樓上樓海鮮火鍋 (Closed)

哈哈！真的世事難料。到樓上樓本來是左一碟和牛，右一碟黑豚。誰不知樓上樓竟然能造出一個如熔岩似的心太軟。心太軟的精髓在於外冷內熱，皮脆心軟，令食客一次過能夠品嚐這四種極端的感覺，在口內有於熔岩一般流動。樓上樓做得到。

去咁多邊爐店, 我自己認為最去唔過就係呢間...因為本來想試既火鍋店執左, 同男友係街行行下見好多人上去, 自己又唔知去邊食好, 所以就上去試下, 7:30去到, 門口個姐姐話9:30要交枱 ,之後等左1個字左右就比枱 我, 見到張枱 好寬, 男友坐對面, 講野好似要鬧交咁, 之後送左碟小食, 侍應放低就走人, 冇講係d 咩黎, Order紙只SHOW食物, 冇SHOW價錢, 價錢要自己問侍應拎MEAN, 感覺個生意手法唔係太好!!食物冇咩選擇, 冇本地牛運到, 迫左要叫和牛(男友開始幾粒話可以, 但底下O個d 牛粒唔掂!)湯底: 唔得!!好淡!!, 豪: 夠大隻, 但得3隻($60), 和牛片要$228/碟, 太貴!!冇叫, 轉叫碟和牛粒: 數量可以($138)味道唔清楚,男友話OK!!黑豬片:數量OK, 但只係一般貸式, 仲有叫其實野, 但已經記唔食過咩, 因為真係冇咩代表作, 又叫左渣梨汁, 勁甜!!但好大渣($60), 2個人去既話, 叫2杯OK, 唔洗叫1!!總結: 唔知食過咩, 冇選擇, 款式太少, 食物質數一般, 價錢偏貴, 咁既價錢可以食得好d , 唯一可讚, 环境裝修

朋友推介牛肉刺身得,所以訂o左檯,諗住叫吞拿魚腩刺身,waitress話toro 刺身好溜,話燒toro壽司好食...(未聽過有人講toro燒好食...試下...4件燒到乾晒o既唔知セ魚放響舊凍飯上面收成$192...離晒譜!!!!!(立即推介:ifc千兩...$50/2件,入口即溶...this is cheap toro...but that's GREAT!!)燒牛舌: 太薄,太乾,無口感,唔掂(推介: 灣仔屋台...厚燒多汁...$20...GOOD!!!)煎鵝肝: 可以夠膽煎到乾晒都落檯,我地返問"係咪應該換呢?",waitress 先好似如夢初醒...(好心廚房同待應睇多D "Asian food channel" o既"The F word" la,唔上得檯就從新做過,"己所不欲,勿施於人"呀!)牛肉刺身: ok law!!唔突出...燒short rib : 太乾,唔得...$1200埋單...唔值Service : 淨係識推介貴o野,D貴o野ヌ唔掂...Sorry埋o左單四人立即飛的去"波記"平衡一o下心理...終於開心翻晒!!

朋友推介牛肉刺身得,所以訂o左檯,諗住叫吞拿魚腩刺身,waitress話toro 刺身好溜,話燒toro壽司好食...(未聽過有人講toro燒好食...試下...4件燒到乾晒o既唔知セ魚放響舊凍飯上面收成$192...離晒譜!!!!!(立即推介:ifc千兩...$50/2件,入口即溶...this is cheap toro...but that's GREAT!!)燒牛舌: 太薄,太乾,無口感,唔掂(推介: 灣仔屋台...厚燒多汁...$20...GOOD!!!)煎鵝肝: 可以夠膽煎到乾晒都落檯,我地返問"係咪應該換呢?",waitress 先好似如夢初醒...(好心廚房同待應睇多D "Asian food channel" o既"The F word" la,唔上得檯就從新做過,"己所不欲,勿施於人"呀!)牛肉刺身: ok law!!唔突出...燒short rib : 太乾,唔得...$1200埋單...唔值Service : 淨係識推介貴o野,D貴o野ヌ唔掂...Sorry埋o左單四人立即飛的去"波記"平衡一o下心理...終於開心翻晒!!

上星期一晚收得夜,又想起樓上樓開到兩點,所以來了..可能對其服務完全沒有期望,所以反而覺得ok..叫左一jar雪梨水--老實說,不太好飲,好普通..因店員推介,要了石頭魚刺身,d骨腩就加花旗參,杞子做湯底--d魚係好鮮甜,有魚味,但d湯飲唔到魚味=(配料叫左牛展(好爽!!),坑腩(最好唔好叫,滾得耐都唔係好淋),(蟹皇釀)牛丸(例:8粒),波菜,冬瓜,粉腸,黑柏葉食物總括來說非常新鮮送生果盤超爆貴!!!!!!!!!!!!!!!!!!!!!!!!!!!!!!!!!!!!!埋單$840服務算好,但感覺是:waiter們只是不停地推介貴o野...

昨日一行十人諗住去方榮記打邊爐, 不過有朋友嫌遠, 咁就o係尖沙咀搵. 見小肥羊同譚魚頭食得多, 咁o岩有人提議去樓上樓, 聽就聽得多, 去就未去過, 一於舉手試試.上去見到個裝修唔似普通酒家咁, 暗暗地每台一盞燈, 幾有格調. 通風方面幾好, 一o的都唔覺得焗.一坐底就叫o左個火焰龍蝦湯底, 個鍋先放堆生蝦再加少少酒(好似係花雕)點著佢先, 一開蓋就聞到好香o既酒味, 再落龍蝦湯, 試o左一啖, 真係幾鮮.再叫o的配料, 幾碟肥牛同厚切牛肉/花枝片/魚腸/海參/魚皮餃/螺片/帶子/仲有好多配料, 不過記唔哂喇. 全部配料都好新鮮, 真係想當刺身咁食o左佢.o的侍應service都幾好, 我地叫o左o的橙汁/啤酒, 一見我地無就幫手斟. 同埋出面打邊爐, 叫佢加湯, 佢只係倒水落去就算, 但呢間係加返龍蝦湯俾我地.後尾食哂o野, 執走哂o的爐/碟等等, 佢就送o左生果盤/甜品併盤各一俾我地, 甜品併盤都唔錯. 不過我地都有另外叫甜品, 我試o左個心太軟, 一個雪糕再加個cake, 個cake入面係o的熱o既朱古力醬, 呢個真係必試.十個人埋單$26xx, 係貴少少, 但係真係物有所值.

野食好一般，係咁介紹貴野比人，我食4000 蚊野都要我2 個鐘交檯。又唔會幫客人諗下我地order 個量。起勢質我地叫貴野。

我同我家姐屋企人，８個人，我家姊先到，佢就一尾推貴到飛起既野，像拔蚌，龍蝦，鮑魚。但係我家姊鐘意食龍蝦同像拔。所以佢一口就叫左，但係叫佢整隻”細細隻”黎，店員一見我家姊咁豪，就即刻勁推冰鎮蝦，冰鎮鮑魚。佢叫過個龍蝦個頭就用上湯蚊，再用”鮑魚吸一吸味”，嚇到我姐夫死。佢地就更係話唔洗啦，現後我一到，ｄ海鮮開始黎，隻像拔同龍蝦大碟到檯都放唔落，如果ｄ店員係好ｄ既，會提下我地叫得太多，or 幫我地拿細隻點既，我地已經煩緊點清之濟，佢地重係咁走黎問要唔要加ｄ送，係咁推銷貴到飛起既野，明知我地都放到一檯都係。現後我地推左佢之後，我地再開始食，都未到一半，佢又走黎問要唔要甜品。我真係比佢煩死。以後一定唔會再去。又唔係咁好食。都唔知為乜。埋但３７００。嚇死人。

又係食火煱季節...上次响大角咀力奇吃得很愜意，星期天晚上有family function，阿哥建議打邊爐，叫我諗地方。力奇似乎並唔係一個好選擇(因為太遠)，諗諗吓都係呢度就腳及好坐D...我一向覺得呢度嘅水準係被人低估咗 --- 用料靚、招呼好、環境舒適、仲經常撞見名人(嗰晚就見到楊怡)...對我嚟講，當然嘢食最重要。叫咗兩round，差唔多所有撚手配料全部齊全--- 牛頸脊、坑腩粒、雪花牛脷、珍寶生蠔、蟹黃唐揚、鵝粉腸、蝦及墨魚滑、黑豚肉及羊肉片、魚皮、豬潤、黑柏葉、鮑魚絲魚麵、仲有鵝肝添，簡直係盛宴一場，食到要打包。用料依然靚及新鮮，份量當然唔可以同力奇比，但各擅勝場...一樣食得好愜意...

環境唔錯服務唔錯食物有水準價錢幾貴強烈推介生牛肉刺身及日式海鮮刺身飯後甜品有好多選擇除左明星外其他客都係衣著光鮮顧客對象係高消費一族

昨晚一行十人去食, 由於我地幾日前已訂檯, 所以安排了一張靠邊既大圓檯俾我地, 但只得一個鍋, 手短會好唔方便. 環境係唔錯, 食物略嫌貴, 不過呢點都預左, 不過估唔到佢地D服務咁"好"! 好明顯係白鴿眼, 嫌我地叫得少野. 以下就係令我地"氣頂"既事件簿:1) 我地坐低之後, 有D口渴, 環顧四周, 都冇茶水供應, 頂多係自費之飲料, 於是我地就同女侍應講唔該俾幾杯水, 佢問我地係咪想要一支支既水, 我意會到佢所謂既水係要錢果D, 我心諗...你係咪玩野呀? 於是我就老實話:"有冇D唔駛錢既茶水呀?" 之後先至攞熱茶俾我地.2) 由於仲有2個朋友未到, 我地已經填緊紙仔點野食, 有個類似部長既物體走埋來, 問我地駛唔駛落左單先, 我地話未齊人...佢猛叫我地落左單先, 一路食一路等, 好似想我地快D食完交檯咁.3) 由於醬料盤放在檯中央, 其中個朋友添加醬料途中, 火鍋送到, 另一個侍應就一句唔該都冇就移開個醬料盤, 再放上火鍋, 當我朋友想繼續添醬料時, 侍應就想拎走個醬料盤...醒少少當幫忙啦!4) 由於我地第一次去呢間野度食, 我地填紙仔時,見牛肉果PART分了幾個部位, 唔

媽媽生日，約了我的好友云云及大19她們一同和我的媽媽慶祝(因為她們也喜歡和我媽媽一起吃飯)，想不到云云竟然還帶了一位她的朋友- 車利！五個人打邊爐，我當然點了這裏一些特別的丸丸，車利order了三碟，我和媽媽共order了五碟，這裏的食物很新鮮，坦白說，打邊爐來來去去都是那些食物，只要食物新鮮，那便美味無窮。車利order了一碟午餐肉來打邊爐！我本身並不太喜歡spam for hotpor，but anyway, 我尊重他人的選擇。當8碟東西一起上桌時，那車利竟說︰哇！誰叫了那麼多東西，我便說我們點了5碟，你點了3碟，total 8碟。她竟說︰哇！你們叫了那麼多，不過你們那麼大吃，也難怪要叫5碟。我真的很氣，你自已一人都叫了3碟，我和我媽共叫了5碟，也都是大家share的，為何要那麼沒禮貌！這令我媽媽很不高興，sorry，媽媽，想不到令到你的生日晚餐那麼不高興，希望下次云云醒目，不要再帶一些沒禮貌的人。媽媽事後說若不是當時的氣氛不對，其實那裏的食物是很新鮮美味的…

本身很喜歡打邊爐，以往通常去有骨氣。第一次朋友帶我去樓上樓，就改變了我以打邊爐的去處了。真的很喜歡那帶西帶日的環境，又可以飲着日本清酒或紅酒來打邊爐，感覺真的是很好。必食的一定是生牛肉剌身，每次都會食，水準上佳。湯底選擇非常多，中式又有，西式又有，一些比較新奇亦有。我平均一個月也會去兩至三次，也提一提，樓上樓絕對是看明星的好去處，我在那裹已見過很多明星，例如，周杰倫、陳冠希、古巨基、楊千嬅、方中信、吳君如、蔡依琳、小豬、曾志偉、錢家樂、鄭中基、鄭伊健、梁詠琪、鄭家、苗喬偉、還有很多無線的藝員。我相信他們也是一個傳一個，才會咁多人去。我曾建議大家，若果要去的話，就最好定位，因為我發覺，就算是星期一至四，晚飯時段七至九點，通常也是滿座的。

上年除夕光顧兩個人雖然都夠飽但係樣樣得幾粒既情況下食得未算盡興埋單成六百蚊實在未算物有所值環境不錯不錯在唔似係打邊爐既地方

侍應介紹哂d貴野食，但野食唔新鮮。我食的一次叫了crab鍋，crab是\"梅\"的╴又介紹d生蝦，成3百蚊2隻仔，2個人食了成千蚊，唔會再去。