蝦麵店 (海光街) (Moved) New Location

平常在附近食午飯已經過此蝦麵店，但從來末嘗試過。今天因為想吃湯麵便想起此間！門面不大亦不太起眼，要不是之前經過可能會錯失這入口。剛到午餐時間店鋪𥚃已有很多人，有一點擠迫，所以我決定外賣。門口有2部自助落單機 ，一部是可以提供八達通或信用卡支付，另一部則只接受現金。十分方便。湯底分為3大類-辣蝦，咖哩及豬骨雞湯！值得一讚的是他們會很貼心的把外賣的麵和湯分開🍜 墨魚丸魚片咖哩喇沙摻摻麵喇沙的份量挺大及豐富，有5舊豆卜，4片厚切魚片及3粒墨魚丸。麵方面，我選擇了摻摻，是傳統喇沙麵底分別有油麵和米粉，一次過能品嚐兩款不同的麵質！湯底亦不錯，充滿咖哩香味，以及椰汁，非常開胃。如果椰汁味重多少許會更佳！但我仍然喝了不少湯，喝多了亦不覺得特別口渴。墨魚丸及魚片亦十分爽口彈牙😉下次我會嘗試另一招牌-辣蝦麵

自從轉了工作，返工變成觀塘，都經常去港島覓食。今日約了男友去鰂魚涌～因為男友轉了附近工作，揀了食馬來菜。男友lunch前食過哩間「蝦麵店」覺得唔錯所以帶我拍拖黎食。估唔到咁偏遠都有好多客人，睇黎應該真係唔錯～我揀jor「辣味蝦湯底」既海鮮麵；而男友就揀jor「咖哩辣沙湯底」既海鮮麵。因為我唔鍾意食青口，所以我特別要求轉魚片，服務員都好客氣幫我轉～而且份量仲唔少添！我既辣味蝦湯底好正！唔辣，但係有種獨特既香味，加上我係檬粉，所以吸曬湯底精華，好好味！男友個個就好似咖哩麵咁，因為配了掺掺，所以有檬粉同米粉，兩種粉吸jor湯汁，變得比較「結」，鍾意食濃味既就好推薦啦最後我地KO到清曬底，食飽飽散步去北角。哩間麵店好有手工既味道，雖然未去過馬來西亞/新加坡，但總覺得佢既味道很正宗哈哈（有點班門弄斧添）

係太古坊返工附近都一定有d必食嘅小店，哩間就係其中一間啦！雖然鋪面好細，有時lunch hour就會買返office pantry食。主打有兩款湯底，一個係2條辣椒嘅辣蝦湯底，一個係1條辣椒嘅咖哩喇沙湯底。我個人鍾意咖哩喇沙多d，因為有椰奶，口感會更加豐富。今次叫左墨魚丸魚片摻摻，即係蛋麵同米粉兩溝。雖然賣相唔好，但係味道一流！湯底濃郁唔在講，唔會好重味精，所以唔怕連湯食。墨魚丸帶有蒜蓉味，亦有墨魚粒，墨魚丸同魚片各四粒/片，份量好足夠。得意在餐廳落單形式好電子化，但係都仲有店員教你落單，好熱情返工口淡淡就會揀佢！

晚上無意間經過, 聞到門外傳來一陣陣蝦味, 於是入內試試, 店舖小小可坐的坐位不多, 點了一客招牌蝦麵, 望著師傅整麵很殷勤。一大碗麵配著紅通通的蝦湯, 未食已聞到很重的蝦味, 麵質爽口剛好, 蝦湯鮮濃, 想不到味道很好, 希望小店繼續努力營運下去。

食過好多次 但次次 一係掛住食 一係張相影得唔靚雖然今次都唔靚 但我忍唔住喇 有好野點可以唔推薦俾大家🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹唔好以為只係一間小小既麵店 食物質素唔錯之餘 人地仲有2間分店落單已經係自動化喇 仲手寫咩 用tablet揀野食payment仲有cash or credit card鋪頭雖小但乾乾淨淨企門口個個侍應姐姐每次去都笑容滿面 真係好開心見到佢=)返工做野咁辛苦 食個lunch都想食得開姐教我如何可以不愛它🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹蝦肉魷魚翼麵(咖哩喇沙湯底)💰：$72-蝦肉做得好係必須的lol 話曬叫蝦麵店蝦肉疑似用上赤米 肉質結實同分量都多魷魚翼細細塊又夠爽不過我最喜都係個湯底 喇沙味濃又掛麵一啖麵撈埋湯 真係好滋味不得不提個麵叫摻摻﹐姐係米粉加油麵Interesting….無乜特別 不過姐鍾意食

有段時間無嚟「蝦麵店」今日唔知lunch食乜，見到好耐冇食蝦麵於是佢就成為我今日午餐。可能無幫襯一段時間，我今日我揀咗蝦肉肉片麵，辣味蝦湯底，湯底唔錯又鮮甜，又夠濃，話是話今日唔知係咪晏咗D，人流比以前少咗，不過都好起碼唔使等。

阿太聽日出發去西班牙旅行，之後我哋要兩個禮拜後見喇👋🏻👋🏻 今日特登預留時間，同佢食個lunch撐吓枱腳😄 得我仲哋兩個，無首領喺度就無哂主意🤨 問阿太想食咩佢又答我無所謂... 咁唯有隨心而行啦！要我揀就一定會揀湯麵類，咁啱行過「蝦麵店」，正中小秘書 我嘅下懷🤩 麵店改善咗，人客再唔需要日曬雨淋企喺門口買飛，一個輪一個入去，買完飛就可以坐抵等食👍🏻 今日我揀咗 #小秘書例牌「蝦肉墨魚丸摻摻」而阿太就食得清啲，佢要咗個「冬菇雞肉米粉」。可能已經有一般時間無幫襯，我覺得個辣味蝦湯底好野味又有豐富嘅蝦味😋 食到我舔舔脷！反而阿太果個豬骨雞湯底就味精重咗啲，唯有飲多兩啖水囉😄

正宗馬來西亞檳城蝦麵店@鰂魚涌My families and I went to a noodle restaurant called "Prawn Noodle Shop" (蝦麵店) located in Shop 5C, G/F, Dragon View House, 7-9 Hoi Kwong, Quarry Bay鰂魚涌海光街7-9號龍景大廈地下5C號舖.There are photos which shown the old Penang, quite nostalgic and historic."Prawn with beef shank noodles"蝦肉牛𦟌麵 配辣味蝦湯底HKD$88With spicy prawn soup base(Hokkei Mee). The soup base has intense shrimp paste liked flavours with a hint of spicy kick.Big portion of beef shank which is tender but not too soft. Good...Recomm

蝦麵店是一間我放在口袋以來很久的一間餐廳。 不過在灣仔實在有太多特別的選擇，於是一直也沒有機會吃蝦麵店，記得幾年前，呢度已經係雜誌所講嘅潮店。 直到有一天，在鰂魚涌工作的時候，發現原來蝦麵店在鰂魚涌竟然有分店，就在那個勁出名的迷湯附近不遠處。 完全不用思索直衝入去，因為本來想吃迷湯，被這麵店吸引了進去，那股香氣，在外面已經嗅到了。 本身很想吃福建蝦麵湯，可惜想吃叻沙的心癮實在太強，還是屈服，同迷湯比較下，也不錯。 先飲杯白咖啡，味香又濃，一股南洋風就隨隨送上。 點了咖哩叻沙海鮮麵，整個menu，最吸引係佢。 一上場，就發現叻沙大碗得很又豐富，有大蝦，魷魚翼，青口，魚腐，蟹柳等等。 我點的是摻摻，是油麵加上粉，傳統的叻沙都是吃這個麵底的。 先飲一口湯，咖喱味椰汁味辣味都有，非常誘人，夠熱夠辣，是基本吧。 勁多蟹柳，濃味的魚腐，爽口的大蝦，青口又大隻，此等都為這碗叻沙增添了不少色彩。 油菜和炸魚皮沒有理由不好，只不過麵太搶鏡，無能力把麵和炸魚皮全吃掉。 我後悔叫多了。 不過很喜歡油菜，那個通菜，一滴油也找不到，還有那些惹人注目的腐乳醬，美味到不行。 希望下次有機

平時好鍾意食麵，如果想食濃郁嘅湯底，好多時都會去食拉麵。而拉麵多數都係以豬骨湯同雞湯做湯底，好少見到海鮮湯底，今日有機會食到蝦湯底，真係超級興奮呀。當日我哋揀咗辣蝦湯底同埋咖喱喇沙湯底。先講辣蝦湯底，起初冇揀到小辣，都有D擔心會太辣，我唔食得辣，都覺得唔係太辣。個重點係，個湯底真係勁！香！蝦！嘅！味！道！，每一啖湯都係有非常鮮甜嘅海鮮味道，簡直覺得自己置身於海洋之中。真係齋飲個湯都真係可以攞到一百分。至於佢嘅配料有蝦，肉骨同頗多嘅菜。佢嘅肉骨係用胡椒去煲淋，每一啖嘅肉都有好豐富嘅胡椒香味，而我本身亦都好鍾意食胡椒湯肉骨茶入面嘅肉骨，真係驚喜啊！不過失色之處，就係個肉骨既肉有少少鞋。至於咖喱喇沙湯面，亦都冇令到我哋失望，個湯底超濃咖喱味， 但係有保留左少少喇沙味嘅余韻，湯底確是真材實料！除此之外，我哋仲叫咗炸魚皮。好彩我哋叫咗炸魚皮，佢嘅炸魚皮炸得非常之薄脆，而且十分香口，亦都好新鮮。我自己好怕有時去茶餐廳食炸魚皮，有時會食到好厚嘅魚皮，亦都會有油抑味。所以大家嚟到呢一度，唔使擔心，可以放心叫佢嘅炸魚皮，真係好食！

鰂魚涌太古坊食肆林立，為爭取一衆寫字樓客的歡心，不同種類的食店都盡展所長，最近筆者就試了一間以蝦湯聞名的馬來西亞麵店，店內以灰色楓木配搭柔和燈光，加上牆上黑白的馬來西亞街景相畫，營造出馬拉懷舊純樸的地道風情。看看名字，原來是一間駐扎灣仔蘭杜街多年、以蝦麵聞名的小店分支，同樣以蝦湯主打，但跟主店的菜單多少有點出入，更加專注做蝦湯和叻沙。以檳城福建秘制配方煮製的海鮮蝦湯麵果然寧舍不同，湯頭鮮甜惹味，蝦香濃厚中帶點微辣，據說店主每天也用上大量鮮蝦熬湯，難怪可以做到這樣的惹味甘香，配上滿有馬拉味道的摻摻，油麵夾雜米粉的組合，Q彈爽口；當中的海鮮配料雖都是一些冷凍貨色(除了大蝦之外)，但因著那濃郁蝦湯的關係，都紛紛提昇了鮮味層次，感覺就像在馬來西亞街頭所遇到的地道美味一般。墨丸魚片河配咖喱叻沙湯底，除了蝦湯之外，叻沙湯底也是這店的皇牌之一，是在灣仔老店經常沽清的一款湯底。一端上來已傳來淡淡的香料味，伴隨著椰汁清香，濃湯掛上河粉，入口香濃順滑，配上爽彈的墨丸和魚片，更添馬拉街頭風味。蝦肉肉骨麵配豬骨雞湯底，蝦仁爽口肉骨鬆軟，用料十足，配上清甜帶肉香的豬骨雞湯底，相對感覺較清淡健康，是鍾情於淡口味的

在7月中的一個週末，跟住在港島區的好姊妹食好東西，由她帶路，走到鰂魚涌海光街，尋找這間 <蝦麵店>！由鰂魚涌地鐵站行過來距離不遠！小店門面不起眼！ 全靠最強湯底與真材實料取勝！店內裝潢十分簡約，牆上貼上檳城舊相片，這是一間實而不華的小店！湯底分為三種選擇：辣蝦湯底、咖哩湯底、清雞湯底等！價錢：$52~$88 不等，用料十足，價錢合理！亦有下午茶餐，只限星期一至五 (2:45~5:45pm) 供應清雞湯底蝦肉肉骨麵 (摻摻) $72蝦肉是薄切，肉骨以胡椒調味，保持應有的肉質及鮮味，可能加入帶胡椒味的肉骨關係，整體有胡椒豬肚湯的味道！摻摻是兩種麵條，不同的麵質，可以一次過食出雙重口感呢！熱青檸水 $13未嚐已傳出陣陣檸檬芳香！ 入口是濃郁青檸酸味，我們相信煲製過，令青檸味更突出！ 亦有助解膩，兩者是不錯的配搭！

鰂魚涌 除了多年前 因健身關係 每星期會到一到之外都有數年未再探訪 今次因為去太古 順道經過多年未訪的鰂魚涌 多年來不同小店繼續經營 當然仍有不少新血加入見到一間掛著馬來西亞風味既喇沙店 忽然味蕾跳動 很想一試！！難得不用回家吃飯 就看看賣的是哪門子喇沙！！東南亞各地都有喇沙 而且更加是大有不同例如 新加坡會偏重椰奶及甜味 ，印尼會有特別辣粉令色水及辣度提高，越南偏向用料雜雜帶出鮮味等等而馬拉的我真的要清水「浪」好口 試驗試驗店面不大 白磗後的一扇小門 藏著十餘坐位 暖暖燈光下 傳來陣陣喇沙香味菜單簡潔 不會有多餘加插令人眼花三種不同湯底 隨意選擇 今次要了咖哩喇沙湯底 蝦肉肉片麵蝦肉係店中主打 尤其因用上大量蝦頭蝦殻作湯底之用 所以對蝦都一定程度要求 蝦肉肉片麵 咖哩喇沙湯底 $66開邊蝦 份量頗多 食落夠爽夠彈 沾上喇沙湯食更美味豆卜同肉片都吸收左喇沙味道 入口爆汁充滿椰香麵用上福建麵 質感類近米粉 爽口又幼身 岩晒同喇沙一齊食 一束麵 沾滿喇沙 掛在麵身上 大啖入口 味道出聚炸魚皮都係愛物之一 加上喇沙湯浸泡 更加惹味好食 脆脆魚皮 $18自家鮮炸 油度無其他店咁高 反而更簿更鬆

位於鰂魚涌嘅蝦麵店好近地鐵站，行三分左就到。小店環境都唔錯。蝦肉墨肉丸麵： 個麵叫左辣味蝦湯底，湯底都幾鮮味，蝦肉幾爽，但係墨魚丸就一般，同我哋平時打邊爐嘅差唔多。配料都幾多，蝦同墨魚丸嘅數量都非常夠食。蝦肉牛𦟌麵：至於呢個我哋就叫咗豬骨雞湯底，喱個湯底相對普通，但牛𦟌就好好食，好彈牙呀，而且數量都非常多。是日油菜：今日嘅油菜係通菜，佢嗰醬汁係腐乳，唔知係咪自家製嘅腐乳，個味同平時買嗰啲唔同，佢偏甜，都幾好味。份量都非常多，三個人食都足夠。人均消費大概$80左右。值得一提嘅係呢度嘅職員都非常好人，當日落大雨，店員見到咁大雨都叫我地留低等一等先走。

最近多左黎鰂魚涌，發覺好多高質食店，每間都各有特色，係街口發現間未食過既蝦麵店，裝修簡單牆上掛滿舊檳城的照片，很懷舊的感覺，原來總店是在灣仔已聞名多年咖哩喇沙湯底海鮮麵$75；配料好豐富有大蝦、青口、魷魚、蟹柳、豆卜、腐角湯底用蝦頭、蝦殼和豬骨精煉而成，更配上多種香料及椰奶，令湯底又香又滑； 必叫之選🌟脆魚皮$18夠薄又夠脆非常香口，直接食或者放落湯浸2秒再食又是另一種風味健康之簡🌟腐乳通菜$18，大大碟，減肥OL可以去腐乳，但我就覺得佢地係完美配塔解渴之選🌟青檸梳打$17