Pop Street (Closed)

放左工緊係要同朋友食飯順便飲番杯🍸最近又發現左一間高質bar& restaurant，好岩去飲野傾計😎最特別嘅係佢地menu上面嘅菜式有世界各地嘅國旗，因為佢地主打世界各地嘅特式街頭小食🤩覺得最抵食嘅係川味辣子雞軟骨$35🌶好惹味而且份量好多🥰意大利卡邦尼扁麵$98🍝都唔錯，個汁好濃而且好多煙肉同蘆筍👍🏻朋友就好中意非洲懶人雞翼$68/7隻，佢一個人食左5隻😂餐廳用左特製嘅peri peri汁去整，而且只有單邊骨，岩曬懶人食🤣另外仲點左個拉絲芝士牛坑腩焗薯條$78🍟不過因為係焗嘅關係薯條比較淋，我都係中意脆卜卜嘅炸薯條多啲🙈酒方面好有驚喜😍朋友杯Pale Ale Draft Beer$75好易入口🍺我叫左杯R Lychee$78😹其實係荔枝味嘅cocktail，都好好飲😋總括而言哩間野食同酒都cp值好高可以再戰～

呢間店d枱點影都好靚🤤個波蘭蕃茄煎鴨胸扁麵（$72）賣相好靚 擺盤精緻 鴨胸睇落幾嫩 但我冇試到 留返大家試完講俾我知💕 個奇津手斯雞漢堡 ($62) 係我order嘅 佢嘅wasabis味令個漢堡昇華左 fresh左🙈個包係熱嘅 有d脆脆地 薯條就正常味道🤣注意⚠️：環保飲管♻️ 唔想用就要自備啦～-The decorations of this restaurant are delicate! The Poland 🇵🇱 duck breast tomato linguini ($72) looks delicious and the duck breast meat seems tender and juicy. I haven’t try it as it is my friend’s dish. You can try it and tell me how it tastes! The U.S.A. 🇺🇸 Cajun chicken burger ($62) is well-flavoured. The wasabi sauce makes the burger fresh an

可以一次過試超多款唔同國家既代表菜，啱晒唔同口味唔同種族既人一齊黎食呀👍🏻👩🏻👦🏼🧒🏽👱🏾‍♂️👵🏿-🇨🇳 川味辣子雞軟骨 $35依個小食好好食必叫呀‼️😋😋😋-🇨🇦 拉絲芝士牛坑腩焗薯條 $78作為加拿大代表🙋🏻‍♀️本身見到依度有poutine食勁開心🤩點知依個係冇brown gravy sauce同埋cheese curd，好乾呀唔夠正宗😫-🇲🇿非洲懶人雞翼配Peri-Peri汁 $68依個其實係雞翼一開二，辣辣地幾唔錯，佢叫懶人雞翼我仲以為會係無骨添🙈懶到出汁😂-🇺🇸夏威夷酸酸甜甜豬肋骨配BB生菜及多汁燒菠蘿 $178依個都推薦☺️燒得個肉質啱啱好👍🏻個汁有陣啤酒味咁幾特別😋菠蘿亦好甜好多汁😍

週末打卡完去西營盤搵食😋 呢間叫 #PopStreet 有超多唔同國家嘅菜式，款式有好多，配搭都比較少見、幾特別👀-前菜 #尼一泊爾香辣雞腎 $38，第一次食港式同中式以外嘅煮法💫，雞腎煮得啱啱好、好有咬口，加上好濃嘅香料同咖哩味👳🏿‍♂️，令平時覺得唔吸引、冇乜味嘅雞腎瞬間提升咗，第一次想食完一粒再食嘅雞腎🤘🏻-#爆汁牛骨髓漢堡配薯條 $128🍔，舊肉全熟得黎又保持到唔乾身，仲有好多我至愛嘅酸瓜粒，加埋煮甜咗嘅洋蔥絲同生菜做配搭，算係高質嘅漢堡包吧🌟 而薯條都炸得夠晒外脆內軟，好邪惡😈-來到主要想試嘅 #阿根廷香草醬牛側腹配燒牛油果及粒粒甜粟 $198 🥩 牛側腹肉質有啲似牛小排，呈現出粉嫩嘅medium rare💓，外層煎香，第一啖配撒上嘅海鹽已經好好食，直接食到肉汁嘅味道，然後就可以試吓加香草醬，雖然會蓋咗啲啲牛肉味但真係好夾👍🏻 另外配菜粟米加上牛油超級香，而牛油果就可以減輕油膩感❗️-#拗荔枝 $78 個名好得意，荔枝味重，上枱就咁都聞到，飲落都一樣咁荔枝。佢酒味超輕，唔會有平時最驚嘅藥水味😂 但其實都有酒精，所以飲得先好大大啖飲呀！-整體食物都好滿意，由食物嘅配搭睇得出老闆嘅用

在星期五晚上想同朋友去食下飯飲下野，可以傾吓計放鬆一下，我哋就搵咗西營盤附近幾間嘅食店， 最後行過Popstreet，見到佢店入面環境裝修都幾別緻，就決定入去食飯。入到去見到餐牌，有職員都會介紹有什麼主菜比較受歡迎，最後我們決定叫芝士肉醬意粉以及一個雞肉卷配蘑菇，同埋叫咗一個手撕雞沙律。至於飲品方面，由於我和朋友都唔飲啤酒，所以就叫左Cocktail。如果飲啤酒可以一試佢哋嘅手工啤酒，都見好多其他嘅客人有叫。cocktails 酒精濃度都幾高，我叫呢杯係荔枝味在配搭菠蘿汁。整體覺得呢間餐廳都幾值得聚會嘅時候去， 可以輕輕鬆鬆咁傾吓計飲吓嘢， 而且個環境都幾唔錯。同埋都近地鐵站，西營盤B2出口再行後兩條街仔第三街。

好耐冇黎過第三街食飯！行過見到依間有唔同國家野食嘅餐廳～就入左去試！店員好好人！一坐低就同我地介紹唔同嘅菜式有咩特別～又講比我地聽份量／口味…等我地可以再慢慢揀～最後揀左seafood paella同埋羊～ 加每人一杯white wine～西班牙海鮮飯 係用煲仔飯嘅兜上 幾得意XD入面嘅海鮮份量都多！有魷魚、蝦等等…一啲都唔孤寒 ！而個羊呢… 店員一早講左係3成熟上碟嘅時候見到咁紅仲驚太生…但又唔係喎！好有羊味…而且配埋個香草醬 真係好好味！份量對兩個女仔黎講亦都好足夠！食到飽飽先離開～應該會再黎食係用心又好味嘅小店！

我就係西營盤嘅街坊，每個星期六日都要食早餐，今日見到一間餐廳入去試吓，味道唔錯喎，推介俾大家啦今日試咗個奄列，覺得好好食，而且材料都算充足，輕輕鬆鬆享受一個美味嘅早餐

難得過海去啲平時少去嘅地方食飯先結果我地嚟到西營盤呢頭出名多野食見到呢間餐廳幾特別就去試下啦細細地 感覺好舒服 食物名又得意我地叫咗Periperi Chicken好好味 西班牙海鮮飯又幾入味仲要有本地薑嘅Lion Rock beer加埋真係一流呀!!!

「拗荔枝」係呢到其中一杯Signature Cocktail 🍹 用Campari酒mix左檸檬汁🍋菠蘿汁🍍番石榴汁甜甜酸酸😚酒味剛剛好好岩女生飲💃🏻💃🏻除左酒精飲品😁仲有來自不同國家嘅美食新加坡🇸🇬香港🇭🇰台灣🇹🇼西班牙🇪🇸墨西哥🇲🇽等等...想食肉關係🥩點左夏威夷BBQ Ribs4支豬肋骨🦴每支骨相當大咁大支都煮到入味😋肉質亦爽口唔會over cook 😌保留肉汁而且餐廳環境以歐陸風為主👍🏻打卡影相也不錯

自地鐵開通後，去西營盤方便好多，多左好多餐廳，熱鬧左唔少。而我今次就係第三街發現一家小型酒吧餐廳🍴。無論餐廳裝潢、食物飲品賣相及味道、店員服務，都好好。我一定會再encore既餐廳之一 ！餐廳面積雖小 但見到店主係decorations方面有唔少心思 自己最鍾意坐門口既高座位，面向街而坐，身旁有post card牆，背後有bar同埋店員努力製作為背景，打卡一流！♔♔♔食物方面，小食、前菜、主菜、甜點及飲品選擇都唔少，我同男友就揀左：1️⃣爆脆墨魚大口仔配山葵醬ᴴᴷ$35 外層炸粉非常薄身，即炸口感酥脆，裡面既墨魚圈有咬口但唔會韌，送啤酒🍻或凍飲一流，係happy hour必點之選！👍🏻👍🏻 2️⃣拉絲芝士牛坑腩焗薯條🍟ᴴᴷ$78焗溶左既車打芝士鋪係薯條上，拎起時有拉絲效果，薯條係粗身既，外脆內軟，集薯味、牛味、芝士味一身，好香濃。美中不足既係牛坑腩有d乾身，同埋如果芝士再多d會更正。又一配啤酒🍺系列。3️⃣葡萄牙洋腸煮蜆（配法包）ᴴᴷ$118店長話d蜆都係每日去附近街市買，上檯時眼見隻隻都幾大隻，蜆肉漲卜卜，入口好鮮甜多汁又無沙，好入味😋，食到lamlam👅。不過葡萄牙洋腸味道有d太重，唔太習慣😅

西環一帶不嬲係小店集中地，每次都好似尋寶咁，發掘一啲高質嘅餐廳🍴 今次都好好彩，揾到間cp值不錯，而且幾特別嘅小店🥰 餐桌紙印住嘅就係餐牌，你會發現差不多每樣菜都來自唔同國家，真係坐定定就能食勻全世界🌎😋-川味辣子雞軟骨($35) 係送啤酒良物🍻 炸得脆口得黎仲非常之香口，調味非常到位，辣得好惹味🌶 絕對會encore!尼一個泊爾香辣雞腎($38) 超濃香料味，有咖哩嘅味道~ 雞腎有咬口，辣度比雞軟骨較為低。騷味薄荷羊冧配抄薯仔($168) 羊肉煮得啱啱好，份量都幾多，肉質軟淋🐏 薄荷醬好清新。抄薯仔落左勁多蒜粒，所以超香蒜味🤤 就咁食真係幾好食，但係配埋羊肉食就幾搶味嘞！阿根廷香草醬牛側腹配燒牛油果及粒粒甜粟($198) 係完美嘅medium rare啊😍 睇尼廚師煮肉都有一定嘅功夫！肉味濃，得好少筋位，肉質都係偏淋身~ 唔會咬到口仔軟😚 牛油果🥑同粟米都有解膩嘅作用！-依間餐廳勝在價錢比較貼地，而且選擇多元化，食材選用方面都睇得出有花心機😗 大家不妨支持下小店呀~

不嬲都知道西環多嘢食，朋友介紹我食呢間Pop Street多國菜，環境都幾好，坐得幾舒服😌兩個人帶咗三個小食、一個主食同一個甜品，免加一，咁多嘢食一人都係$200咋👍👍尼泊爾毛毛餃 ($45)不得不讚呢一個餃子，佢嘅醬同餃子配搭埋一齊好味🤩阿根廷香草醬油漆覆配燒牛油果及粒粒甜栗 （$198）想講呢一個main好正😍😍d牛真係好惹味，而且見到我最鍾意嘅粉紅色肉，證明佢整得恰到火候👍尼一個泊爾香辣雞腎($35)呢一個嘢食名好得意😂食落都唔會話好辣。拉絲芝士牛坑腩焗薯條🍟（$78）我鍾意呢個薯條，佢唔會話勁脆，食落都唔會有得仲話好熱氣嘅感覺，加埋啲芝士同牛腩good！安娜的鮮果蛋白塔 （$48）略嫌甜左d, 但個賣相好靚，水果好新鮮：）

Weekend 想搵個地方悠悠閒閒, 簡簡單單食早餐。在附近行左一輪，發現呢間出奇地比起附近西餐廳來得價錢親民又唔多人，店舖小小但裝潢有特色，一早無咩人，侍應都好後生，殷勤地送上餐牌叫咗個 D 餐 : 紐西蘭鱈魚柳 + 牛乳炒蛋 + 鮮牛油多士 ($48)，朋友要咗 E 餐 : 奄列 + 鮮牛油多士 ($48)。各跟即磨咖啡。正好滿足我地想食介乎港式早餐與 all day breakfast 之間的欲望。食味及賣相不錯，環境 cosy，唔洗加一，此區抵食之選！

西區總係比人一種悠閒的感覺有時喜歡過來搵下美食😆 放鬆一下腳步👣-呢間係第三街的pop street第一次黎店內裝潢行美式工業風門口的吧台更係必影打卡位💕-食物方面呢碟非洲peri-peri風味的燒雞份量十足由孜然、乾辣椒🌶️、蒜香及秘制香料醃製烤焗而成寧舍有風味2個女仔食都夠飽，同家姐吹下水唔覺唔覺都傾左個幾中，幾悠閒的環境今次試埋Lion Rock的手工啤酒🍻入口順滑，帶果香質感👍🏻以下係menu下次再試下唔同風味的菜式

這間位於西環酒吧街的餐廳，主打多國菜式和手工啤酒，選擇很多，位置亦近地鐵站，所以一到晚上即有很多人光顧，我亦提早訂定位。頭盤先上蟹肉脆餅，上面佈滿大量蟹肉，加上師傅精選漿汁，胃口大增，唯一不足地方，就係份量不多。另一道係非洲汁慢煮八爪魚，酸甜汁亦十分醒胃，亦有點辛辣，八爪魚肉質軟綿，相比其他西餐店煮法更勝一籌。墨西歌脆片份量很大，一上桌就覺得香味十足，面頭醬料豐富，有芝士，avacado, 栗米，是最有驚喜一道菜。