Pulau

Open Now

Now Closed

聽聞中環街市翻新完好靚好新淨所以放假一於去睇下！點知去到先知原來地下重有個新food court咁既物體，最後就比呢間泰國菜吸引左。環境就好似平時其他地方啲food court咁，坐係啲公用餐枱度食野，唔會話想坐得耐😂味道方面，海南雞飯係好味，雞肉夠嫩滑，油飯都好有油味，男仔黎講份量都足夠！👍🏻豬手飯，肉質鮮嫩，好有滷水味，好骨膠質既口感，絕對唔係出面果啲港式冒牌豬手飯炭燒豬頸肉，燒到個皮脆脆地，肥瘦均勻，配埋佢個醬汁(冇影到)就更惹味，成件事昇華哂！P.S. 絕對稱得上係泰國菜，唔係伏野，可以一試！

✨慢煮豬手飯 $80 配蘇東魚丸雞湯～雞湯口味比較清淡，勝在細細粒嘅魚丸都幾好食，幾彈牙！平時喺屋企要處理豬手都幾麻煩，口痕又想食嘅，外出食不失為一個好辦法🥰。呢度嘅豬手清潔得好乾淨👍🏻值得一讚！醬汁有少少似滷水汁+玫瑰露嘅口味，甜甜地，入口皮爽肉滑，好唔錯😍✨新加坡大蝦喇沙 $78～喇沙濃湯充滿椰汁🥥香，香味及濃稠度適宜，唔會好辣，同時帶有淡淡甜味，材料有🍤蝦肉、豆卜、芽菜、魚丸、魚片，豆卜索哂啲湯汁，非常入味，中間仲伴有香口嘅蒜片，整碗質量都好OK👍🏻值得一試！

小清新東南亞菜 環境舒適 價錢合理～～～最近工作好忙 完全唔想煮飯 又費事成日媽咪煮俾我哋食咁辛苦 所以今晚收工之後就直接去咗公司附近嘅呢一間東南亞餐廳食晚餐 ～～～餐廳環境幾好喺中環街市入邊幾多座位可供選擇 而且環境寬闊 雖然唔係啲好貴㗎嘅餐廳 但係用餐環境都好舒服 ～～～看過餐牌之後我同家姐就一人買咗一個主食 分別係海南雞飯配：蘇東魚丸雞湯（$82）同埋烤豬頸肉撈檬（$76）～～～蘇東魚丸雞湯：🐟雞湯鹹鹹香香，魚蛋彈牙。味道還不錯～～～海南雞飯：🐥雞肉嫩口滑溜，但最愛卻是那雞油香濃濃的乾身米粒，不愛澱粉的我也忍不住吃過清光。～～～烤豬頸肉撈檬：🐷烤過的豬頸肉香香甜甜，肉質柔軟，加上清爽撈檬和跳跳青瓜紅蘿蔔🥕絲，濃淡平衡得當，食完感覺飽而不膩。～～～Pulau (中環)中環皇后大道中93號中環街市地下G19號舖

今日又係落大雨…係中環做野，諗住趁街市冇乜人，早少少食嘢食完就有巴士返去呢到超乾淨！又夠冷氣🤣超乾爽食物咸蛋沙單骨雞翼 - 8pcs原本想叫魚皮架！上次食過勁掛住🥰點知遲左黎⚡️😨😱😭😭😭冇晒啦！然後隔離啲人就話雞翼都好正，咁我就叫一份試🤣真係好正！隔住口罩都聞到香味一咬😖啲咸蛋沙呀🤤又夠熱，又夠沙❤️❤️❤️㗎吔多士配半熟蛋個半熟蛋好正！滑lu lu🤣啲蛋漿係甜甜哋多士勁脆❤️加上大塊牛油🤤🤤🤤環境上次黎都冇咁大地方，依家地方闊左好多！坐得舒服

又係去中環舊街市食晏嘅日子，兜咗一圈見到好多人都係食緊東南亞菜，特別係海南雞飯。我之前已經食過，雞件確實係幾滑，我朋友就即刻去點餐，個餐仲有油飯同魚丸湯，雞嘅份量都幾多，三款海南雞醬料都好正宗。鍾意試新嘢嘅我，就去蒲蘿度點咗茶熏鴨油飯餐，除咗有碗魚蛋湯之外，佢仲有炸魚仔花生青瓜同埋半隻蛋，原件茶燻鴨胸有淡淡茶香，唔油膩。三個女仔正餐唔食都要食小食，依個鹹蛋黃單骨雞翼，單骨唔會食到周圍都係，鹹蛋黃香味足，三人分享冇顧慮。另外依個胡椒豬肉串真係估佢唔到咁好食，肉棒彈牙又夠味，如果係放工時間，一定要點佢配啤酒。

Worst Beef Rendang I ever have. Tasteless and most important, it was cold. The whole Central Market concept is good just poor management. Basically don't have the intention to try out restaurants there.

自中環街市重開後，返工食飯多左好多選擇！今次揀左新加坡菜🫶🏻 係食我最愛既海南雞飯👍 首先係雞既份量十足，岩岩好，唔會唔飽！而雞都非常嫩滑，比左三種唔同既sauce我地點，當然我最愛係雞汁，之後係開胃既酸甜汁😝 飯既份量好多，一個人食唔哂… 所以男仔絕對夠食！跟餐送左一個湯！值得一提既係，好似過左兩點，個飯會做優惠價，印象中好似由$82減到$62蚊。下午茶中環價真係勁抵食🙈 之後我叫多左個咖央多士！包住成塊牛油🧈見到真係好邪惡又流哂口水… 食落甜甜的，好好食😋 佢仲加左流心蛋比你點，係個幾特別既食法👍 總括黎講，呢間係我有機會會再encore 既餐廳🙏🏻

今天到中環街市逛逛，事前上openrice網瀏覽 ，這間食店口碑不錯。原本我想吃喇沙，但Honey喜歡肉骨茶。我就抱著估一估的心態：因為，我不喜歡馬來西亞的藥材味濃的肉骨茶。真好，這間食店是星加坡式胡椒味的肉骨茶。都幾大碗，而且配油飯和油炸鬼。裏面有三大塊肉排：一塊是全肉，一塊是一字排，一塊有軟骨。三塊肉排的肉，都好甘香，豬肉的甘香。而且肉有彈性，不是柴口的煲湯肉，真是意想不到！而湯頭，不辣，但仍然是濃濃的胡椒味。最驚喜的是，整粒原粒蒜頭，已經煲得夠稔，粉狀。喜出望外的肉骨茶！美食廣場形式，座位有露天也有室內。好Chill的感覺。

🥗牛油果核桃青蘋果沙律（$68）：食料包括青蘋果、牛油果、蜜糖核桃、提子乾，以及小蕃茄。青蘋果入口清爽，蜜糖核桃香甜脆口。牛油果嘅份量多啲就更好啦～🥓參塔醬燒豬頸肉（$82）：每客有約十數片豬頸肉，外表炙得焦香，內層保持脆嫩。每一口都有豬頸肉特有嘅油脂香。搭配埋參塔醬⋯對重口味愛好者黎講真係好滋味！🍛巴東牛肉配班蘭椰漿飯 配蘇東魚丸雞湯（$78）：巴東牛肉吸滿了香料和椰奶的精華，牛肉油脂和多種香料混合而成嘅獨特香味，實在惹味！配上帶有微微班蘭香嘅椰漿飯，每啖都好和諧。雞湯正好解油膩感～😋整體而言：1. 以中環物價而言，套餐性價比最高。2. 豬頸肉幾香口，小食多滋味。蒲羅 地址：中環皇后大道中93號中環街市地下G19號舖

中環街市係近排文青新興地方，雲集咗好多店舖同餐廳不過消費水平就真係比較高，有好多Cafe但價錢都唔平，就算係food court但啲餐廳價位都比較高，今次就揀咗間稍為正常少少馬來西亞餐廳。呢個價錢得主食冇飲品其實唔算話好抵不過周圍都係咁😓買完嘢食我就上咗去樓上茶飲店揀咗間-我想和你無所事事💛👓新加坡大蝦喇沙 摻摻/米線 $78揀咗摻摻，即係油麵加米粉，因為覺得比較吸湯底會入味好食啲，佢哋嘅湯底都好濃味唔會好淡，而且唔算好辣，餸菜都豐富有四隻蝦、豆卜、魚蛋魚片四季豆同半隻輕微溏心嘅蛋。評分：7/10👓新加坡海南雞飯 配蘇東魚丸雞湯 $82就咁睇個湯顏色都清澈唔算好油膩。隻雞份量都算多而且都有肉、係嫩滑，同樣有辣汁蔥油甜醬油三款醬汁。油飯方面顏色反而唔算好黃澄澄鮮色，係暗黃色，食落去唔算話好重油香味但就變相冇咁油膩冇咁重邪惡感🤣評分：7.5/10

Pulau 蒲羅主打的新加波美食，已在中環街市地面樓層food court 開設分店，食物價格實惠，性價比高留意番，店舖沒有飲品提供，如有需要food court 內有冷熱水提供，係自助的我今次揀咗巴東牛肉班籣椰漿飯，配：蘇東魚丸雞湯 $78牛肉同飯的份量好多，每件牛肉都超大舊，配埋飯一齊食啖啖肉，好滿足半熟蛋配咖吔多士 $36半熟蛋配咖吔多士，呢個配搭好特別，問返店員，原來當地人會將咖吔多士沾上半熟蛋醬一齊食，聽完就叫黎試下照當地食法，味道偏甜嘅咖吔多士配上無經調味的半熟蛋醬一齊食，味道一流，由味道偏甜變左甜得黎好味道，多士同蛋的味道完全中和，加上蛋醬沾滿多士表面，放入口唔會覺得個多士好乾身，咬落去仲會好脆口，因為本身個多士有烘底

今日lunch time去中環街市行吓睇吓有咩食先響中環返工咁耐都冇去過堂食，只有經過買下啲小食，原來最底嗰層咁多嘢食，呢度就類似food court一樣，買咗可以隨便坐喺佢哋公用嘅位置度堂食，非常方便👍🏻路過一間叫Palau 蒲羅食新加坡嘢，又見我最鍾意食嘅海南雞飯，毫不考慮就食呢度，兩點打後仲要係下午茶時間，比Lunch仲要平D，開心💛俾咗錢等候期間，見到有五個客人都係同我一樣食海南雞飯，我相信應該質素好有保證😋😋▪️海南雞飯配蘇東魚丸雞湯 $68🐔雞嘅份量大家有目共睹，差啲連我都食唔晒，無骨雞雞肉好滑而且雞嘅肥瘦適中，雞味濃香👍🏻點埋三種醬汁(黑醬油/薑蓉/辣椒醬）真係好好味😋😋🍚油飯充滿雞油香，但唔會太油膩飯粒吸滿雞湯同埋香料既味道，好食咁大碗都比我食一粒都無剩😆🍲雞湯做得唔錯，飲得出一定係冇味精雞湯加埋冬瓜，魚丸，好少覺得呢種湯會好味既，多數都唔飲，但係今次有例外因為真係幾好飲，嗰兩粒魚丸都幾好味▪️半熟蛋配咖吔多士 $ 36🍞為食嘅我食完海南雞飯又想食甜嘢，就叫埋呢個新加坡最出名嘅咖吔多士，多士烘得脆口，咖吔醬唔太甜，啱我口味，加埋兩塊邪惡嘅鮮油，簡直就係絕配，正🥚仲有兩隻半熟

三級歷史建築物中環街市經過多年復修，以活化新面貌同大家見面，吸引多間商戶進駐，由特色食肆、文青小店到生活品味雜貨都有，成為最新美食打卡潮流熱點📍雖然之前嚟行過，但就未試過搵間餐廳試吓🙌🏼地下由多間餐廳，自助取餐環境又幾chill🌴◽️娘惹茶燻鴨 配：雞油香飯及蘇東魚丸雞湯$82一睇到menu上圖片就鐵定要揀茶燻鴨，除咗擺盤好靚外，茶燻鴨都幾特別😋鴨胸鹹香得嚟帶茶燻味，皮脆燒得香脆肉質好嫩滑💯送雞油飯幾夾◽️亞答慢煮豬手飯 配：蘇東魚丸雞湯 $80豬手切片啖啖肉，半肥瘦，有啲肥先好食🤤🤤入口滑溜又帶甘香，炆得好入味，配搭醬汁酸辣好開胃 ，加啲sauce更提味👌🏼◽️串燒拼盤（雞肉.大蝦.魷魚鬚）$78兩個人share啱啱好，一人各一串👏🏻沙嗲醬燒得好香好惹味😋

喺中環返工，最怕放飯時間，就算彈性食晏時間，都係處處人患。我基本上都會按排兩點前後去食嘢，食茶餐平的，但依家好多茶餐都好細份食唔飽⋯⋯今日跟同事兜去中環舊街市，一直冇去過，原來已經改裝好晒。底層好似food court 咁，行咗一轉見好多人食海南雞飯，同喇沙，似乎唔錯，咁我哋就去搵，原來喺角落頭位。啱啱好2:00有茶餐食，特登問佢份量同埋正餐有冇分別，因為同正餐差$10，店員話同一個size ，只係平左。點餐時店員仲特登介紹隔離姊妹店亞答屋，一樣係有茶餐優惠。既然平咗三個女仔就可以點多啲小食點個新加坡大蝦喇沙摻摻，摻摻係油麵加米粉，好大碗，有豆卜魚蛋大蝦蔬菜同蛋，少少辣，重椰汁味。店員重點推介咖吔多士配半熟蛋，估唔到有兩隻蛋，撈醬油點咖吔多食，甜甜鹹鹹咁，啱晒女仔口味。另外在叫咗個串燒拼盤，六寸分別係大蝦，魷魚鬚同埋雞肉，點埋佢個串燒汁好食，但係份量唔算多呢個價錢有啲貴。跟住就行咗去隔離亞答屋買海南雞飯，佢係餐嚟嘅有飯有湯，下午茶先係$68唔怪之有咁多人食。去骨雞啖啖肉份量好多，配油飯同埋魚丸湯，三款海南雞醬都好食。佢哋冇嘢飲跟/賣，如果要嘅話就可以去其他舖頭買，但係現場有冷熱水機，旁

今日來到中環街市去發掘美食，上次吃了一汁一菜，今次決定在地面一層吃新加坡料理。位置：在中環街市地下一層，Citta的店旁邊。環境：櫃位的裝修好像Kaya，可能新加坡餐廳都是差不多或是同一個集團呢？！中環街市地面一層設有室內和室外的座位，室外座位正圍繞一個樹林的中庭，是相當舒服和自然光充足。服務：在櫃位自取食物，其自行找座位，附近亦有飲水機和杯，吃完後亦需自行清理。午市：吉羅大蝦雞肉串咖哩麵$72份量十足，配料豐富，對得起個價錢。湯水是勁濃郁的咖哩，麵是由油麵和粉絲的組合，配料有一隻開邊的大蝦、炸蒜、豆卜、半隻糖心蛋、兩串香茅雞肉和豆角。雞肉的調味十足，不需要點醬汁都惹味，而且肉質細嫩，表皮香口，非常好吃，使我好想下次再試串燒。這個咖哩麵是我吃過最好吃的！半熟蛋配咖吔多士$36兩隻半熟蛋半兩塊半邊的多士，多士是麥色的麵包，烘得乾脆，中間夾住了牛油和咖哋，不過兩塊麵包的咖吔塗得不平均，味道是一樣的甜香。最好吃是兩隻蛋加了甜醬油後，口感滑滑溜溜，又有甜香，我就一口氣吞了😁！