香港郵意 (Closed)

星期五約左2個閨蜜👭一齊睌飯，所以打算搵間傾到計嘅餐廳，挑選左一輪就揀咗香港郵意喇。環境都算好開揚，自己搵位坐，可以選擇坐凳或者坐地下，咁我哋決定坐地下。我哋三個人叫咗一個All Day Breakfast,一個Pizza同一個沙律。All Day Breakfast 冇乜驚喜，同平時食到既差唔多，不過不失。Pizza 我地叫左Parma Ham Pizza, 蕃茄味好濃，係我鍾意食嘅口味。然後我哋仲叫咗個煙三文魚沙律，餐廳一啲都唔吝嗇，鋪滿咗個沙律。甜品方面，我地就食左經openrice 訂枱送既心太軟，真係好流心，3個人食岩岩岩。總結，係值得再encore 既一間餐廳😋😋😋

我其實真係好鍾意去呢間餐廳食飯，佢空間又大，傾計又唔會嘈。好舒服。因為旺角個邊D cafe一般都坐到迫迫地，同埋比較嘈，所以好鍾意呢到。帶子蘆筍海膽汁意粉 $128呢個意粉係朋友叫，我第一次食，估唔到佢D帶子勁大粒！同埋個個醬汁幾好味，第一次海膽汁嘅菜式，絕對有驚喜。百利甜酒朱古力 $58朋友話初頭飲落去唔多過有朱古力，但好奇怪飲飲下又會有朱古力味出返嚟。再加D甜酒好香好醇。大讚大讚！鮮奶香芋 $48呢杯我每次都推介比人飲。但今次我個朋友係超憎芋頭，所以就算我點叫佢試，佢都拒絕我。一向都覺得佢D飲品唔會太甜，但今次我覺得淡咗D。但都OK嘅，仍然係飲品中我嘅最愛之選。真龍蝦肉醬意粉 $98呢個意粉我真係超級超級鍾意食，因為佢真係勁勁勁好味！我每次嚟嘅原因都係因為佢，但我朋友覺得海膽汁個個好味D。朋友話可能我鍾意酸D嘅嘢，所以鍾意呢個意粉多D。我唔否認，哈哈！好好味。朱古力心太軟配水果 $68本身想叫心太軟，因為想食熱既甜品，但選擇唔太多。加咗自己本身好鍾意食心太軟，所以就揀咗。畸厭個皮有D硬，其他都好OK.🍽9/10🔎 香港郵意 (尖沙咀)尖沙咀漆咸

前幾日同朋友去尖沙咀行街，之後行到近尖東個邊，就去左首都商場行，行行下見到有間香港郵意的餐廳，見7點幾時間，但間嘢無乜人，所以就諗住食下飯同hea下。原來呢間香港郵意係自助餐廳，自己買嘢食，自己拎，仲要自己執返個盤同分返餐具，但係我地行到好累又有點肚餓，至在想揾個地方hea，又醫到個肚，所以都照揀。我地每人order左一個意粉，我揀左香草汁菠菜雜菌意粉，而我朋友就係黑松露汁雜菌意粉。先講我個意粉先，個意粉都幾鹹，唔知係味精重定點，食完超口渴，除左鹹味亦食唔出咩特別的味。因為超口渴，所以想問佢拎杯水，但發現佢寫鼓勵飲佢地的咖啡，所以唔提供水，更推銷有氣礦泉水。建議大家真係想試，可以自備水，或者行前幾步去買水，因為唔飲嘢真係唔得。至於我朋友點個個意粉，味道還可以，比我個個好，無我個個咁鹹，但一樣都食到超口渴。總括而言，只要對食物沒有要求，唔追求好味、腎功能好同有帶水，只求揾地方坐，又唔想食同坐麥當當快餐店，先考慮到香港郵意。

一上到2樓轉左手邊就見到餐牌其實呢度好free，你可以自己隨便搵位坐。有D位係特別有一層升高左既，可以除鞋盤腿坐。我地就貪得意，坐下cushion。我地個位隔離就正正有成個postcard牆係度。呢度自助D，自己出去買野，之後再等拎。同埋好free，你鍾意坐幾耐都得，又冇限時，又唔會有人行黎行去。材料最貴的皇牌全日早餐  (⭐⭐⭐)不過不失，但就覺得冇話特別好食，聞落炒蛋好香，但食落覺得有少少炒過左火。煙三文魚火箭菜沙律 (⭐⭐⭐⭐)沙律唔錯，同埋都幾多三文魚，我覺得幾抵食。4人份即焗 芝士巴拿馬火腿蕃茄醬薄餅 (⭐⭐⭐)唔係唔好食，但我覺得可以更好食。黑糖薑母茶 (⭐⭐⭐⭐)小確幸 (⭐⭐)小確幸係香蕉士多啤梨smoothie，飲係飲到蕉同士多啤梨味既，但味道好淡，又冇甜味。movenpick配朱古力心太軟 (⭐⭐⭐⭐)個心太軟真心正，真係好流心，而且個朱古力味好濃，正。

愈多選擇既鬧市唔知點解總覺得愈難搵食晃著晃著，來到呢個充滿小店既首都廣場。尖沙咀來講人流唔算多，但喺2樓，估唔到一呆，我就喺呢度坐左2個鐘好可愛既牆，寫上了餐廳既活動。令人想起好多年都無再寫既schedule book，好懷念呀！香港郵意係一間以明信片為主題既cafe，又點少得post card呢！CAFE內有好多充滿香港特色既post card可以比客人買，仲有郵筒比大家填完代寄添！好有誠意喎！個場好大，好易就搵到一個舒服位，亦唔會太多人驚坐一陣唔好意思就要走。電子MENU，一眼睇哂有咩食落完ORDER就等食物喇！cafe係自助形式，食完野就要自己收拾，餐具亦有特定位比你自己拎。講左咁耐，終於到食物喇！・All day breakfast $88・卡邦尼意粉 $58・你啊你啊（蘋果雪梨）$48・煙三文魚火箭菜薄餅 $128見到佢地果刻都真係幾驚喜！無諗過呢間特色CAFE D野食唔差喎！All day breakfast好豐富！牛角包好香外面好脆，菇炒得好香，仲有我最愛既香草腸呀 重點係全部新鮮做起，熱辣辣好味！卡邦尼意粉係濃厚CREAMY肥肥既感覺，幸好叫左杯小清新蘋果雪梨汁，先不至

想黎呢間野好耐，因為上網睇完覺得好吸引，好適合三五知己黎坐得吹水。 1點去到個場好空無咩人只有4、5桌人，佢因為係自助模式、所有職員都是在廚房裡，食完野需要自己清潔桌面同收拾餐具。 上到去個感覺無網上睇既咁靚，有少少失望！但佢地方都算大，枱與枱之間可以保持少許距離不會太親密，令人感覺舒適。 有最抵消費就係一杯飲品，坐幾耐都得無人理，食物分量合理、味道正常不會難吃！與朋友到尖咀想搵咖啡店坐下吹下水，呢間都係考慮之選！

尖沙咀百樂洒店改建商場後，一直未有機會到這裡逛逛。今晚約了朋友試商場二樓的cafe香港郵意。這裡裝修像上樓cafe。餐廳是自助形式，自己搵位，自己取餐和餐後收拾。餐廳最低消費是一杯飲品。和朋友每人點了一杯飲品和一份食物。首先是若如初見 ($48)這是檸檬梳打加了數片玫瑰花瓣。賣相不錯，味道不是太甜，有淡淡玫瑰花香。朋友點了鮮奶綠茶 ($48)朋友改了燕麥奶，味道帶點苦，可能綠茶粉太多吧！香草汁菠菜雜菌意粉 ($68)材料不多，只有少量雜菌，但醬汁很香蒜蓉和雜菌味。全日早餐 ($88)賣相算豐富，只是牛角包非常迷你，一啖已吃完。煙肉有點鹹，香腸，炒蛋，炒雜菌和沙律都正常，沒有特別。總結，食物和價錢一般，但知己相聚確是一個好去處。

係openrice事先book定位，但去到見到仲有好多空枱，waiter話是但揀張有reserved牌既就坐得。叫野食、比錢、拎野食都係自助形式，要自己出去counter。同幾個朋友叫左黑松露意粉，但食落味道好淡，一般般，蕃茄意粉好味d。仲叫左黑醋沙律加三文魚麵包，可能我唔鍾意黑醋，唔係幾啱我胃口，但個麵包幾好食，配埋生既三文魚幾夾。pizza唔記得叫咩名，但味道不錯，上面嘅配料都幾足。餐廳夠多位同枱，唔會一直full曬同限時間要你走，所以就算食完都可以繼續坐好耐同朋友傾計。

去尖沙咀第一時間🙄一定係諗起扮靚同買衫❤️有冇諗過尖沙咀都有野玩除咗行街其實都有好多選擇例如去夾下公仔玩到肚餓就可以好方便咁去隔離食飯今次同大家介紹嘅係位於尖沙咀金馬倫道首都廣場🌟呢度係香港首間大型持牌夾娃娃專門店🌟好多日版公仔選擇👍🏻👍🏻👍🏻而且有啲係隱藏版嘅夾娃娃機非常之有驚喜🎈玩攰左可以過去隔離香港郵意🌟佢哋有好多唔同類型嘅飲品同埋非常有創意嘅主菜選擇呢度裝修好文青，周圍都係好溫暖嘅木今次我就試咗10%黑松露白酒芝士火鍋 ($179)🌟芝士火鍋套餐係二人份量本身套餐已經包左有法包以及各種蔬果仲有芝士火鍋必備嘅紐倫堡香腸另外加$100可以追加多一個拼盤🌟材料超級豐富有帶子、藍青口、龍蝦肉、煙三文魚同埋巴拿馬火腿芝士火鍋有醉人嘅白酒香味而且加入大量黑松露醬令到成個芝士火鍋味道再昇華👌🏻✨

尖沙咀鬧市入面，想搵一間可以放慢腳步，relax一下嘅餐廳真係唔容易。呢間餐廳環境舒適，叫杯飲品就可以坐低享受慢活嘅時光，完全啱晒我心意。穿過扶手梯就入到餐廳，好有台式cafe嘅面貌。只會係課堂見到嘅黑板、用小書檯做嘅餐桌⋯⋯每個角落都充滿著寫意、悠閒、浪漫、樸實、清純⋯⋯等等嘅感覺。仿佛重回童年時光，回到純真、可愛嘅小時候。自助點餐嘅流行，令一眾文青可以隨著自己嘅心情、不拘束嘅情況下叫野食，亦可以寫紙點餐，幾方便。餐廳用紅外線提示器提醒客人自取食物。飲左杯熱辣辣朱古力同埋士多啤梨奶昔，食個all day breakfast，睇得又食得。食物靚嘅程度真係要相機食先！食物新鮮即叫即做，又有開胃嘅車厘茄伴碟，食到飽飽地咬一啖好正。由於太開心，仲叫埋黑松露意粉同蜆肉意粉。黑松露好香，蜆肉就少少辣好惹味！今晚真係冇揀錯餐廳，下次再同朋友黎過！

知道呢間cafe都係因為隔黎有夾公仔地方, 本身以為呢個商場無乜人, 點知上到餐廳呢層又好旺! cafe 係self service, 自己搵位叫野食然後等就得, 食物都幾多選擇, 同埋都幾平!今次叫左個parma ham pizza, 沙律, 同2杯野飲, 因為唔限時, 成個weekend就係到hea左三文魚沙律好抵食, 因為好多三文魚, 仲卷起好似花咁, 食極都食唔完, 個汁好refresh唔會太膩!pizza 好脆, 係自家製薄批, 蕃茄汁有d酸, 不過咁樣食完1d都唔滯, 我幾鐘意!野飲方面, 我超級鐘意呢杯blueberry strawberry yogurt smoothie , 我懷疑係無另外加糖, 所以好natural, 好好味!!另外朋友叫左杯matcha latte, 綠茶粉甘甘地, 唔錯!

鍾意呢度地方夠大，而且可以任坐，呢度係自助形式，坐得耐都完全無壓力😆！環境舒服過出面連鎖咖啡店Hea。看中喜歡的名信片，可以購買及代寄。另一邊廂的沖調飲品櫃枱，鍾意坐高定坐低，適隨專便。呢度嘅卡幫尼意粉同我平時食嘅好唔同，因為平時係得煙肉同埋蛋黃醬！但今次既卡邦尼意粉，用左大量蘑菇，夾雜「smoky port」，灑上芝士碎濃濃芝味😋，食落一d都唔漏。黑松露蘑菇意粉，黑松露香氣滿溢，意粉軟硬適中。全日早餐好足料，沙律菜新鮮，炒蛋香滑而且份量十足，牛角包焗得鬆脆，德國腸大大條，煙肉大大片😋整份全日早餐超豐富👍🏻甜品係青檸檬上鋪上焦糖，酸酸甜甜口感獨特新鮮以尖沙咀地段，晚市，兼任坐，呢個價錢簡值無敵👍🏻

為咗重拾童心👶🏻，草根姐妹👩🏻👧🏻特登去尖沙咀呢間有得夾公仔🧸之餘，隔離行2步就係cafe嘅自助式餐廳🍴。🍴10%黑松露白酒芝士火鍋套餐（$178+$100升級配料）Black Tuffle Fondue au fromage🍲芝士300ml Cheese 300ml 🍲法包 Bread 🍲荷蘭串茄 Cherry Tomato 🍲西蘭花 Broccoli 🍲薯仔 Potato 🍲蘋果 Apple 🍲紐倫堡香腸 Sausage 🍲沙律菜 Salad✨配外+ $100追加配料✨🍲帶子 Scallop 🍲藍青口 Mussels 🍲龍蝦肉 Lobster Meat 🍲煙三文魚 Smoked Salmon 🍲巴拿馬火腿 Parma Ham—————————————————————先講環境: 環境寛敞，空間多，自由度滿分💯。餐廳感覺似Common Area，適合優閒地😌歎下咖啡☕️睇下書📖傾下pro，仲可以識下朋友仔😏👋🏻。食物方面試咗新出嘅芝士火鍋🍲，一共有3款味，原味/黑松露/鹹蛋。揀咗黑松露，但松露同芝士味都係零🧀，反而白酒味🍶好重。配料份量唔多，所以

尖沙咀呢間隱世cafe好唔錯啊！人唔多、又唔嘈，有咩小聚會都啱💕仲歡迎包場添😬All Day Breakfast $88暫時佢係我食過嘅allday最大份🙆‍♀️份量勁多，勁飽～如果大家都係allday迷可以話係必試😬龍蝦🦞肉蕃茄醬意粉 $98醬汁多咗少少，較為酸～但我自己就OK！而且因爲醬汁多，撈埋落意粉更好味！鮮奶香芋 $48派濃嘅香芋味，加上夠哂熱💕唔會太甜，剛則好。超級推介！薑餅大拿鐵 $58味道唔算大特別。如果同香芋比起我都會推介香芋多啲🤣🤣🤣🤣🤣🤣🤣🤣🍽8/10🔎 香港郵意 (尖沙咀)尖沙咀漆咸道南61-65號首都廣場2樓80-82號舖

呢幾日天氣實在十分寒冷，但係無阻我同老公兩人去拍拖，浪漫一下！踏入2019年，終於有時間二人世界，就選擇左係方便就腳既尖沙咀，香港郵意既環境同食物即刻吸引左我香港郵意位於尖沙咀首都廣場2樓，無論係尖沙咀站，定尖東站，行過去都好近！不過應該就係尖沙咀站會再近d！環境如圖，非常文青，以木系為主比人感覺好溫暖好舒服！門口位置清晰放左指示牌，請自行收拾碗碟及取餐💕包括自取餐具佈置非常用心，唔講唔知，一上去就知，原來呢間係韓式cafe，難怪咁文青啦！門外仲有一個類似book corner既地方忍唔住行左一round，行入小小仲見到有間文具店添，都係cafe範圍之內！花左咁多時間講環境，係因為環境真係最吸引我，環境大，好隨意，唔會有侍應係旁邊望住你傾計同食野！不過其實食物都好吸引！食物選擇唔算太多，但都唔少，主食、飲品同甜品樣樣齊！主菜，叫左我最愛既All day breakfast 令人感覺充滿力量炒蛋勁香，亦都好滑材料好足夠！簡單既伴碟，不多亦不少黎個近鏡，香腸勁大條，有少少香草味好夠飽！個人不太喜歡食煙肉，比哂老公食，佢話唔喊，幾好食wor仲有重點推薦既pizza! 四人份，好足料，pizz