PM Fusion Cafe (Under Renovation)

老闆好好人，預早比我去簡單佈置下埸地👍今次25人生日會，選擇左set A, 其實已經好夠食，朋友們都讚食物好味，尤其係我upgrade左既牛肉丼，個汁好特別，唔係死甜，而單骨雞翼，薯條同餃子小朋友食得最多，另外沙律🥗，生果又新鮮，最正係老闆同小朋友玩Bingo送雪糕🍦，仲要係日本雪糕😍，見到小朋友追住老闆真係好好笑🤣總括黎講，場地，食物都好滿意，最緊要係大人細路都非常開心滿足❣️

同朋友去完觀塘海濱長廊，行返入去宏利大樓附近搵下野食，發現工廈之間有座新商廈，去睇睇有乜好野食，原來有間Cafe, 咪上去試下，地方環境不錯，簡約設計，感覺舒服及乾淨，試下食個吉列豬扒豬骨湯底既烏冬，加左杯ice mocha, 豬扒食落不錯，又嫩滑好脆口，Ice mocha 都不錯，我朋友就食左個吉列豬扒飯，佢都話，要讚一下服務不錯，朋友都問過可以包場攪派對，下次可以再試下食鰻魚飯或咖喱飯，真係要多d去支持一下小店!

聽朋友說牛頭角有一間日式餐廳pm fusion cafe的咖哩吉列豬扒飯很出名，但平日返工無機會試。剛知道6月份開始晚市營業，當然約埋朋友試下啦。原本目標是咖哩吉列豬扒飯，到咗才知只會午市供應。無問題，會安排星期六再來試豬扒飲，而今次山長水遠來到就試新野啦。我地3條老餅，叫咗2個定食及多款小食，定食就是安格斯牛扒定食及鳗魚定食，白飯改迷利牛舌飯。小食包括單骨雞翼、鵝肝多士每人一件及天使蝦2客。隔離枱話焗蠔好味，咁就直接每人追加多一隻，合共6隻。先講安格斯牛扒，服務員話係4大皇牌之一，我信。好Juicy重牛味，仲要比想像中大件。天使蝦正正常常，服務員話係刺身级但我分吾出，真心覺得跟虎蝦差不多。至於單骨雞翼，強烈建議不要叫，因為會好容易食上引。聽講話係自家制限量發售。好彩餐廳未有酒牌，否則一杯啤酒再加2客單骨雞翼就完美人生。回到現實世界，焗蠔又真係吾差，但如果可以再放多D芝士就仲好。而鵝肝，老餅同學話係咩智利貨，我年紀大少食吾識比意見。最後一道是蒲燒鰻魚及迷你牛舌丼一齊來。只能說：好味好味好好味。真係太好味。飲品就點咗3款不同顏色的乳酸梳打飲品，自己睇相啦。有送蛋糕但好普通不值一提。食得咁

上星期老細話做埋手上D野跟住同佢食下午茶，咁即係明示、暗示話客户急要資料。完成工作剛好三點鐘，老細帶我過對面一間日式餐廳pm fusion cafe食野。下午茶選擇不多，想同老細講轉場時，服務員話午餐可以再平$20.00。咁我就叫咗碗牛舌丼及湖水藍特飲。老細就叫咗個咖哩飯及普通飲品。等咗幾分鐘就有得食。一碗丼6片牛舌，中間仲有一粒温泉蛋，即時想起老婆，牛舌是她的至愛。回歸現實，熱辣辣的牛舌放入口，味蕾即時感受到又軟又滑的牛舌，D飯亦吾差，不過看價錢已知不是日本入口貨🤔🤔。白飯已清，當我準備食埋餘下的一片牛舌時，客户來電問長問短，老細同枱望住我，當然使出畢生功力回應客户，對方亦滿意答覆。繼續完成餘下的工作，打錯，亦食埋最後一片牛舌。可能放得太耐，涼咗有啲韌。吾理照扣分。仲有杯咩湖水藍，英文卻叫sky blue，少少九唔搭八。不過呢個唔係重點，最緊要杯嘢飲得就可以。話係乳酸飲品，個人感覺乳酸味不足，但影相打卡一流。下次帶埋老婆來試多次。補充：問咗服務員，佢話係日本品種中國種植，只有批發冇得零售。

同個女去完觀塘海濱公園玩行過上去試下，價錢唔平不過食物質素高，我自己就食牛肉飯，第一眼望落去仲有吉X家感覺，心諗，呢個飯收我成舊水想點，食入口就唔同講法啦，食得出係用靚牛，又夠淋又有牛味。阿女就食烏冬，成碗食晒，老婆就食大蝦意粉，賣相好靚亦都好好食。侍應睇落有啲新，不過好有禮貌，應該會再幫襯。

疫情困在家多時，終於可以堂食。早前見到細佬在社交平台分享一間新餐廳，食物相當吸引，於是決定和老公試一試。入到餐廳，員工親切地和我們打招呼，並協助我們完成安心出行和疫苗登記的程序。餐廳裝修簡檏，播著柔和音樂，很舒服。老公點的滑蛋鰻魚飯先上，鰻魚鮮甜肥美，洋蔥份量亦不少，好味。我點的咖哩吉列豬扒飯等得比較耐，原來是即叫即炸，難怪入口鬆脆，一個字。老公話，竟然在這家小店搵返當年第一次去日本食吉列豬扒飯的味道。這間新餐廳價錢合理，食物質素高，員工親切，可以列入飯堂之一。