PRET A MANGER

Open Now

Now Closed

見Cathie 話有買咖啡送曲奇既優惠,今日即刻去試下,果然無花無假!我要左杯latte,佢真係送左件朱古力曲奇俾我,係比Mrs Field大少少,但係又唔係話好大,不過估唔到又幾好食喎!杯latte都好飲,可能因為比cappaccinno多d奶,少左一d苦澀味。咖啡配曲奇,幾好!不過要注意,呢個promotion限10:30am前或者3:30pm後至有架!要睇時間喎!

除了曲奇, 仲有mini apple pie or 椰tart 比你選擇!! 好正, 好好食呀!!

收到。我會去食早餐，咁就有一塊免費曲奇喇！Thanks Cathie!另外想補充一點，依度有一隻叫Pecan Pie 嘅甜品，我覺得太甜太漏喇，唔係幾好食。

三點半過黎買咖啡提神. Pret 而家做緊promotion, o係早餐同下午茶時段買咖啡會送碎朱古力曲奇. 雖則係送o既, 塊曲奇卻份量十足!仲大過Mrs fields o既曲奇! 而且塊曲奇仲好好味添呀!杯cappuccino都沖得幾好! ( 雖然係用維記牛奶) 以後會多多幫趁!

我今次無試三文治,反而買左客三文魚沙律。見到佢個樣幾靚,又見個西人食得津津有味,以為一定好味道,點知…無味既!好寡!可以話都幾難食!買左先覺唔抵呀!

yes , the price is more expensive than the other sandwiches shop, but the snadwiches ' ingredient is much much fresher than the other shop . Therefore , i don't mind to pay higher price to have higher quality of sandwiches .

我之前都試過玫瑰汁小龍蝦,我覺得d汁太多,漏晒出來,又試過辣菠菜三文魚, 佢d配答係幾特別,但味道就唔係好特別,ok 啦!!! 而且,我覺得$3x 一份唔抵,delifrance and supersandwiches,$3x 已經有一個set,有soup or drink,而且,除了主要餡料外,仲有蕃茄和生菜,所以我比較鍾意delifrance or supersandwiches!!!

今日來了這兒嘆個靚lunch。這裏咁多三文治款式，真係樣樣都好吸引。又想食佢嘅 wrap, 又想食普通三文治。終於買了個玫瑰汁小龍蝦三文治。Ｄ汁都幾好味，似粉紅色嘅沙律汁，但係食唔到玫瑰味喎。Ｄ小龍蝦都幾彈牙幾有咬囗。過我都係鍾意辣菠菜小龍蝦多Ｄ，覺得比較香Ｄ。因為化心情好好，好想食多Ｄ嘢，又再買了果仁麥片蜜糖乳酪，嘩！好好味呀！Ｄ乳酪好滑又夠質感，唔會晞lau lau。混埋Ｄhoney 一起吃真係好好味，仲有埋好香脆嘅果仁同麥片，好似食緊雪糕新地咁。個乳酪係低脂嘅，感覺上比較健康。唔爭在買埋個甘荀蛋糕試試先。雖然比較甜了一點，但係佢都好多料，有甘筍絲同合桃，好味道！今個午餐真係好滿足好開心，攪到成日都好精神呀！下次要試下佢Ｄwrap 同南瓜湯先至得。

星期六放左工,同黎食個quick lunch,買左份三文治,見到有凍既Cappacinno,一問之下,原來所有咖啡(包括mocha,latte)同朱古力飲品都出左凍(以前淨係得熱飲)。試左Iced Cappacinno,只係一般,似乎熱比凍好。本來想試呢度d cheesecake,因為有人話好食,但係個日無,唯有下次啦!

今日下晝經過, 唔見佢有scones賣. 問個店員, 佢話以後唔再供應scones. 以後$26個set 再無scones呢個選擇...又少一個食tea o既地方...

今朝忙到死, 唔得閒食早餐, 就是但o係度買左個honey & granola pret pot. 個杯最上o個層係d granola, 中間係low fat yogurt(佢地claim as greek yogurt) 最底係honey.首先我就撈撈裡面o既contents, 然後一啖食落去...嘩, 好酸呀!...原來honey o既density太高, 我撈唔勻...再撈勻再食, 今次易入口d.個yogurt好似較平時o既再杰d亦都酸d(可能平時少食plain yogurt), 不過撈埋d honey食都唔錯.不過呢個pot要快快食, otherwise個granola淋左, 個口感就無咁好.p.s. 呢個pot都幾受歡迎嫁, lunch時好多鬼佬鬼婆會買個sandwich再加一個呢個pot做healthy lunch.

記得以前寫過個食評話呢度個scone個樣同Garden's差唔多,但係就成$12一個,唔抵唔會買.但係尋日因為見佢有個tea set $26一個scone配一杯12oz o既cappuccino, 就要左個set黎試試.今朝焗番熱個scone做早餐,出乎意料之外,幾好播!首先,佢外面夠,脆脆地,而裡面係軟熟o既,可以搣到一絲絲,而且包底有檸檬香味,幾有新意!要我用$12單買一個我就唔會嫁啦, 但係就再會要個set!果然包不可以貌相呀!

好耐以前都知佢地有個tea set, 不過無食過.今日好眼瞓,落去想買杯咖啡,見加多$6就可以要個scone(今日好燶,正!),就要左個set.叫左杯cappuccino, 佢地得一個size,就係12oz.即starbucks o既med size. 味道唔差,泡夠stiff,唔會太濃太苦.個scone就未食,聽朝當早餐!食完再俾comment.

唔知幾時開始, pret a manger下晏兩三點會供應scones for tea. 呢個好正常, 因為本身pret都係英國快餐店. 但係個問題出於...個scone無論外貌, 大小, 質感都同嘉頓$10.5一pack三個, 亦即係mcdonald朝早$5一個o既raisin scones差唔多, 佢竟然索價$12!!!會唔會過份左d呀!

龍蝦肉三文治好好食~我自己覺得佢d龍蝦肉唔係好重龍蝦肉味,可能唔係大隻0個d龍蝦,但我反而鐘意,因為大隻0個d好"hai"架d肉,佢d龍蝦肉岩岩好,d配料同肉又好夾~另外佢個brownie同樣好味!!不過作為一個冇穩定收入0既學生黎講,成日食唔化算...