王子廚房

Open Now

Now Closed

食物種類、味道、賣相都不錯，服務周到，價錢亦合理，我估係位置問題？淨係試唔同pizza都可以試好多餐😁細喜力做緊十八蚊一支買一送一，抵到嘔，係嫌少少唔夠凍，但咁平真係無投訴啦⋯⋯

屯門彩華花園地下一帶一向美食雲集，今日小妹就黎到呢間王子廚房朝聖店內裝潢充滿印度風情，中間有個酒吧位，呢度主要供應特色冰沙、紅、白酒及啤酒，外國籍店員馬上安排我地坐低，比哂menu 我地套餐價錢約$55-$85，凍熱飲同價，另外非套餐list既菜式就可以系大meun揀啦以下為小妹揀左既心算菜特色印度咖哩魚配脆餅濃郁既黃咖哩煮到起沙，重香咖哩味，唔會辣，配手抓脆餅一流配菜有炸到金黃色脆脆薯角，西蘭花就咸左少少啦雞肉墨西哥烤餅餐廳好體貼地繼烤餅一分為四👍🏻餅唔會烤得好燶，入面既材料有洋蔥🧅、蕃茄、雞絲，配上sour cream 或墨西哥辣醬，夠惹味雞肉闊條麵闊條麵忌廉芝士味出色，配上嫩滑雞肉，簡單菜色已覺得好滋味跟餐餐湯咸豬肉湯,唔錯兩個人食左咁多野埋單都唔過$270，有咁高分既食物質素加上親民服務，絕對值得入黎屯門朝聖一下

行經王子廚房睇到出面既餐牌，見到有我想食好耐既烤肉捲，於是就入去！入到去發現裝修好有外國feel, 服務員同廚師都係外國人😯👍🏻👍🏻好期待～午餐好抵食，有餐湯又有飲品我地叫左個土耳其烤肉捲（雞肉）同特色印度咖哩魚（烤餅）超級推薦土耳其烤肉捲！首先，份量非常之足夠！一咬，估唔到係咁Juicy！包得好實淨，肉同菜既味道都非常之好！😋另外，特色印度咖哩魚（烤餅），咖哩味道唔錯！烤餅都好味，質感好，唔會太乾！同咖哩一齊食都好match!! 魚有魚鮮味得黎唔會腥👍🏻最後廚師（？老闆）仲出黎問我地覺得食物點，感覺得出非常用心經營👍🏻

見親啲餐廳話係食多國菜好多野都會打個突，原因係價錢通常都好貴，又食唔飽肚。但今日要介紹呢間「王子廚房」又平又好食！今次我地食lunch，價錢同一般去茶記食一樣，但質素、份量絕對唔輸蝕！叫餐送是日餐湯，就咁睇以為無普通豬骨湯，但飲落原來加左香草，而且點到即止，第一次咁飲，但係勁match！Chicken Quesadilla：勁大份，外皮好脆，入面雞肉、洋蔥等等都足料，配上sour cream一流！不過我覺得可以再切細塊啲，因為一拎起身或者咬落去啲料就跌晒出黎，好狼狽。fish curry with paratha：鬆餅極高汁，類似手抓餅咁好鬆軟，而且牛油味好重，就算無curry就咁食都好好味。魚柳好軟身，配上甜甜地既咖喱非常match，呢道菜非常推廌！雞肉闊條面：好重cream味，雞肉亦好出色，煎到好出雞肉味，唔係講笑咁講咩雞有雞味魚有魚味，而係佢真係調味到啲雞既味道出晒黎，合埋眼都食得出，勁正！菠蘿椰子沙冰：好fresh，入面有一粒粒碎冰，椰味重但亦唔會過甜好似飲syrup咁，正呀！

有日行完山係置樂落山，搵地方食lunch聽講呢間野係屯門咖喱屋既老闆開既，唔係食一般既西餐，睇佢既Lunch餐牌，已經覺得好國際化，十幾個餐入面已經出現咗有好幾個地方名😂😂除咗印度咖喱之外，有墨西哥薄餅、土耳其烤肉卷等等好多選擇平時係隔離咖喱屋食得咖喱多，係呢到就試下其他野土耳其烤肉卷 $58第一眼見到呢個已經決定咗一定要食，呢個價錢比起其他地方既烤肉卷算便宜，羊肉都無特別貴幾蚊，切開一半包實咁上，唔會食到論論盡盡，入面既料好紮實，羊肉既比例都好多，超正！👍🏻👍🏻西班牙燉海鮮 配飯 $68呢個相比底下遜色好多，雖然個湯味道酸酸甜甜，伴飯食都唔錯既，但係海鮮份量唔多，得幾隻蜆仔、一隻青口、兩隻蝦，性價比較低🙃🙃呢到嘅Lunch包一碗湯同一杯野飲，仲有好nice、識講中文既外籍侍應，絕對可以為咗烤肉卷encore！😋😋

一早行藍地水塘在屯門完結跟住各自歸家，原本諗住搭巴士返屋企，但路經見到王子廚房餐牌上面嘅嘢係我嘅最愛之一既Pizza！有D肚餓一於食飽先再算😝老實講menu內樣樣都想食見到西班牙海鮮炒飯就留曬口水！但一條友只能食倒一份pizza !叫餐前店員仲送咗碗磨姑忌廉湯！好味😋我見加十蚊可以雙併，咁就點左沙樂美腸併瑪格麗特。Pizza 份量十足，沙樂美腸大大塊又厚仲有好多車厘茄，D芝士一路食仲拉曬絲🤪瑪格麗特皮薄又脆皮既餅底加埋蕃茄同芝士，啖啖香濃奶味芝士😋😋雖然食咗兩件都飽！但係食下食下全部比我吃清曬估唔到一個人食嘅都咁開心下次叫埋行山友食多啲款式就perfect

今日小弟同女友人黎左屯門拜房呢間王子廚房， 其實我地一路都好想食到d平靚正既巴基斯坦/印度菜... 但發覺係香港食呢d菜式都係偏貴, 所以我地而家開始覺得貴唔緊要最緊要好食.. 咁今次我地經朋友介紹黎左呢間印度fusion餐廳.. 我地叫左兩個餐湯(蘑菇忌廉湯),一個雙口味既pizza(Prince Delight同Salmon & Tzatziki)兩隻味, 一個羊肉Kebab同埋Chicken chick Momo(佢地既雞肉餃子) ... 佢地仲好親切送左個小食比我地試！ 叫做硬人巴子(Onion Bhajis) , 個小食酸酸地好好味， 我係出面無試過的應該係佢地d家鄉小食.. 個pizza好味道特別， 有別於坊間既連鎖店出品味精較少同有濃烈既自家制味同埋用既芝士好惹味.. 佢地個雞肉餃子就真係好正， 皮偏厚但好有咬口同肉味濃,佢地個羊肉kebab都包得好好D 汁又唔會話落太多好易入口.我地兩口子就咁食以上既野已經飽到上心口.. 好滿足的說

和家人到附近行街，又不知道吃什麼好，便走到這間王子廚房試一試！一進餐廳，老闆便熱情地招待我們，當然他有先為我們量體溫👍🏻老闆二人在我們參閱餐牌的時候，已為我們送上印度薄餅小食一份，老闆為我們介紹說：這叫做Papadum，香脆可口配上薄荷醬汁，非常開胃！我們一行二人點了：1. 印度烤雞沙律2. 沙樂美腸薄餅3. 傳統西班牙海鮮焗飯4. 雞肉墨西哥薄餅1. 印度烤雞沙律（推介）還未開始吃，便已經覺得這個沙律很抵吃，這個沙律的份量非常大，足夠兩個人吃，而且伴碟放得非常漂亮👍🏻烤雞沙律有不同款式的時令蔬果，例如：牛油果、車厘茄、青瓜、青辣椒、菠蘿，當然亦有印度秘製烤雞，和大量沙律菜！印度烤雞的味道令人一試難忘，雞肉更非常juicy，夾起青瓜等蔬菜一齊吃，真是回味無窮！而且沙律菜等等的蔬果，非常新鮮！配以特製的沙律醬汁真是一個非常好的前菜2. 沙樂美腸薄餅這個Pizza未上枱，我們便聞到很香很香的芝士味，放在桌上一看，整個Pizza鋪滿了厚厚的芝士，非常大方！我咬下去一拉，大家看看！這芝士拉得有多長！再說說這個Pizza的口味，Pizza是傳統薄薄的一款，底部非常香脆可口，並不像其他Pizza店

Waited for a long time, I can dine with my good fd in Tuen Mun after work lu. We found a new western restaurant in Tuen Mun. The decoration is good. Attracted us to dine in.This is the starter. India biscuit.Salmon noodles 🍝 yummy 😋 and the salmon is fresh. Our favorite main course, steak 🥩 50% raw. Mouth-watering 👍🏻 juicy and the potato 🥔 French fries are crispy ， the sauce is good too.Chicken 🍗 串燒 About $200/ 2 persons

入到餐廳好有異國風情，原來夜晚都幾多人黎食～叫左個是日餐湯，今日係磨菇湯，又幾好味喎，夠濃味，有幾塊粟米片點湯食。呢個印度小食係送嘅，叫Onion bhajis, 幾特別，好香口，有洋蔥絲，食食下又幾好食。叫左個烤羊肉卷kebab, 個黎巴嫩皮好軟熟，羊肉好嫩滑，個汁揀左洋蔥同蛋黃醬，又有好多生菜，好味！Chic momo, 即係尼泊爾版嘅雞肉餃子，點佢個醬食幾惹味，皮都幾薄，好足料，要試！。最後試左個mix pizza, 揀左一半prince delight 一半salmon. 個餅底厚薄適中，個人鍾意price delight 多啲，因為有菠蘿喺入面，另外仲有雞肉，火腿，香腸，蘑菇，食材雖然普通，但有土耳其汁就覺得好好味！另一半嘅salmon 就有sour cream, 味道都唔差，成個pizza 好食過連鎖店嗰啲，黎到一定要試！

去到置樂個頭，諗唔到食咩野，經過呢間野，一於試下外賣pizza，估唔到有驚喜！高汁🌝雙拼左個墨西哥同印度風味薄餅。揸車拎到返屋企先食，雖然凍左少少都好食😋好足料有心機有層次～

今日又係屯門牛搵野食既日子而家疫情嚴重，大家都要注意好抗疫，餐廳都做足防護今次近近地去左彩華花園附近，呢間叫「王子廚房」，佢既裝修都偏向異國情調，店主都十分好客，位置都舒適不俗佢主打各國菜式，十分多選擇，令到你心大心細咁要揀咩好野食雞肉沙嗲串燒（$90）佢既份量真係一百分，本來諗住得兩三串，但係上碟係一大碟，仲要啖啖既雞肉，配合埋隨碟既千島醬同辣醬十分美味墨汁海鮮意大利飯（$118）要食意大利飯真係唔係度度都好味，有時候火喉唔夠會食到一舊舊，今次仲要有埋墨汁煮真係好驚喜，味道十分吸引，如果可以配埋小小辣應該會再上一層樓墨西哥蝦肉薄餅（$98）黎到當然要乜都試一試，呢一個薄餅值得推介一下，脆香既薄餅面加埋入面充足既餡料！加埋蕃茄小辣既味道十分易入口開胃黎緊7月13日至8月30日逢星期一至五都有堂食外賣優惠大家記得攪清楚時間再黎呀

屯門又一好味道餐廳， 這裡環境好， 老闆又招呼周到。一開始已品嘗到非一般茶餐廳啲湯，食物美味及買相皆。吃了兩次，吃完炸薯角真的返尋味。鷄 Salad 的份量足。咖哩牛肉及 烤 餅

抵食大份又好食。不要以為睇落是印度人開的餐廳就食印度野，原來係西餐加少少印度菜。服務一流又免加一$125半份豬仔骨份量足啖啖肉$118羊腱，d汁正肉又好好食...

雖然餐廳地方不太大，适位於屯門彩華花園的－間印式有質素的fusion餐廳，餐廳内也清潔雅觀，食物吃來新鮮好味；無論從吃和看的角度來說，這店給我覺得㕑師很用心去烹調，薄餅也很香脆。今天加試牛腱，價錢相宜合理，賣相味道也十分好！所以，決定下次會再去試其他食品！