Plato Cafe & Bistro (吳松街)

今日喺九龍公園附近練完水就搵食，結果就去試一下呢一間cafe,裝修佈局都睇得出係應該有一段歷史。入到去點咗兩個餐，分別係西班牙海鮮飯同埋意大利芝士雲吞。兩個餐都會附送一個甘筍湯，個湯係幾面滑幾好飲嘅。先上菜嘅係意大利芝士雲吞，因為食落去冇乜特別都冇唔記得影相，純粹同平時食嗰啲中式雲吞唔同囉，係包住芝士餡料，食落去覺得正正常常又唔係話特別好食，同埋啲雲吞絆住啲蕃茄醬酸酸甜甜，不過不失，正常發揮。所以之後對嗰個西班牙海鮮飯都冇乜期望，但食落呢點知係超出預期，同我之前喺西班牙食嘅係完全唔同，佢唔係嗰啲黃色飯，我覺得佢仲好食過西班牙當地🤣第一啖飯食落去覺得好香，應該係用咗啲蝦湯去會個飯，食到超重蝦味，濃濃嘅海鮮味。跟住海鮮部份，有墨魚青口蝦，其實同飯嘅味係完全唔同，啲海鮮就全部係有烤過，有胡椒同埋啲鹽佢調味，蝦啲肉質都爽甜，雖然調味唔同，但係唔會話同個飯有好大衝突，成件食物我就覺得係各自發揮。同埋可能同個意大利雲吞對比比較大，所以可能覺得仲特別好食。所以呢間餐廳我有機會會再幫襯試吓其他嘢

🍽 - 西班牙黑豬安 配蘋果蓉意粉 🍝: 細緻的西班牙黑豬安，非常厚，口感一流，又非常有份量。與蘋果蓉意粉完美融合，帶來奇妙的口感和風味。- 澳洲肉眼牛扒 配紅酒燒汁薯條 🥩: 厚切澳洲肉眼牛扒搭配香濃紅酒燒汁和香脆薯條，每一口都散發著滿滿的滋味。- 加配了: 日式魷魚鬚 🦑: 新鮮的日式魷魚鬚，酥炸得鬆脆，提供了獨特的嚼勁和鮮美的海鮮風味。- 北海道帶子沙律 🥗: 北海道帶子沙律清爽可口，帶來令人愉悅的開胃體驗。☕ 飲品: 凍美式咖啡 ☕: 醇厚的咖啡香氣搭配清涼的凍冰塊，絕對是消暑的最佳選擇。🍰 甜品: 麻糬千層酥盒子配雪糕 🍦: 酥脆的千層酥，層層口感👍🏻👍🏻搭配綿密柔滑的雪糕，享受甜品的完美結尾。🌟 🌟 🌟 🌟其獨特精緻的西餐料理。每道菜品都散發著獨特的風味和美感，給人一種高雅、美味的用餐體驗。無論是主菜、配菜還是甜點，都精心烹製，讓人回味無窮。🌟🌟🌟🌟

今日夜晚突然想食西餐😛見到呢間餐廳咁多好評係個唔錯嘅選擇👍🏻見到佢有個二人餐價錢合理CP值好似好高就試下❤️真係幾有質素好適合兩個人嚟約會試吓🥹⭐️ 日式天婦羅魷魚 🦑魷魚鬚炸得脆卜卜充滿鮮味🌊加上日式嘅調味更有風味🇯🇵⭐️ 是日餐湯 🎃南瓜湯一飲落去好有幼滑嘅口感🧡配上黑椒嘅點綴有層次🌶️⭐️ 北海道帶子松露野菌意大利粉 🐚帶子口感好飽滿好新鮮💙松露同野菌嘅醬汁口味都好突出食落好Creamy🍄⭐️ 炭燒澳洲肉眼牛扒 🥩肉眼用料唔錯咬落去Juicy有肉汁🇦🇺 簡單配上燒汁調味已經食到肉味既香濃🔥⭐️ 是日精選甜品 🍮我哋揀咗Cheesecake同埋Movenpick雪糕🍦Cheesecake夠曬幼滑甜度唔會太高值得一讚😜⭐️ 冰果茶 🍹⭐️ 檸檬茶 🍋餐飲特別推薦試吓冰果茶🍎消暑得來又有水果嘅甜度入口好清甜🥝

今日天氣好悶熱，同朋友由尖沙咀頭行到去佐敦尾，已經身水身汗，大家都想坐底飲杯嘢，涼下冷氣先。經過見到Plato Cafe，見門面都幾靚吓，咁我哋就睇下餐牌係乜價位先，發現佢哋精選2人晚餐都好豐富，價錢都OK喎，就決定由飲杯嘢升級到晚餐啦！我哋好快咁揀咗我哋想食嘅嘢。可能侍應知道我哋好熱，好快趣就嚟咗杯冰凍嘅冰果茶，飲落透心涼，果茶不太甜，帶有少少果味，成個人都舒服晒。然後就係南瓜湯同煙三文魚凱撒沙律，煙三文靚靚的捲成花狀，配上新鮮嘅沙律菜，睇到都心心眼😍。主菜我哋揀咗波士頓龍蝦龍蝦汁意大利飯及西班牙黑毛豬鞍架。龍蝦鮮味彈牙，配上充滿濃濃的龍蝦汁意大利飯，味道同口感都不錯。而豬鞍外層帶點焦香，肉質嫩滑，醮上甜甜的醬汁，好好味😋。食到呢刻都已經好飽，差點忘記仲有甜品，好彩揮手埋單時，侍應問係咪上得甜品，我哋先如夢初醒，好隨意的叫了芝士蛋糕及朱古力雪糕，最意想不到的是雪糕不是一球球的，而係一杯movenpick朱古力雪糕，非常喜出望外！

星期五放工當然係搵朋友chill 一 chill!! 今日就揀左係佐敦既cafe, 地鐵站行兩三分鐘就到，唔洗甘熱係街度搵😂😂叫左個498精選二人套餐，好抵！一個價錢有曬前菜，Main ，小食，甜品同埋野飲！正😳😎小食叫左天婦羅魷魚鬚，炸得非常香脆，炸衣有好多紫菜碎，本身已經好有香味，再配上他他醬，酸酸甜甜又幾正。份量好多，兩個人完全夠食！😎 另外仲有兩個餐湯，今日係蘑菇蓉忌廉湯，好香濃，仲食到粒粒蘑菇蓉，好正👍👍主食叫左一個扒一個意粉，兩個都好正！帶子黑松露意粉，帶子大大粒，煎到表面焦香而內里好juicy! 而意粉加上超creamy 既黑松露醬，好香滑好正😋😋意粉係彈牙既質感加上個醬夠香，真係每一啖超creamy 超正😱😎👍👍M8澳洲肉眼牛扒叫左5成熟，上菜個時嚇左嚇，塊扒好厚！火喉睇得出掌控得好好，表面係好靚既梅納反應，而內里係粉嫩既肉汁，大大件吃落完全唔軔。佢有連焗薯上，依個焗薯都好正，吃落有富有口感，加上有少少蛋黃醬增添左風味，食落好豐富！😎👍熱美式咖啡同埋英式奶茶，正常發揮。是日甜品 係芝士餅同埋雪糕，竟然係盒Movenpick 上😱😱 超級有誠意！芝士餅唔係個d 好重好膩既

放工想同朋友鋸扒就揀咗喺佐敦嘅Plato Cafe & Bistro💖 喺地鐵站出口出完好快就行到～ 喺大街地舖好容易搵到餐廳空間都算大 有大概20張枱～ 而且位置都幾闊落唔會話好迫🔥 一嚟到就梗係即刻叫嘢食💓 因為我哋想鋸扒就叫咗個$546嘅二人餐🥰 超級抵$526有齊晒 餐湯、前菜、主食、甜品同飲品🙆🏻‍♀️今日嘅是日餐湯係甘筍忌廉湯～口感超級棉滑❤️‍🔥 平時飲開南瓜湯佢個樣有少少似 但係個味道係有少少唔同 有甘筍嘅香味～ 加埋忌廉真係口感好好🥰飲品叫咗凍檸茶走甜同埋冰果茶冰果茶喺其他餐廳比較少見 口感甜甜地幾好飲🔥之後就上咗我哋嘅前菜 我哋今次揀咗蒜片白酒煮蜆🥳本身以為前菜會係凍食 點知原來係熱食 小驚喜😍 啲片好大粒 蒜片同白酒嘅比例啱啱好～ 會話超大浸酒味 但係又可以提香 啲蜆係好新鮮 完全感覺唔係冰鮮嗰種～主食方面 我同朋友都揀咗炭燒澳洲肉眼牛扒推薦五成熟👍🏻👍🏻 廚師真係煮得啱啱好唔會太熟！！入面都仲係紅色～ 塊牛扒唔會太肥 肉質都唔錯👍🏻仲會有一個薯菜 啱啱好補返啲澱粉質😆另外個沙律菜酸酸甜甜都好好味～最後就會嚟咗甜品～同朋友都揀咗朱古力雪糕 就唔需要再加錢啱啱食完啲鹹嘢

 plato cafe & Bistro : Plato Cafe & Bistro in Hong Kong isn't just a place to grab a bite; it's a symphony of flavors waiting to be discovered. The Sophisticated Smoker : My journey began with the Smoked Salmon Caesar Salad. Imagine crisp romaine lettuce tossed in a creamy, garlicky dressing, perfectly complemented by the salty smokiness of the salmon . A Pumpkin Dream :  The rich pumpkin flavor was perfectly balanced with subtle hints of spice, making it a warm hug for the soul on a cool day.Lo

難得夜晚行到去佐敦附近，就諗住求其喺附近搵間餐廳試吓，見到呢間評分都好高，又咁啱唔使等位，所以決定食呢間。結果可以話出乎意料之外好食，因為好多時候食Café都覺得味道只係正正常常，但係呢間我覺得係有俾心機落去食材到，所以先特登話係性價比極高。‣ 精選二人套餐 $498· 是日餐湯佢嘅是日餐湯係南瓜忌廉湯，第一啖飲落已經覺得充滿住奶香，但係你仍然會飲得到南瓜嘅甘甜味，飲落去真係覺得喉嚨好舒服，香醇柔滑，兩者平衡得好好。· 日式天婦羅魷魚佢嘅魷魚炸得相當香脆，而且唔會好油膩，食完唔會話覺得好拮口，同埋我諗佢嘅他他醬都幫咗唔少。比起平時嘅他他醬，我覺得佢嘅醬落檸檬汁都落得幾重手，但都正正因為係咁，所以食天婦羅嘅時候先唔會覺得好油膩，我反而都幾鍾意咁重檸檬汁嘅他他醬。而且你會見到佢嘅炸衣有紫菜碎混合喺入面，我覺得真係夠誠意。· 龍蝦汁波士頓龍蝦意大利飯本身我係諗住可能有啲龍蝦肉碎灑喺面，點知上枱嘅時候就見到半隻龍蝦擺喺上面，嗰下真係覺得呢個價錢冇得輸。龍蝦嘅膏好香，肉質算幾彈牙。佢嘅龍蝦汁我覺得都調配得好唔錯，啲飯粒食落幾綿密，每一啖都真係食到龍蝦汁嘅鮮甜味。睇住都幾大兜，但係食吓食吓都覺得幾

自己去開佐敦其實都係食嗰幾間，今日有地頭朋友帶咗我去童軍總會對面嘅一條橫街，原來有間西餐廳。前菜有忌廉蘑菇湯，蘑菇係水粒相，自己比較鍾意一片片嘅蘑菇，不過都不過不失正常嘅忌廉蘑菇湯。菠蘿牛肉漢堡($178): 漢堡包皮顏色係黑色嘅，但係食就食唔出有啲咩特別嘅味道，包皮香煎過所以更脆口，少少心思嘢。牛扒保留到有肉汁，而且新鮮煎出嚟仲係香脆嘅，而且配上菠蘿就冇咁油膩啦。薯條份量都好多架！BBQ汁燒豬肋骨($208): 要講吓汁嘅味道係教得幾好嘅，但但係今次嘅燒豬肋骨就好似有少少失水準，有啲位煎得比較韌，自己本身期待嘅係一切落去就可以即刻分離到嘅個種。飲品就叫咗冰果茶同埋美式咖啡，亦都正正常常，但係冰果茶唔算太甜，自己幾鍾意。總結：係呢個地段，又有一間裝修得幾好嘅餐廳其實已經好好，見到六點幾嘅時候都差唔多滿座。見到佢其實都花咗唔少心思喺裝修上面。我諗呢間餐廳比較適合一大班人食吓嘢傾吓偈，絕對可以坐得耐嘅餐廳。

之前食過呢間餐廳嘅lunch ，味道唔錯，知道佢晚餐嘅二人套餐幾抵食，今日就嚟咗試吓，叫咗個$498精選二人餐，有餐湯，前菜，兩個主食，飲品，仲有甜品，以市區黎講，呢個價錢係幾抵食👍🏻👍🏻餐湯無記錯職員介紹今日既餐湯係椰菜花忌廉湯，係幾香忌廉味，可能有椰菜花嘅關係，飲得出有蔬菜嘅甜味，但冇平時忌廉湯咁滑口冰果茶茶味有，唔會好濃好澀，飲落有少少桃香，甜度係平時叫少甜既水平，杯底仲有幾粒水果肉天婦羅魷魚鬚魷魚酥係新鮮炸，上枱嗰陣仲熱辣辣好香脆，炸衣唔算厚，亦揸得乾身，加上個有少少Wasabi味嘅沙律醬，食唔停口北海道帶子黑松露野菌意大利粉帶子兩面有煎香，生熟程度掌握得幾好，而意粉嘅硬度亦適中，意粉醬汁係忌廉黑松露口味，醬汁濃稠度啱啱好可以掛到意粉，所以每啖意粉都充滿忌廉黑松露嘅味道炭燒澳洲肉眼牛扒牛扒我叫咗五成熟，牛扒上枱切開都好對板，牛扒有肉既紋理，又香牛肉味同有肉汁，碟邊嘅配菜亦有質素，焗薯外表焗到乾身，中間濕潤，好香薯仔味甜品甜品我哋要咗一件蛋糕同朱古力雪糕，蛋糕係芝士蛋糕，都幾香芝士味，同平時餅舖食到嘅芝士蛋糕差唔多，而朱古力雪糕就係Movenpick

去開理大行番出黎食飯，之前都有過呢間的其他分店，呢間餐廳位於吳松街186-188號地舖，突破對面就係，今次就黎呢度食。揀左佢哋嘅$498兩人餐😆 呢間餐廳環境舒適，有2層，坐位闊落傾計一流👍煙三文魚凱撒沙律🐟🥗沙律菜新鮮，煙三文魚片切得厚厚3大片，鹹香味道同凱撒醬好match 🥗配上脆煙肉碎每一口都充滿咗清新+鹹香嘅味道，開胃又野味😆 配上香脆嘅麵包粒，口感豐富👍甘筍湯🥕🍲湯底濃郁，帶有甘筍嘅天然甜味，🥕湯內仲有細細粒嘅甘筍肉，食落去口感豐富，清甜野真係會開胃🤪波士頓龍蝦意大利飯🦞🍚龍蝦肉質彈口，意大利飯煮得剛剛好👍 汁唔淡，然後米粒吸滿咗濃濃嘅龍蝦汁😍 嗯… 係一個好正嘅選擇😆 龍蝦海鮮嘅鮮甜味道同意大利飯嘅香濃👍👍👍澳洲肉眼扒🥩🍽️ （五成熟）牛扒煎得剛好，外層有好靚的梅納反應，內裡嫩同多汁🤪 唔韌唔干唔柴😆 然後個牛扒嘅份量都幾大😍，兩個人分好開心。每一啖牛扒都係一種享受，值得推👍意大利芝士蛋糕🍰🇮🇹蛋糕質地綿密，芝士味道濃郁，但唔會太膩🍰食完主菜再嚟一件芝士蛋糕完美嘅收尾😆熱檸檬柚子茶🍋🍵飲咗熱檸檬柚子茶，🍋清新解渴

星期六晚都有一人晚餐,岩晒突然想食西餐既我。晚餐選擇都算多,我想左個Steak餐。餐湯係椰菜花湯,blend完後飲到椰菜花蓉。個steak都算大塊而且好lean,冇乜多餘既脂肪。比較中意個焗薯,係比較authetic既西式食法,有sour cream又有bacon chips,食到唔同既口味,salad本身既dressing酸酸地,比較開胃。餐飲我叫左個冰果茶,唔算太甜,好refreshing.讚!

放工想食個西餐chill下放鬆下，於是就揀咗呢一間鄰近地鐵站嘅西餐廳 - Plato Cafe & Bistro 🩷咁啱同朋友兩個人，可以嗌精選二人套餐$498，或者至尊二人套餐$546。如果同朋友都鍾意扒/肉類嘅話，後者可能更適合。不過我哋就嗌咗✨精選二人套餐✨，包括前菜、扁意粉/意大利飯、主菜、飲品同甜品，真係十分抵食👍🏻前菜中規中矩，蕃茄湯嘅味道濃郁，酸酸甜甜，仲食到少少蕃茄肉👍🏻。天婦羅魷魚香脆，但食落唔膩，值得一試。龍蝦汁波士頓龍蝦意大利飯龍蝦味濃，食落鮮甜彈牙。Risotto吸收咗龍蝦汁，又煮到粒粒分明，十分推薦👍🏻澳洲肉眼牛扒牛扒厚身又juicy，外皮焦香，肉質軟淋好容易入口。搭配埋醬汁揀直一流是日甜品：紐約芝士蛋糕芝士味濃厚，但甜道適中，食落唔會覺得膩。擺盤都好靚🩷另外二人餐仲包飲料，性價比十分高✨凍美式咖啡熱檸檬柚子茶

想食德國炸豬手又唔想去啲酒吧餐廳入面？成日經過佐敦吳松街都會見到呢間西餐廳入面坐咗唔少人，當中不乏唔同年齡嘅外籍人士，想靜靜地感受意式風情可以嚟到呢間Plato cafe and bistro今次我哋一行兩人本來想試吓好吸引嘅二人套餐，但係睇到套餐分量十足怕浪費食物，最後我哋決定叫一個德國脆皮鹹豬手同西班牙海鮮飯就夠喇，雖然得兩個菜式，但係份量一啲都唔輸蝕。德國鹹豬手上菜嘅時候店員已經為我哋切好，等享用嘅時候唔使太論盡，雖然切好咗，擺盤、溫度都依然保持到。通常好脆皮嘅鹹豬手會有一個通病，就係肉質會太乾，但呢度嘅鹹豬手就冇問題喇，咬落去表皮索索聲，配合埋酸菜一齊食中和返油膩感，而且炸到咁脆嘅豬皮下面竟然仲食到煙韌嘅膠質，值得一試。好味指數:🌕🌕🌕🌗🌑第二個菜式係西班牙海鮮飯，見到顏色方面已經同坊間嘅西班牙海鮮飯有所不同，聞落嘅味道充滿蝦油嘅味道，飯身濃稠得嚟唔會好淋，加入咗蕃茄、青椒同蘑菇亦令到海鮮飯清新不少，海鮮飯上嘅蝦肉無論大小同質地都有返咁上下好味指數：🌕🌕🌕🌕🌑食完呢兩碟菜式我哋都未夠喉，仲加咗兩杯特色飲品試吓，我哋分別嗌咗一杯芒果沙冰同埋雜莓奶昔，兩杯都充滿果味而甜味唔會好突出

打完羽毛球🏸速食Plato，坐梳化🛋️位，都舒服😌，餐湯蕃茄🍅忌廉湯🥣，個人❌，主菜share, D6西班牙🇪🇸海鮮飯🥘（$168）,似risottos，有蝦、魷魚🦑、帶子同青口，都好食😋，D5軟殼蟹 🦀 黑松露忌廉意大利🇮🇹飯（$158），好重黑松露味，好食😋，D9BBQ汁燒豬肋骨🩻($208)，BBQ汁酸，個人❌, D10德國🇩🇪脆皮咸豬手（$238），脆，大件，正😄，D11羊架7成熟（$238），冧，正👍🏻餐飲跟$32或下飲品🍸，我揀咗凍果茶少冰，有菠蘿🍍喺入面