連鎖薄餅店的來得香、鬆、脆，雖然是迷你批，但餡料同樣豐富，讚 首嚐它的烤雞，皮烤得薄脆不油膩，肉質保持嫰滑多汁，但個人略嫌偏鹹~炸雞炸粉香脆不會過厚，同樣肉嫰有汁，不像大型連鎖炸雞店那些乾身鞋口的雞件 排骨燒得剛好，肉質仍保持粉嫰，肉汁豐富，夠香口惹味，不遜於其他西餐廳貨色~ 可惜是晚伴碟的薯角失手了，腍而不脆，可惜 堂食一個二人餐才不過$115，包兩杯飲品/餐湯，比大型連鎖店便宜，但質素卻過之而無不及，雖看似街坊小店，但出品有誠意，會繼續光顧