手卷駅

Open Now

Now Closed

呢間店已經成為我飯堂，大概50-60蚊一個日式便當，有刺身/鰻魚/蟹子沙津選擇，加$10仲可以轉火炙刺身，必食推薦有：芝士年糕，芝麻雞翼，軟學蟹卷次次都會叫呢幾樣食！最不得了係咁樣share食。每人都係80蚊左右，係限聚令下，想成大班fd一齊外賣食，確實係好味又抵食之選+3蚊仲有包烏龍茶， 我就叫左個鰻魚蛋飯，再配厚燒玉子，壽司轉火炙就先加2蚊件

今日特別想幫襯Y店，發現禾輋有一間小店。緊係要入去坐坐！ 午餐有ABC三種類別的選擇。唔錯喎！A) 我選了魚生丼 - 有三文魚，帶子，蟹棒B) 壽司 - 我選了三文魚，生蝦，黃金魷魚C) 小食 - 我選了泡芙最令我回味是帶子，鮮甜厚肉，三文魚也是厚厚的，但味道沒太深刻的印象。其實所有的刺身都OK，是新鮮的。可是最令人小小抗拒的是“飯”。魚生丼的飯過熱，壽司的飯過黏過實，令人有種好飽好飽的感覺，但係是不滿足的。可以改良一下。期望會更好的！支持小店！

困咗係香港咁耐，間唔中都會想食吓啲靚靚嘅日本嘢😃😃當然係度食日本料理有平有貴，今日只係口痕想食，又唔係咩大日子，咁就搵啲街坊日本菜食吓啦嘻嘻😍😍一直以來都對呢一間日本餐廳有好感，因為佢嘅食物雖然係平民價錢但質素真係幾好，我同屋企人都好鍾意。喺屋村啲頭都有新鮮魚生，又有新鮮用心做嘅日本菜其實真係好難得，所以每次食都會好滿足，今次亦都唔例外。叫咗一個便當🍱套餐，幾種魚生嘅丼飯，再加埋兩個小食只係$50，而且魚生好新鮮，火炙都好有誠意醬汁比得好足。玉子燒食到一層層㗎❤️足料大推薦飯堂之一🔥

今年去唔到旅行，成日都想搵日本嘢食住先但想平啲，所以未必次次都食貴嘢呢間係街坊店之餘亦有3間分店主打手卷、丼飯、便當，主力做外賣，似快餐店落單價錢相宜，室內座位唔多，佈局簡單便當有一份丼飯、冷麵或沙律可再配搭3件壽司、小食今次挑選咗炸蝦丼 $46有蟹棒反卷，加自選嘅黃金魷魚、榮螺、生虎蝦自己覺得小食必揀嘅一定係厚燒玉子炸蝦香脆，蝦肉算爽口，加添沙律醬幾開胃而黃金魷魚夠滑溜，榮螺有咬口，生虎蝦欠缺辣醬蟹棒反卷同厚燒玉子反而有驚喜玉子夠厚，燒得恰到好處，熱辣辣上枱蛋香、芝士香都好濃魚生丼 $68 可自由配搭4款魚生，醋飯偏暖挑選咗蒲燒鰻魚、油甘魚、劍魚、三文魚，寫明每樣2片好均真食材保存算唔錯，三文魚不過不失，算肥美劍魚、油甘魚都好正常，有油脂感鰻魚亦軟嫩，蒲燒醬汁多少少會更好

呢間壽司店性價比真係夠晒高，壽司夠新鮮同高質，但價錢又唔貴喎！所以夠晒驚喜！嗰日去朋友屋企打牌，人數太多又唔可以落街食，因為限聚令，所以就外賣自取壽司！好鍾意食佢嘅三文魚，帶子手卷，蛋捲同炸芝士年糕！三文魚係厚切，夠新鮮蛋卷蛋味濃郁，甜度啱啱好炸芝士年糕，一咬啲芝士就咇出嚟帶子手卷真係好足料！又新鮮又甜❤️食到我哋都好歡欣！唯一美中不足嘅就係，外賣嘅話啲炸物真係會唔夠脆！不過質量同價錢來講都真係算係咁上下，性價比好高！屋村來講真係唔錯，值得一試

尋找黃店之旅今次嚟到沙田區沙田區嘅黃店其實唔算多壽司店更加係寥寥可數呢間舖頭位於禾輋邨之前想嚟食但係搵得太耐最後去咗其他餐廳最近壽司癮起又諗返起呢間小店所以專程去試一試餐廳嘅模式類似快餐店 先畀錢落單再等嘢食唔好太期望有服務(當然如果多啲笑容&招呼好啲會更好)食物價錢算係正正常常不過衛生就略嫌爭少少坐低嗰陣枱面有少少唔乾淨叫咗十幾件壽司同埋一客帶子刺身整體都唔錯😋三文魚壽司幾肥美象拔蚌味道正常，口感好爽彈左口魚油脂感十足軟殼蟹卷，帶子刺身(無影)味道唔錯，都幾足料抵食牡丹蝦，赤貝正正常常😕啲飯偏熱，係其中一個最大敗筆三文魚蓉冇乜味， 不過呢個價錢都預咗海膽花之戀唔係太抵食就嚟食完嘅時候門口有客人等搞到有少少要急急腳咁走餐廳裏面係三張四人枱嘅佈局如果可以將啲四人枱擺做兩人枱有家庭客嚟嘅時候先變番四人枱咁啲二人客就唔使霸住四人枱我地亦可以唔使咁急走總括嚟講材料處理得唔錯但啲飯真係一大扣分位如果改善埋就very good

沙田食日本野冇乜選擇，估唔到呢個屋邨有間高質野！呢間主力做外賣，入面得大約得10個位。疫情之後就只做外賣，我疫情前去食就可以坐底慢慢食🥳老公最鐘意係油甘魚腩壽司，話油脂好重好新鮮！我就覺得全部都好新鮮但不得不推介嘅係：炙燒左口魚食完成口都係魚油香味，滿足晒身心靈推推推！

聽沙田嘅朋友講禾輋開咗間新嘅日式手卷小店，今日過開嚟就叫個手卷食下先。舖頭喺街市隔離。叫咗全隻軟殼蟹手卷$29，見到店員新鮮即刻整。軟殼蟹真係幾足料，成隻蟹手卷入面，啱啱就好熱辣辣，好鬆脆，食到有蟹肉，唔係乾爭爭嗰啲。另外仲有吉列蝦卷，面頭有啲沙律醬，呢個一般般啦。另外仲有玉子燒，估唔到入面有啲飯，又係熱辣辣嘅，加埋啲醬幾好食。口痕想食下日本嘢嘅朋友可以嚟幫襯下，支持小店。見到有下午茶餐都幾抵食！下次再嚟食軟殼蟹手卷先！

一個魚生丼飯$68 套餐會包一盒紙包飲品🤓可以揀4種魚生🐟當然都有鰻魚同熟蝦可以熟蝦🤓每種魚生寫明會有兩片 感覺好清晰同老實 俾幾多就寫幾多 唔會有不必要期望🤣魚生都算新鮮 我叫左三文魚 灸燒左口魚 甜蝦🦐同油甘魚🐟我推薦左口魚🐠佢燒完真係好香好好食😍而且呢款魚生比較少地方有得食 飯方面有飯素配埋🍚另外可以自己再加鼓油同wasabi

平日多數逛禾輋商場的我，完全不知道禾輋邨內還有其他食肆，其中一間更要是良心黃店！經過厚和樓，看到「手卷駅」門口貼了細小但搶眼的反送中文宣，我二話不說就入內買個便當當晚飯吃。「手卷駅」有幾款便當款式：你先要揀一款丼飯，再揀三款壽司和一款日式小食，選擇算多元化！研究了一會，最後我揀了魚生丼，另配三文魚壽司、玉子壽司、芥辣八爪魚壽司、以及芝麻八爪魚小食，再加3元要了盒檸檬茶！以這屋邨價錢來講，便當味道算不過不失，三文魚生大大條，壽司size亦比平民連鎖壽司店的大件夾抵食。吃厭了茶餐廳的街坊，記得要多多幫襯啊！

價錢十分便宜，食材絕對是可見到的比其他平價小店新鮮，泡芙/刺身等存放於雪櫃保溫又做得好，開放式廚房十分乾淨/整齊，廚師個人衛生防護做得好,加上手藝又好，食物可以在最佳溫度送到顧客檯上，壽司飯還有少許暖的而上面的刺身又是完全解好凍的那種凍，幾十元的便當也排放得又靚又好味又夠飽肚，本人叫了一份有頭珍寶赤蝦4隻才45元，每隻也有8寸長，挑好哂蝦腸剝好殼，鮮甜好味，連負責收銀的小妹妹又靚又可愛，仲有顧客也自律的幫手保持地方清潔，店鋪對出又容易泊車，絕對是屋邨少有的好店值得再去

呢間嘢開喺近中學個面，weekend嚟到就冇乜人，唔洗等位。今次係第一次嚟食，試咗個刺身便當午餐，呢個set除咗刺身同飯之外，仲包埋3件自選壽司同埋小食。便當賣相唔錯，食得出三文魚刺身用料幾新鮮，味道都唔錯，仲有埋壽司，都應該夠飽㗎喇！小食揀咗個厚燒玉子，原本以為淨係蛋，原來佢仲有落埋芝士，幾好食，都幾有驚喜！座位方面就一般般咁啦，通道有啲窄，始終都係小店。價錢都合理，好滿足啦，下次可以再嚟試吓其他嘢

鋪頭雖然係細細地，但係食物質素完全唔係馬虎！而且價錢亦都非常合理！小店絕對係性價比非常高！！！！！！希望大家都可以支持一下！！！！！！支持黃色經濟圈！！！！！！

真係多謝openrice, 真係無無聊聊亂按底下， 發現禾輋有呢間小店。lunch set $4x - $5x (冇加一），再+ $3/$4 有紙包飲品/罐裝飲品。以日式小店黎講，真係好抵。豪d 叫左個最貴的餐，都好似$56。魚生份量好似少左d，但都總算新鮮。 份量對我d 女仕黎講都算足夠，不過聽到隔離枱d 男仕講話完全唔夠飽。至於壽司，d 魚生仍然新鮮，不過略嫌蟹籽沙律軍艦的紫菜淋哂，好難咬開，而且唔似蟹籽律呢。 但另外兩舊小卷好好味，唔知咩名堂呢。總括而言，唔算十分出色，但價錢平而且新鮮，所以明天我會繼續幫襯！因為小店好需要我們支持呢！

已經係呢間店既常客 平日好多時晚餐都會食佢今日放工去呢到食午餐 揀左個魚生飯$48不得了 包飲品 小食中華沙律（個人覺得仲要唔算細份）午餐份量足 完全夠一個男仔飽既份量魚生亦足料 唔似其他餐廳 hea住做 得幾粒魚生 同時飯亦有加上飯素 令白飯冇咁dry 加分👍🏼👍🏼個人認為性價比高 好過食其他連鎖店佢其他手卷魚生便當都好值得推介 價錢公道 但礙於位置唔算好當眼 所以通常做街坊生意/外賣希望可以多啲人留意呢間小店啦😁