Promenade 西餐廳

Open Now

Now Closed

生日前夕，同事帶我去食lunch buffet慶生，位於紅磡地鐵站旁嘅置富都會廣場，位置非常方便，餐廳樓底好高，坐得好舒服。🦪冷盤有：長腳蟹、大蟹鉗、青口、凍蝦、生蠔、沙律吧，仲有刺身、壽司不過款式唔多🍽️熟食有：炸物、咖哩、海鮮Risotto 、三文魚撻、燒豬肋條、泰式牛肉沙律、燒牛扒、自選生滾粥、車仔麵、中式點心🧁甜品款式大部份都好精美，而且種類極多，平時不太好甜品嘅我都忍唔住食左好多件。極力推介：梳乎厘、榴槤千層酥、綠茶心太軟、斑戟、movenpick雪糕、芒果拿破倫官網網上訂枱仲會有優惠，人均$400有找，好易食回本。下次去睇演唱會，要再嚟食過tea buffet先。

之前食過這間餐廳的lunch buffet，覺得款式多🦐🦞🦪🍖🧀🧇🍤🍣🥗🍦🍨🍰🍮抵食，所以今晚同朋友食dinner buffet聚餐。用e shop定位更加有discount每位$614，晚餐更加有生蠔🦪、龍蝦🦞任食，好抵！龍蝦肉🦞質爽嫩鮮味，蟹腳肥美啖啖肉，不過有少少咸，很快被人攞曬，生蠔🦪亦新鮮，每次只可攞兩隻，但是蠔肉細小和薄身。鵝肝配多士即叫即煎熱辣辣好味😋刺身有很多款選擇，新鮮其他食物普普通通保持水準，自己配料海鮮粥，鮮甜好味！甜品都有好多選擇，還有多款haagen dazs雪糕🍦🍨和脆皮雪糕批。我最喜歡係榴槤班戟，仲係好大嚿榴槤肉，每次都吃上兩至三件，超滿足！招牌芒果🥭拿破崙很鬆脆，都好好味，也是搶手的甜品之一！總括來說：食物種類選擇多，水準保持得幾好，最緊要係飲品🍵🥤☕任飲！

年幾前未限堂食要打針時，食過lunch、tea、dinner，最開心就係見到個雪糕櫃，裡面有好多雪糕雪條仲有鮮芒果同榴槤雪條。點知今次去….無咗雪糕櫃，只有一個職員負責不雪糕球….仲每次限兩球咁慷慨。龍蝦長腳蟹ok，但生蠔唔知點解有d苦味，可能我食咗其他嘢撞味？即開幾肥，照計新鮮，朋友話無問題。冇麵包蟹冇小龍蝦，以前有小龍蝦，平時我唔會食，但呢間之前出過肉質ok，可惜都無咗，廣告寫有小龍蝦的，可能得lunch有？其他嘢食普普通通，都係以前的水準咁。但7折都要$614.4一位，我覺得無咗雪糕櫃真係跌晒watt無mood。係榴槤班戟仲係好大舊榴槤，甜品都係和以前的甜品差不多。Service一樣咁好，但貴咗仲要無雪糕櫃！so sad🥲 原本想帶家人去食，今次探路，但還是改地方，都會海逸西餐廳巳回憶不再生蠔還是每次兩隻，排3次排攞6隻志在打咭，苦苦哋就無再攞了魚生ok蟹腳肥美，但之前食過係4，5隻腳連半邊身上的，今次單隻腳，其他都係保持水準。龍蝦，肉質爽嫩鮮味，唔錯！食過好多間都係鞋嘅，今次呢間好食。臘鴨好食，牛脷淡味咗，如果串燒吸引好多冇咗雪糕櫃，唯有食呢啲…..無mood打咭，so sad

地點近紅磡火車站相當方便，生日訂左黎呢度食lunch buffet , 坐到滿哂，好多人都一早黎等入座必食： 梳乎厘， 泰式豬頸肉， Haagen dazs雪糕， 西檸雞， 芒果糯米飯， 咖哩蟹鍾意食蠔必食：煙肉蠔卷，生蠔 (排隊每次兩隻)，芝士焗廣島蠔阿囡小朋友：狂讚西瓜夠甜又多汁， 螺絲粉長通粉都好好味，芝麻醬沙律， 粉紅色棉花糖噴泉， 印度脆餅，炸蝦餅， 芒果 味雪糕選擇好多不論凍食熱食亦都好平均，飲品任飲！！2個半鐘無停手無停口~~~~~

就快新年同屋企人去酒店食buffet慶祝一下，好多年前黎過一次食，印象最深刻係有長腳蟹同梳乎厘食，今日專登再黎品賞下。早左小小到，未開始，係門口等一等，好快就有人安排帶入座，lunch buffet都坐滿全場。刺身都係基本選擇，有三文魚，吞拿魚，帶子等等長腳蟹，啖啖肉，會好快被人攞晒生蠔，新鮮，有兩個人分派唔洗排好耐，每次攞兩隻甜品都多選擇，重點推介即整梳孚厘同haagen dazs 雪糕食用匯豐卡埋單有折✌️

聖誕前夕同屋企人去食自助餐，疫情前每年都喺呢度慶祝。過了幾年，今年再返來食自助餐，非常失望。食物：先不講味道。西式熱食雖然有照燈，但仍是凍的。特別係釀蟹蓋——剛從廚房拿出來，也是冷的，不能接受。當晚海鮮有龍蝦、蟹腳、青口、螺、生蠔等等。龍蝦完全無味，蟹腳和青口還好，螺有陣怪味。生蠔非常細，試了6只，全部都只有咸咸的海水味，鮮味和甜味全欠奉。而刺身⋯⋯只試了油甘魚和帆立貝。很一般，像爭鮮的質素。中式食物——菜式比以往遜色得多。沒有燉湯也沒有蜜汁叉燒。當晚比較值得欣賞的只是那份鴨肝。煎得表面香脆，內𥚃甘香。甜點：中規中矩。沒什麼特別驚艷好吃的。比較好的是椰汁燕窩和蛋白燉奶。服務～非常失望：到了餐廳reception，掃了安心出行後，想請門口的職員查查看是那張枱。點知，她們只回應：自己行入去望下，搵唔到再找她們幫忙。那時候已經差不多9成座位入座了，門口也沒其他客人等待幫忙。要幫忙查看那張枱真的那麼困難嗎？坐下了後，不但沒有職員幫忙用椅套套著外套，還數次被職員掃跌了外套，每次也只是自己把外套拾回。而自助餐位置的員工也不專業。烤火雞、煙火雞和烤牛肉各切一片，每片也是不完整的。拿生蠔的櫃檯沒人排隊

都會海逸酒店自助餐，全場共200款食物列成一行任揀。美食選擇好豐富，海鮮區非常豐富，超過6款冰鎮海鮮，肥美即開生蠔、冰鎮熟龍蝦、雪花蟹腳及青口，以及雜錦即切刺身如北海道帶子、油甘魚及老虎蝦等。 和牛品質上乘，推介紅酒燉和牛、三式和牛漢堡包、柚子胡椒金菇和牛卷及俄式和牛柳絲，肉汁豐腴不膩。黑豚肉有蜂蜜蘋果芥末低溫烤黑豚、黑豚叉燒、吉列黑豚及炭燒黑豚腩。最後，甜品絕不能錯，招牌芒果拿破崙、芒果林明頓、芒果吉士撻、綠茶芝士蛋糕及綠茶紅豆瑞士卷等，亦有自家製皇牌甜點如榴槤班戟、榴槤流心布甸、即焗梳乎厘，還有多款Häagen-Dazs雪糕杯及脆皮雪糕批。

朋友生日成班朋友又係提議食buffet，咁岩呢間酒店buffet 做緊優惠，6人以上有7折所以就當然gogogo 啦！餐廳環境都唔錯，臺都唔會擺得太密！凍海鮮&刺身長腳蟹：都大隻，肉質都新鮮有蟹味同唔算太咸青口：正常青口味凍龍蝦：肉質唔新鮮，完全唔彈牙，又冇乜味生蠔：以現時buffet 黎講，都算有肉食同埋味道都可以刺身：三文魚，赤貝，甜蝦，帶子，油甘魚味道都正常，係平時放題既質素熱食方面選擇都唔算太多，有燒味，咖哩蟹，印度咖哩，天婦羅，煎鵝肝，生滾粥，西班牙炒飯，忌廉羅絲粉，焗蟹蓋，慢煮牛肉，蟹粉小籠包，蛋白炒飯等等，各項食物味道都係可以甜品既選擇係幾多，有唔同款式既蛋糕，中式糖水，pancake ，雪糕等等而比較出色既係榴槤/芒果千層蛋糕，十分酥脆，pancake 就可以選擇榴槤果肉，滿滿既榴槤肉，另外椰汁敦雪耳都好高質！總結呢間buffet 可以再去，食物款式同味道都算唔錯，而且價錢折實都唔洗$600一位，而職員都幾好服務，收碟幾快同會主動幫下手

呢間buffet以前食過幾次覺得OK, 之後聽人講過話差咗好多，今日再食又覺得無人哋講得咁差，都幾好喎，食品有好多選擇！凍海鮮有：生蠔、開邊龍蝦、龍蝦鉗、小龍蝦、蝦、長腳蟹、翡翠螺。蟹腳有海水咸味，生蠔我唔食，其他海鮮都新鮮好食。刺身有：帶子、赤蝦、三文魚、吞拿魚、劍魚腩、赤貝。唔係好多自助餐有原隻赤蝦，好驚喜，帶子都好大粒鮮甜。其他嘢食仲有燒鴨肝、泰式串燒、泰式生蝦（不過較細隻，肉不是得爽）。甜品有好多選擇，除了有Häagen-Dazs 雪糕之外，有梳乎厘、朱古力噴泉、桑寄生蓮子茶、豆腐花、楊枝甘露、燕窩燉鮮奶及各式西式糕點，大部份都幾好食唔會過甜，有一款有榴蓮甜品上面的果蓉都好多同香滑，仲有芒果拿破倫都值得推介！預先上官網付訂金可享有8折，折後每人不用$700，性價比頗高。

第2次泥呢間自助餐了，因為網上訂有折頭，朋友揀左呢間同朋友慶生啦!食物種類同幾年前一樣，都係有好多選擇的。而且佢甜品同熱食既種類都比其他自助餐多！最好開心既係竟然會有榴連既甜品選擇！雖然款得2-3款，但可以食到呢個系列係既開心同意外！食自助餐我最中意食甜野，所以呢個甜品位置，真係拎完又拎。同埋佢有生蠔食，而且幾好食的!但我唔記得咗影相。印象中係來自法國既生蠔泥架!仲有第2個開心既係，佢有哈X牌雪櫃食!仲有超超超超多味揀!唔中意雪糕可以揀雪條添~呢個位真心值回票價!!

呢間都幾多人食，打電話訂枱再上網買張$300 coupon 就可以全單75折或喺面書印 coupon 就有8折，約$600一位！食物款式多，每樣食一啖已經夠飽。凍盤：即開生蠔每次2隻、龍蝦、長腳蟹、三點蟹、翡翠螺、蝦、青口、刺身、沙律！熱盤：好多選擇、鵝肝、中西日韓印美食、羊、肉眼、生滾粥也好味。甜品：榴連拿破侖、Waffles、燉奶、芝士、雪糕、雪條、吾同種類的甜品。

今年生日又再黎食buffet質素依然咁好！適逢中秋補假用餐時間延長到3個半鐘，真係太爽啦。食物質素好，環境舒適，服務態度都十分nice，熟食選擇都好多，可以放心黎trytry

屋企人生日又有藉口食buffet🤣紅磡都會海逸自助餐總係唔會令人失望😍之前去食質素一直好正，今次依然都係有生蠔榴槤pancake鴨肝等等😍三文魚刺身依然都係每次限拎三件仲有四款日式小丼亦都好好食熟食方面都有好多款，款式足夠炸軟殼蟹亦都炸得好好食，唔會冧晒亦都唔會好油仲有片皮鴨，質素十分高！都拎咗幾轉食🤣今次試咗窩夫好好食唔會㝝曬👍🏻甜品方面仲有流心榴槤撻榴槤味唔會太濃郁不過講到榴槤味勁嘅一定係榴槤pancake😍😍淨係叫咗榴槤蓉再叫廚師幫我落多啲，佢就真係落超級多俾我，拎到返座位咬嗰時榴槤蓉爆曬出嚟🤣🤣仲有Häagen-Dazs雪糕！佢係有新款味道！大讚！超滿足！上網買埋coupon，7個人平均每人$530一個超！級！抵！味道: ⭐️⭐️⭐️⭐️⭐️服務: ⭐️⭐️⭐️⭐️⭐️價錢: ⭐️⭐️⭐️⭐️⭐️🦽👍🏻: ⭐️⭐️⭐️⭐️⭐️🚗: 好似食buffet滿600免費泊車三個鐘

紅磡都會海逸自助餐這是一家性價比最高的自助餐，海鮮種類比較多～生蠔、龍蝦、長腳蟹、鵝肝都是隨你吃。甜品款式也多。味道不俗，85折之後價錢大概是600多1位（需要打電話預訂留300押金才可享用此優惠）適合一家大細，位置就在香港紅磡火車站旁邊，地理位置也不錯，但也是需要提早兩至三星期預訂！

已經有兩年冇去呢間餐廳,見到啲食評有啲唔係咁好,但係搵咗好多間因為想食長腳蟹同埋生蠔又冇乜酒店lunch buffet有啲，最後我都係決定食番呢間，今日如常去到酒店 11點50已經見大排長龍 ，條人龍非常誇張，初頭以為有旅行團，之前咁多次都冇咁誇張咁多人，不過接侍員效率好高 好快便可以入座安排坐低，當然第一時間即刻去排海鮮，排長腳蟹，條隊好誇張，不過有工作人員安排已經好快排到, 攞咗一大碟蟹，之後去攞生蠔，每次每人可以取2隻1大1小，開頭一兩隻長腳蟹都冇乜味，之後啲長腳蟹都keep住新鮮，啲生蠔都算新鮮有海水味，啲生蠔同埋長腳蟹嘅份量食到最尾都仲keep住有得去囉 . 有凍蝦，青口都新鮮，有牛扒，可借今次麻麻地比較熟得滯,有巴馬火腿，雖然比較乾身，但味道好濃郁，可以任飲DIY沖凍檸茶熱咖啡，好好飲，另外有好多甜品有好多choice, 有榴槤cake, 有即整pancake，任食Haagen Dazs 雪糕bar &杯。有刺身，不過無試過。整體服務也滿意，收碟快，完全可以食回本既lunch buffet😚