太子粉麵

Open Now

Now Closed

今日去了火炭個倉，同事話倉有冷氣不如買外賣返倉食，於是行過對面駿洋邨，喺巴士總站側邊駿洋街市內一間粉麵舖，有粉麵又有飯食，午飯時間都幾多人等外賣，相信大部分係附近工作的人，因為同事點炸雞肶飯，所以要等15分鐘先有，攞咗外賣就返倉食。五香牛雜飯牛雜有輕微異味，應該係洗水唔夠，香料味算可以，味道偏咸，蘿蔔清甜，啲飯質素就一般。炸雞肶飯新鮮生炸外皮香脆，裏面唔會過熟，雞皮灑咗幼鹽，夠咸香。炸雞翼小食比炸雞肶更好食。

今日嚟到火炭嘅駿洋邨搵食， 呢個商場嘅食肆唔算多， 行咗一圈後 最後揀咗食雲吞麵😋， 間舖頭 喺地下街市入面 ，唔算大 環境有啲舊， 不過都幾多食客， 我估都唔會差所以決定食呢間👍我哋叫咗 牛腩麵 同雲吞河， 等咗幾分鐘就 有得食 ，雲吞麵 嘅雲吞 足料 入面有蝦， 夠鮮味大大粒， 面質都ok唔會太淋有咬口， 牛腩河嘅 牛腩唔夠淋但又唔會痴牙，湯底有啲咸， 值得一讚嘅係 佢哋嘅自家製 辣椒油好香，好辣👍整體食物質素 一般， 店舖衛生麻麻， 價錢 唔貴

叫外賣遲成個鐘先嚟，湯飯可以漏咗個湯，打去餐廳同佢講，佢問我：咁你想點吖。話要退錢仲要帶返個白飯落餐廳畀佢，聽到我真係呆咗。態度極差，嘢食質素又唔好又少，等執啦。

係火炭，已經無咩好嘢食，要揾靚雲吞麵、牛雜麵更加少！見到呢間，都係順路試下，叫左三牛麵，超正，點知好有驚喜！今之再食雲吞麵，雲吞足料，有蝦味！😍😍杯檸茶都好味！啲侍應哥哥姐姐都好有禮貌，大推！

牛雜粉麵出色，價錢公道，但是有一個大問題：手機及上網太差，有機會收唔到手機及上不到網，有代改善，另外因為街市內有時候會有小昆蟲四圍飛要更加改善！蒸飯有水準，餐種類繁多，有不同選擇，有外賣服務！職員整潔！地方及碗碟乾淨！洗碗姐姐非常有禮！牛雜麵部師傅華哥服務態度真係非常好有禮貌，有水準！