蝦麵店 (海光街) (Moved) New Location

友人新居入伙，請我去參觀，也好！雖買不起，但當去睇下示範單位也不錯，究竟新居在邊區？竟然…竟然…竟然…是我剛搬離開的鰂魚涌。自從搬離之後也很少踏足這裏，不知有沒有大改變呢？參觀完“示範單位”就去醫肚，剛搬來的友人話由她帶路。哈！其實我又好熟路，仲好清楚有咩好嘢食，但既然友人咁講，一於跟她吧！原來來到經常蝦湯底售罄的【蝦麵店】。店子門面設計成一間白木屋，門口貼滿飲食報導。拉門而入，店子小小，裝潢簡樸平實，牆身掛上不少相片。近門是半開放式廚房，連着幾個單人位，另一邊設有四五張四至六人枱，座位不多。看看餐牌，店子主打是檳城福建麵，還註明“源自1942年檳城福建麵秘方”，難怪蝦湯底經常售罄。供應三種湯底，包括辣味蝦湯底、咖哩喇沙湯底和豬骨雞湯底，另有三款小食和幾款飲品。******************************既然今日仍有蝦湯底，當然不能錯過，選了一碗蝦肉牛𦟌麵配辣味蝦湯底 Prawn with Beef Shank Noodles Spicy Prawn Soup Base ($88)加雞蛋($7)。蝦湯底 是靈魂，當然要馬上趁熱呷一口，湯身呈深啡色，並不杰身，但味道香濃，

平日間中都會去太古坊開會，順便在附近食飯，寫字樓對出幾條街有海灣街、海光街及芬尼街好容易令人迷路，本來心裏面有目的地今日又行錯路，迷路都好剛好俾我見到有間蝦麵店，睇佢門口餐牌話傳統檳城袐方，咁就入去試一試。家庭式麵店但係用先進科技點菜，入門就有個平板電腦按螢幕點菜，主要有麵及幾款小食，點左招牌蝦肉牛𦟌蝦湯麵、蝦肉肉片傳統福建麵，兩碗麵外型差不多。招牌蝦肉牛𦟌蝦湯麵比較好食，主要是有五香粉及更濃郁，而且有幾片大大件的牛𦟌，配有面應該是最理想。兩碗面都有蝦，有炸蒜分開上，呢方面幾細心，蝦肉肉片傳統福建麵用豬肉片，只可以米線。兩碗面都好食，肉牛𦟌蝦湯麵賣 $88，蝦肉肉片傳統福建麵 $66，價錢反映一切。下次可以考慮下午茶

平日晚上，來到鰂魚涌這家小店吃新加坡的湯麵，事前做過功課，聽說湯底很不錯，就來一試。小店不大，大概只有10個座位。剛好這天比較早吃晚餐，店內尚未有太多客人，所以也坐得挺舒適的。先看一下餐牌這次點了辣味蝦湯牛𦟌摻摻、咖哩喇沙湯檬粉、油菜和青檸水。辣味蝦湯牛𦟌摻摻：摻摻就是米粉和油麵的混合，經常在馬來西亞的蝦麵中使用，跟蝦湯很搭。蝦湯少辣，帶點鮮蝦和牛肉味，十分惹味，一口接一口吃不停！另外，配料牛𦟌亦值得一讚，每片都非常厚實，好入味咖哩喇沙湯檬粉：配料有大蝦、魷魚翼、青口、腐角、蟹柳和芽菜，份量十足。餐牌上標示湯底微辣，但個人認為完全不辣，咖哩喇沙味道偏甜，充滿椰香味，配搭檬粉，每一口都沾上濃郁的湯汁是日油菜是通菜配腐乳醬，其實把通菜沾上湯汁更好吃！青檸水：最後點了一杯青檸水，以酸酸甜甜的清新，平衡一下味濃的喇沙湯底，夠refreshing!

海光街靜中帶有活力，一間間食肆並排努力中。閒時不會專程去搵食，咁啱今日見完客戶經過，順道找間輕便的食晚餐。來自檳城福建秘製的麵店，數月前在灣仔分店食過，那蝦湯另我念念不忘。今日又試一下咖哩喇沙湯底。嘩！又一驚喜！湯底好濃郁，椰香撲鼻又有咖哩的香，誘惑！麵條和餸料盡吸湯的精華，非常惹味。麵條是油麵和米粉的混合，彈性和爽口互相配合。蝦肉有鮮味有嚼口。肉片薄薄的，份量不少。雖然店舖細細，但感受到那濃情氣味啊！

早排公司附近開咗一間蝦麵店，食過一次，覺得又好食又幾抵食所以今日再嚟，而且我鍾意食濃郁味道嘅湯麵，揀咗喇沙海鮮麵，椰奶加咖喱嘅組合，又香又滑，令到海鮮極滑，簡直是完美的組合。呢度嘅喇沙好正宗，檳城風味，可以選油麵粉絲鴛鴦配，記得點掺。食到有連殻大蝦、很多半蝦肉、豆卜、蟹腳肉、魚片咁，全部都好夾。呢度嘅炸魚皮都好得，青菜就正正常常。仲飲咗杯青檸水，幾可口，鍾意有氣可以揀青檸梳打水，貴兩蚊啫，$100樓下食一餐，咁多嘢食算抵。

Blue Monday, 身體不是太舒服, 屋企又無飯比我食自己一個落左樓下搵野食..行經呢間蝦麵店，見咁細間 (平時經過都無乜留意) 於是入去試下呢間店係主打馬來西亞菜，主要推介係辣味蝦湯底。由於個人唔太舒服，於是叫左個豬骨雞湯底 ge蝦肉肉骨河粉試下.碗麵好大碗，豬骨湯底味唔算太濃，可能因為加左通菜，湯底味道特別清， 唔會太咸或者得味精味。飲完唔會覺得口乾!兩塊大大舊既豬肉都唔錯，肉質豐富，味道吸引。食完好滿足飲品方面叫左熱青檸水，都好大杯，飲落味道好似金橘檸檬，但相對冇咁甜，飲落幾舒服。另外呢間小店都幾細間，位置唔算太多，所以容納唔到好多人。小店牆上有好多懷舊味的相片。總括黎講，以後屋企無飯食又多左樣選擇啦! 下次有機會等我試下佢個喇沙湯底先!

環境好有feel..開方式廚房，可以邊睇廚師煮野食，邊感受下d香味<3睇完menu，即刻叫野食喇!!青檸梳打.有種淡淡既柑橘🍊味，青檸夠香，清清淡淡<3呢個麵底係摻摻：即係油麵加米粉，好得意幾新鮮，再加上個湯底都幾稠幾濃味，d湯滲哂入d麵到. 佢咖哩味重，好香～，平時唔食辣既我都接受到！鐘意重口味必食！個豬肋骨望落似平時煲老火湯個d排骨，不過食落好tender 好軟唔會un,仲係半肥瘦㖭！一上抬第一眼會覺得比起第一碗啦沙好失色，因為勁清😂會覺得冇味.但食落又有surprise ! 因為佢係豬骨再加雞湯，清得黎好有層次.兩碗好有對比，我覺得share 食就啱啱好，兩種唔同味道濃淡都可以試哂！

以前每次吃馬來西亞類別的餐廳都係同公司同事去， 自己實際上係非常少主動踏足。但今日經過鰂魚涌海光街， 見到有間地舖好似之前網上都有提過下好受大家歡迎的【蝦麵店】。見佢有兩間分店，而且好評也不錯， 亦都好耐冇試過馬來西亞式湯麵了，有咁既機會就一試吧！！呢間鬧市中的隱蔽小店，如果唔係同朋友過黎呢邊影下相...我相信都會錯過左呢間咁特別同地道既東南亞嘢食。知道係小店形式經營加上門面都唔係闊闊落落所以都會知道內部位置不太大！目測約只有4-5張枱，另外有3個吧台位，因為店鋪細小，廚房又在一個近似門口位的地方，一條窄窄嘅通道...給果你不喜歡逼夾嘅感覺...你就要考慮一下了！而我呢就蠻喜歡的，因為店子小小，更顯人情味。整體裝潢是簡約的，牆上有些舊時的相片好像一些檳城的樸素景象。增添馬來西亞風。店員告訴我們落單需要在門口的落單機下單！！！而落單，你可以選擇現金、八達通、信用咭、甚至手機也能下單對我們來說真的十分方便呢！同店員閒聊時佢話呢間蝦麵店其實歷史非常尤久,以前有過結業危機,幸好最後都留得低...⭐見海報寫住呢度推介「四大明星湯底」-蝦湯海鮮麵- 咖喱喇沙湯底- 豬骨雞湯底- 福建滷湯底⭐但店員

去完太古坊,行吓附近小街搵食無意中見到呢間蝦麵店，見門口嘅剪報同介紹，老公就話試吓~入咗去先點餐，先用八達通付款，好先進嘅落單方式。入面裝修簡潔，牆上有d檳城既舊照，細心睇吓有點似昔日既香港!咖哩喇沙海鮮麵 帶有椰香嘅咖哩味，先吃一口豆卜索哂喇沙味。 特別鍾意魷魚翼，魷魚翼係魷魚最嫩滑嘅一部分，分外爽口入味，仲有大蝦、青口、腐角、蟹柳。老公點左辣味蝦湯底配蝦肉肉骨麵，蝦肉切得薄薄，非常通透，香辣入味。老公就讚佢既肉骨，帶有肉骨茶嘅胡椒香味~麵底有幾款揀，除左單點米粉、油麵、檬粉、河粉，仲可以點摻摻，即刻米粉加油麵兩溝~粗幼既麵條,口感更有層次。呢度仲有白咖啡，白咖啡系經低溫烘焙, 所以顏色比較淺，味道較純~ 唔似黑咖啡既香濃味, 但比較芬芳! 叫埋碟腐乳通菜, 夠嫩綠幼身, 加埋腐乳特別惹味~

八點就關門，七點半last order，七點鐘就無哂喇沙湯，好在我係衝住蝦湯己來。馬拉寶礦力，一定要點的。我揀咗蝦肉雞絲麵，加魚蛋，摻摻麵扣底，蝦湯。當然要先㗳一㗳個湯，蝦味慢慢滲出，每一口更能感受更多層次，層於中等香濃，雖不是最愛的特濃，不過意外和高興是少見不油膩的蝦湯。之後就到麵條，麵質同煮嘅時間都剛好，爽口掛湯。雞肉先有驚喜的，肉實不鞋，有雞味有入味。魚蛋魚味重帶少少甜味，彈牙又滑。蝦仁片唔係新鮮彈牙，但有少少蝦乾嘅濃郁蝦味，又唔錯喎。仲有麵裡已有的通菜同惹味嘅炸蒜都好。參巴醬濃濃蝦乾味，溫和的辣，配著麵吃應能輕鬆KO整罐。嗰部自動點菜機好心就貼話邊部先係比八達通，因為我㯲咗部現金嘅，成個現金櫃桶彈出嚟，仲好似係我錯咁比人話。

今日特登避開繁忙時段, 2點左右嚟到蝦麵店, 由於過左lunch time, 又未到tea time, 終於唔洗等位啦。雖然呢度店面細細, 但設備相當先進, 好似大型連鎖快餐店咁, 設有自助下單系統。嚟到門口喺輕觸式屏幕點餐 & 付款後, 就可以坐定定等食, 非常方便。湯麵配搭三款湯底, 我就揀咗唔辣嘅豬骨雞湯底, 配蝦肉、牛展再加魷魚翼。蝦肉牛展麵 $82 + 魷魚翼 $14 (豬骨雞湯底)豬骨雞湯底, 清澈不油膩, 蝦肉切成薄薄幾片, 已預先去殼, 啱晒我呢啲懶人。牛展份量十足, 又厚又大塊, 而且非常入味。另加嘅魷魚翼, 爽口彈牙, 口感不錯。無辣不歡嘅朋友揀咗辣度有成兩隻大辣椒嘅辣味蝦湯底, 平時食開麻辣火鍋嘅佢都話辣, 愛辣之人必試！

門口唔係好顯眼，又多雜誌報導貼住，真係行過咗都唔知。不過對於熱愛馬來食物的我，突登嚟又點會搵唔到。比現金就由店員負責，其他就可以自己篤下篤下。有得揀扣底，啱哂細食又唔想浪費食物嘅客人。仲有得加料，我就加咗魚蛋。麵底識揀一定係摻摻見到哩個馬來西亞國民飲品，梗係即點。店小小但十分舒適仲有喇沙同肉骨茶湯可揀，點解我個胃咁細。蝦湯香濃，一飲就停唔到，雞絲驚喜好食，蝦肉偏實但好惹味，魚蛋又彈又滑。摻摻爽口，配蝦湯一流另外店家嘅辣醬勁濃郁惹味，一試愛上

有一晚，加班到8點半，好肚餓 與同事們到公司附近搵食，經過蝦麵店，見到報章有介紹：湯底每日都是用鮮蝦頭，蝦殻，豬骨及多種香料等秘制而成，真想一試.....但是可惜營業時間巳過。因為吃不到，所以今日趁放半日，一於來到蝦麵店。當日推門入內那一刻，巳經嗅到蝦湯味道..香氣四溢。環境小巧精緻因為巳經是下午2時，過了午市繁忙時間，我們可以不用等位街外烈日當空，相對店內冷氣充足,最好來杯青檸梳打 ，青檸清香中滲甜 ，不像檸檬般酸溜溜 澀味 ，梳打中的碳酸成分帶來清爽口感 ，消暑又透心涼，還可以激活味蕾 ，嚐真下秘制湯底。點了咖喱喇沙湯底，配海鮮檬粉。吃一口湯，那種鮮甜蝦味，又有椰香及咖喱味 ，好味道大蝦爽脆，青口鮮甜 等海鮮及檬粉, 沾上喇沙湯, 更鮮甜  另外點了辣味蝦湯底配蝦肉牛展米線再加了大蝦及肉骨一件        牛展紋得入味,肥瘦適中, 肉骨啖啖肉, 這個蝦湯底比喇沙湯底辣少少, 也不錯, 有另一番風味, 店內提供秘制醬料, 加入湯中, 更加滋味呀!             點了兩個小食, 是日油菜是腐乳通菜, 青綠綠的通菜沾上橙色辣辣地腐乳醬, 美味呀!        脆卜卜的魚皮,

食友都知我鍾意東南亞嘢，強烈推介呢間小店「蝦麵店」，尤其馬來西亞，雖則喺幾鍾意，就連檳城都去過兩次，但鰂魚涌對我嚟講都喺覺得有點遠，遲遲都未有起動計劃。卒之，扚起心肝，專誠走訪一次，以支持小店。講明喺小店，地方就梗喺唔大啦，因為廚房就設晌近門口位，經過窄窄嘅通道（其實，已經喺一列吧位嚟），入少少嘅用餐區，目測估計都哋十零多個位，而且，仲有少少逼逼夾夾嘅感覺，估計人多時，會出現背貼背嘅情況。整體裝修比較簡單，喺入面牆角兩面牆貼上好多黑白嘅檳城相片，都喺一啲老照片，顯示舊時檳城嘅社會景象。餐牌，即哋喺外賣單張，晌單張中刻意註明「源自1942年傳統檳城福建麵秘方」，基本上就了解到佢哋主打喺乜，三款湯底：辣味蝦湯麵、咖喱喇沙湯底、豬骨雞湯底，配以不同食材，亦可另加配料，麵底就可以揀油麵、米粉、河粉、檬粉或摻摻。仲有小食、飲品提供，不過，前者只喺炸魚皮及是日油菜兩款，欠缺一啲檳城地道特色嘢。海鮮麵辣味蝦湯底摻摻 $75本意喺想試佢哋嘅咖喱喇沙湯底，但店主話啱啱賣晒，喺有點失望，但無理由山長水遠嚟到唔食就走架，而店主話佢哋嘅辣味蝦湯底亦好出色，值得一試，所以，就點咗一配「海鮮麵辣味蝦湯底」，寫明餸

今日在鰂魚涌等朋友收工，帶我到附近的麵店食一個簡單的晚餐。小店店面不大，很有家的感覺。有三種湯底選擇*辣味蝦湯底-蝦肉牛展麵 ($88)蝦味湯底辣辣地，味道豐富；厚切牛展煮得很入味，肉質很淋；除了用蝦熬成的湯底，還有一片片的蝦肉片。有少量的菜。*大蝦 (+$14)蝦肉似乎烚得太耐，所以有點鞋。*肉骨 (+$14)肉骨都熬得很淋，咬開一絲絲的肉，不過味道方面淡了一點。*是日油菜 ($18)油菜配上秘制的醬汁，不會太浪，健康之選。