寶哥味館 (Closed)

今日夜晚第一次去幫襯，兩個人食散食咗成千蚊。發現啲食物貴、份量少、質素認真麻麻，員工服務態度差，希望店舖老闆可以檢視下，如果繼續落去我相信呢間餐館好快做唔落去。

早兩日同老婆同埋個仔行過寶哥味館，之前睇過食評，都有啲負面，但係見到有放題火鍋，兩個大人加埋都係$476加埋個仔收$88都好似好抵食喎，兩個鐘頭乜都夠，膽粗粗入去試一試，呃晒我都係五百零蚊姐，入到去又有牛肉餐又有海鮮餐，都算解釋清楚問我食過未，食落又幾好食喎，相對出邊放題咁嘅價錢真係搵唔到有咁嘅放題食物質素，簡單啲講抵食，可能唔夠夥計，有時叫嘢飲會等耐少少，跟住見到有牛峰這個東西就叫了一碟試一試，額外俾錢㗎，原來都幾爽口唔係肥膏，有時俾個外表影響到，幾十蚊都抵食，唔記得講仲冇+1添放題，我就叫了海鮮餐啲𧎚仲郁，都新鮮，總括來講都叫合格啦可以再食，不過如果老闆見到這個食評下次上飲品可以快少少，唔該！

之前經過門口見到話夜晚有放題, 頭先打去諗住問佢幾點開始。已經要打幾成十次先有人聽(心諗你都唔荒有客唔好喺度扮忙), 聽左之後我問佢幾點開始特價時段, 佢就係咁話勁惡咁話我電話窒, 我想講我打去之前同人講完電話完全冇問題! 咁你做服務業既唔該整好你個電話連咁小既管理都做唔好仲要怪人? 我再打去, 佢就話”我地冇特價ga wor 放題就9-11”。之後我話okay, 價錢都未黎得切問佢就cut我線! 我再打去佢就hold起條線! 我keep住打之後終於通, 我問佢做乜cut線, 佢話我答左okay同埋好窒。what?!! okay 係等如收線? 同埋你就算唔講thank you 最少你都講聲bye 而唔係cut線。我希望聽電話既人唔係公司老闆, 因為如果你係公司老闆既話呢間公司一定冇得救。如果你只係一個員工, 我希望你老闆可以知道你幫佢趕走左幾多個客。真心第一次寫食評。sorry, 唔係食評 因為我連食都唔想食!

#寶哥火鍋味館 又有得打邊爐呢度湯底選擇唔算多小編今次揀左猴頭菇沙魚骨湯底同麻辣湯底一睇就知足料，大大舊猴頭菇，超滋補的感覺麻辣湯底果邊都擺滿曬三椒八角、蒜蔥芫茜甘海鮮好多款，有桶蠔，海蝦，幾款貝殼類同鮑魚等件件都好大粒多肉，又洗得夠乾淨，十分之新鮮肥牛脂肪唔多，咬落有勁道用黎打邊爐黎講，呢度既牛肉比較大塊肉味會更加突出，但煮既時間比較難掌握仲有女士們最愛既花膠，又大舊又滑又滋潤雞腎、黑柏葉、魷魚食落都夠爽口蔬菜類都好多，以高質食材黎講，呢邊價錢好實惠評分： 8.1 / 10

之前黎過幾次，但今次會係最後一次，今次覺得野食差左好多之餘，啲態度真係領教了五個人，比張四人枱我都算，諗住坐到就由佢啦問佢咩係牛峰肉，唔認唔彩，都算，咁自己上網check啦，最後佢放低呢碟肥膏

一直只知寶哥是做火鍋的，唔知幾時開始午市賣快餐。午市就賣碟頭飯、常餐，價錢算合理，只是$38-42左右，還有配茶，於是便去試試看。濃味瑞士汁豬扒飯，豬扒幾大瑰，醃得剛好，炸得香脆，唔太油且肉質鬆化。瑞士汁鹹中帶甜，與豬扒很對味，撈飯吃也配。就是如此簡單一碟飯。奶茶唔得，無奶味亦無茶味。

今次黎到佐敦-寶哥火鍋味館。Openrice訂座有得送Asia mile!餐廳原來有三層樓，我地被安排去二樓入座，有卡位座，唔錯！ 寶哥似係家庭式經營，老闆娘都落手落腳幫手，店員們都好有禮貌。呢度係火鍋任食任飲，火鍋package 就有幾款選擇，我地食$238火鍋送題+5款刺身。刺身都無戲場，有希靈魚、吞拿魚、魷魚、八爪魚&甜蝦。味道唔錯！湯底選擇有好多種，有12種湯底，我地揀左未試過-猴頭菇鯊魚骨湯底。 成個湯除左猴頭菇&鯊魚骨，仲配有好多平日煲湯材料，有紅棗、杞子(其他唔識個名😅)。 好家常湯feel👍🏻火鍋配料方面，選擇都幾多，牛肉絕不能錯過，叫左牛坑腩&鮮牛肉，肉質鮮美! 見openrice推介豬眼根，口感都幾彈牙，有d似豬頸肉，但眼根比較滑身。另外仲叫左雲吞、炸魚皮都好脆口，仲要皇帝菜食，樣樣都係我致愛！食到好飽。飲品方面，要去近樓梯位置自取，有竹蔗水，又有汽水，任君選擇，樣樣都雪凍放響度，看似好少選擇，但其實汽水都有三四樣揀，CP值已經好話高！

價錢係貴，自己揀嘅，唔計較啦。食到果碟百花釀油條，咬咗一口，吐番出嚟，D油條霉嘅！於是叫果個左邊分界曲髮阿姐，同佢講：”D油炸霉㗎喎！” 阿姐話：＂係益先會換㗎喎！” 我話：”我唔係第一次點呢個菜, 麻辣湯底，點分呢？” 佢話 “ 冇得退，我地日日賣好多碟”. 多謝你，香港仲有呢種服務態度，我食屎都唔會再嚟!I repeat in English. I’d rather eat shit than coming back. I mentioned to the waitress in curly hair that the food is not fresh. She said they won’t return the food if it doesn’t smell bad. I ordered a Sichuan chilli soup base.

第一次寫食評，原因好簡單食得受氣，貴唔緊要，但貴而受氣就一定唔得，昨晚一行12人，五大人七小朋友，最細得兩歲，點佐兩款湯底，食物好一般，貴又勁細碟，雲吞$47六粒，所謂出名牛肉兩百到尾但極之細碟，本來價錢定位無得投訴，但收得咁嘅價服務態度咁就好唔高興，個阿姐同阿叔全程黑口面，我地坐長枱，每次加湯都走去我同個女中間，點解唔兩個大人中間呢，你地專業架，重要每次加湯嘟態度勁衰，除用口叫我讓開重用手推開我，到埋單再三提佢地我地十二位，結果張單收佐我地13位，每位$13茶錢，另每位$13醬油錢，已經兩歲小朋友都收足，重要博大霧，就算當你攪錯嘟應該講聲唔好意思啦，十幾二十蚊唔係嘜，但受氣買難受就一定唔得，亦所以星期六晚黃埔區都會坐唔滿。最後一提，佢地收你$13醬油錢，係得豉油，蒜蓉，蔥同辣椒， 芫茜要另加$5，連腊都要$5

今日2個人去食叫左豬骨湯底 呢間出左名牛肉保証新鮮吾肥,花紋好靚,色澤紅過西瓜咁紅,靚牛 黑栢葉一定要叫 記住15秒食得 ! 勁爽脆 !好食 ! 好食 ! 好食 ! 不過份量吾多 1湯底+6樣配料+2蔬菜+1啤酒=$817埋單 !

另一半對食看似冇要求，但實質要求多多。特別係一定要食新鮮嘢！打邊盧好多人貪平，去食D百幾二百蚊任食，但最後加加減減之後都要差不多三百蚊一位！因為咁，我哋而家打邊盧返而貴精不貴多！ 呢間價錢唔算平，但足料，樣樣新鮮！手切什麼M5和牛，看上份量唔多，但兩個人食就剛剛好！牛肉有眼睇！新鮮肉色冇得厄！竹笙蝦膠，口感脆脆，蝦味十足，唔似用死蝦嚟做！精彩的係呢碟脆腩！出面食脆腩真係經常中伏，呢度係絕對100分！大大嚿，唔多骨，爽脆，鮮，冇鮏味，絕對新鮮！一碟雖然只有幾嚿，但總好過一大碟冇一嚿食得！菜同響令係邊爐必備！一樣冇得彈！唔怪得可以係呢區咁多年不倒！

第一次同同事去食，覺得湯底和食物都唔差，唯獨份量偏細及服務差，食完無耐諗住傾下計比一個女人強迫要我們賣單，但明明入座前問好是沒有時間限制，最重要係出面亦無人等緊位，今日中秋路過諗住同朋友再試一次，我地6：40去到，侍應話今日要8：30交台，甘我地覺得ok就坐下，大約食左45分鐘發現碟美國肥牛仲未黎就同其中一個侍應講，佢睇都未睇就一句答話美國肥牛係要耐D,大佬一碟生牛肉等45分鐘，仲唔夠耐？結果問左3次先有，好明顯漏左單，食到未夠8點，一個長髮女侍應走黎問我地仲加唔加野食，如果唔加就幫我地賣左張單先，甘我地話Ok,賣完單，佢話幫我地熄爐，但台面仲有成碟菜未食，我地叫佢唔好熄，我地碟菜未食，隔左唔夠一分鐘又有另一個侍應問我地熄唔熄爐，我地D野岩岩先放晒入爐仲未熟，真係比佢地吹漲，仲慘又隔一分鐘又另一個侍應又話要熄我地爐，我覺得佢地分明局人走，呢間野我覺得除非妳想比錢加受氣，如果唔係以佢價錢食物質素份量服務，食一次一定唔會有第二次。4寶丸唔新鮮炸響玲有油益味大花甲好韌

夜晚係博藝會打完羽毛球就行過去寶哥打邊爐 我地一行四個人8:45入座 一去到即刻嗌酸梅湯😛飲落幾濃郁Menu 都算多野食 但價錢偏貴我地嗌咗沙嗲拼海㡳椰湯底(我的至愛~)每一次都會order既杏汁豬肺 洗得好乾淨 杏汁好濃香 配埋海底椰湯底真係無得彈真心推介我媽咪最必食的脆肉腩 肉質好彈牙仲order咗魚皮(好脆), 鵝腸(好爽口), 醉🐔(酒味好重), 豬頸肉(啲肉質好彈口), 芝士丸（爆汁) ，仲有本地肥牛 (肉質鮮嫰)8:30後入座有優惠 結賬時有9折優惠

很久沒有吃火煱，今晚决定去宝哥，水準保持得不錯。蕃茄牛尾骨湯底，和牛三寶加上招牌炸響鈐值得俾個。其實價錢並不便宜，3個人食了九佰元。 好處是人並不是太多坐得舒服 而且坐幾耐都得冇趕客。

非常普通食才，價錢絕對在中上。本地肥牛＄285一碟，份量不多，肉味一般。番茄牛尾湯㡳扁甜。醬油，調味料還要比大家樂少。服務態度真麻麻。隨左生啤底飲之外，其它什料如菜，豆腐，等等都扁貴。