PREFACE COFFEE & WINE (Tower 535)

Open Now

Now Closed

平時去銅鑼灣真係Shopping多但聽講最近開咗間新CAFÉ 入去扮下中產人士都幾好老實講我去之前唔知呢間CAFÉ可以做咁多嘢 📝我都係諗住去打下卡呃下LIKE去到見到空間感好 問職員之下先知入面仲可以上堂?!不過上咩堂我就唔太清楚 淨係知同科技有關 都見到有好多人出出入入上堂但我知道嘅係 呢到啲咖啡好好飲 ☕️同埋個咸蛋黃鬆餅都幾香幾好食坐BAR枱可以望住出面嘅人生百態其實生活同科技一早已經融為一體大家有時間都可以嚟感受下啦

銅鑼灣又再開多間分店全落地玻璃令到店內非常光猛咖啡店內有對門成日有人出出入入原來裏面和樓上都係佢哋嘅辦公室點了熱Americano有fruity 和nutty兩款店員送上咖啡嘅時候有一張風味卡等客人可以了解咖啡嘅風味

見到ig推薦呢度work- friendly/ laptop-friendly 所以黎brunch 點咗wrap 同 iced americano (~$110) ，環境都多位嘅，但後來問店員先知呢間 一個插頭位都無 （見到鋪頭自己封曬啲插頭位）！！！ 本身就需要叉電用電腦、ipad工作，結果食完要走去其他cafe買咖啡搵插頭位坐😕😕 如果要work-friendly/ laptop-friendly，有一兩個插頭位係基本啦⋯⋯覺得幾可惜，有啲失望

樓高兩層延續品牌簡潔唔花巧設計再現天后元祖店梯級座位份外有親切感兩排靠窗座位望望路上人來人往追逐光影變化尋找平凡日子中一點小樂趣新店主打Pastry 等輕食🥐咖啡豆選擇都唔少有獨家南美厄瓜多爾安第斯山脈水洗同另一隻Ethi Elto做意式另外仲有兩款手沖豆來自Ethi 嘅Sidama 西達摩同Kochere 科契爾都係Ethi 中/南部知名嘅精品咖啡豆產區呢🔖 Hand drip ☕️🔖 Latte 🔖 Cheesecake 🧀芝士味道濃郁得嚟質感非常軟熟🔖 Croissant 🥐

今日同朋友去開銅鑼灣見到tower535開左間新Café☕️行到攰攰地就入左去坐下食個下午茶傾下計 環境新穎🫢呢度原來係同PCW合作既咖啡店😮外面係咖啡店 入面係科技野-同朋友各嗌左杯野飲我飲熱matcha latte🍵$60佢飲熱choclate🍫$50拉花好靚 心心💚🤎另外仲點左件chocolate cookie🍪$20曲奇都幾大塊 所以同朋友share黎食曲奇鬆脆可口🤤幾濃朱古力味👍🏻