力天冰室

Open Now

Now Closed

今晚想食啲中式小菜，行過見到呢間冰室啲價錢好似幾抵食，就一於入去試下。鳳梨咕嚕肉 $80份量都幾多，炸到個皮好脆口，配上酸酸甜甜嘅醬，再加上好多菠蘿，好夾好食。魚湯海鮮粉絲雜菜煲 $86估唔到好足料，好多海鮮，有蝦、帶子、青口、魷魚，仲有三款菜，西蘭花，菜心，白菜，呢個真係好抵食。跟餐包左一碗白飯同一碗湯，估唔到佢的中湯幾足料。餐飲我哋加左每杯$12要特飲懷舊紅豆冰，幾多紅豆，紅豆又淋又入味。青檸菠蘿賓治，酸酸甜甜幾開胃。香脆奶油豬 $32烘得夠脆身，加埋煉奶同牛油，呢啲配搭一定冇得輸。

今日同朋友去旺角睇戲行街做運動，跟住同朋友去享受吃晚餐，我朋友提議我去力天冰室吃，佢話力天冰室嘅晚餐係有好多嘅選擇，間冰室位於何文田窩打老道73號地下D舖，港鐵旺角東站C2出口，行十分鐘就到。冰室內環境寬敞舒適，地方整潔光猛，枱凳擺設整齊，尤其是卡位令人坐得舒服，店員有禮貌服務態度好，來這裏食真不錯。冰室餐牌食物款式選擇好多，有早餐、午餐、晚餐、常餐、開心下午茶、小食類、特色小食、三文治/多士、湯麵類、中式小菜、中式炒粉麵、經典鐵板、西式燴飯、飲品、特飲，真係令人口感豐富，尤其是中式小菜係好抵食，有成37個中式小菜選擇，奉送埋白飯及中湯或紅湯，加少少錢可以叫埋飲品，而小菜嘅價錢又唔貴，我朋友就選咗（5）麻辣尖椒炒鹹肉，仲揀咗紅湯即係羅宋湯和懷舊紅豆冰特飲，我再睇清楚原來晚餐亦都好抵食，有西式嘅食品，我就叫咗（F)T骨牛扒拼吉列蝦配牛肝菌汁，配埋意粉同冬瓜豬骨湯，加幾蚊叫埋杯鹹檸七特飲，再叫埋小食嘅酥炸香脆大雞翼來食。這間餐廳來湯餸飯飲品都唔慢，先來羅宋湯同冬瓜豬骨湯，羅宋湯是個紅色靚湯好飲，非常足料，好惹味，湯唔辣反而有少少甜味，飲落令人開胃，而冬瓜豬骨湯是靚中式湯，材料豐富，冬瓜香甜

力天冰室，位置在中央圖書館對面，餐牌選擇多樣化，有常餐、焗類、西式燴飯、自選麵餐、經典鐵板餐、招牌馬來西亞咖啡、中式炒粉麵、中式小菜、力天菠蘿油等，價錢親民。三文魚凱撒沙律：三文魚捲到成朵花咁，賣相吸引，煙燻味道突出，鹹中帶香，配上爽脆既沙律菜、炸得香口既麵包粒、香濃芝士，配餐廳調製既沙律醬，清新美味，簡單又飽足。公司三文治配辣味薯角：用煎蛋、火腿、蔬菜、吞拿魚、午餐肉和蕃茄等食材製作而成，配上炸到金黃色既辣味薯角，招牌菜式之一。涼瓜脆魚柳飯：魚柳炸得香脆，涼瓜清爽，調味適中，送飯一流。喇沙肥牛稻庭烏冬：肥牛份量十足，湯底帶椰奶香氣，配料有芽菜、紅椒、豆卜，稻庭烏冬爽口，超級好吃。總結，食物美味有水準，出菜速度快，服務員態度認真，值得推薦。

首先上場的是美式黑椒汁雜扒鐵板餐配意粉。鐵板上擺放著切件整齊的牛肉、雞肉和時蔬,澆上濃郁醇厚的黑椒汁,散發着誘人的香氣。牛肉鮮嫩多汁,雞肉亦保持原汁原味,配搭清脆的時蔬,口感豐富,與黑椒汁完美融合。伴碟的意粉煮至適中,吸收了鐵板上的精華,格外鮮美可口。其次是雪菜肉絲炆米。雪菜入味,帶有適度的鹹香,肉絲軟嫩多汁,與米粉恰到好處地結合在一起,口感爽滑。最後的主角是鮮牛油菠蘿包。麵包外層金黃酥脆,內裡蓬鬆柔軟,配上絕妙的牛油香氣。咬下去後,麵包與牛油的味道立即在口中化開,回甜的菠蘿則為整個口感增添了清新感。這樣既富層次,又不失清新的組合實在叫人難忘。呢間位於何文田嘅力天冰室好值得一試呢！地點都好便利架！

經常喺附近做嘢，成日都想去試下力天，今日又心思思想食港式冰室，終於嚟咗試魚湯粉絲海鮮雜菜煲($86) - 好足料好大煲，蝦、魷魚、蝦米、帶子、青口、粉絲、唔同嘅蔬菜都有齊，湯底清甜蔥燒牛仔骨($88) - 調味好好，啖啖肉好滋味，牛仔骨軟腍，洋蔥同三色椒都好入味，跟餐白飯粒粒分明龍鳳檸樂、奶茶紅豆冰(跟餐各加$12） - 奶茶底香醇，同紅豆好夾，檸樂係檸底上，仲有得揀zero特厚花生醬西多士($40) - 大大份勁邪惡，中間搽咗滿滿同厚厚嘅花生醬，味道濃郁，蛋香又出，勁滿足力天應該係街坊熱捧嘅冰室，未夠7點就坐滿人，食完一輪第二輪好快又滿座選擇好多，港式常餐、小菜、鐵板、焗飯同意粉、三文治、炒粉麵飯、港式飲品等等應有盡快，的確係間唔錯嘅餐廳

餐牌都幾多選擇，焗飯、小菜同鋸扒等都有，我哋叫咗蔥燒牛仔骨、蒜蓉香煎羊扒同埋奶茶紅豆冰。🥢蔥燒牛仔骨牛仔骨份量頗多，煎得唔錯，咬落鬆化軟嫩；個汁勁惹味，令到啲牛仔骨同彩椒都入曬味，送飯一流。🥢蒜蓉香煎羊扒羊扒有三塊，叫咗七成熟，肉質軟腍，唔會好膻，撈埋蒜蓉汁食好正；伴碟嘅薯菜都有誠意，焗薯加咗麻醬，更加滑漏。🥢蒜蓉牛油多士睇個樣都知好食，真係多蒜多牛油，邪惡😋🥢奶茶紅豆冰好多豆，奶茶香滑，一次過滿足我想飲紅豆冰又想飲奶茶嘅願望👍🏻

位於旺角嘅「力天冰室」真係唔錯🍛☕️ 佢哋保留咗傳統茶餐廳獨有嘅特色,而且菜式多樣化,吸引眾多街坊朋友光顧!👍「沙爹牛肉炒河」🍲👨‍🍳呢道菜式除咗有鮮嫩軟滑嘅牛肉,仲有香濃四溢嘅沙爹醬汁,加埋炒得Q彈滑溜嘅河粉🤤每一口都叫人大飽口福,真係一道不可錯過嘅招牌菜式!👌「鐵板黑椒牛柳絲炒麵」🍲🍜呢道麵好正,配料豐富,又夠飽肚,而且麵身煮得恰到好處,脆身又彈牙!🤩牛柳絲煎得香脆咁,配埋濃郁嘅黑椒汁,真係吃得過癮👌「常餐」系列🍞「火腿通心粉」同「炒蛋多士」,全部都好味道,值得一試!🤤份量夠飽,平價又好味嘅一餐! 👍「花生醬西多士」絕對唔能錯過!🍞🥜非常香濃濃嘅花生醬配搭金黃色嘅吐司,十分吸引，令人食完仲意猶未盡!🤤總的來講,「力天冰室」值得推介🍴☕️佢哋既菜式多樣,價錢又公道,食晏定係下午茶,都係一個好去處!👍😋

今日去咗何文田嘅冰室食午餐餐廳裝修幾靚 牆上掛咗一d小裝飾餐牌上有好多唔同類型嘅美食可以揀中西式都有👍🏻仲有湯麵、小食同好啱下午茶食嘅三文治同西多士👍🏻飲品都有好多選擇 例如雜果賓治 懷舊紅豆冰🤤 多到令人唔知飲咩好🤤最後主食我就揀咗魚香茄子煲🤤嘢飲就揀咗雜果賓治🤤湯就揀咗羅宋湯先到嘅係湯羅宋湯嘅味道酸酸辣辣😚好開胃👍🏻😍之後嘅係雜果賓治🍹夏日炎炎最啱飲凍飲👍🏻雜果賓治係分開上一杯係雜果加糖水？？一罐Sprite打開Sprite 再慢慢倒入杯有好好泡泡升上嚟夏天飲凍冰冰嘅雜果賓治真係一流🤤👍🏻最後上嘅係魚香茄子煲🤤🤤好香 而且味道唔錯 唔會太鹹👍🏻料好充足 好多茄子🤤🤤將肉碎連埋汁一齊拌飯味道超正🤤

朋友嘅介紹嚟到呢間力天冰室，位於喺何文田，聽朋友講話呢間絕對係大排檔質素茶餐廳價錢，入到去夥計都幾好招呼✅✅XO醬涼瓜脆魚柳煲：結合了香辣的XO醬、清爽的涼瓜和魚柳，經過煲煮後，味道鮮美且口感豐富。XO醬的辣椒風味和涼瓜的清爽口感，苦瓜有經過處理，所以唔會太苦，唔食苦瓜嘅人都可以試一試，食完之後就會覺得”真想不到當初我們會討厭吃苦瓜” 💪💪💪咖喱牛腩煲：牛腩經過煲煮後變得軟嫩多汁，加上咖喱的香料和香氣，帶給您一份濃郁而濃香的口感。這道菜品的味道豐富，牛腩炆得夠唔夠入味，而且上菜嗰陣仲係非常之滾，果然夠鑊氣醉鴨舌：醉鴨舌是一道特色菜品！鴨舌經過特殊的處理和調味，帶有酒香和鮮美的口感。這道菜品的味道獨特，鴨舌的嫩滑和酒香的結合，給您帶來一份獨特的口味體驗。

今日好開心去咗何文田附近行街，行到有啲肚餓，就諗住附近食嘢，於是上網一搜尋，見到好多人推介呢一間冰室，果然名副其實，真係好有驚喜呀，超級好食呀，食物質素好高，衛生程度好好，空間又大，整得好書房，而且種類選擇好多，服務態度好好，真係好吸引呀，真係要推介給朋友食啊，同埋好啱一家大細去食飯👍👍👍首先我推介佢哋嘅常餐，常餐種類好多，價錢經濟實惠，佢哋嘅即食麵配埋沙嗲牛肉，仲有瑞士雞翼撈公仔麵，加埋個蒜香多士，炒蛋，真係一流呀，份量又多，睇得出個廚師好有心機，好好食呀，而且所有食物都係快靚正，即叫即整，好新鮮，同埋佢哋嘅侍應態度都好好，全部都好有笑容，有親切感，主動斟茶遞水，有賓至如歸的感覺，而且佢哋嘅餸菜都好多選擇，全部大大碟，真係好抵食

芫茜煙肉炒蛋菠蘿油：有驚喜❗分量足，芫茜味濃，配上鹹香嘅煙肉 同嫩滑嘅炒蛋，好啱芫荽 fans。朋友變到都食咗一啖，大讚而菠蘿包 都唔錯，個菠蘿面唔會散曬碎蛋沙律菠蘿油：碎蛋沙律爆滿瀉，夾雜酸酸地嘅酸瓜粒，味道幾特別，好醒神我見 隔籬枱嘅食客 能夠用餐紙包住食，我朋友要先食d 碎蛋沙律🤣，份量變細後，才能用餐紙包住食歐陸早餐：整體好豐富，份量足西冷牛扒 肉質軟淋，大件，又唔薄，煎得有心機，咬落先有焦香味，後有牛味。另外 好有心思，配有酸酸甜甜醬汁，將牛扒點一點個醬汁，有不一樣嘅清新味道3.6 牛乳炒蛋 嫩滑牛油粟米 好甜芝士火腿牛角酥 酥香，同芝士火腿係絕配，好滋味茶走：茶味濃，朋友比較鍾意甜，職員好樂意再比多d 練奶餐廳 座位之間唔擠逼，卡位坐得好舒服，唔怪得都幾多食客

力天冰室何文田窩打老道73號地下D號舖呢間位於何文田嘅茶記幾多人見到夥計做到冇停手 外賣單keep住有喺香港食早餐都係茶餐廳冰室有feel 啲叫咗個沙嗲牛肉米 自選三拼五香肉丁 煎雙蛋 沙嗲牛肉 沙嗲汁夠濃 牛肉幾好咬口喺香港沙嗲牛肉整得好，真係唔怕冇生意 見到好多人都係嗌沙嗲牛麵，沙嗲牛出前一丁另外簡單一杯凍檸茶 檸檬有四五片 都有點厚度歐陸西式早餐 $46西冷牛扒配3.6牛乳炒蛋，拼牛油粟米 芝士火腿牛角酥另外有條德國腸 整體都幾豐富 因為牛角酥太好賣換咗塊脆嘅丹麥多士都唔錯

旺角東呢頭有唔少寵物店同寵物診所行完想醫肚黎左呢間人流頗多既冰室餐牌選擇多元化 有常餐 小食 中菜餐牌仲有齊中英文 多圖多相餐廳以天藍色為主調 餐具都印有冰室名有卡位 空間幾寬敞我地叫左2個中式小菜同沙律包2碗湯 2碗裝到好滿既白飯煙三文魚凱撒沙律 $58煙三文魚有4-5片數量隨時多過去西餐廳食沙律新鮮大大塊蕃茄 好多洋蔥沙律醬量適中是日中湯 老黃瓜豬骨湯Wasabi奇妙蝦球 $88有9粒蝦球Wasabi加左沙律醬 唔會太刺激配菜彩色椒量多五香薯仔排骨煲 $84朋友見餐牌相幾吸引 所以揀左呢款上枱 熱lala 濃稠醬汁排骨肥瘦適中 口感爽脆每舊排骨都有軟骨/硬骨 切到一口大細岩晒鐘意噒骨既我朋友比薯仔著迷 清晒所以薯仔整體質素唔錯

今天晚上，我和太太來到位於何文田的力天冰室享用晚餐。我們點了例湯兩碗，是中式湯水，熱騰騰的湯水讓人感覺溫暖舒適。接著我們品嘗了清爽的雜果沙律，新鮮水果的甜美與蔬菜的清脆交織出美妙的口感。柚子蝦球的鮮嫩蝦肉配上柚子的清香，讓人驚艷不已。XO醬炒西蘭花鮮鱿魚的香辣味道刺激了我們的味蕾，每一口都充滿著料理師傅的用心與功夫。最後，杏仁霜的綿密口感帶來甜蜜的結尾，讓我們在這美好的晚上留下滿滿的幸福與滿足。茶餐廳的簡單風味中，我們找到了對彼此的溫馨陪伴，這一餐將成為我們美好回憶的一部分。

今晚同朋友相約冰室食個便飯，去左位於何文田嘅 力天冰室。位置由旺角東站行過去都幾近幾就腳。餐廳有卡位，圓枱，都闊落舒服。食物方面，晚市餐品都好多元化，傳統晚市小菜，煲類，仲有焗飯，意粉同扒餐，總有一款啱口味。我同朋友分別叫左沙嗲金菇粉絲肥牛煲，配紅湯，加左杯熱奶茶。另一個叫左焗白汁粟米魚柳飯，要左杯紅豆冰。沙嗲金菇粉絲肥牛煲 份量勁大份，調味適中，唔會過鹹，非常足料。金菇粉絲加埋芽菜超級入味，又好有口感，肥牛份量適中，唔會太韌，好送飯。加埋其他配菜，三色椒，洋蔥同菠蘿，整體均勻。餐配嘅紅湯，幾惹味，比想像中辣少少，都好開胃。焗白汁粟米魚柳飯賣相唔錯，見到芝士份量都幾多，有做到拉絲，魚柳好大塊，咬落都保持到薄脆。飯底好夠熱，係蛋炒飯底，乾身，有蛋香味。白汁份量撈飯都啱啱好，唔錯！紅豆冰，紅豆份量超級多，經典香甜口味。熱奶茶，質地夠滑，味道好濃。