香港郵意 (Closed)

香港郵意，係香港比較少，比較特别的地方，喺香港呢個彈丸之地有啲咁大嘅開放空間，實属少見。所有嘢係自助嘅，好似快餐店咁嘅形式經營，佢嘅最低消費係一杯飲料，跟住就任你坐，可以坐椅，可以坐地下cushion，真係自由自在，大家有自己的空間，互不騷擾除咗飲品之外，亦都有嘢吃，有all day breakfast，有意粉，有pizza，甜品，咖啡，沙冰，汽水，所以喺度絕對唔需要耽心肚仔餓。呢個係宜家很多快餐店都有嘅提示器，當你點嘅食品已準備好，就會閃燈顯示，真係好方便。是日叫咗個all day breakfast，内有沙律菜，炒蛋，煙肉，菇類食品，腸仔，牛角包賣哂，由多士頂替，都烘得好吃嘅。另一個主菜係帶子蘆筍海膽汁意粉，帶子有3大粒，新鮮連埋D海膽汁，令整碟意粉充满D海水味，而意粉亦煙韌好味。飲品就叫咗草莓香蕉冰，好綿又唔太甜。

純粹隨意搵間餐廳食，所以黎左里間。睇個環境係走文青路線，同埋有些韓星poster。 以前我去過韓國留學，都知韓國有很多悠閒cafe, 飲杯咖啡睇下書，輕輕鬆鬆渡過一日。 既然係咁，我都即儘試下里間係咪都咁捨意。里個menu, 都係文青mode 的西餐輕食，針對學生哥們，但價錢仍拍得住旅遊地區。不過以這個價錢食這樣的質素，定是欺負學生們不見過世面咁。我地叫左Benedict , Salad 同一杯latte，一杯cappuccino, 加埋都快接近三百蚊。熟食要等幾耐下先有得拎！（太肚餓 忘記相機先食， 帶子原有四粒， 咖啡係原整一杯）Benedict 上的汁無左， 一隻蛋太生， 一隻蛋太熟。Parma ham 居然煎左！ ？居然煎左！？帶子外面同內裡都係凍凍地的，沙律的材料同普通超巿買到的沙律同等level，菜都唔太新鮮。咖啡唔知點解都唔太熱，可能係佢用茶餐廳般的玻璃杯的原故。里個價錢，不如你走去K11, Mira ，甚至金融區等的西餐廳食個正常沙律更好。同等價錢起碼俾返更多選擇、合理、新鮮、有機的材料！you deserve better!有點搞笑的是自助bar佢提供吉杯,但寫明：

有日想係尖沙咀食下野 上左訂位Apps搵左呢間主題係postcard嘅Cafe，有啲全日早餐同埋其他西式Cafe類嘅食物。呢度最低消費係一杯嘢飲，我哋三個人每人叫咗一款全日早餐，我減緊肥唔想食腸仔，所以叫咗素食嘅全日早餐，當中就冇腸仔啦，但係價錢貴過普通全日早餐$10咁多。呢度係你係出邊叫完之後，攞個震震機返埋位然後等佢出餐，我哋由俾錢到攞嘢食足足等左20分鐘咁多。呢度啲位全部都係坐地下，食嘢嚟講真係好唔方便，跪喺度食比較好啲。Cushion又唔係多，我哋坐低嘅時候一早俾人攞晒，所以坐得好辛苦。食物來講比較中規中矩，算對得住個價錢同環境。

其實這間餐廳已是本人的常駐地,每星期也必定會到訪。記得大約半年前,當時有一班新日文學生正為上堂地點而憂心時,在飲食網站上看到此餐廳介紹。最有印象是當時受訪老闆提到只要客人每人幫襯購買一杯飲品,其餘可任帶外食物。在餐廳坐多久,開work shop也完全沒有問題。能在尖沙咀這樣嘈雜的地方竟然有一個這麼大而寧靜的空間,我和學生們即瞬間愛上了,成為這裡的常客。因上堂的關係,每次也只光顧店內的飲料。是日lunch time突然想給自己一個寧靜的空間,便來到這裡。點了蒜香芝士堙三文魚多士 $68只睇名稱也知道一定是絕配,無得輸。果然出到黎,視覺觀感非常良好。多士超厚哄得熱辣辣,好似我咁大食整過食完亦覺得飽肚。而沙津分量亦不吝惜,配上黑醋醬非常開胃。最開心係有4粒超大的車厘茄,非常鮮甜,食得出蔬菜很新鮮。店內客人質素亦很好,說話不會過份大聲。大家用餐後亦會自動收拾餐具,枱面亦非常整潔,推薦給大家!!

尖沙咀行街行到好攰，朋友同我講想去首都廣場夾公仔，驚喜係上到去，竟然見到一個好靚既cafe.估唔到係尖沙咀呢個旅遊地區，人多到死，竟然有間咁文青嘅cafe.即刻就嗱嗱臨坐低抖下先啦。見到有杯嘢飲個名好特別叫做綠野仙蹤，所以就決定去試試啦。綠野仙蹤全杯都係青綠色，真係幾中題。聞落去都好清新，一試之下，原來係牛油果飲料。飲落去好滑身，加上甜度適中，最緊要真係好有牛油果味同香。朋友就好簡單帶叫左一個鮮奶香竽。鮮奶味重，反而香竽味就較淡，不過甜度都控制不錯。最後兩個人仲叫咗一個豆腐蜂蜜芝士蛋糕，豆味都濃郁，仲有一個蜂蜜係頂，味道理應唔錯，可惜係個餅身唔夠硬，太淋太濕。但係尖沙咀搵到一個咁文青cafe，慢慢坐下飲下野都真係叫唔錯。

今日食這間尖沙咀香港郵意cafe，絶對是文青集中地。 因這裏除了享受美食外 ，還有很多座位。若選擇較牆面座位，可以清靜靜地一邊慢慢嘆杯咖啡，一邊慢慢看書，無人騷擾你，正！原本這首都廣場人流非常稀少，但因這間cafe開了，帶動整個商場旺了好多。好多年青人都在這cafe，一邊聊天或看書,一邊食下飲下，夠relax。餐廳由扶手電梯轉上，好易搵到，而menu是在點餐旁邊牆身展示出來，自助形式。食物味道，比一般西餐有水準， 食了個帶子露筍海膽汁意粉，味道出色。扁意粉質感彈牙，滲透了海膽汁鮮味,好味滿足，加上幼嫩蘆筍,食落好爽口，沒有過老有渣口感，新鮮！試了杯熱棉花糖拿鐵,細細粒加上七彩的朱古力碎，甜甜地但卻不膩，而拿鐵沒有一船咖啡苦澀味，口感香軟易入口， 一邊看書一邊品嚐，果真慢活人生，享受！

來到尖沙咀要找一個休憩的地方不容易今次終於去了在我的CAFE清單的其中一間這間叫做《香港郵意》位於首都廣場2樓 一出電梯就會看到去的時候是剛剛開門 所以是沒有人的🤭這樣我就可以慢慢地拍照片了·美式咖啡·Mocha咖啡的味道也只是一般般但環境是不錯的 還有流行音樂播放著在這裡靜靜地嘆咖啡休息一會兒也挻好

之前香港郵意搞甜品放題，就同朋友一齊排隊去食呢度嘅環境好木系，好有文青feel，又乾乾淨淨係自助形式嘅甜品放題自己出去落單，等部機響，就可以出返去拎野食佢地嘅甜品種類有好多，食極都唔完，仲要任食可以一次過食到咁多樣甜品，真係好滿足食甜品食到飽佢地個雪糕都好好食，夾喺窩夫或熱鬆餅嘅中間食口感鬆軟又帶有甜絲絲嘅感覺呢度環境闊落，坐得好舒服得閒同朋友黎坐下食個甜品都係個唔錯嘅選擇

＂香港郵意＂，我地上到去格調裝修非常的＂文青＂，又可三五知己席地而坐在箍臣上面，地方都好寬敞，可以坐約60人，帶同私家的充電器和手提電腦一邊工作一邊用膳。亦可在書架上拿出一些旅遊的雜誌和書本細味一番。點了兩客主食和一個飯後甜品，分別是黑松露雜菌意粉，龍蝦肉番茄醬意粉和甜品分別是心太軟雪糕。黑松露碎和雜菌經過炒後，淡淡幽香的松露非常可口。龍蝦肉番茄醬意粉，我非常欣賞的是啖啖的龍蝦肉加上番茄醬，炒後亦相當之美味，心太軟雪糕配香蕉，味道剛剛恰到好處，雪糕不會太甜。

🤩指定時段用eatxxx訂座可享高達50% off💁🏻‍♀️✅ 豆腐芝士蛋糕意念清奇 屬於日系芝士蛋糕🍰 味道好夾 相當唔錯🤤✅ 雖然海膽汁意粉既海膽味有少少奇怪🧐 不過帶子夠大粒加上意粉彈牙 整體味道還算可以🍝❔ 薄餅係脆底🍕 但係外皮比較焦黑 龍蝦肉亦唔多🦞❌ 可能由於節日關係 當日好多食物都售罄😩👅Taste：3.5/5💰CP值：3.5/5🙋🏻‍♀️Service：3/5👁‍🗨Stylishness：3.5/5

我在網上得知有這間文青cafe，今次特別到拜訪，想感特受一下文青氣氛。入內未㸃餐，先四處逛逛，發覺這店由劏場改建的cafe 份外寬敞，而且有很多柱位。我走到擺設名信片的一角，看見很多本土特色的名信片，那個英式大郵筒份外搶眼。我又走到到擺設動漫人物的飾櫃，看見可愛的美少女公仔，童心又回來了。這店最太多服務，㸃餐要自取，吃罷要自己收拾餐具，我㸃了全日早餐，有牛角包，煙肉，炒蛋，炒菇，香腸，還有小蕃茄和沙律菜，可以吃得好飽肚了，味道不錯。我拿了一些旅遊書看得入神，不久用電話覆電郵，邊喝著籃莓水果茶，果味不算大濃，這樣過了三小時，果茶果然抵飲。臨走前走到甜品櫃，還是忍不住要吃Taramisu，很美味，自家做夠軟滑，朱古力味好濃，這樣又嘆了一小時。

今晚想同男朋友二人世界下，於是佢就提議接我放工一齊試下呢間cafe.郵意位於首都廣場入面，地點都叫易搵，一入到去就見到招牌既木design,位置都幾闊落，三五知己都可以黎聚下下次。而男朋友覺得都幾岩坐，決定聽日黎溫書。我地先叫咗個All Day Breakfast,因為係招牌就唔會中伏，沙律食落清新帶果香，沙律用既醋係藍莓果醋，有別於其他餐廳，沙律菜都新鮮唔會黃，香腸就唔會咸都幾大條，菇都調味適中，炒蛋都夠滑。最重點係個牛角麵包🥐奶香濃又香脆 ，真係夠曬邪惡哈哈。至卡另一個主食我地叫咗小龍蝦番茄pizza,pizza係薄批底，焗得香脆又惹味，上面仲好多火箭菜，重點龍蝦肉都吾少，跟埋番茄醬汁又清新同開胃。另外仲叫咗茉莉玫瑰花茶，食完解膩又可以食食食

相約好友做運動，見時間尚早，想揾個舒適嘅地方打發時間，好友想起之前去個一個好去處，於是話要帶我去，入到商場坐lift上二樓，一行出lift已經見到好有台灣感覺嘅咖啡吧！食物係自己買自己拎，我地叫左龍蝦肉番茄醬意粉$98龍蝦肉不是碎濕濕，係一大嚿，意粉撈埋番茄醬同芝士一齊食，好美味蒜香三文魚多士，賣相吸引，伴碟生菜新鮮，加上黑醋汁，更加開胃，三文魚冇腥味，食得出唔係平價貨，估唔到三文魚加多士，有幾夾薑餅人拿鐵，呢度嘅咖啡做得好出色，咖啡香濃幼滑，加上淡淡的薑味，薑同咖啡配合得很好芒果少女，估不到尼杯嘢飲係橙橙色的，不過飲落好香芒果味，甜度適中，健康之選尼度坐位多，空間大、除一般座位外，仲有榻榻米，走嘅時候發現原來有一個藏書閣，呢度除咗三五知己聚會，一個人黎睇吓書，飲下咖啡，打發下時間，有時好過行街shopping去kill time

晏就放工，諗住搵間cafe食下野就去左香港郵意。由於當日係星期六所以令捨多人，尼度全部以自助為主，由搵位到收餐都係自己做，雖然話全自助不是問題，但d枱立痴痴🤢完全無職員抹下🤦🏼‍♂️真係唔得囉～至於食物方面，叫左個All day breakfast影相係幾靚既，但個蛋煮得太熟食食下仲食出蛋殼來🙀真係不得了👎🏽煙肉又煎得太乾好似食緊豬肉乾咁😐整體尼講成碟野唔值比尼個價錢💰所以唔會有下次👎🏽👎🏽

約咗朋友喺尖沙咀，想揾個舒服嘅地方傾下計, 朋友介紹我嚟到呢間香港郵意, 嚟到覺得裝修好簡潔舒服，仲有一啲座位係榻榻米, 好特別, 坐低都覺得好舒服💖💖全日早餐🥐🥚🥓我經常去到Cafe, 如果有全日早餐都會叫, 鍾意佢種類豐富, 可以有好多選擇, 呢度嘅全日早餐有香腸, 煙肉, 炒蛋「 牛角包, 蔬菜沙律, 我覺得整體都做得唔錯, 個牛角包都非常鬆軟可口, 而值得一讚嘅係個煙肉一啲都唔油膩，蔬菜沙律都非常之新鮮黑松露汁雜菌意粉🍝🍝佢哋個黑松露汁味道非常突出, 加左一啲香草同芝士係面, 令到意粉非常之香滑, 意粉嘅生熟程度亦都啱啱好鮮奶朱古力☕️☕️朱古力味香濃, 而且上邊有一個心心嘅拉花, 好可愛小清新🍋🍋佢哋依度會幫飲品改一啲好可愛嘅名, 其實小清新即係檸檬梳打, 睇餐牌個英文譯名就會見到其實呢杯嘢飲係乜嘢