寶哥味館 (Closed)

放午飯嚟呢間食上海嘢，第一次嚟所以叫咗個午市套餐：小籠包、涼拌粉皮、上海粗炒以及酸辣湯麵。首先個涼拌粉皮夠弹牙，剛出爐小籠包熱辣辣，包裡面d肉汁要小心吮，以免辣咀。個炒粗麵亦夠鑊氣，一定唔會係預先整定蒸熱夾出嚟，總括嚟講因為係午市，份量一定唔會大大碟，二人份量，埋單都只係$98蚊，加上我鐘意佢每款食品味道夠味夠淡口，咁先係有營食肆嘛。

第一次寫食評，實在忍無可忍今晚約左班親戚黎打邊爐放題，覺得哩到d牛都算新鮮，隨行一個兩歲小朋友，一入門口就好不友善咁話要大小同價，2歲咋喔，食得你幾多啊？跟住我地就話小朋友唔食，情願過對面買雞蛋仔食好過啦，之後佢地好似監測咁時不時過來望下個小朋友有無食，洗唔洗咁小氣，大不了咪比錢嘖，而且一般三歲以下都係免費啊！講返食物，越來越不知所謂，話明食放題，叫兩輪蝦（每人一隻/每次），之後就話賣曬，見隔離檯有就問啦，話果d係散叫先有，大佬啊，驚人食就唔好學人做放題啦！d服務態度真的非常差，來消費好似要睇佢地面色咁，哩間野真係唔會再去了，食物一般，味道一般，價錢就非一般

兩個人叫左兩碟牛, 一碟羊 , 兩碗飯 ($12 一個好細碗) , 一個韓國薯仔麵 ($25 , 夠去超市買一大包) , 一碟生菜 , 兩隻蠔 ($30一隻) , 一杯細啤酒 , 加清湯底 , 埋單差不多 $730 , 好貴呀 , 已經冇叫 d 咩海鮮都成 $365 一個人 , 早知去食個 buffet 仲抵 , 所謂招牌本地肥牛 $200 幾但又硬又多根又冇牛味 , 而且鋪頭位置只係黃埔舊區既後街 , 點解可以收咁貴 ? 仲要又貴又唔好食 我絕少寫食評 , 所以冇相又冇記低價錢 , 不過食完覺得物非所值所以要寫低提下其他人

先投訴一下, 放置街外的餐牌價錢, 與店內提供的餐牌價格不一樣, 善意理解, 可能不小心, 未換, 又或換了, 不過大風吹掉了. 就以”招牌本地肥牛”為例, 門口招紙, 寫著$128, 但入內的餐牌, 寫著$188, 相差六十大元, 老闆…. 快D換咗去啦, 唔係咁多客好似我咁”善意理解”架…德民街內的民泰街有三間食火鍋, 市場定位不同, 各不相干, 三間都是黃埔人常幫襯的. 一間新星集團的”享膳酒家”, 出品的是”任食火鍋”, 價錢平, 質素, 黃埔人所共知, 一分錢一分貨, 無得投訴. 第二間, 一品雞煲, 不平不貴, 中等價格, 水準也算中上, 近年以雞煲招來的店, 排隊, 少不免了. 第三間, 就係”寶哥”, 開咗最耐歷史, 水準平均, 也不算十分貴, 可以說是, 少少貴啦.當日, 只有半滿, 一半檯無客, 坐下, 未落單, 先來一杯啤酒, 解一解暑, 廉價酒吧供應的Hoegaarden, 竟然中式火鍋店做推廣, $42/Pint, 中等價格, 唔平又唔算貴, 不過, 我寧可選擇”藍妹”囉. 入口, 淡淡的, 唔夠期望的凍.調味料幾款, 對我而言, 足夠啦, 基本上, 食物質素

豬骨湯底最正!牛肉係好正，脂肪分怖平均又唔肥，牛味十足，入口非常好食。牛肉粒比較下較為普通，可以不點。象拔蚌刺身好鮮甜，址吃或灼灼同樣好味。鱔條，脆肉鯇，鱔條咁樣切法口感好食好多，脆肉鯇就普通。墨魚滑OK、雞腸同鵝腸都好好。

來這裡用餐已經很多次, 當然是因為"食過返尋味"啦! 我特別鍾愛海鮮打邊爐! 這裡的海鮮相當新鮮, 無論是象拔蚌, 南非鮑魚, 蟶子, 都非常鮮甜, 絕對是物有所值.另外要一讚老闆好介紹! 花奶海底椰配冬蔭公湯底! 花奶配海底椰, 我一定會叫花膠筒滾一滾, 實在又滋潤又養顔! 另一邊冬蔭公酸辣度剛剛好, 跟奶白色的海椰的味道成對比, 一絕一絶!而且這裡有大量2-4人的梳化卡座, 又有電視, 非常舒適!這裡絕對是紅磡打邊爐的好去處!

一句!好新鮮...貴都貴得有道理!!好正...環境又舒服!!好多都好好食...食過3次..有時食得咁貴咪當放鬆獎勵自己食D好野...真係唔錯架呢間..試過MK果間....都OK..但唔夠呢間好...MK果間唔會再去..如果同一個名,.,我寧願遠少少入黎食.HA

香港人真的好鍾意食火鍋, 十下十下。最近愛上的是寶哥, 如果假日去, 唔訂位唔駛旨意食到, 可以諗定 2nd choice 。雖然鋪面不大, 但枱同枱之間有充足的空間。試過蕃茄牛尾骨湯底, 煲得好夠味, 絶對試得出唔係滾兩滾再加d上湯落去。有好多特別既湯底選擇: 如紫菜湯 / 冬蔭功 / 海底椰 / 立魚 / 潮州魚蛋 / 港式豬骨 等等。唔記得哂 好欣賞西洋菜餃子, 好新鮮。值得推介的是魚肚, 又入味又爽口。海鮮方面, 咩都有, 全部即叫即劏, 除典型既蝦蟹, 各種斑類等, 還有睡蟹呀! 連平價貨式如炸魚角都特別新鮮爽口過其他地方.....

尋晚同表可表姐一班親戚去打邊爐,因為有親戚住o係黃埔,所以去試下呢間...講真,野食真係一般,但價錢偏貴,唔係好抵食..服務方面,不知所謂..有個男待應唔小心倒瀉左我罐可樂落地,(我飲剩1/4左右)整到成地都係,仲整到我對鞋同隻腳都沾到可樂,個男待應見狀後,完全沒有道歉,一句野都冇同我講,只係拾起地上的可樂罐,再用地拖抺地,之後就走人個男老細(帶眼鏡坐收銀o個個) 就問個男待應,佢罐野飲完未,個男待應話: 仲有少少 (隱約聽到)之後,我忍唔住o係個位度嘈佢,話有冇攪錯呀,整瀉d野道歉都冇句..再等多5分鐘左右, 個男待應先坎埋黎問我 :<咁使唔使比番罐可樂你呀 ?>咩使唔使呀大佬??? 而家係你地整瀉,仲問我使唔使 ??極之冇禮貌....呢d 係咩service???d 可樂整到我,佢應該即刻拎d布比我抺番啦整瀉可樂都應該主動比番罐我啦 佢整到我對鞋dirty 晒,我都未同佢計啦

都係寒冷o既天氣之下,諗親食乜都總係想起打邊爐喎~但係又想食好o的喎,聽朋友講又話哩間寶哥出名牛肉火鍋,諗住不坊一試啦,本來佢個地方位置已經唔就腳嫁啦,兩個人去到叫左個麻辣湯底,雪花肥牛肉粒,唔知咩羊肉,脆肉鯇魚腩,濃味牛筋丸,唐心皮旦,金菇等左15分鐘左右o的食物都黎左一半啦,個煲先至到,見煲左咁耐都未有動靜見個蓋好似未閂密咁,睇真o的原來個蓋根本就已經變晒形...唔怪得咁耐都唔滾啦...一滾起我快快脆即刻就試o的牛肉睇下係咪真係咁得啦,點知...真係咬到我牙都緊呀...o的羊肉仲嚴重呀!未試過咁o既價錢竟然有咁o既質素囉...我諗全枱食物最好食就係個牛丸囉...如果係咁就唔應該係出名食牛肉火鍋,而係出名食牛丸火鍋啦...超令人失望~...後來見到話9點半後入坐有85折,我心諗唔係因為有折所以比o的咁o既料人地食掛...我都係無心9點半先去到嫁嘛!唉!折完之後都要$500左右,唔抵!

行過門口見到入面裝修幾骨子,亦乾淨,所以入去食.坐低見到個memu,價錢確實係幾貴,但心諗最緊要係好食.湯底有好多選擇,有人參湯,冬蔭功湯,潮州湯等超過十款等,而我地揀了海底椰湯,呢度標榜湯底不含味精,而確實湯底真的不覺有味精,呢個海底椰湯底很夠味,海底椰亦算多,是一個很有水準的湯底,個人非常欣賞,雖然要$50,但都覺得是物有所值.呢度有好多種極品牛肉,我地叫咗雪花肥牛粒$110一碟,但值得,因為未試過啲牛肉越滾越淋,呢碟牛柳粒係要滾耐啲等啲肉紋裂開後食,就會非常淋.脆肉鯇魚片,好大塊,幾新鮮,滾得耐都唔會太靱.自製鮮蝦丸,六粒,幾有蝦味,亦很爽,$8一粒都值.東山羊肉片,雖然要$65,但羊肉片有很多,亦很有羊味,又不至於太羶,滾得耐亦不會靱.不過最喜歡的就是它的白菜仔,只是$30的價錢,有很多,亦好大棵.今次白菜仔係打邊爐有史以來最鮮嫩的蔬菜,啲菜葉食落口完全感受到那種鮮味.至於火煱醬料種類亦算多,最特別的是將啲紅椒"鐘"爛,非常出味.茶芥每人收$10亦不過份.

友人之前已經想打邊爐,可惜夾唔啱時間,趁公眾假期就出來聚下~之前係去開隔離的新星,今次就試下新野1行4人1bb. 7點左右去到,無book位都仲有卡位坐~其實仲有好多吉枱..其中一位友人食素的,所以唔係點左太多肉類.醬料唔算多選擇,唔夠稻香多,只有辣椒,蒜蓉同香蔥湯底:叫左冬蔭公湯底. 初頭都係想過下癮食個辣湯底..點知冬蔭公只有酸味同甜味,一d都唔辣 不過都幾開胃.有大量0既檸檬葉同香茅!打到最尾都仲有好多呀~ 配料:美國特級雪花肥牛 - 雪花比例ok. 切得唔算太薄.牛味濃黑豚肉 - 似高級d 0既豬頸肉,好似無咩特別什菜雜菌鍋 - 有草菇, 鮮冬菇, 雞脾菇, 生菜,白菜,西洋菜. d 菜擺落去無幾耐好快變黃...生根 - 好似有d "油英味",太細粒.竹笙 - 索晒d冬蔭公湯,酸酸甜甜,好正黑柏葉 - 出面唔係度度都有,幾正粉絲, 蓮藕片, 粟米 - 都係咁~墨魚滑 - 好失望呀..呢個好難食稻亭烏冬 - 好滑, 撞埋個冬陰公湯底,好味!鮮蝦雲吞 - 足料,皮薄餡靚1支青島, 2罐可樂, 加一埋單749有少少貴.仲要唔係太飽. 服務普通, 環境唔差,比起一般火鍋酒家靜好多(

六點半又吃開年火鍋，六人行，這裡的餐桌實在太少了，放好餐具後，桌面已沒有什麼位置放食物 蕃茄牛尾湯 香濃 象拔蚌刺身 和牛 x 2 ，入口就 feel 到好香牛味 西洋菜餃 龍 "等" 腩，魚皮刃口魚肉鮮味 墨魚滑 蓎蒿菜 蕃茄 蘿蔔 豬肝，好新鮮 火腿丸 腐皮卷 炸得不夠透 油條讓蝦滑 油條一點也不脆 米線啤酒 x 5酸梅湯 x 1 酌碟頭細份量少，人少去就 OK ，人多就貴食啦

Went to have hot pot at this place with my family ytd. We a tomato ox tail soup base, 9 choi dumpling, beef cube and balls and lots more but took pics of the ones i like the most. The tomato ox tail soup base is very good actually its too good, taking away the food taste just only tomato soup base taste. The ox tail is very sot but only few pices ja. The 9 choi dumpling is very good the skin is thick and in the middle the pork n 9 choi taste is very strong. The beef cube is very good too, its ve

朋友去左跑馬地個間, 佢一向介紹都無咩失手, 點知今次就老貓燒鬚!坐底飲啖茶先, 原來係玫瑰花茶, 又幾香wor~~~跟住點左個"魚立"魚湯底,成餐好易平論.值得一贊o既有:1) 肥牛雪花都好平均,好似係本地牛2) 午餐肉, 因為係罐頭3) 集菇集菜, 份量幾多4) 炸魚片頭ok彈牙不值一提o既有:1) 鮮4寶丸勁渣(始終都係佐敦四季最無得頂)2) 鵝腸仲瘦過我(去四季食魚腸好過)3) 牛拍葉好細碟4) 唔知咩魚, 好經典成個魚缸得兩條魚, 4百幾蚊食10碟鯇魚片好過5)烏冬, 煮完再雪番, 一落水lau番上離已經林曬呢間都係做唔長ga la.........9點已經開始有吉