Poke Go (汕頭街)

Open Now

Now Closed

去完旅行暴食 番黎要節制一下 每次我想食輕盈啲既首選一定係poke go深水埗同尖沙咀店都成日去 灣仔店就第一次 好似係有多啲item架.ᐟ‪‪‬例如圖入面個炸牛蒡波波之前都未見過今次我同男朋友都係揀build your own bowl 揀哂自己最想食既～一如以往啲配料都係塞爆!!!既狀態 每次都堆滿到無從入手 所以個base我通常要半壽司飯半沙律菜 有時唔太餓仲可以分兩餐食Main protein分別要左吞拿魚同八爪魚 都係切到大大粒Toppings部分絕對會令人選擇困難症發作 有成15款 而top up都有成9款試過好多款都可以話比大家知無伏 都係新鮮又有質素6款醬我食得最多係果仁芝麻醬或者山葵乳酪醬 真心都好好食又無負擔◦ Octopus Sushi rice / Green saladEdamame Sweet corn Egg shreds+ Salmon roeWasabi yogurt ◦ TunaBrown riceCucumber Onion Seaweed+ Fried BurdockNutty sauce✿

Poke Go嘅尖沙咀、深水埗分店都去過，終於解鎖埋灣仔分店✅ 一樣嘅係，牆身都係邀請咗人氣高嘅foodie去畫一啲小清新插畫，祝Poke Go再開分店，我自薦去畫啊！(唔知醜到max.😜)之前見到frd去幫襯Poke Go，有壽喜燒食！不過原來係期間限定嘅，四月已下架，希望有機會再試😌 我地當日趕住去睇drama，加上放工唔想用腦袋，所以就咁揀咗兩碗signature bowl 🥗➿ 808 ($128)吞拿魚/ 壽司飯/ 沙律菜/ 和式青蔥/ 枝仁豆/ 三文魚籽/ 雜菌香菇/ 山葵乳酪醬/ 芝麻/ 木魚絲 *配沙律菜、壽司飯➿ 𝑺𝑯𝑨𝑲𝑨（$118）三文魚/ 壽司飯/ 菠蘿粒/ 溫室青瓜/ 雞蛋絲/ 炸牛蒡/ 辛味蛋黃醬/ 芝麻/ 辣椒碎 *配沙律菜、糙米飯唔覺意叫咗兩款辣味Poke🌶️ 但辣得好唔同， wasabi乳酪醬辣得提神，而辛味蛋黃醬配搭住菠蘿粒🍍辣得refreshing！魚生係Poke嘅靈魂，吞拿魚無筋，三文魚同三文魚籽都好新鮮鮮美😋 蔬菜類配料方面，炸牛蒡打卡able，製作上又考功夫，推薦推薦🌟 鍾意店家可以揀跟半飯半沙律菜，健康地有飽足感💁🏽‍♀️➿ 牛油果奶昔 ($4

最近去咗Poke Go，呢間主打健康鮮食嘅餐廳，整體體驗好好！ONO $118 今次試咗其中一個signature bowl - ONO，入面有三文魚、壽司飯、溫室青瓜、雞蛋絲、蟹棒沙律同果仁芝麻醬。三文魚新鮮，入口即化，壽司飯嘅口感都幾好，配上清脆嘅青瓜同滑順嘅雞蛋絲，味道層次好豐富。果仁芝麻醬更加添咗啲香脆口感，真係好味。自選 Poke Bowl $128Poke Bowl 係Poke Go嘅招牌之一，真係好靈活，可以根據自己喜好選擇材料同醬汁。我選咗雞胸、海帶、雞蛋碎，仲加咗蟹肉絲。雞胸肉嫩滑，海帶清新，雞蛋碎添咗啲口感，而蟹肉絲就令整碗更加有海鮮味。每一口都好健康，配搭嘅醬汁啱啱好，唔會過油，非常適合想食得清淡又有飽腹感嘅人。呢度環境輕鬆舒適，特別係每星期四有live music，氣氛好好，適合朋友聚會或者情侶約會，可以邊食邊聽音樂，真係一大享受。

其實有陣時肥妹仔都鍾意食吓啲健康嘢，今次去咗食呢一個健康bowl。肥妹仔揀咗八爪魚壽司飯，配菜揀咗青瓜，麻醬豆腐同埋芝麻海帶，另外加咗牛油果，醬汁就揀咗山葵乳酪醬。八爪魚好新鮮，煙煙韌韌好大粒，青瓜好爽口，麻醬豆腐好好食，牛油果食落去有啲似食魚生嘅感覺好新鮮。山葵乳酪醬就微微攻鼻，好刺激。另外肥妹仔嘅朋友就揀咗三文魚，其他配菜同肥妹仔差唔多。佢嘅食評就係覺得三文魚好新鮮，而且個份量好足，食落去非常之飽肚。總括嚟講呢一間餐廳係一個非常之健康嘅選擇！

簡單健康嘅夏威夷魚生飯 今次去「Poke Go」食佢哋嘅夏威夷魚生飯，主打健康，可以自選配料同醬汁，幾適合做尖嘅人🤣三文魚 Bowl + 慢煮雞胸（壽司飯底 + 沙律菜）揀咗三文魚追加慢煮雞胸～三文魚切得幾大粒，新鮮度OK，冇雪藏味，但未算好肥美～慢煮雞胸幾驚喜，唔會太鞋，有少少調味，唔使點醬都夠味！飯底揀咗壽司飯，醋味唔會太重，同沙律菜撈埋一齊食幾夾。配料方面，櫻桃蕃茄新鮮爽口，麻醬豆腐滑溜但麻醬味可以再濃啲，菠蘿粒清甜解膩，牛油果熟度剛好，加埋鰹魚醬油整體味道平衡，唔會太鹹，食完超滿足！椰皇原個椰皇上枱，椰水清甜，幾適合食完魚生飯之後清清味蕾～牛油果奶昔質地幾濃稠，牛油果味突出，甜度適中，飲得出冇加太多糖，感覺幾健康。如果鍾意牛油果嘅人應該會幾滿意，奶香都幾重～📍Poke Go (汕頭街) (灣仔)灣仔汕頭街5-7號地舖

相信大家對呢間都唔陌生，深水埗、尖沙咀同灣仔都有分店，主打口味Poke Bowl，第一次食可以叫返佢哋嘅Pre-set Menu，想DIY嘅亦得。主食有三文魚、吞拿魚、八爪魚、雞胸、鴨胸同雜菌香菇，份量頗多，鮮甜入味，個人鍾意香菇，菇味突出，素食人士都適合。配料可以按個人喜好加配，本身會跟三款。今次試咗溫室青瓜、甜粟米、芝麻海帶、枝仁豆、紫洋蔥、雞蛋絲、豆腐、菠蘿粒同鷹嘴豆。印象深刻嘅包括甜粟米、芝麻海帶同菠蘿，夠新鮮，口感層次，健康又好味，加埋醬汁可增添口味。呢度嘅小食都有唔少款色，和風炸雞有四件有八件，兩款口味，和風似足章魚燒，雞肉大塊啖啖肉，外皮脆身，適合分享。全部食物即叫即整，快靚正，而且小店地理位置亦算方便，喺附近返工嘅又有多個選擇。

呢間主打高蛋白質、低卡路里嘅Poke Bowl, 啱晒一班注重健康飲食、健身人士🏋🏻‍♀️！主菜選擇多, 當中包括三文魚、吞拿魚、八爪魚🐙、慢煮雞胸等, 配菜有青瓜🥒、溫泉蛋🥚、蟹籽、牛油果🥑、豆腐等, 健康有營又美味😋！可以自由搭配各種配料, 蓋飯底仲可以揀雙拼 (一半沙律🥗 ➕ 一半壽司飯/珍珠糙飯), 有選擇困難症可以揀預設嘅Bowl～🥣自選Poke Bowl (雙拼)我揀咗慢煮雞胸, 再搭配枝仁豆、三色藜麥、豆腐、牛油果🥑, 配上果仁醬(另上), 成個組合好清新！Poke Bowl上面放上炸牛蒡, 非常香脆可口！沙律菜新鮮爽脆, 軟滑嘅豆腐加上藜麥、牛油果🥑, 口感豐富！加埋珍珠糙飯好飽肚, 對我嚟講份量啱啱好！另外叫咗冷壓菠蘿汁, 好香菠蘿味🍍, 酸酸甜甜, 味道天然, 非常清爽！

想食清淡啲，健康啲又不失營養價值，今日運動前去左食POKE GO。STAFF好好招呼，入到去問有冇食過，然後解釋餐牌，仲提我有得叫LUNCH SET有野飲送。除了自己可以逐樣揀之外，如果第一次食，有佢地配搭好既比你揀，除左砌得靚之外，味道配搭都比較好食，於是我就直接揀左OHANAOHANA﹕沙律菜底、配搭三文魚、櫻桃蕃茄、溫室青瓜、甜粟米、芝麻、果仁。三文魚粒量好充足、新鮮；櫻桃蕃茄爽脆帶有甜味；溫室青瓜清新；帶埋粟米甜味配搭好好。漿汁係蜜糖芥茉醬，唔想食太多醬汁既朋友可以叫另上!餐飲叫左100%椰青水。另外仲有好多熱飲同凍飲可以揀，基本上都係原型食物同飲品，滿足追求既朋友。

我一向都幾鍾意食poke blow，尤其係唔想食得咁Heavy嘅時候，今次就去咗汕頭街呢間Poke blow 專門店，好喜歡坐窗邊對街景食，舒服又Chill嘅感覺，呢度嘅blow 有得自選配搭，可以揀自己鍾意嘅材料，但由於配料太多選擇，花多眼亂，最後我哋都係揀咗配搭好嘅set lunch，都好抵食，又勁大碗，材料好足，食完真係可以好飽肚👍🏻好鍾意見到個blow嘅材料滿滿地疊到一層層咁，覺得好有療癒感🥰而個blow嘅Base重可以楝一半沙律一半壽司飯🌀808 $128超鍾意呢款個山葵乳酪醬😋輕微嘅Wasabi唔會有好攻鼻嘅味道👍🏻仲可以係好清新，唔會蓋過材料本身嘅味道，超大碗材料豐富到不得了，有吞拿魚粒、三文魚籽、雜菌香菇、枝仁豆、和式青蔥、木魚絲、芝麻、壽司飯、沙律菜 ，口感相當豐富🥰至於個Base 我就揀咗一半壽司飯，一半沙律菜，夠晒飽肚🌀SHAKA🌶️$118呢個買相真係好得🤩一上枱就覺得好吸睛，呢個blow冧到成座山咁高😆最頂層有一大咋炸到脆卜卜炸牛蒡，味道甘甘地都唔錯，呢款個sauce係辛味蛋黃醬，辣辣地好醒胃朋友鍾意低碳，個Base就揀咗沙律菜，材料有三文魚粒，菠蘿粒、溫室青瓜

有一排冇食丼飯，今日夜晚唔想食得咁heavy，就同朋友就在灣仔Poke Go食丼飯，除咗餐廳嘅菜式，仲可以自選嘅，夠曬彈性OHANA $150第一款揀選嘅丼飯係ohana，配料用上三文魚、沙律菜、櫻桃番茄、溫室青瓜、甜粟米、芝麻、果仁，另外加錢叫咗牛油果+溫泉蛋，醬汁係蜜糖芥未醬。丼飯整體顏色繽紛，蜜糖芥末醬食落香甜又清新，配上煙三文魚等材料正好ALOHA $118另一款當飯揀咗全素食嘅材料，包括有牛油果、壽司飯、雜菌香菇、甜粟米、豆腐、赤道紅海帶、芝麻。本身係預設咗壽司飯，不過就改咗沙律菜。預設醬汁係柚子醬油醋，揀咗另上，醬汁比較酸，落少少已經好夠味，由於係素食，整體味道都比較清淡，味道主要係嚟自於柚子醋同埋甜粟米，但係食到原形食物嘅味道

港島區有好幾間夏威夷魚生飯，經常捉埋鍾意隊草/食light food既友人一齊食，咁就可以試多D唔同味道既食物🤭Menu設計彈性，除左預設食物，客人亦可按個人口味揀自己鍾意既食物。小店設有半開放式bar枱，感覺親切溫馨，牆上仲有可愛壁畫☺️SO IGABLE808 $128吞拿魚｜糙米飯｜沙律菜｜和式青蔥｜枝仁豆｜三文魚籽｜雜菌香菇｜山葵乳酪醬｜芝麻｜木魚絲用料豐富，勁多三文魚籽、木魚絲同吞拿魚，賣相吸引😍三文魚籽咸鮮爽脆，山葵乳酪食落清香，加埋粒粒吞拿魚、枝豆同雜菇，好有咬口，味道傾向日式OHANA $118三文魚｜糙米飯｜櫻桃番茄｜溫室青瓜｜甜粟米｜蜜糖芥末醬｜芝麻｜果仁色彩鮮豔，令人食慾大增。三文魚幾肥美，加埋爆汁櫻桃番茄😋勁juicy，果仁、芝麻同糙米飯幾有口感，青瓜粟米夠爽脆，整體味道酸甜開胃，幾清新易入口，好岩夏天食一人一大碗，食完好full，好味健康又低卡😚

作為灣仔返工嘅打工仔 平時想食得健康啲又要飽肚 同同事嚟到呢間poke go 餐廳裝修都好有心思 牆壁有好多壁畫 好多公仔可以打卡呢間餐廳健身、減肥人士好合適 可以揀自己想食嘅配料 碗碗都勁大碗 原來Poke 有勁多選擇 樣樣都想食 自己揀又得 又可以揀餐廳已經調配好嘅signature bowl 一碗份量比想像中大咁好多 最後同同事揀咗兩個嚟share 食🔆808 呢個poke 有好豐富嘅三文魚子、吞拿魚、雜菌香菇等 好吸引 底層可以揀壽司飯或者沙律吞拿魚軟腍腍 入口即溶又唔腥 wasabi醬汁再撈埋個飯有芥辣嘅清新又幾好食😋🔆Korner 慢煮雞胸、牛油果、炸牛蒡、溫泉蛋、藜麥等配料 呢個基底就轉作沙律 雞胸唔會煮到好嚡 加上青檸汁提鮮 呢碗有滿滿的蛋白質😊健身人士非常啱食

週末天氣突然轉凍，都阻唔住我果顆出去覓食既火紅之❤️嗷🍲Hot ONO：第一次食波奇飯感覺很新鮮，原來系熱食。分量超級滿足，而且材料非常豐富，主菜三文魚、蟹棒沙律分量十足，加埋芝麻醬整個飯口感豐富，開胃解膩。🥙Hot ALOHA：牛油果系芝麻醬既助攻嚇，完全無左平時裏種膩膩既口味，食幾多都唔怕。豆腐好嫩滑，仲有其他低碳配菜，瘦身減脂之選👍🏻🍍夏威夷賓治：非常適合夏天既飲品，酸甜爽口，菠蘿味口感清新。🥑牛油果奶昔：奶香絲滑，牛油果香濃，蜂蜜調制健康放心，甜度適合。環境：座位很愜意在窗邊的街景有一絲chill意，裝修簡約溫馨，地理位置方便。食材新鮮用心製作。

今日同個同事過黎灣仔做野，大家做野都好有效率，所以12點前已經攪掂哂。既然係咁，我地一行2人就爽性食完lunch先番office繼續做野。灣仔出名多好野食，由於時間尚早，我地其實想入邊間餐廳食lunch都可以唔駛等位，不過正正因為時間早，我地其實都唔係好肚餓，所以想食d無咁heavy既lunch。一心諗住搵下d cafe小店食個brunch，點知行行下見到呢間食poke bowl，就決定入去試一試。餐廳空間都唔細，坐位都幾舒服，乾淨企理，而最令我喜歡既係餐廳選擇播放住廣東歌老闆見我地第一次黎，就介紹我地叫 lunch set，咁就可以試d招牌組合，又可以有杯飲品跟餐。lunch set的食物唔可以改，除咗個底，可以揀飯或者沙律菜自選既選擇都有好多最後，我就揀咗 SHAKA 餐，跟冷壓橙汁SHAKA 上面既炸牛蒡球令到個poke bowl好吸睛，打卡一流！呢個牛蒡球睇得又食得香脆又唔會太油膩，而且有少少牛蒡既甜味，好唔錯！成個 poke bowl 的味道都好夾，三文魚大大粒又肥美，個沙律醬辣辣地，加埋個辣椒粉都幾刺激，估唔到同d蛋絲配襯得咁好，最底既沙律菜同埋青瓜都新鮮爽脆既，菠蘿亦都夠

冬季後食少左生冷poke bowl, 好難得原來 poke go 有熱食石窩飯 (Aloha flaming bowl), 材料就係平時既Aloha (素食poke), 咁一定要試下。材料有牛油果, 豆腐, 栗米, 紅海藻, 冬菇, 一片用黎裝飾既炸蓮藕。冬菇同埋紅海藻有麻油調過味, 麻油十分香, 其他材料壽司飯落左柚子醋, 有少少青檸香味, 食落好清爽好開胃。溫度方面, 我以為好似煲仔飯熱辣辣有飯焦, 但其實只屬於微溫, 或者接近韓式拌飯個種溫度, 熱食版只有堂食無外賣。但無論如何, 可以有溫度地食到鮮蔬我都係好滿意。