寶蓮禪寺齋堂

Open Now

Now Closed

齋堂位於寶蓮禪寺隔離，有外賣區同堂食區。堂食劃一收費$150一位。越多人一齊食，佢嘅種類都會多啲。湯同飯可以無限添加。齋菜種類頗多，雖然味道唔會非常驚喜，都係平平實實住家菜嘅水準，但係勝在冇味精又唔油。自己最鐘意係檸檬雞，酸酸甜甜，齋嘅質感又幾滑。如果人多，會比碟鮑魚菇生菜，鮑魚菇味道好濃郁。另外可以無限添加嘅例湯底都飲得好舒服，就算冇肉都好夠味，而且冇味精味，又唔會好油。如果去開大嶼山一日遊，或者行山經過，不妨到寶蓮寺食吓齋。冇肉冇味精唔油，味道唔伏，健康又療癒嘅一餐。而且價錢又唔貴。環境： ★★★☆☆ 食物： ★★★☆☆ 性價比： ★★★★☆ 推介度： ★★★★☆

假期同媽咪嚟左天壇大佛 順便食下齋🌱旁邊嘅寶蓮禪寺設有齋堂 套餐四餸一湯 白飯任裝 健康豐富又飽肚💚.📌貴賓齋 $150/1〰️2人套餐〰️1️⃣古法老火湯-以粟米, 紅蘿蔔, 雜豆同果仁熬成 味道清甜富營養🌽🥕2️⃣脆皮春卷-炸皮金黃酥脆 蔬菜餡爽嫩清甜 平衡油膩感🫔3️⃣碧綠如意炒-有蜜糖豆, 榆耳, 蟹味菇, 蘆筍, 西芹, 三色椒同腰果 色彩繽紛 口感豐富 但茨汁杰左啲🌈4️⃣花菇扒時蔬-花菇厚肉嫩滑 生菜爽脆清甜🍄‍🟫🥬5️⃣寶蓮羅漢齋-有麵筋, 豆卜, 雲耳, 雪耳, 椰菜, 紅蘿蔔, 粟米筍, 蘑菇同沙葛 大雜燴乜都有 比坊間清淡 唔重口味🥘6️⃣絲苗白飯-粒粒分明夠乾爽🍚

阿媽最愛的齋堂 喜歡它們的素湯可以任添三個人 每人$150享用貴賓宴的3人套餐湯同飯可以任添 套餐包括了脆皮春捲 碧綠如意炒 花菇扒時疏 西檸鮮竹片 +$10有一粒芋餅全部都很好食😋份量都很多 可以吃到飽飽的超愛食花菇的我 真的超愛這間的花菇 彈牙 口感好鬼正🥹個炸芋餅都系好好食 但有d漏🤭不過食齋點都要食下芋餅先滿足嘅西檸鮮竹片酸酸甜甜 開胃好食😋碧綠如意炒就是一堆炒雜豆芹菜三色椒混在一起😀·脆皮春捲普通春捲～

今日好開心，相約一班朋友上寶蓮寺一遊，大概早上十許已集合乘搭吊車，步出吊車就响市集行一陣，睇吓 d紀念品都好有趣；一場黎到，當然要品嚐一吓寶蓮禪寺嘅素菜，要响門口買咗票先入座，一人餐都有，照顧週到。古法老火湯主要有紅蘿蔔、蓮藕，湯望落好濃，味道清甜可口，感覺好舒服。西檸鮮竹片用鮮腐竹做成似雞塊，淋上香檸汁，就像經常吃的西檸雞，好開胃。其他素菜如脆皮春卷，外皮香脆，餡料用新鮮蔬菜，好食唔油膩；還有碧綠如意炒、花菇扒時蔬、羅漢齋等，雖然全部都係蔬菜茹類，但賣相唔錯，味道清新可口，蔬菜顏色配搭好吸引！我地仲加咗一碟芋角，裡面 d芋頭好香濃，好好食，間中品嘗一下素菜，感覺好特別，唔錯嘅選擇！

好耐無去過大嶼山寶蓮寺同食寺內的素食, 係10月22日星期日大約早上11点多到達, 上完香祈福後🙏, 去找食素🥢的地方, 由於11点左右才開始供應, 所以唔係太多人👍, 佢分幾款人數的套餐, 只係份量同款式有少少唔同, 每位$150, 大家要先去收銀處購票, 然後係門口給職員掃一掃barcode, 之後有職員帶位入座, 每張枱會有一碗湯, 今次係青紅羅白, 個湯好清甜又香, 好好味, 另外每枱會有一煲白飯, 今次齋菜每款都好食, 唔會多油, 亦唔會有好多汁包住, 另外可以每人加$10叫一件芋頭素食, 都整得好好食, 大家有時間, 不妨去試下, 洗滌下平時大家好忙碌工作的心靈, 比自己一個空間鬆一鬆, 抖一抖😘😘

平時出面食嘅齋好多都整勁多味精嘅假肉，呢個睇落多菜 健康少少(>^ω^<)同媽媽食珍味素2人套餐，雖然係General Meal，其實都多份量！四碟小菜，再加飯同湯任裝🐽🐽💕✨古法老火湯好清甜，應該加咗好多蔬菜/蘿蔔落去💚脆皮炸春卷就咁睇以為係乜乜扎，其實係大大舊春卷，幾脆口 少少熱氣，對於肉食者嘅我麻麻個餡😂✨碧綠腐球片✨冬菇扒時蔬菜同瓜都入味，不過又唔會話炒到好有鑊氣嗰種。欖莱蒸豆腐最鍾意呢個！豆腐幾滑身，配埋汁食 幾正。

🥢昂平 著名景點天壇大佛下$150三餸一湯素食套餐🥢身為一個肉食係系人，似乎同齋菜係毫無關係，今日一早上到天壇大佛，就係為咗買一隻限量版，上到去天時暑熱，買完影完相先至發覺，原來我係早餐都未食，大佛下邊有一個收銀處姐姐推介食唔食齋，$150就有一人套餐三餸一湯感覺都幾抵食，有啲肚餓同埋覺得好熱，所以就幫襯吓🥢成日聽人講上大佛嗰度食齋都唔知喺邊度，原來就係附近嘅寶蓮寺，餐廳內外所有嘅員工都非常之好人，仲好細心咁樣叫我入到去嘅時候飲少啲茶，記得飲晒啲湯，因為今日係青紅蘿蔔湯可以消暑，真係夠曬細心，好耐都冇試過一間咁有人情味嘅餐廳（可能我個樣好似中咗暑咁）🥢貴賓齋 $150 (1人餐3餸一湯跟白飯）🥢古法老火湯 (青紅蘿蔔湯）青紅蘿蔔湯，一人份量俾咗一大盆，雖然冇肉去煲，但係飲落去又幾舒服，就係蔬菜嘅甜味，由其是係今日呢個狀態好熱嘅時候，一大盆湯我竟然飲得晒🥢脆皮春卷拼鮮竹春卷查得非常之香脆，入邊全部都係菜咬落幾爽口索索聲，另外一個炸枝竹口感酥脆，底下醬汁係青檸雞嗰個檸檬汁幾開胃🥢碧綠如意炒係一個雜錦菇類同埋豆類炒埋一碟，味道幾清新，始終係齋菜嚟，唔會奇望有咩特別🥢花菇扒時蔬厚肉花菇有三大隻

一場去到寶蓮寺梗係要食吓齋菜啦，喺天壇大佛底同埋入寶蓮寺門口位置都有Counter賣齋宴飛，當日去到只有貴賓齋，$150一位，以午餐而言比較貴。入到去坐低之後去廁所先見到原來呢個好靚嘅齋堂行前少少有個小食亭，D野平易近人好多。講返個貴賓齋先，先黎個可以添飲嘅蓮藕湯，清甜滋潤，清吓熱氣咁啦，好正。芋頭魚D芋頭蓉好靚，夠晒粉，點甜酸汁好好食。炸春卷味道只屬一般，始終唔夠熱就無差少少嘅。炆冬菇好好食，D冬菇好厚身，底下D菜都好鮮味。呢個齋鮑魚都好食，不過唔及個冬菇咁好。呢個麵筋都好食，好入味，D雲耳又好夾，其實齋都可以好食架。三色椒清新又爽口。呢個應該係齋嘅西檸雞啦，還可以吧。其實個份量都夠食嘅，不過要留肚食出面小食亭嗰D酸齋同炸芋角等其他野。

今次係第二次食齋堂，以前通常食小食亭，今次撞到午餐時間就食正餐啦。齋堂係馮齋券入席，賣券姨姨話d齋菜好新鮮，同小食亭冇得比，果然，今次食既整體感覺比以前好，可能人大左，抱住一個咩心態食都好重要，如果想食fusion 齋菜或者食環境就要去鑽石山淨苑度食，係呢度可以懷住活在當下，珍惜食材同與你共餐既人既心，品嚐食物。入到齋堂，裝潢平實，多數都係四人枱或圍餐枱，掛有字畫同唐卡做裝飾。四周既人都食一樣嘅菜，細看之下1-4人餐菜單內容一樣，大概只有份量不同。上菜速度好快，基本上一坐低就上菜，先飲一碗老火湯，好夠火候。幾樣齋菜，各有千秋，西檸鮮竹入味新鮮，仲有少少擺盤。腰果同菇令甜豆味道更豐富。香菇大大粒，香菇味濃，口感軟滑，好食既！春卷鮮炸即上，香脆可口。二人份量每人飲到三碗，只用齋菜煲，老火湯都唔會肥膩。仲有白飯任裝，不過只食餸飲湯都好夠飽。唐卡、字畫令餐廳增添愜意。

呢日同屋企人行山 仲有另一個目的就係食齋☺️去天壇大佛除左有大佛參拜之外🪷仲可以去埋齋堂品嚐齋菜.齋堂門口有一個收費亭 旁邊貼左齋堂嘅餐單齋堂分左貴賓齋同珍味素貴賓齋會坐係齋堂裝修得較靚個邊而珍味素就會坐係較簡樸嘅一邊 餸菜亦都有少少分別至於菜單其實已經定好 主要係分左唔同人數嘅套餐😙.💫珍味素 - 3 人套餐 （$110/位）我地今日揀左珍味素 其實同一個廚房出品一樣咁好食 喺裝修更簡單嘅地方似乎更乎合儉樸生活嘅宗旨三人套餐有四餸一湯 白飯任裝🍚 非常夠食😋.🌟古法老火湯今日係粟米木瓜眉豆湯🌽就算冇加肉都好夠味 味道清甜.🌟脆皮炸春卷炸春卷好大條 中間包左滿滿嘅蔬菜🫔炸得幾好食落仲好脆 炸皮又唔會太厚點一點醬汁就更加好味😉.🌟碧綠腐球片以絲瓜🥒、三色椒🫑、芹菜同豆腐切條炒成.🌟冬菇扒時蔬粒粒冬菇加上芥蘭 份量都幾多.🌟欖菜蒸豆腐欖菜非常惹味 令普通嘅蒸豆腐更加好食係重口味人士之選😝.齋堂旁邊仲有個小食部 有其他款式嘅齋菜同糕點 仲有我好鐘意食嘅豆腐花！😍可以買走做手信 或者買完去戶外餐枱坐低食下次去寶蓮寺不妨試埋齋菜～

遊客必到景點之一，「 天壇大佛 」推薦上去參拜的信眾，不用擔心大老遠打車上山沒餐廳用餐寶蓮禪寺有出了名的齋堂！如不想吃桌菜！餐廳外也有貼心的素食小點心可以單點～餐廳人頭計算費用珍味素HKD110$,貴賓齋HKD150$我看隔壁桌人數比較多，但菜色是一樣的～沒吃過不妨試試真的蠻好吃～ 沒有油膩感曾經吃過素食麵和素湯加入素炸豆包和炸油豆腐之類的炸料來提味湯頭跟口感但也造成口感上偏油膩！但寶蓮禪寺這邊蠻清爽而且能吃到食物原味，沒有過多的調味粉，最重要湯非常熱 ！最害怕不是午飯時間吃到溫冷的飯菜！菜色：三人套餐珍味素 General Meal 一共四菜一湯+白飯➊古法老火湯 Today's Soup ➋脆皮炸春卷 Deep Fried Spring Rolls ➌碧綠如意炒 Asparagus with Mix Mushroom & Cashew Nu➍冬菇扒時蔬 Black Mushroom with Vegetable ➎西檸鮮竹片 Deep Fried Bean Curd sheet with Lemon Sau➏絲白飯 Steam Rice★老火湯真的很好喝 高湯熬煮很清爽！有去大佛參

新正頭，年初十五好神心，長途跋涉諗住去入去大嶼山昂坪寶蓮禪寺食吓齋。幾年前食過覺得幾好食，但今次再去有些失望🙃。貴賓齋每位$150，兩位$300，有飯有湯有四味齋菜有茶飲，限時45分鐘比較短，但無偈啦，真係好多善信會入黎食齋，走嗰時大排長龍哦。由於我哋比較早到，約11點幾，唔洗排隊👍🏻。飯同埋湯都ok，但四味齋得一味春卷係我鍾意食嘅，全部都係菜呀，花生呀，果仁咁... 我想食西檸雞、酸甜齋同埋荔芋酥呀🥲

有誰跟我一樣過年過完農曆新年頭食到好滯😂會想食清啲？早前去了呢間齋堂環境仿如置身戶外康樂中心的canteen 一樣可以考慮下約埋屋企人去食下齋菜然後再喺大嶼山行個圈都相當唔錯👍🏻兩邊「貴賓齋」 「珍味素」兩邊要要門外的登記處先買票我地望望餐牌 覺得珍味素比較岩胃口◝✩ ••┈┈┈┈┈┈┈┈┈ ෆ ••┈┈┈┈┈┈┈┈┈֒ ⋆꙳ 《珍味素菜單》$110 ppᜊ 古法老火湯ᜊ脆皮炸春卷ᜊ碧綠腐球片ᜊ冬菇扒時蔬ᜊ欖菜蒸豆腐ᜊ 絲苗白飯整個套餐以人頭計算份量好夠飽，好欣賞既係佢每道菜式都唔會調味過濃，不過要講炒的菜普遍都油膩左d(自己用水洗洗又ok 喎～）當日的老火湯係蓮藕紅蘿蔔粟米湯，但未知是否煲太耐，湯料都煲到無哂味🤔 而炸春卷（腐皮卷包著蘿蔔絲）炸得非常酥脆同香口 ，脆皮仲要唔厚 ，相當有驚喜。ᜊ 炸芋角 $10/ 粒買票嘅姐姐推介，佢話佢唔開心嘅時候都會食，於是我哋就每人要咗一粒試吓。先講皮非常之薄，一咬落去皮嘅部份做得相當酥脆入面嘅芋頭蓉非常之多😍😍😍 鐘意食芋頭既你 一定要加埋呢粒野黎試！✰ 齋菜由11-4:30pm 供應✰ 無加一服務費

大年初六🎉🎉💟到大嶼山拜大佛。今年早早出發，到昂平觀光和寶蓮寺參拜❤️。天壇大佛莊嚴雄偉，寶蓮禪寺香火鼎盛，昂平市集遊人如鯉。一行人參拜完畢，就到寶蓮禪寺齋堂食午餐。入座流程尚算方便有序，菜式以人數編制好，價格以每位@$150計算，先買票後入座。齋堂環境普通，略嫌枱距離十分密集。🥣🥣寶蓮老火湯一紅蘿蔔粟米腰果湯。味道清淡，腰果湯 真好味又有益😄。🌯🌯脆皮炸春卷，雖然不是熱辣辣，但仍然香口脆卜卜，而且不油膩，好味。🫑🫑碧綠如意炒，材料新鮮豐富，顏色翠麗，豆、脆肉瓜、腰果和甜椒，口感爽脆、味道好好！🥬🥬香菇扒時蔬，冬菇口感軟、質感厚，不會炆得過咸，生菜新鮮，醬汁不會太糊，不膩好味。🍋🍋西檸鮮竹片，西檸汁味道控制得好，酸甜度適中，易入口，鮮竹片軟滑，胃口大增。套餐會按人數另外附上白飯。齋堂新年假期客人很多，菜色都不是熱辣辣，但整體菜式都十分美味1️⃣0️⃣0️⃣✔️。😘😍🧧🧧或者心態影響一切，多吃齋，積一份功德，心境平和。

今日與娘親大人前去南天佛國禮佛茹素觀光，拜佛後，便前往齋菜券售賣處挑選套餐，按照慣例選擇了貴賓齋食物十分清淡（茶水亦是），與都市人重油鹽的飲食習慣十分不同，四碟餸一盅羮加上一碗白飯，便已是幸福貴賓齋和普通齋的分別除了食物上一兩種的分別以外，其實最大的差別是座位的不同，普通齋廳坐膠椅、環境簡陋；貴賓齋廳坐紅木椅、兩側牆壁還掛有為數不少的高僧大德所寫字畫，兩者氣派確是不同！只是略吵和有蟲子一如既往，珍惜食物，食乾食淨