Poem Patisserie (Closed)

食完Lunch行過荷李活道見到一間好特別既餅店，最初以為藝術館只參觀性質。入到去原來係有蛋糕賣~~不過只限外賣！沒有堂食。原來訂蛋糕要三日，正當我失望離開既時候！原來鋪頭有現貨提供不過就極少量，我買左個SHAN SHUI返去食，實物比模型靚好多好多！鐵觀音，白朱古力Mousse，比想像中無咁甜，茶味好重~~味道同賣相都唔錯！！由於我住得遠既關系又好怕個mousse cake會溶，所以店員都安排左保溫袋比我非常體貼！如果再有機會我都會再次幫襯=]

在姐姐的生日時，選擇買了個叫Urban Bee Farm 的蛋糕幫佢慶祝。佢不太喜歡複雜，所以這個蛋糕最好不過了。看上去又大體又似一舊舊雲咁，好可愛。蛋糕的成份主要係honey 同雪菊造成。甜而不膩，散發著幽香的雪菊味道，中間有少少檸檬蛋糕，好喜歡這個口感。另外，我還在舖頭買了一枝咖啡，Cold Brew Coffee,雪凍即飲，方便又特別。除左咖啡，還有Cold Brew Tea 同 Pink Guava Mocktail,下次可以再試試。

前幾日是朋友的生日，朋友話見到最近有一個蛋糕好靚，是山水畫的樣子，好吸引。於是我就上網訂了這個叫Shan Shui的蛋糕，份量足夠6-10人。當天去pick up 蛋糕，地點不難找，西營盤A1出口左轉直行，5分鐘左右見到荷李活道，行上斜路就會見到Poem。如果想delivery 都可以，額外加$200 送貨。舖頭入面裝飾精緻，播著輕快的音樂，還有個點心櫃，上面放著林林總總的蛋糕，真是好美。朋友真是沒介紹錯，除了貌相好看之外，味道上都相當突出。Shan shui:外面是一層白朱古力glaze同mousse,之後入面有一層清香的鐵觀音mousse 夾雜住柑橘味的軟糖，為了加強口感，還加上了少少檸檬蛋糕，層次鮮明。每一口都能品嚐到所有味道，值得俾一個讚。

昨日工作後經過這間cake shop,給門口的display 吸引了入去看看。環境感覺很舒服，看得出花了不少心思。蛋糕方面，有3款size:Bite Size Canapes,Petit Gateau,Celebration Cake.最後我買了一set 8 Piece Set Canapes.8款齊哂，方便我這些有選擇困難症的人😂。味道上非常特別，有2粒不得不提，就是milk chocolate red date 同yangzhi nectar.紅棗同朱古力的味道好夾，加上上面的cherry mousse 酸酸地，味道好有層次。仿造了我們平日吃的楊枝甘露糖水，上面的mango mousse 綿綿的，配上西米，口感很好😋。下次我一定會再來這間cake shop,試試他們的生日蛋糕.👍🏻👍🏻

為慶祝暑假嘅來臨，今日帶兩位朋友仔四圍食。話說之前喺TATE Dining Room & Bar已經見識過女大廚Vicky Lau啲作品有幾咁美輪美奐，佢近排開咗間主打法式蛋糕嘅餅店，每6個月就會換吓環境及蛋糕嘅主題，啱嘅，女人最鍾意有驚喜㗎嘛。食完正餐當然要食下午茶，於是揀咗呢間新開嘅蛋糕店同佢哋試吓去到嗰度，原來就係TATE嘅樓下，開門入去，原來得幾張矮凳及一張好細好細嘅檯仔，主要做外賣。其實樓上咁多座位，應該開埋俾客人食吖，而家咁樣多啲人已經無得坐了，難度真係要企喺度食嗎？喺收銀處旁邊有好多細細件嘅蛋糕放咗喺仿點心籠入面，仲有幾款大大個嘅蛋糕，好似山水畫咁靚。想落單的話，旁邊有幾張類似點心紙嘅order form，打開筆蓋，竟然係一支毛筆！一件蛋糕$35，任揀8款$250，唔洗覺得叫8件會食唔晒，因為當你睇過佢嘅size之後，就一定食得晒！另外仲有可供4-6人share嘅蛋糕，每個$450、供6-10人share嘅蛋糕每個$750。除咗甜點之外，呢度仲有支裝水、cold brew茶及咖啡，及Pink guava mocktail我哋揀咗以下嘅蛋糕，而老實講，亦都好難每款形容...