Pokka Cafe (荃灣千色匯II)

Open Now

Now Closed

首先食間餐廳好多細路，煩到不得了。個男侍應黎到又唔講個餐係咩，係喉嚨底講野，跟住比張紙出菜紙我睇先知係咩黎。個餐完全唔好食，唔值呢個價。個76蚊牛排餐好細，花園餐廳都好過佢。好啦，到賣單啦，我地比左錢班侍應唔知搞咩搞勁耐都未收錢，周圍完全無人。舉左手好耐想找錢但個侍應見到就直行直過，完全無理過人。最尾搞勁耐都無人理直接放抵錢係抬算，錢都廢事找，廢事又搞勁耐，當豪比狗haha走時又無farewell，班侍應又蒙下蒙下咁。賣單要200幾仲要加服務費，成$20幾，真心比唔落囉！咁差態度都要比service charge係咪傻！又無service 又唔好食，大家唔好去食呢間pokka cafe，又貴又差，肯定係最差個間分店，睇佢咁多負評就知啦！

9-1-2019（Wed）係我同老公結婚3週年嘅日子，要出街食個晚飯慶祝。原本諗住去綠楊坊嘅HE SHE EAT，但先到嘅老公話佢哋進行優化工程而暫停營業。咁由佢決定去邊間食，佢就決定呢間。我去到，裝修唔同晒，通道闊落咗，有唔同style嘅枱，有casual啲，有舒服啲，但好似冇晒卡位。我哋坐喺張張3人枱，都闊落，研究完menu，發覺叫個主菜加$48.00就有湯或沙律同餐飲，價錢同一個set dinner一樣。咁就多選擇了，我哋決定要$166.00嘅 C餐，焦糖蘋果焗豬扒，同歐陸海鮮主菜中，$122.00嘅利馬風味帆立貝龍蝦湯米意粉，加$48.00要煙三文魚田園沙律同餐飲，因為帆立貝飯已經有湯。落完單，先上兩個沙律，C餐嘅沙律係溫泉蛋巴馬火腿沙律，我先食煙三文魚田園沙律，煙三文魚味道好濃，落咗適量嘅柚子醋，好好味。味道：５分溫泉蛋巴馬火腿沙律好似冇落醋，呢個變得清淡。味道：３分好快，利馬風味帆立貝龍蝦湯米意粉到嚟，之後係焦糖蘋果焗豬扒，女侍應擺低時問我哋要唔要飯或意粉，我答要意粉。冇耐，意粉都到嚟，先食焦糖蘋果焗豬扒，話明焦糖蘋果一定甜，配埋本身冇乜調味嘅豬扒食就啱啱好；而豬扒都幾厚，

一向中意飲咖啡嘅我 終於去左pokka cafe♥️每次經過都有好香咖啡味 又坐得舒服 真係好岩同姐妹傾計 敘舊下午茶set冇乜岩 最主要都係想試佢啲咖啡 價錢吾平 但真係好多款揀 好多都好岩我心水😍係朱古力+咖啡控的我有好多選擇 最後揀了這杯👑朱古力曲奇咖啡(左)(~$55)好香咖啡味 又有雪糕食 一舉兩得 真係好岩tea time♥️朋友選了右邊的 👑布丁棉花糖朱古力個人認為太甜 而且沒什麼特別 像是加了布丁和棉花糖的凍朱古力奶。。總結 還是自己選的最合自己口味 價錢略貴 但因為聊天坐了很久 又覺得值了

今天入到店內！很同情Pokka 主辨人，居然店內職員質素相當差, 我們一同三人進了店內準備用餐, 餐牌上有一份茶餐名稱拿破崙三色螺絲粉， 顧名思義三色螺絲粉，相信是指三種顏色的螺絲粉吧？但是拿破崙代表什麼呢 ？ 當然便叫了一名女職員前來詢問她拿破崙三色螺絲粉材料用什麼酱烹調！ 她很快便回答說唔清楚！ 我們即時呆了！她也與我們一樣呆望地站著！ 我朋友只好麻煩她可否問下其他同事！什麼是拿破崙三色螺絲粉。這名職員很像覺得我們難為她似的！向另一位女店員查詢！而這兩名店員居然不是第一時間走到我們處！講解這味菜式，而是繼續私私細語很像很害怕走到我們面前？或覺得我們是前來玩弄人不是來光顧呢？。最終令我們等了幾分鐘，我們忍耐不住起身便走了。我一向喜愛Pokka的食物。旺角店和屯門店，就算澳門也有幫襯，荃湾真的是第一次！相信也不會有第二次！店員連自己店內位售賣的食物！也攪不清！怎說服客人食得滿意！

早餐、午餐、晚餐，全部夾埋係一餐 搞掂，呢個係乜嘢玩法！？我呢啲就叫做真正懶人本式，就連食都懶呀。先嚟嘅係一個什菌湯，呢個雜菌湯對我嚟講喺水準之下嘅因為唔係好濃郁，係就係有一啲什菌味，之萬辻飲落口水汪汪，呢一個價錢比呢個質數，完全唔成正比，我最鍾意飲什菌湯，但係呢個畀我嘅係失望。跟住係主菜，三文魚魚柳，個 presentation 好靚，但係塊三文魚柳炸到成發鐵餅咁樣， 真係講衰啲嗰句，唔講都唔會知道係三文魚扒，味道嚟講都係一般般啦。 薯角仲炸得好硬，唔係咁好味。中上價錢，低級味道。

衝著pokka的名字，結束BB學校的春茗活動之後來到這家店。但是經歷很不愉快。感覺這家很不BB friendly。 我們明明排在前面，他們會讓我們等著，帶後面的兩位進去用餐先。我們多等了兩個兩位。足足多等了15分鐘。如果不是first come first serve， 排隊還有什麼意義呢！！ 是這樣的話不如叫號碼，大小臺分開叫。好不容易等到，進去用餐。 一個四方臺，一邊靠往來的行路。 他們很不貼心，把bb凳放在了路邊位，沒有放在裡面位。點了lunch menu里的燒雞。上來我們傻眼了，沒有主食！！！第一次吃沒有主食的lunch set。 問店員要白飯，店員說你們點了跟什麼嗎？天哪，menu沒有說明，店員落單的時候也沒有問啊！！！ 好不容易等來一晚白飯。菜色一般，味道一般，完全沒有預期的Pokka。吃完之後，店員也沒有問吃完沒有就很不禮貌的收了餐具。本來愉快的春茗心情徹底沒有了。發誓再也不去Pokka了。

今日下午我們喺荃灣做嘢，但由於我們早咗好多到，所以我們就去咗千色匯嘅「百佳咖啡餐廳」食中午飯！我們叫咗鮮茄忌廉煙三文魚蟹籽意粉嘅意粉麵質相當煙煙韌韌，但因忌廉汁嘅味道過度濃郁，所以唔係好食到有鮮茄嘅味道，至於煙三文魚都幾軟滑，煙燻味亦幾香濃！和風豚肉定食嘅豚肉肉質相當鬆軟同炒得好芳香惹味，而且份量都幾多！日式照燒芝士鷄扒定食嘅嘅鷄扒吸收晒香濃嘅照燒汁味道，鷄肉嘅肉質非常嫩滑多汁，至於底層嘅嗰啲，最初以為係鷄蛋，但原來係芝士，味道都幾香濃！跟餐嘅雜菜湯嘅味道係極之清淡，差唔多係淡而無味！跟餐嘅骨膠原田園沙律嘅味道好清新，沙律菜相當清甜新鮮！但跟餐嘅多士應該喺主菜嚟之前嚟，但就要我們等到我們差唔多食晒，預備可以走得先攞嚟，而且一啲都唔酥脆同感覺好油膩！

上個禮拜約咗D朋友一齊食晏晝，不過睇吓個lunch Menu，連我唯一最想食嘅c餐都賣晒啦. 咁就唯有散叫啦呢個係咖哩奄列炸雞飯，雞蛋好滑又夠嫩，咖喱味道甜甜地，係日式咖喱嘅味道，不過炸雞就比較凍唔夠熱，腸仔味道都唔錯。呢個係咖喱奄列牛肉飯，明明都係咖喱飯，但係呢個就用鐵鍋裝住嘅，所以非常之耐熱，熱到都唔可以即刻食。牛肉有d老，不過雞蛋都係咁滑。跟住我哋坐到可以食下午茶，叫咗個下午茶甜品，就係雪糕多士，個多士味道甜甜地幾好食。

咁多年第一次食POKKA CAFÉ，就去咗荃灣呢間分店～星期六知道多人所以早早揀定食邊間就去排隊，好彩2人位仲有一張枱所以可以直接入去。見到有DINNER MENU所以就揀咗DIY鐵板安格斯肉眼扒（配飯）同芝士吉列豬扒配黑松露菌意大利飯，配湯或者可以加錢升級唔同既湯但若果唔係MEMBER就不能享用免費飲品喇～由於愛人太喜歡酥皮湯，所以加錢要咗個酥皮海鮮湯＄34。上枱既時候熱辣辣，真係即做即做，海鮮湯有好濃龍蝦味，而且仲有少少海鮮如蟹捧、魷魚等等，所以加錢都算加得值。小妹對湯無咩太大追求，所以我要跟餐既羅宋湯，普普通通，但勝左個餐包暖暖地，入口鬆軟。主菜黎喇！ DIY鐵板安格斯肉眼扒（配飯）＄152落單既時候提咗一句話要5成熟，但職員話係DIY所以自己燒既，按自己喜好既熟成程度去食～上枱時候，職員話如果覺得熟可以拎去配菜果到，唔會過熟。一上枱我同愛人講，夠熟啦，可以拎上黎，接近8成熟，真係有所失望，因為我地喜歡食5成左右，而家實在太熟喇，唔想佢繼續煮繼續熟，就拎去D菜到，但好快凍，所以食落去都多咗一份”鞋”感同凍～後續問返職員，我話平時都會煎好唒先俾客嗎？佢話會大約3-4成熟既時候拎俾客

午餐訂了枱，留枱5分鐘，準時到就可直入不用等✌🏻環境舒適，座位寬敞；不過用餐限時。以前食過其他分店，都唔係令人會想keep住去食既餐廳。荃灣店裝修環境幾好，所以俾多次機會佢，第一次食荃灣的分店。午餐選擇算多，但價錢頗貴。但落單時，發現有一些lunch set已經售罄......😱餐湯：稀而味淡；餐包像是嘉頓的小餐包。軟殼蟹意粉：賣相不差，但汁醬同意粉是分開的，未能入味，醬汁較稀！軟殼蟹肉質瘦削，外皮不脆。好失望，實在不該是這連鎖店/售價的質素

8/10星期日,帶着3個老人家到荃湾千色店逛街,行累了,想揾個地方休息ㄧ下,去到地下嘅polka cafe,可能正藉午餐時間,店外已有10各人等侯入座,排隊不到ㄧ分鐘,店内有個身穿西装的男職員找來幾張椅子,放到門口位置,讓老人家坐着等侯,還熱心的端上熱水呢!等了約30分鈡,終於可以入座。剛坐下來那職員還關心的詢問位置會否太冷(咁窩心嘅舉動又點會凍呢)到食物送嚟嘅時候,仲幫老人家將D意粉切碎添!今時今日嘅食肆,真係好難得有咁貼心嘅服務態度喇😞😃😃

千色店行完街, 貪方便, 就係最低個層pokka cafe 食~睇左menu , set dinner 唔啱口味, 所以唯有選擇散叫, 我地叫左一個吉列豬扒咖喱奄列飯($138) 同埋摩里菌已馬火腿意粉 ($138) 另加一, 因為散叫, 無跟任何湯或飲品~吉列豬扒咖喱奄列飯, 尚算ok, 豬扒亦炸得唔錯, 唔會鞋同韌, 咖喱汁都可以摩里菌巴馬火腿意粉個味好淡, 個汁無咩味, 巴馬火腿得薄薄2片, 而什菌菇就好多~ 

以前覺得Pokka cafe 唔錯，有裝修食野最緊要坐得舒服，選擇多適合三五知己聚餐，食物水準不過不失有時有驚喜，可能近年很多有質素的Cafe餐廳冒起，pokka 顯然有點吃力。今日叫咗個Tea set:紅豆香酥丹麥多士外皮香酥但略嫌硬了些，內部並沒有甜軟，真正食到麵包位置不多，用上普通蜜紅豆甜而不清有點膩⋯⋯雲呢拿雪糕只是普通點綴配上蜂蜜檸檬薑茶，真心唔好飲，非常甘苦沒有蜂蜜甜味荃灣pokka cafe 裝修時尚化。員工服務還可以。只可惜今次Twa set 是失望的　

Yummy Yummy~假期同家人晚餐，訂左枱~舒舒服服，雖然一家大細有老有嫩，但菜式都好多好整全~點左牛扒但只可以選擇五成或七成，最後決定七成，但最終都係覺得熟左D.珍寶沙律非常新鮮清新，煙三文魚，蝦蝦同火雞胸都有齊。健康之選~豬手豬手最正，味道剛好，不油膩，不是炸的，肉質又軟熟~皮仲好膠添！！！正！Apple Crumble個個都飽到食唔落之制，得我一個人食，不過好在份量唔巨大，我又好鍾意食點品，好香肉桂味，熱熱的蘋果粒粒配住凍冰冰雪糕~好味又滿足~

喜歡Pokka嘅咖啡，其實今日第一次食佢嘅食物。e間地方算大，坐位亦算多。三兩知己食乜好呢？我點咗海膽帶子龍蝦汁意粉（帶子細小得可憐，意粉係天使麪。其實本人不喜歡天使麵的。份量很多）前菜骨膠原沙律（只見有D透明嘅東西，唔知係乜嘢）另外係軟殼蟹海鮮意粉（朋友話幾好味，唔錯）另外一位食香煎甚麼魚（忘記了）但見到魚煎得好靚，另外大量蔬菜伴碟，睇落應該不錯的。甜品係大大杯的綠茶雪糕，杯內還有類似布甸及qq的東東在內。最後午餐奉送咖啡及茶😊