PizzaExpress (荃灣廣場) (Closed)

終於有機會食呢間既午餐，相比晚餐，午飯價錢抵更多。。。午餐set選餐分3個步驟1 前菜 2 主菜 (半份，可加錢變全份)3 飲品同時亦可加錢配小食，甜品今次揀左小麵包粒及煙三文魚作前菜麵包粒有驚喜，煙靭有彈口，趁熱食最可口。煙三文魚得一片，配火箭菜及小葱頭，一同夾上吃，爽口之餘，會減了火箭菜的苦味。主菜揀了最平的薄餅及蟹肉白酒意粉薄餅有蕃茄和芝士，沒有肉類的油酥味，反而更能吃到薄餅的香脆及清新味道。蟹肉白酒意粉比較失色，味道其實不錯的，但預計到沒有驚喜。飲品揀了乾薑水。。。甚麼來的呢？原來是薑啤 dry ginger ale加片檸檬，一減乾渴燥熱，Good主菜只要半份，寧願加錢要小食雞翼有3隻，抵丫，味道中規中矩食物基本上滿意，價錢尚可，但服務真有待改進。。。接待的那位，可能是新人，拿餐牌都執左幾回都未執齊，幾枱客人就在門口等待帶位我亦點了coke zero,但上菜卻是regular coke,以為自己點錯，跟同行相討時，侍應生真的好專心，沒有偷聽我們對話，見沒所謂，因此沒有要求更換。環境其實不錯，座落落地窗邊位置，置身室內郤望街景夠開揚，黃昏時更美。

抽到商場$50pizza express餐飲券，於是同女友到此試試薄餅。這是第二次光顧此餐廳，上次因為喉嚨痛，没有食到薄餅，只試到意粉，可惜。點選了二人晚餐，內容有意式焗肉丸、主廚精選沙律、皇后薄餅和兩罐可樂。肉丸配合麵團一起吃，味道不俗。沙律內容豐富，味道可以。主角薄餅出場，薄餅脆、味道出色，好吃過pizza hut 的，唔會覺得食完一片薄餅好飽，絕對係新的體驗。

星期六同老婆行街，係度食咗餐晚飯，由坐低到食完野前後一個鐘左右，杯飲品都未飲完，即攞張單擺係枱面暗示叫客走人. 500 蚊加一食快餐.這樣的服務態度令人極度反感絕對冇下次！

7月1日大概6點45分黎到，要等位11張飛~荃灣廣場假期間間都需要等!大概等左1個鐘，終於有位喇~兩公婆加心肝仔~叫左2人set($298)加1個兒童餐($89)2人set, 有頭盤，沙律，pizza或意粉，2杯飲品我地揀左pizza, 追加一個意粉兒童餐係果汁，pizza或意粉，甜品， baby chino肉丸（牛肉）加麵包粒粒，茄汁好惹味，麵包粒粒暖笠笠~沙律，裡面雞肉都幾滑！好多芝士~羅勒醬意粉~夠林，2歲小朋友食到！因為心肝仔唔好雪糕~ 我倆食埋~ 意大利雲呢拿雪糕~其實我地都食得7788，我話仲有阿仔杯野飲未黎。老公話下？咁多野架咩？飲左橙汁喇喎，仲有？唔信你睇下！一杯迷你熱朱古力配小餅乾~阿仔又係掛住玩唔飲唔食啦！我地又飲埋佢！好似M記果D咁~周圍都好多一家大細用餐，有BB椅，小餐具~我會再帶阿仔黎開餐~

整體上食物味道ok，但上菜很慢!叫了波隆拿肉腸薄餅，上面的火箭菜很污糟，很多被蟲咬的洞，服務員說來貨已經係咁, 而且已經挑選了比較好的，也用洗菜粉洗過，可以放心食用甜品brownie 比較滿意

Not my first time at a Pizza Express, absolutely disappointing service at this branch. Took half an hour for our chicken wings 'starter' to come out. Two of our 3 mains came out about a minute after. The kicker is, it took another 40 minutes for our third plate of pasta to be served!! 😡 when asking our server about the chicken wings, the initial response we got was, 'it takes time in the oven and we need to be sure the chicken's cooked ...' 30 freakin minutes?! As for the third plate of pasta, w

星期日同老婆行街，餓餓地又累想坐陣。行過見到環境不錯就入去坐得舒服，侍應服務不俗因為唔想食咁飽所以叫了以下幾款南瓜蓉波波球侍應一早提醒南瓜蓉是凍的入口時凍的蓉加熱的波波在口中交織衝擊的口感，作為第一道開胃菜非常好凱薩沙律咸度適宜兩件軟長飽咬下鬆軟四重芝士薄餅因為唔想食太多肉就叫了這款芝士不太咸醬汁較濕不會又乾又硬，吃下時熱呼呼的很過癮。檸檬茶是可以不停refill，當然不要因為咁就格硬飲太多呀價錢比其他同類貴少少但環境招呼已不同

某日去荃灣 pizza express 食個下午茶，相比一年前，有d嘢食嘅份量真係變天，雖然百物騰貴，但我情願你加價，都唔好將貨話價，況且，麵粉值咩錢，段估佢都唔會用有機靚麵粉，話說嗰日點咗個二人套餐，有一個風都吹得起嘅雜菜沙律，一個" 八粒大細不一超迷你一口麵包球仔配牛油，感覺好似係用剩嘅麵糰唔好浪費，搓埋嚟賣 " , ( 要聲名，呢個餐我一年前食嘅時候係 size 好平均，配三文魚醬，好有heart , 但係喺元朗嗰間食 )，醜到我無胃口影佢，個 pizza 係最正常嘅，有兩個 soft drink ，食完兩個係無四成飽😢好慘

本身係pizza express會員，一直都覺得佢地係西餐黎講係比較有特別，適逢生日月收到email送鮮果奶油蛋白餅一個（$98），所以今日同朋友嚟咗食呢間應該係新店，見裝修都好新淨，坐位都好舒適，分隔得好開是日凍檸茶無限添飲朋友既熱檸水，小茶壺好精美我地叫左個四人套餐，2個頭盤，2個pizza+1個意粉，4杯飲品唔同出面一般既蒜蓉包，個人認為幾特別可惜3個有1個燶左中間點焗士芝蘑菇汁好香，想一點再點，既麵包都好鬆軟，呢個推介卡邦尼意粉，不過不失PizzaExpress好多菜式都鐘意落火箭菜，我個人好鐘意呢個忌廉肉腸pizza，好似肉粒多d喎+25 Upgrade既海鮮pizza，賣札麻麻，睇佢薄薄地D料好似唔太多，但咬落有驚喜，好香海鮮味，推介值得一讚既係，食完主菜後，店長(?)主動問我地食物合唔合心意，亦留意到我地食剩蒜蓉包(燶左..)，比我哋任揀一個甜品補返，我覺得呢種服務態度好好，本身我地都冇話會投訴，但做多個動作大家都食得開心我地揀左滋味brownies，好味既brownies比上層既雪糕整腍左，更易入口生日送既鮮果奶油蛋白餅，中間係香脆到要敲爛既蛋白餅，個人食唔到咁甜，外層

食物以這個價位只算一般，今晚帶著兩個都不足十歲的女兒食晚餐。食量一般的兩個女兒都不夠飽，兩個兒童餐的肉醬長通粉和白汁意粉都要等20分鐘，我點的Risotto更等超過30分鐘。侍應毫無反應，不會再光顧。

喜歡pizza express 都好幾年，但愈開愈多既時候難免水準會有參差，荃灣呢間叫做新鋪，一於試下啦！set lunch 係抵食既，有前菜，主食同野飲，美中不足係飲品只可叫汽水，轉咖啡都要加$。pizza 點了最簡單既，意粉就加$叫了蟹肉意粉，兩款都好新鮮，味道岩岩好，希望佢可以保持住呢個水準啦！

年二十八係屋企大掃除，攰到不得了，決定今晚出街食餐好，獎勵一吓自己噤勤力，去咗屋企附近嘅荃灣廣場，間間餐廳都好多人等緊位，諗住去第二度搵嘢食，點知比我見到新開嘅Pizza Express，就決定外賣個薄餅返屋企慢慢嘆。叫咗個魔幻玫瑰薄餅，有煙肉，雞肉，辣肉腸，帕爾馬火腿，羅勒，當然唔少得嘅芝士同番茄醬，等咗十分鐘，熱辣辣香噴噴嘅薄餅有得攞，隔住個盒都鬼禁香，嗱嗱聲行快兩步，返屋企食。返到屋企仲熱熱哋，餅底好薄好脆，入口好鹹香，因為有辣肉腸，仲有少少辣辣哋，加埋芝士同番茄醬，超好味，不過我覺得如果個餅底可以厚返少少，會更加好食，口感會更好。

之前見到新開左pizza express, 立馬同D friend 去試一下！Order 左二人歺，upgrade 左appetizer and main course, 唔⋯appetizer ok 但其他一般…

今日lunch到荃灣廣場，試試這間新店。我們四人吃了四個套餐。面包微暖、鬆軟。蕃茄湯蕃茄味濃，但有點酸。卡邦尼意粉，有水準。沙律清甜，面包香口。芝士味香口。餡料較少。

上星期日在yoho mall的分店食聖誕餐時想起行過荃灣廣場門口記得 pizzaexpress 準備十二月在此開張，所以send email 問推廣部的姐姐有冇開張活動，沒想到巧合地在今晚進行開張前試食，好開心第二次在分店開張前試食呢間分店的卡位令我諗起上次在vcity分店試食當日的瘀事(>﹏<)開放式的廚房設計令客人清楚薄餅的制作過程外，最重要係大家感到好似在家享受一樣，好多外國人喜歡開放式廚房，就係令食的人用心感受煮餸者如何用心整食物(^_-)pizzaexpress 每間分店設計各有特色，去咗六、七間分店享受過的我感覺唔會悶，看得出設計者的心思~~~跟上次試食一樣，餐牌主要係一人餐或二人餐，今次只係帶昕昕和爸爸一家三口食，所以只叫兩個一人餐就足夠了~~~依家 pizzaexpress 有熱茶供應，令不想飲凍飲的我感到非常開心，始終女性少飲凍飲為妙*^O^*頭盤的蒜蓉麵包好好食＼(^o^)／昕昕好主動咁去食，仲好乖咁食晒Y(＾_＾)Y另一個頭盤係焗磨菇芝士沾醬，呢個醬係我其中一個最喜歡的醬＼(^o^)／卡邦尼意粉都好好食忌廉肉腸薄餅真係好食，主因係我唔太好蕃茄，加上