Video
Telephone
28706500
Other Info
Wi-Fi
Alcoholic Drinks
Parking
Phone Reservation
Delivery
10% Service Charge
Outdoor Seating
Above information is for reference only. Please check details with the restaurant.
南區特色會所，鄰近海洋公園 。一定係揸車入去比較方便。運動、康樂設施齊備。泳池旁的 Poolside restaurant , outdoor 空氣清新。但為了保護會所空氣，所以為非吸煙區。快餐形式，廚房櫃檯落單，自己攞食物(Self-serve)。食物質素ok，餐牌價錢合理，西式同港式任君選擇 ，照顧一家大細、小朋友餐都有。 而今晚我就揀咗 special 每日精選，竟然有驚喜。 魚塊香脆丶新鮮蘆筍丶蘑菇配蕃茄汁，同埋杯咖啡，一如以往地好飲。另外想健康啲都有特色Juices 。Menu 以英文為主，除咗港式大排檔菜式有中文。帳篷擋風，又可以遮太陽，不過夜晚帶多件褸，冬天的時候會開暖爐。
continue reading
859 views
週日早上因大肥爸爸要入去香港鄉村俱樂部辦理事情，肥肥家族就決定索性喺嗰度食埋午餐。可能陰天o既關係，外出天氣都幾凍吓，會所各餐廳o既室內座位早已爆滿，四口子唯有喺冇乜人o既「Poolside」度食快餐醫肚。顧名思義，「Poolside」位於泳池旁，散座全為室外座，重重o既鐵造枱櫈均有沙灘遮保護，雖則當日落著雨粉，環境卻仍能保持企理乾淨，加上四周都開住暖爐，可謂盡顯高級會所o既雅氣。餐廳屬快餐形式經營，簡易處理o既多國菜式都列於兩頁餐牌內，當中包括漢堡包、熱狗、咖哩、湯麵等等。除此之外，黑板上亦寫上每日精選項目。今期仲有日本清酒及港式奶茶飲添。會員於廚房櫃台落好單後，就要排隊等攞食物，不過好多需時煮製o既餐飲都會有部震震機通知貴客食物已準備好，流程簡單易明，內外o既服務生又極之友善客套，用餐前真係全面滿分架！食物終於續一準備好啦！炸魚皮（$26）：睇住師傅備菜方才知悉炸魚皮原來並非即叫即炸，而係獨立包裝貨式；翻閱餐牌，人地真係冇寫「即炸」喎。炸魚皮無論係質感同味道都勁似薯片，係就係好薄同幾脆，但就欠缺咗份鬆化惹味。上海菜肉餃（$40）：全場只有一款o既上湯底唔油膩，無奈飲落勁似味精水。合共有七隻o既上海菜肉餃皮層滑就夠滑，可惜過於厚實，菜肉餡料再嫩脆亦瑜不掩瑕。港式奶茶（$24）：真係估唔到咁洋化o既會所池邊餐店居然可以調出如絲般幼滑，且香濃無比o既港式奶茶，就連色澤都咁堅，掂呀！屬私人會所o既香港鄉村俱樂部除咗具備多項娛樂設施之外，其實亦設有多間餐廳提供各國美食。肥肥家族一向唔好戶外活動，而且最怕冇冷氣o既地方要餵蚊，所以絕少喺池邊用餐，上個週末都係因為成個會所爆場，迫於無奈先會喺度食晏。室外餐室黎講，「Poolside」環境絕對高雅潔淨，服務亦屬一流，只係快餐食品質素麻麻，幸好有杯驚喜「港式奶茶」搭救，價錢又唔算過份，成功令細佬原定想俾「喊臉」o既食評都改為「OK」。
continue reading