梅 日本料理

Open Now

Now Closed

今日黎駱駝漆大廈三座食brunch 梅 日本料理 地方寬敞整潔 唔似其他日本餐廳的擠迫 今日點左兩個lunch set 一個特長鰻魚左口丼配雞肉棒 一個鮪魚中腹蟹蓋海鮮 lunch set例牌配上麵豉湯及沙律。意想不到鰻魚的份量比市面一般的日本餐廳多 對於我呢個鰻魚控 實在帶嚟驚喜 鰻魚暖笠笠 口感嫩滑配上香濃鰻魚汁 鰻魚飯除咗鰻魚 仲配上蟹籽 一啖飯裏邊夾咗鰻魚加蟹籽 真係絕配。另外一份鮪魚蟹蓋海鮮set 刺身新鮮而且份量充足 特別欣賞焗蟹蓋 濃濃的蟹膏配上蟹粉 味道一絕 大大滿足的午餐 性價比高 值得推介

今日黎駱駝漆大廈三座食brunch 梅 日本料理 地方寬敞整潔 唔似其他日本餐廳的擠迫 今日點左兩個lunch set 一個特長鰻魚左口丼配雞肉棒 一個鮪魚中伏蟹蓋海鮮 lunch set例牌配上麵豉湯及沙律。意想不到鰻魚的份量比市面一般的日本餐廳多 對於我呢個鰻魚控 實在帶嚟驚喜 鰻魚暖笠笠 口感嫩滑配上香濃鰻魚汁 鰻魚飯除咗鰻魚 仲配上蟹籽 一啖飯裏邊夾咗鰻魚加蟹籽 真係絕配。另外一份鮪魚蟹蓋海鮮set 刺身新鮮而且份量充足 特別欣賞焗蟹蓋 濃濃的蟹膏配上蟹粉 味道一絕 大大滿足的午餐 性價比高 值得推介。

話說因為陪男友打波，所以系附近搵餐廳🍴甘岩搵觀塘區就見到E間上去地方寛敞，適合聊天💬。服務員姨姨添水好服務。態度良好👍🏻👍🏻👍🏻野食方面，中規中矩，但係甘既價錢仲吾駛加一，有魚生，性價比高今次試左a1餐，三文魚厚，刺身ok,烏冬淡左啲。不過都ok另外叫左個薯餅，佢即炸上黎，我覺得幾好食，不過小心燙嘴。仲有幾款小食下次有機會去，會再試值得一試👍🏻👍🏻👍🏻👍🏻👍🏻如果大家來附近可以去下

我點咗個A3 火炙壽司連昆布烏冬Set Lunch。等咗5分鐘到，上桌。試第一口昆布湯，唔夠熱又淡如水；試烏冬，texture不錯的，但沒有湯底這個靈魂加持，抱歉只屬一般。試一口青瓜沙律，青瓜無青瓜味，唔知食緊咩，又係只有質感沒有食材味道。試一口壽司，火炙蟹柳壽司，除了火炙味，同面頭蛋黃醬有蛋黃醬味，食材都是無味的：蟹柳無蟹柳味，壽司飯又無醋味又無飯味。其後嗰一系列火炙魚類壽司，味道不能言喻，魚無魚味，點豉油，豉油都無豉油味。唯一好的是服務，姨姨殷勤有禮，不斷添茶。

駱駝漆咁多嘢食，但本人鍾情日本嘢，所以就揀左呢間黎試下。初頭見佢咁少LIKE, 都諗緊食唔食，門口望到入面仲要無乜人咁，差啲諗住掉頭走。但入到黎先發覺唔錯，價錢算正常，食物唔差，同環境都算中上，乾淨衛生，會播下日本歌。侍應態度都唔錯，仲問我地要唔要湯。試左個餐既火炙三文魚蟹籽飯，有湯有沙律有雞扒，另外仲叫咗個牛舌拉面，啲牛舌都幾厚，味道都唔錯。見間餐廳應該值多啲人，多啲like，特登入黎俾番個 LIKE 佢，希望會多啲人黎食啦

自從第一次嚟坐呢度食之後，基本上每兩個星期都會嚟食一次。員工好好，即使你喺佢哋食緊飯嘅時候嚟，佢哋都會即刻放低嘢食serve你，師傅即刻返廚房整，仲會叫你唔使唔好意思，非常attentive。食物嗌咗幾次唔同嘅嘢，都冇伏。魚生又新鮮又份量多，飯又粒粒分明，麵又爽口彈牙有質地，走青唔走青乜都得。你話好好食，又未到，但合格有突，擺盤都ok, 加埋份人情味，嬴咗好多餐廳。

去開觀塘駱駝漆大廈攞貨，順便尋覓一下附近的餐廳，夏天最想食壽司刺身最開胃，所以就揀咗位於第三期的日本料理餐廳，行到門面幾吸引，有種感覺唔似開喺工廈裡的餐廳。🍣⛩️🌸🥢✨ 三文魚腩拖羅蓉海膽丼（$128），丼飯的配料好豐盛，三文魚腩肥美、油香味重，粒粒馬糞海膽好甘香，拖羅蓉鮮甜香滑，再加上旁邊的甜蛋、蟹籽陪襯，令整碗丼飯的色彩生色不少，增加食慾，胃口大增。🍱✨ 整個套餐還有味噌湯、沙律和雪米糍，豐富又抵食。🍲🥗🍨呢份係其中一份午市套餐，剛好來到餐廳接近5:30，仲趕得切叫午市套餐。😄🙌🏼✨ 梅壽司盛盒（$139），是餐廳的招牌壽司拼盤，這個是全日餐的供應，同時也是店員最推薦最好賣的一個套餐。壽司8件、軍艦2件和炸蝦卷3件，樣樣有。壽司上的刺身（三文魚、吞拿魚、油甘魚和帆立貝）好新鮮，刺身和壽司飯的比例很好，刺身長身大片、壽司飯比例相對較少，一口一件很滿足。軍艦是辣味三文魚餡，好惹味。炸蝦卷的天婦羅炸蝦新鮮炸起，帶點微暖，卷物的飯沾滿粒粒的蟹籽和沙律醬，口感豐富。🍣🍤😋✨ 整個套餐還有沙律和雞肉棒。🍢🥗這個價錢刺身/丼飯，絕對是物超所值🥰🫶🏻

今日去觀塘搵野食☺ 我就去左梅·日本料理食dinner😍🍣三文魚左口蟹膏海膽飯勁豪華😳食落新鮮同美味🤤🍘梅壽司盛盒12件+蟹子沙律+雞肉棒串食落好豐富又好balanced😋仲有我最愛嘅蟹籽沙律🥗🥚北海玉子燒🤩好似日劇入面一樣咁濕濕滑滑，仲要配咗汽水飲品🥤哇，真係想減肥都難！🦀天婦羅軟殼蟹炸得鬆脆，而且食落唔會好厚粉！👍🏻等緊佢哋上菜嘅時候，就可以share埋你個心得啦~快啲去開餐啦，唔好等啦🩷

食物方面：-壽司盛盒：唔貴好抵食，款色多，刺身新鮮，味道唔錯😋👍🏼👍🏼👍🏼十分建議！-玉子燒：熱辣辣，陪上濃郁既芝士，好好味😋😋😋-煎薯餅：夠熱，好香，好脆！服務方面：好有禮貌，會主動加茶😆👍🏼👍🏼👍🏼環境方面：舒服性價比方面：好抵食！如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

又去駱駝漆覓食啦～～之前都係食開西餐、台灣菜、蛋糕上到11樓竟然有日本料理食🇯🇵🍱坐得好寬敞 壽司、刺身、丼飯都有🍣而且價錢都算親民 lunch 會更加抵食🩵📍梅壽司盛盒配蟹籽沙律、雞肉棒串 （$139）有三文魚、吞拿魚壽司、油甘魚、帆立貝、辣汁三文魚、炸蝦卷🦐擺盤出嚟好壯觀 樣樣都好想食👅全部都好新鮮🤤同埋好飽滿～我最鍾意食油甘魚 + 帆立貝夠大粒、又夠油甘香 好正🙌🏻Total 13件壽司其實都幾飽肚 有d滯🥲炸蝦卷香脆可口🍤另外仲跟蟹籽沙律、雞肉棒串🍗雞肉棒串口感幾好 有唔少雞軟骨粒🐔📍特長鰻魚左口魚丼（$98）鰻魚好大條 長過我手掌✋🏻口感都幾肥美 但未到好厚肉！左口魚滑嫩～仲有蟹籽+玉子🍳+洋葱撈埋一齊食好好食😋 基本上都冇點過豉油同Wasabi！！配上麵豉湯+蟹籽沙律+ 雞肉棒串🍗真係好飽好飽 ☺️ PS 加$5 可以有細枝支裝可樂🥤我飽到加唔到～

又去駱駝漆尋覓啦！ 這次與同事到梅 日本料理餐廳食午餐餐廳用膳人數都很多 滿座滿座除了正價餐牌外 亦有午餐優惠價錢低至＄69餐廳環境亦裝潢的很雅致木系風裝修 名牌很有日本風. ⋆_ᴛᴏᴛᴀʟ ᴏʀᴅᴇʀ__ ⋆🍛三文魚腩拖羅蓉海膽丼 $120 套價送沙律+麵豉湯超豐富 份量很足料有3塊三文魚腩 配拖羅蓉 點睛位是海膽呀！食材很新鮮 清碗之作😂.🍣 火炙壽司盛盒配昆布烏多9件火炙壽司🍣 款款厚肉新鮮火炙沙律醬 更添口再配彈牙烏冬 份量也足夠亦有沙律送 性價比都很高

間唔中都會去觀塘搵啲小店食🔍今次去「梅 日本料理」試下先😗.梅壽司盛盒配蟹籽沙律、雞肉棒串🍱有三文魚壽司、吞拿魚壽司🐠油甘魚壽司、帆立貝壽司🐚辣汁三文魚軍艦、炸蝦卷🦐全部都好新鮮🤤色澤均勻👍🏻油甘魚魚味甘香，肉質爽口😝帆立貝大粒，辣汁三文魚香辣惹味🌶️炸蝦卷香脆可口🍤雞肉棒啖啖免治雞肉🍗亦有唔少雞軟骨粒🐓附上麵豉湯同蟹籽沙律🥒🌽.三文魚左口魚海膽丼🍚三文魚厚切肥美🐟左口魚滑嫩😋海膽鮮甜💛另外，有蟹籽同玉子🍳配上麵豉湯同蟹籽沙律🥣🥗好足料☺️.天婦羅軟殼蟹🦀軟殼蟹外皮薄脆😆內𥚃嘅蟹肉同蟹膏都好鮮甜😛而且都幾大隻😍另外仲有茄子🍆番薯🍠南瓜🎃秋葵嘅天婦羅做配菜😌

放工去觀塘搵下好嘢食~ 之前見過人哋介紹呢間日本料理，好似唔錯喎呢到主打刺身丼飯~睇Menu圖片，每款都好吸引，好足料咁今次我嗌咗個丼飯，再加小食同握壽司三文魚珍寶帶子海膽丼(送沙律+麵豉湯) $134一上菜，忍唔住「嘩」一聲~有3塊三文魚，6片帶子，2片燒玉子同埋一大pat海膽。圖片同實物都無咩分別刺身味道鮮甜，份量都好足料，亦都夠厚身個海膽完全無腥味，食材都好新鮮，成個飯都食得好舒服啊~芝麻雞翼(2件) $28雞翼個外皮脆卜卜，但唔會有種油膩感，調味亦唔會太鹹每隻雞翼都厚肉嘅，呢個價錢嚟講都幾抵食炙燒左口魚裙邊壽司(2件) $22左口魚不嬲都係我最愛左口魚裙邊炙燒完，浸魚油香味真係好正呢間餐廳好值得encore嘢食質素真係無得彈~呢到仲好多款丼飯，下次會再嚟試下唔同嘢

週六一家休息咁就係駱駝漆大廈行下街順便買下日用品 夜晚我哋就諗住試吓朋友推介一間日本料理 ～ 梅·日本料理 我哋三個人 分別嗌左 軟殼蟹鮭魚籽三寶認真 真係好好食呀 好少餐廳會咁配搭價錢真係平 又食到飽☺️😍😍仲有一個新推出啲鮪魚中腹鰤魚赤海蝦丼口感一流 個中拖羅口感配搭日本生蛋黃好有層次感 大大啲赤海蝦肉質鮮甜同埋油甘魚同拖羅超正👍另外 我哋又嗌埋二款小食北海玉子燒 濃濃啲芝士香味 果然好吸引下＄48蚊 就有大大份4件白菜豬肉煎餃 ＄42蚊 大家不妨試吓啦另外佢哋都有午市套餐 價錢都勁吸引👍👍😍

今日一時癮起又想食日本嘢，就嚟咗呢間餐廳。餐牌上好多嘢望落都好吸引，價錢仲好合理添。我就嗌咗一份東瀛四品漁丼套餐。套餐包括麵豉湯同埋蟹籽沙律前菜小食。我嗌咗免治雞肉棒串兩串，免治雞肉配上日本生蛋黃，味道一流！芝麻雞翼炸得好脆，肉質又嫩滑。自家制芝士玉子燒好香，芝士味濃郁。東瀛四品漁丼入面啲海鮮配料非常豐富，有三文魚、吞拿魚、劍魚、甜蝦、三文魚籽同海膽。三文魚籽同海膽超大份，好新鮮，食落好鮮甜。