王子廚房

Open Now

Now Closed

第一次為餐廳留下食評 呢間餐廳無論2人撐枱腳定成屋人食 佢既款式都會有適合你既 剩係佢既pizza 已經好好味 再加埋西班牙烤雞 四川炒蜆都十分好味 仲可以叫杯啤酒 嘆一嘆 疫市當下 希望為佢地加下油 ps(上餐會慢啲 廚師唔夠人手 而且佢地好努力咁學廣東話 剩係呢一點我已經好respect 記得有一次食晚市 個老闆個日見到霖檔 俾咗杯細stella我 同女友 雖然係等得耐 但唔影響質素 希望大家第一次幫襯既時侯 唔係趕時間去食 唔係一定會影響到心情 加油

第一次去到三聖食野，差啲蕩失路，不過其實輕鐵三聖站行10分鐘內就到。後尾餐廳老闆教落原來可以係附近搭港鐵接駁巴士K52返屯門西鐵站落，方便好多！餐廳裝修乾淨企理，啲位都坐得舒服。我地一坐底就比pizza 吸引左，叫左意式辣肉腸茴香薄餅拼印度烤雞薄餅($112)，佢可以雙拼咁樣揀，只係額外加多$10。pizza都算幾足料，而且芝士拉絲目測至少15cm🤣🤣 餅底厚度適中，少少脆身，食落都軟熟。印度烤雞幾重香料味，正常發揮。意式辣肉腸嗰塊就比較惹味，有兩款香腸，味道都幾豐富，但亦都唔會太鹹。另外我哋仲叫咗印度咖喱羊肉配烤包($89)。原本咖喱淨係午餐先有，但係我哋膽粗粗問夜晚可唔可以有得嗌，結果侍應走入廚房問完之後話可以特登整俾我哋😆個咖喱微辣同埋偏甜，食落唔算太油，我同朋友都唔係好食得辣，覺得味道啱啱好！成碟總共有四至五舊羊肉、兩三舊薯仔，仲有四件烤麵包跟😛羊肉食落冇乜羶味， 不過我就覺得可以再煮得腍啲。朋友仲叫咗一杯芒果拉西($38)，開頭仲驚會太甜，但係飲落甜度啱啱好，芒果味好香濃！飲完開胃唔會覺得漏，絕對係加分😁最後必須要讚下老闆十分熱情好客，會主動走埋嚟介紹餐牌嘢食，埋單之後仲教我

之前試過係度食餐晏，一直念念不忘，今日終於同屋企人黎食晚餐之前黎親都係食晏，今次入夜先留意到原來佢地啲燈都好有印度feel夜晚原來係會送蒜蓉多士，平時午餐係冇既，細細塊牛油味幾香海蝦意粉好大碟！份量好多，連蝦都有六至七隻，隻隻都大隻爽口，意粉唔會太淋，仲掛到啲汁係上面，唔係太辣但夠蒜蓉味，正🤤同埋個份量大到食完大家都七成飽至尊supreme pizza! 極度推介呢個pizza!!!個拉絲真係不得了，pizza有黑豚腸、火腿、辣肉腸、蘑菇、菠蘿、黑橄欖同蕃茄片好多料，每一啖都係啲toppings，而且唔會食食下甩哂啲料既情況出現啲料既味夾得好好，而且餅底好脆，岩哂我！拉絲🤤超得意芒果Lassi 好有愛既Lassi,上菜時老闆仲話希望我地日日都咁開心睇得出老闆好有心煮野食，佢會問客人有咩意見，而且仲預告埋下個月有新Menu,話好想介紹印度菜比香港人，希望帶多啲唔同既印度食菜式比香港人認識同欣賞，佢都幾有心，期待佢地既新菜式！

係屯市行到攰開個openrice 睇下有咩食，碌碌下見到依間多國菜幾吸引🤤雖然我地食得唔多而且佢份量都唔少，但發現佢位置都幾"穩世"，但絕對值得encore🤪✨雙併pizza(三文魚希臘+牛肉意式肉腸)前者有蕃茄，青蔥，三文魚，酸奶油，蔥，蒜，薄荷，水牛芝士。後者有意式肉腸，洋蔥，大蒜，水牛芝士，煙燻煙肉，茴香。餡料好足🤤芝士多而且可以拉絲，比平常食到既pizza唔同既係佢加左蒜，風味更特別香口，再加上蕃茄、洋蔥可以中和肉既濃味，配合得好好😋肉的話比我感覺有種中東風味，餅底方面唔會太厚太薄剛剛好，絕對夠飽而且好滿足🤩✨雞肉墨西哥薄餅美國雞胸肉，洋蔥碎，大蒜，蕃茄，車打芝士碎，意大利軟芝士，牛油果醬，莎莎醬，酸忌廉。又係餡料絕不手軟系列，薄餅偏乾身，都合理因為入面既醬汁先係主角，厚厚既雞肉加上兩種cheese，食落超juicy，加上有生菜，感覺會比pizza清新啲，而莎莎醬酸酸地，如果試完原味薄餅後建議加上食用，會有唔同既感覺😁✨stella 大杯最後當然嗌杯啤酒醒神一下，$45價錢合理👍🏻依間實在有太多菜式😂😂印度，西班牙，意大利，墨西哥，土耳其，西式乜都有🤣下次再黎食，不過要一班人黎

突然好想食kebab 所以就入左呢間餐廳食個lunch!點知比佢個咖哩驚喜到!! 所以話食印度人開既餐廳 咖哩係一定無死!!! 一定係好好味!入面好光猛 空間感好足夠 而且感覺好乾淨！ 我地一坐低佢就送上是日餐湯! 忌廉蘑茹湯! 超warm! (因為佢地中午只有lunch set) 🤤土耳其烤雞肉卷$48 皮薄餡靚🤤 入邊啲餡係超級豐富 有生菜蕃茄雞肉同埋好多醬汁好Juice🤤 份量超大！ 絕對夠飽！ 而且上嗰陣時仲係熱辣辣😍🤤西班牙燉海鮮 配飯 $55係一個以蕃茄做base 既燉海鮮 入邊有好多唔同嘅材料 包括豐富嘅海鮮例如青口 蜆 蝦 魷魚 薯仔 燈籠椒 蕃茄 紅蘿蔔等等！ D汁超級送飯！ 成碗白飯食晒🤭 味道唔會太濃 適合我哋呢啲減肥人士🤣🤤王子廚房特色羊肉咖喱 $55唔好睇佢好似平平無奇嘅咖喱！ 係絕對令你有驚喜！ 因為個咖喱好好食而且羊肉完全冇so味 仲有個羊肉燉得超級林😍 幾乎係入口即溶不過建議大家配薄餅食應該更加有風味不得了😍加錢仲叫咗兩杯特色印度特飲🤤

今日晏就黎食呢度既set lunch,首先價錢真係幾相宜，我地嗌左一個印度咖哩配烤餅同埋羊肉烤肉卷，埋單都係110蚊，仲要兩個set都咁好食印度咖哩配烤餅首先個咖哩真係好香，睇個汁可以估到用左好多香料去整成，而且唔似平時啲咖哩得個辣，係有好豐富既香味 烤餅都整得好好食羊肉烤肉卷好大份，真係好大份😂而且好足料，入面有好多羊肉，啲洋蔥同其他配料都好夾，都幾好食美中不足係嗌杯熱檸茶個份量少左啲 凍咖啡就中規中矩

📍屯門 -#王子廚房——-雞肉墨西哥薄餅-雞肉闊條麵 ——-雞肉墨西哥薄餅墨西哥薄餅配上雞胸肉,洋蔥碎,大蒜,蕃茄,車打芝士碎,軟芝士,牛油果醬,莎莎醬及酸忌廉.口感十分豐富 味道唔錯 好好味😋有拉絲效果嘅芝士真係好正🤤 佢地嘅雞肉醃製咗 咬落去啖啖肉 我比較中意配上酸忌廉一齊食 個味道會再特別少少 👍🏻 而且薄餅外皮香脆 咬落去脆卜卜 呢個薄餅啲料又足又豐富 份量都唔算細 -雞肉闊條麵  以洋蔥,蘑菇,雞肉,巴馬臣芝士.一開始望住碟闊條麵 以為佢係偏乾身無乜汁點知撈埋啲配料個陣 個底係有醬汁 整體個闊條麵夠濕潤 因為本人麻麻地乾身嘅意粉🤣好彩佢嘅醬汁好夠😋 食落一啲都唔膩 蘑菇同雞肉份量夠多 👍🏻 雞肉食得出醃製過 有少少香料味 令個意粉冇咁單調——

屯門都好多好野食，呢間餐廳位置都係比市中心偏遠少少，但係味道都好唔錯喎同朋友兩個人大約8點黎到，人唔算好多，都坐得幾舒服呢間都算係多國菜餐廳黎，有印度、墨西哥、土耳其等等唔同國家嘅菜式都有啲，好多款式揀。同朋友揀左兩個菜，一個係墨魚汁意粉🍝，一個就係印度烤雞肉卷🫔另外仲叫左兩杯芒果沙冰🥭墨魚汁意粉：啲蝦都好大隻，好爽好彈牙，蝦腸都挑乾淨晒，意粉唔會煮得太淋，咸咸地，非常唔錯印度烤雞肉卷：呢個烤雞卷真係好多料！雞肉又有醬，入面包左生菜、紫洋蔥、蕃茄，材料豐富，有幾重口感，比起之前食過有啲有酸瓜醬嘅好味好多，仲有少少似曾經係外國食過嘅kebab芒果沙冰：好大杯，芒果味好濃，通常去開食印度野都會叫，啲冰軟綿綿，夏天食完野飲番杯，超舒服呢到平日晚餐坐得好舒服，同朋友黎傾計食野幾好！值得encore!

到底屯門有甚麼素食選擇呢？跟我一起去找找看，今日找到這間做多國 Fusion 菜的特色餐廳，有印度、土耳其、西班牙、意大利等料理，素食選擇亦唔少，而且大件夾抵食都幾飽肚喎。王子廚房位於屯門彩華花園，那一帶也蠻多不同類型的食肆，也有咖啡小店，算是個覓食好去處，由西錢站行過去要二十多分鐘，搭小巴就比較快。餐廳入面都幾多位，有差唔多廿張四人檯，繁忙時間都唔驚要等位，亦都適合一家大細來吃飯。牆紙有少少印度風情，入面空間都幾大，坐得舒服。平日和假日都有不同特價套餐，六十蚊有湯有飲品，而且份量都幾大，大男人都食得飽。餐廳做多國 Fusion 菜，每個項目都有素食選擇，除了這個烤蔬菜卷，也有意粉、意大利飯、薄餅、西班牙飯和炒菜等等，多元化多野揀。問老闆有甚麼素食選擇原來仲有更多款式，這個是印度咖喱角。飲品除了汽水、茶和酒，還有 lassi 和特色冰沙，看起來都幾特別。Mango Lassi HK$31好久沒吃芒果Lassi，見到有就好想喝一杯，沒想到上面有畫花那麼可愛！你覺得這是愛心還是魚兒呢？這個喝起來比較重香蕉味，味道還算不俗。蔬菜咖喱角 HK$24印度菜總是有很多素食選擇，這個咖喱角就是其中，

大大話話都幫襯過有十次了，今次就寫寫食評先，唔知店主識唔識睇中文呢。其實E間店同前面咖哩店係同一老闆開，所以有d食物味道係一樣。環境一般普通西餐廳，座位都算舒服，店員服務態度好好，不過請用英語對話會好d。點解我會成日去食或買外賣，因為佢地整Pizza真係好好食，而且選擇多，你鍾意點拼都得，而且價錢平，之前疫情關係，外賣有8折，一個Pizza唔使一百蚊去邊到搵，而且好食過間連鎖大集團PizzaH, 又貴又唔好食。一坐底會送幾片印度脆片比你食，我好鍾意食😋。我地二人叫左三樣野素菜咖哩角，好多薯仔好重印度香料味，幾好食烤雞半隻配薯角，我覺薯角好食過隻雞，因為烤得太乾主菜招牌pizza 冇得輸，熱辣辣勁多芝士，餡料好足厚過d餅底，外脆內暖，正。。要多d 支持下d小店，唔好比集團式霸晒個市場。

入屯門準備去行個小山 行去藍地水塘 所以係附近食Lunch~ 見到呢間五十幾蚊就有印度嘢食 就入去試下一行三人 一坐底已經上左碗是日靚湯🤤 係粟米忌廉蘑菇湯！-土耳其烤雞肉卷 $58 超足料！ 同埋好juicy🤤 皮十分之薄 唔會好乾好硬！ 同埋好大份！ 食唔哂🤭-西班牙燉海鮮配飯$68 我以為係一齊上 點知原來個飯係onside🥺 不過都好好味！ 超多海鮮 有魚 青口 蜆 魷魚同蝦🤤-王子廚房特色羊肉咖哩配飯$68超推介！ 一致認為最好食！ 個羊肉好林 一d都唔so! 不過點錯左 應該食酥餅🤭沾住黎食 一定好好風味！ 加$18 叫左2個特飲 Cheer! Mango lasi? & kiwi milk shake ! 我中意後者多d!😍 Lunch set都有好多option!

印度fusion 西餐o既特色菜館，一款孔雀羽毛o既圖騰貫穿整間餐廳o既牆身，連同天花d 細細盞中東彩色碎玻璃燈，樸實之中不失異國風情。午餐$50 幾蚊已經好多選擇，講緊印度咖哩薄餅、土耳其羊肉卷呢d 特色o野wo，出面食個普通西餐都唔只呢個價啦……呢度一個餐送一個湯同埋冷熱飲品，仲唔使加一添！是日餐湯係牛肝菌菇濃湯，用上菇菌、豆腐同瘦肉去煲，滲出接近truffles o既香氣，亦幾重胡椒粉o既嗆口感。我貪平叫o既印度咖喱牛肉蘿蔔($52)，係成個menu 最平，而且咖哩雞同咖哩牛係同價，咁呀梗係叫牛肉啦……雖然係平，但佢無因價就貨，實物一d 都唔失禮，用上巨型o既心形碟盛載，原來仲包一份細田園沙律同薯條，嘩想講咁樣真係好抵食！d 咖哩味道濃郁，富有香料氣息再小小辣咁，而裡面o既牛腩則腍身好食，堅高質！佢呢個咖哩可以跟飯、烤餅或者脆餅，我地寫單o個陣特登問阿印度人老闆o個兩隻薄餅有咩分別，邊隻好食d 咁。我大概理解為paratha 係layered bread，係pan fried；而naan 則係plain d，係焗出o黎。我揀o左paratha，係轉轉轉一大卷o既薄餅，口感鬆化，就

平時喺香港就比較少食印度菜，朋友話屯門有間印度風嘅西餐廳，而且仲要係印度人主理所以想搵我去同佢試吓！餐廳裝修簡潔幾有印度風，乾淨企理👍🏻 食物種類很多，有Pizza 、咖喱、牛扒、海鮮飯、土耳其烤肉卷等等，應有盡有😄 好國際化😝雙拼Pizza (Salami X Prince Delight )Pizza有超多口味可以選擇，仲可以叫個雙拼口味食😍一次過試哂兩款，正！Pizza係薄底，做得幾好十分脆口😎Prince Delight，好多餡料有雞肉、火腿、香腸、菠蘿、蘑菇同埋土耳其醬汁！個土耳其醬汁幾特別又好食，味道都比較香濃👍🏻 另一款口味是 Salami口味唔似出邊食嗰啲咁鹹而且仲帶有小小茴香味，幾特吃！仲要勁多芝士🤨 配啤酒🍻真係一流🤩Calamari炸魷魚圈佢地既魷魚其實幾新鮮，係用咗牛油、檸檬、海鹽黑椒去調味輕炸！魷魚新鮮有咬口，亦都係送酒一流既小食！因為是輕炸所以外皮比較軟林，如果炸得外層脆口點相信更吸引！😝炸蝦餅呢度既炸蝦餅同平時喺出邊餐廳食到嘅唔一樣，佢哋係混入左薯仔同香菜係入面，真係第一次食！仲有個青醬可以點架😀越南牛油果奶昔呢度嘅牛油果奶昔都幾特別因為係加左朱古力入去打

前菜有卜卜脆嘅多士，仲送咗兩碗湯畀我地🥰印度烤雞卷 chicken tikka kebab🌯Kebab切開一半方便share，望落非常飽滿實在，烤餅軟熟唔硬，裏面包住嘅除咗有印度烤雞，仲有生菜絲、洋蔥、蕃茄，食起嚟爽脆、健康又清新，每樣材料都落到足👍餐牌上面寫住有4款自選醬汁，本身以為要揀其中一啲，侍應話其實係樣樣醬汁都有落，我估可能係唔食某款醬汁先要同佢講，不過強烈建議跟佢嘅配搭，因為所有sauce加埋超好食！！kebab sauce落咗mint, garlic, ketchup等等，唔會辣，咬落juicy爆汁，雖然有啲狼狽但真係好好食😋羊腱 lamb shank🍗餐牌係寫配白飯，但落單嘅時候侍應話可以揀配bread or rice, 咁我地轉咗要烤餅🫓依款咖哩加咗鷹嘴豆，香料味較濃，唔算辣，唔太食得辣嘅都可以食到～羊腱容易切開，份量夠2-3人，$118抵食😋侍應講英文，餐牌中英對照，點餐都唔太難👌PS 一開始望地圖以為餐廳喺內街，其實係對住大路嗰邊先啱

今日再嚟王子廚房食午餐，今次試食「土耳其雞肉烤肉卷」同「印度咖喱牛肉配烤餅」。因為朋友唔食羊，所以叫咗土耳其雞肉烤卷，食後始終覺得羊肉好味啲。另外印度咖喱牛肉配烤餅，咖喱對我來講辣度適中，嗜辣可能會嫌唔夠辣，咖喱汁加上烤餅，真係好惹味，如果多啲烤餅就更開心。本身一坐低就會奉上餐湯，上次較稀無乜印象，今次類似雞肉磨菇湯，反而濃滑好味。本來想試香蕉拉西，但靚女店員話今日無哂，所以又飲返芒果拉西，配咖喱啱啱好。今日得一個靚女職員，雖然得佢一個，但佢做嘢好快手，一眼關七，好醒目睇到我哋要合照，幾忙都走過嚟幫我哋影相。見到人哋食印度烤雞沙律，賣相好靚，下次要試吓。