Puppuccino (Closed)

今日假期帶咗一家人同埋狗走嚟將軍澳行吓，見到有呢間好得意嘅餐廳，入咗嚟食，真係有驚喜！呢度除咗狗仔可以自己點餐，食得好開心之外，我覺得呢度啲牛扒超級無敵好食，食到停唔到口！

係香港好難搵到一間好嘅寵物友善餐廳，餐廳職員都好友善，我哋揀坐出面，環境真係好好，乾淨之餘仲好寬敞，大狗都啱去，雖然價錢偏高，但係食物嘅質素都幾好，下次會再黎。

呢間餐廳喺寵物界都叫有少少名，約左幾位朋友仔黎食下午茶，整體體驗唔算太好，如果唔係打住pet friendly既旗號應該唔會再幫襯.✨泰式煙三文魚金桔金柚沙律✨份量唔多，配搭帶點奇怪，感覺似係煙三文魚沙律加d炸蒜同泰式醬汁，醬汁味道ok但得幾滴✨鮮果窩夫雪糕✨缺乏誠意既甜品，來貨窩夫加巢x牌香芋雪糕，價錢盛惠$98！✨Virgin Mojito✨野食都食晒先遲遲上枱既飲品…味道令人極度失望！完全無任何味道，有大量既冰，勉強督一督舊小小既青檸先有少少味，其實就係lime soda (超級淡味版）😟價錢係$68！請問餐廳有無良心？

叫左狗狗餐，四色雞肉燒賣。我自己先試味咸到呢！！！咸到我唔敢比狗食侍應行黎話轉左素雞肉咩料！？餐牌冇寫明係素雞肉！！！「違反商品說明條例」！！好失望！！冇下次！！

坊間嘅寵物友善餐廳，大多數都係唔會focus喺食物質素，因為去嘅客人多數都醉翁之意不在酒，不過今次都有啲令我跌眼鏡同朋友帶埋狗狗周圍搵地方食嘢，今次去到將軍澳，地點有啲隔涉，但係環境好靚，好多俾寵物嘅打卡位，仲有俾寵物玩嘅真雪場。不過呢度openrice，我都係focus返食物我哋點咗兩款食物，all day breakfast 大件夾抵食，百幾蚊已經有多款食物，仲要擺盤擺得好靚另外一個菜式係安格斯漢堡，非常足料，漢堡扒唔似係現成來貨，唔知係咪自己整嘅，牛味香濃。薯條份量大，炸得外脆內軟。呢度嘅食物質素不錯，不過最開心嘅真係隔離左右都係唔同嘅狗狗，我真係又有得食，又有得玩，開心到飛起

之前行過都已經覺得間舖頭好靚，啲staff態度都好好❤️‍🔥今日終於行咗入黎試一試佢！我哋3個人嗌咗串燒拼盤，海鮮煲同燒雞！串燒拼盤有鮑魚好搞笑！味道都不錯！唯獨菠蘿有啲酸😝海鮮煲個湯超正！聽老闆講係用蝦頭煮🤩有隻大蝦好好食🥰最後！不愧係招牌燒雞！真係超正！即點即烤，係等咗20-30分鐘左右，不過真係好好食。雞肉好嫩好香，唔會柴！店員仲會幫手切隻雞，好容易就處理到！所有店員態度都好好，又肯同啲狗狗玩！🙆🏻‍♀️

食物方面，價錢雖然偏高，但份量同價錢成正比。女生可以share一個餐食。環境都幾寬敞。食物質素，我覺得係偏高。我就叫左個甜品拼盤同沙律。沙律好好食，d菜好新鮮。另外個甜品拼盤有waffle,焦糖燉蛋同心太軟。waffle個口感少少脆，裡面好軟，甜度適中，上面有個薄荷雪糕。焦糖燉蛋方面，上面層焦糖都幾厚幾足料，重點係脆得黎完全吾lon,很甜好好食，下面既燉蛋好滑，蛋味加上焦糖的甜味，很好食。而個心太軟，切開流心，仲要朱古力味濃。我覺得對得起個價了。另外地庫有雪場玩！

咩話?香港都有得玩雪☃️ 最近係毛孩界興起一陣去玩雪嘅潮流~ Puppuccino位於將軍澳海濱長廊，主人食完嘢就可以帶毛孩入去零度以下嘅雪場體驗落雪❄️餐廳仲十分貼心，提供雪褸，雪boot比主人添🥰Puppuccino 野食方面真心唔錯，味道好得😍誠意推介all day breakfast , 份量超大，有煎蛋有沙律有薯餅腸仔煙肉野菌，仲有好好味嘅西多士。 另外亦都推介摩天輪set， 當中嘅冬陰功帶子沙律， 配搭好新奇，有少少泰日fusion菜嘅感覺， 亦都有大蝦沙律，柚子沙律等等。 當中有兩款插咗旗仔嘅係寵物可以食嘅食物， 係狗狗可以食嘅漢堡包同埋燒賣， 帶毛孩去一定開心死佢哋， 又有得玩又有得食。PUPPUCCINO📍新界將軍澳唐賢街29號藍塘傲6號舖🕐星期一至日: 12:00 – 01:00

好天氣當然帶狗狗去玩啦聽過朋友介紹 餐廳下層有個寵物樂園諗住帶佢哋一齊開心下可惜有其他狗狗生日租左場🎂不過一場黎到 都要食個lunch我哋有狗狗就坐outdoor 位置都好闊落👍🏻我見到means上既all day breakfast 好似好吸引 於是就落左單而男朋友就見左個焗蠔蟹肉燴飯佢話嗰飯味道唔錯 但有啲漏我既全日餐黎到了我有啲錯愕 因為實在太大份😂完全係可以兩個人食嘅份量而且$148 係十分超值主食係雞扒、魚柳、西多三樣都唔會好乾好柴絕對推薦😋😋😋😋

好食嘅吐司可以係早餐、午餐或晚餐嘅完美選擇。吐司嘅口感鬆軟，外皮金黄酥脆，食起黎非常美味。吐司入面有蛋，鹹牛肉仲有廚師嘅心機🤩！！搭配埋熱飲品，就好似咖啡或者熱朱古力，更加可以增加享受美食嘅樂趣。🔥💗餐廳樓下仲有一個飄雪樂園❄️！！！主人可以帶埋自己嘅狗仔一齊過黎玩🤩～享受快樂嘅時光。飄雪樂園仿佛係一個置身於冰雪世界嘅奇幻場景。喺尼個樂園入面，你可以盡享同狗狗相處嘅時光。仲可以一齊影靚相添！📷

今日係將軍澳食咗個all day breakfast 好好味，行過見到個餐牌148就可以食到！抵食到爆😋😋唔存在貨不對辦👍🏻得閒真係可以黎試吓😆下次試吓其他嘢食

狗狗menu真係長見識，48蚊仲有+1，四粒指甲大小肉丸。張相影得太好，真係指甲大小，狗一秒食嗮離曬譜，中伏！燒雞味道OK，幾juicy。豬鞍就太太太鹹。環境都OK，但千祈唔好叫狗狗menu。

好耐都無寫過食評，原因平時去開既有好多餐廳原來都close down咗，未有時間搵pet friendly 餐廳，今日幾經辛苦終於搵到間，就一家出巡環境：坐位與坐位間唔迫，但枱比較細，對大食又食得慢既蛋糕家族唔太user friendly，外面係寵物公園附近，有好多狗狗同貓貓行過好熱鬧，亦造成衞生問題，vv味都幾濃烈，但呢啲非餐廳問題食物：人食既正常水平，寵物食既好香，黏性太好，澱粉質比較重，黏性太強黐住咗大蛋糕上顎，寵主們要切細啲比寵物食，唔係就好急心急大蛋糕咁搞一輪

半年前第一次去呢間特色的寵物友善餐廳，食物質素好一般，近日見到出廣告，決定比多次機會，相約閨蜜去食午餐，果然有意外驚喜！原來換了大廚😆味道配搭深化了味蕾的層次感👍🏼薯餅最開心可以在雪場奔跑，第一次玩雪感到好興奮，又可以食手工牛肉燒賣和蔬菜燒賣，一邊欣賞風景一邊享受美食，休閒消磨了半日時間

啱啱上嚟嘅法式粗薯，真係一個意外之喜！啲薯條唔似啲普通嘅薯條，佢哋係用啲粗嘅薯條，每條都好似精心揀過一樣，表面金黃脆口，令人一口一口停唔住。啲薯條唔同部位嘅口感都唔同，啲有啲脆，啲有啲軟，啲根本係極品！搭配上啲香濃嘅蕃茄醬，令呢場法式薯條嘅派對更加豐富！接著嚟，麻辣烤雞三文治，咋！呢個真係唔得唔讚！啲烤雞肉片香辣得黎啦，但係唔會太辣，啲香料嘅味道啱啱好，每一啖都係香辣過癮。啲雞肉口感啱啱好，唔會太柴，令人食落真係有咬勁。而啲三文治嘅麵包，啲麵層鬆軟，啲麵包表面微微烤脆，搭配啲新鮮生菜，真係一個絕妙嘅組合！