Video
Opening Hours
Today
12:00 - 22:00
Mon - Sun
12:00 - 22:00
*最後落單時間:9:30pm
Above information is for reference only. Please check details with the restaurant.
-
Online Booking Service Not Available
合和最近開左個新商場，今日下晝得閒終於可以去行下街🛍️見未去到傍晚時分，我就拿拿聲係附近搵野食先，費事夜左要同人逼係合和出黎行過兩三個街口就見到呢間Poke Go反正都係自己一個食，唔洗諗啦！呢個menu夠曬簡單坐低之後店員同我講話而家除左lunch set之外仲有做壽喜燒同埋韓式石頭鍋飯🍚呢個係lunch set，費事諗要咩配料的話就直接點呢個，仲包杯飲品🧃但如果你有啲飲食要求或者有某啲野特別想食，就可以揀自己mix個飯出黎～我本身都掙扎左一陣，最後都係因為揀自己mix其實價錢都係差唔多，係爭杯飲品，不過佢都有水提供等緊野食果陣周圍望，幾鍾意呢度樓底咁高，空間感好夠呢種天氣坐窗邊應該都會好舒服同埋私心一讚係我鍾意呢度個playlist😂（播左好多MC同埋Dear Jane呀😂）我想話一碗原來比我想像中份量黎得大我揀左三文魚、番茄仔、粟米同紫洋蔥，每樣既量都好平均even三文魚其實都幾多👍個wasabi乳酪醬好好味，食落唔辣但係又足夠去令碗飯有味道同埋濕潤另外都幾鍾意個糙米，有少少QQ口感，飽足感max！不過我下次應該未必再揀紫洋蔥😂因為佢都比得幾多，食到最後變左有啲辣🥵總括而言，呢餐十分簡單而且好健康，係附近返工的話食呢個做lunch應該幾好，下晝返公司唔會恰眼訓💼
continue reading
沙律Base 可以揀白飯、糙米飯、同沙律菜，都幾多選擇唔錯！分別試過四款set，Ono 最好味。🥰Ono $118主要係三文魚同蟹肉撈埋一齊（後加牛油果）。有好多蟹肉沙律，甜甜的味道撈埋胡麻汁，味道幾清新。三文魚嘅份量偏少，覺得可以多啲。個base選咗糙米加沙律菜，食落有糙米飯嘅粒粒口感，可以mix埋沙律菜又唔使驚太多澱粉質。份量頗多，整體味道唔錯。👌🏼808 $128醬有好輕微Wasabi嘅味道，但係唔會辣同嗆口。主要食到係吞拿魚同枝豆嘅味。雖然有唔同texture，口感都豐富，但整體味道比較單一。如果可以多啲魚子粒粒，應該會更好味。
👌🏼ALOHA $118.00全碗都係素食。主要口感係好凍嘅豆腐同好爽嘅鮑魚菇味道，再加啲柚子醬汁。醬汁嘅味道可以，整體酸酸甜甜嘅味道。不過豆腐太凍，又唔算甜。食完成碗嘢，行出街覺得好凍。味道還可以，唔算特別出色。🤔Shoyu Ahi $118主要係吞拿與撈埋紫海藻嘅口感。味道比較平凡，食完會唔係好記得食左咩果種味。
continue reading
呢間主打健康嘅Poke碗專門店，真係食得又有益，每款碗都好有層次感，健康又好味！以下就逐樣介紹下我試過嘅兩款精選。**ONO**呢款ONO碗係個經典之選，最啱鐘意清新口感嘅朋友！三文魚嘅肉質滑嫩，脂肪比例啱啱好，每啖都食到新鮮嘅海味。壽司飯煙韌又有微微嘅醋香，配埋脆卜卜嘅溫室青瓜同雞蛋絲，啱晒追求口感豐富嘅人。蟹棒沙律鮮甜而帶少少Creamy嘅質感，仲有果仁芝麻醬嘅濃香，令成個碗嘅味道更加提升。撒上啲香噴噴嘅芝麻，咬落去仲有層次，真係好滿足！🐟🍚**自選碗**呢個自選碗玩味十足，每樣配料都可以話係星級搭配！八爪魚爽口彈牙，珍珠糙飯既有咬口又帶有陣陣米香，健康之餘又飽肚。櫻桃蕃茄同甜粟米俾咗啲清甜嘅味道，加埋麻醬豆腐嘅滑嫩感，成個碗好似一首交響曲咁和諧。蜜糖芥末醬既甜又微酸，滲透晒啲材料入面，最後加啲木魚絲、脆蒜同紫菜絲，好有層次感！🐙🍅
continue reading
成日出街食飯想食得健康d,但係又真系選擇唔多，近期發現左一間食夏威夷蓋飯嘅餐廳，健康得黎又好食又夠飽肚。Poke Go都有幾間分店，今次去嘅係灣仔，在利東街旁邊，店舖外側有一張吧檯，對住街景，坐係個度都幾chill☺️餐廳主要售賣嘅食物喺SIGNATURE BOWL，有7款餐廳推薦嘅口味，由主菜到醬汁都幫你調校埋，啱晒有選擇困難嘅我🤭有特別口味或配搭想試嘅話可以試下Build my own Bowl!🔶808<吞拿魚，糙米飯，沙律菜，和式青蔥，枝仁豆，三文魚籽，雜菌香菇，山葵乳酪醬，芝麻，木魚絲>個份量都幾多，大大碗，d吞拿魚切到大大粒，好厚實，三文魚籽加埋枝豆，口感豐富。山葵乳酪醬都幾特別，唔會好辣好嗆鼻，吞拿魚刺身加wasabi 乳酪醬, 好清新，唔會太膩👍🏻仲有炸蓮藕片好驚喜！炸得好香脆，好似厚實嘅薯片咁！🔶KORNER<慢煮雞胸肉，壽司飯，沙律菜，藜爽，牛油果，溫泉蛋，炸牛蒡，山葵乳酪醬，芝麻>呢款bowl好適合健身做運動，有滿滿嘅protein😍 滿滿嘅雞胸肉同牛油果，加滿藜麥，超健康👍🏻Topping仲有炸牛蒡，香脆味道又清新。
continue reading
808: 賣相唔錯，配料亦好多種及豐富，其中有支豆、香茄、青蔥吞、沙律菜、芝麻、吞拿魚粒、三文魚子、木魚絲，炸蓮藕等等。而飯底任君選擇，呢份揀咗配壽司飯，配埋山葵乳酪醬，食落口感清新，唔會有肥膩感覺，刺身有提鮮既作用，健康而營養豐富之選。NALU:飯底揀咗糙米，配料包括八爪魚粒、蟹肉、粟米、青蔥、芝麻、青檸、蕃茄、炸蓮藕等等,配埋辣味蛋黃醬及辣椒碎。食落有辣香，味道及層次較為豐富，衝擊味蕾，十分開胃，配上八爪魚粒幾有𡁻口，頗有驚喜。總結： 份量十足，食材新鮮，即叫即整，賣相及味道唔錯，比傳統刺身壽司飯 更豐口感層次，值得一試。
continue reading