寬巷子 (Closed)

之前係寬巷子打過邊爐，覺得食品質素好高質，今日同朋友去行海港城，見到原來佢哋有做午市套餐，係成個定食咁，價錢都幾合理，賣相又靚，等我去食吓先紅燒牛筋濃湯麵湯底好濃郁，麵條非常掛湯，索哂湯汁好惹味！牛筋份量都幾多，大大條，煮得好入味，口感滑嘟嘟，入口即化，真係唔錯！碗內仲有冬菇同小棠菜，配料相當之豐富！另外仲配有兩款小食，分別係辣炒酸菜同涼拌皮蛋豆腐！賣相精緻，酸菜好惹味，皮蛋豆腐好有台式風味，真係超正！

跟友人在海港城搵食，佢早一天已book左呢間#寬巷子 ，食台式火鍋嘅餐廳，環境很靚，燈光微暗，地方闊落樓底高，坐得好舒適。食火鍋前先點左2款前菜，麻辣青瓜同麻辣蒿荀，香麻爽口，很開胃嘅前菜。友人想食下麻辣，故叫左鴛鴦鍋，麻辣足料同很香，另一款是滋補雞湯，養生又健康☺️，飲落滋潤。海鮮點左新鮮生猛的大蝦、鮑魚同墨魚，爽口又彈牙。牛肉厚薄適中，肥瘦均勻，輕輕滾滾便吃得。麻辣配寬粉真係好夾，滾得非常入味，煙煙韌韌好正。

Feeling rich? 想搵間環境好裝修靚嘅地方食餐好嘅，可以去呢間要景有景，要服務有服務，食物質素高，花款多，光是火鍋湯底，滋補養生的有椰皇牛乳花膠燉雞湯、松茸羊肚菌燉雞湯和養生白鳳湯（人蔘花膠春雞），食素的可點元珠小染（蕃茄、蘿蔔和蔬菜）或姬松茸、茶樹菇和腰果湯，食辣的可來個紅泥小染（豆腐、鴨血和豆芽組成的四川式激辛煱），就算普通點的貢布豬肚湯（豬肚加半雞）和東方美人（豚骨鍋）也十分吸引吧！至於下鍋或涼菜、滷味和小吃等菜式，都是名字特別，賣相吸引，不但味美，更是給食客帶來視覺和味覺的享受！

鴛鴦湯底 ($338)Yummy同友人咩湯底都想試，叫左紅泥小染（四川激辛鍋）同東方美人 (豚骨）。麻辣鍋麻味夠但唔夠辣，但整體都香。豚骨鍋正常表現。🔥手握壽司滑盛合 ($268)個樣以假亂真，同行友人一度以為係熟食😂😂 盛合係鮑魚/鮮蝦/牛肉/豚肉各兩件，試左鮑魚同鮮蝦😋🥰幾新鮮。枝仔冰彩虹款（$168)用蝦肉，豬肉，花枝整嘅。味道似墨魚滑魚糕果類但唔係特別好食。🔥溫體牛（3oz $298) 見佢人氣之選就叫左，有dd咬口，脂肪少但唔會韌，減脂之選☺️🔥美國牛小排 (3oz $268) 牛小排油脂多又靚，呢度d肉都有d質素。🔥煙燻櫻桃鴨肉串 賣相係普通鴨胸串咁，但食落好有驚喜😍。煮得耐咗個鴨肉都仲好嫩，而且個煙燻味好正，完全冇俾鍋底蓋過。🔥滷香大腸頭 ($78) 前菜嚟講稍貴，但份量多又好淋！大家所專攻呢碟！

冬天的季節就最適合吃火鍋，尖沙咀廣東道3-27號海港城海運大廈地下OT G57號舖有間好岀名嘅火鍋店，賣相精緻又高質，因為寬巷子長期滿座，所以決定買外賣到朋友家吃火鍋。眾多火鍋配料，我最喜歡就是他們的豬肉，每一份豬肉都以玫瑰嘅造型呈現，實在係適合相機食先。當然牛肉都很好吃啦！😋😋手工蛋餃大大件，蛋香足夠，肉餡飽滿，好好吃。😛因為我哋都好鍾意食香脆嘅火鍋，所以都嗌咗響鈴同埋油炸鬼，一邊打邊爐一邊食真係好滿足！

今日同前公司同事食飯。佢地提議食「寬巷子」，因為未試過好期待。好臨時打去book都安排到海景。今次食左鴛鴦鍋-要左「紅泥小染」（麻辣）同「松茸湯」（因為椰皇牛乳花膠湯無哂😮‍💨）-湯底唔算好味精，不過都偏咸，但松茸湯飲左幾啖幾似燉湯好多材料係入面（太多），同埋幾香。麻辣湯個邊幾細心，佢幾麻辣材分隔左，唔會平時咁食到好多辣籽。食物點左1）黑毛肚-無腥味，好新鮮唔會淋。2）溫體牛-同台灣有分別，我諗始終都係運過黎，做唔到溫體牛感覺啦😂3）牛胸油-同事要求，試左二片比想像中好食同埋唔係好油，反而好似筋膜熟左咁有咬口（我從來未食過呢樣）4）壽司滑-即係海鮮放上面而蝦+墨魚滑放下面，蝦滑幾彈牙同食到海鮮甜味，同埋食到粒粒墨魚，幾欣賞呢點。5）王子麪-從未食過既即食麪，佢幾似彈牙點既福麪，放落松茸湯幾好食，唔會因為煮住耐左而淋左，但幾貴，得咁少。6）鵝腸-好新鮮但得好少（十條？）大家都食得唔太飽但台式火鍋黎講算幾高質，只係性價比不大，因為所有野都好精緻，如果大食既可能真係打個底先，唔係既話會唔飽😂店名：寬巷子 (尖沙咀)地址：尖沙咀廣東道3-27號海港城海運大廈地下OT G57號舖人址：hkd 5

依家間餐廳嘅台式火鍋，真係好出名，一個咁靚嘅環境，再加上打邊爐嘅氣氛真係好夾。之前我同朋友都喺呢度食過佢哋嘅台式火鍋，確實係唔錯嘅。今日我一個人經過呢一度，冇理由一個人打邊爐㗎，坐低睇一睇午市定食，就決定咗食依個台式滷肉飯定食。滷肉飯嘅份量其實都幾多，佢唔會太鹹，另外都好鍾意佢哋嘅蒸水蛋，真係好好味好有蛋香嘅味道！一個定食有大大碗飯，食完真係好飽！估唔到呢度嘅定食都有返咁上下嘅質素，同埋喺尖沙咀來講可以食到咁足嘅定食其實都幾正！寬巷子 (尖沙咀)尖沙咀廣東道3-27號海港城海運大廈地下OT G57號舖

☀︎ 𝗦𝘂𝗺𝗺𝗮𝗿𝘆：人氣台式火鍋台，以驚艷嘅視覺系而聞名每每款式賣相極之精緻於台灣一直備受台星嘅支持而黎到香港插旗，支持率更極速上升選址係尖沙咀海港城望向無敵大海景，再打邊爐真係好有Feel呢.◈ 牛肉及綜合肉類盛合美國牛小排，鮮嫩多汁，肉質細膩，有嚼勁牛肉的香味非常濃郁牛肩油花風味佳，肉質結實，品質好入口爽嫩，牛味濃郁色澤及紋理分佈均勻，看著便有食慾.◈ 牛肚牛肚口感脆爽，吸湯力更係一流.◈ 蔬菜籃只係簡簡單單的蔬菜籃擺盤都可以咁精緻砌成一個花籃般，令人吾捨得食左佢😂

繼續喺尖沙咀海港城打滾，因為係一個咁高尚嘅環境之下，每一間餐廳都顯得格外吸引，人多嘅時候一齊圍爐打邊爐真係點賞心悅目又開心又溫暖，所以心動就不如行動😍喺肉類方面絕對要推介一朵朵好似玫瑰嘅叫做玫瑰支香，🐷實際上就係豬頸肉，當然豬頸肉除咗可以用來燒之外，就算用嚟打邊爐就會顯得更加嫩滑，🐷油脂花紋分布好平均，隱約仲有一種和牛嘅感覺🐷而呢一度嘅創意亦都非常十足，就好似長方形四四方方叫做鳳梨酥，🍍但其實裏面當然唔係台灣嘅鳳梨酥， 🤣而係用咗手工豆腐再加鮮蝦豬肉同埋花枝滑整成，🤤形成一個好似鳳梨酥嘅size，幾種配料，夾埋一齊所形成嘅味道係絕對嘅鮮甜同埋爽滑🦐最特別嘅莫過於喺火鍋店都可以食到高質壽司（但係係用嚟打邊爐嘅）， 🍣軟體真係一嚿嚿壽司，但其實好似壽司飯嘅嗰一舊，其實就係用鮮蝦同埋花枝整成，🦑望落去都係白雪雪真係可以以假亂真，味道上同樣都係有種嘴裏的盛宴咁樣，誠心推介🦐寬巷子 (尖沙咀)尖沙咀廣東道3-27號海港城海運大廈地下OT G57號舖

♡ —————— 𝗗𝗲𝘁𝗮𝗶𝗹𝘀 —————— ♥【餐廳】寬巷子【地區】【類型】【價位】中價位【用餐時段】晚市【餐廳主打】台灣手工火鍋，玫瑰板松豬，冬甩子，枝仔冰【𝗛𝗶𝗴𝗵𝗹𝗶𝗴𝗵𝘁】喺香港開設嘅第一間海外分店台灣火鍋────────────────────【特色火鍋湯底】。湯底熬煮至少三小時。湯頭濃厚，鮮甜無比。最大亮點係玫瑰形狀砌的肉片。擺盤極之吸睛，靚到吾捨得食左佢🤣.【玫瑰松阪】。新鮮的豬肉片做成玫瑰花的形象。真係美觀得極其誘人。豬肉肥瘦適中，肉味也非常濃厚.【蔬菜盤】。同樣比到人驚喜。如藝術般的擺設，一睇就知落足心思。蔬菜綠油油的，新鮮度不錯────────────────────•• ┈┈┈┈┈ 𝗦𝗘𝗘 𝗠𝗢𝗥𝗘 ┈┈┈┈┈ ••【地址】尖沙咀廣東道3-27號海港城海運大廈地下OT G57號舖【分店】N/A【℡】31882840【營業時間】星期一至五 12:00-22:30星期六至日 11:30-22:30

好耐無同媽媽去打邊爐啦！宜家天氣咁凍，最啱同佢食個暖笠笠嘅邊爐㗎啦！香港嘅台式火鍋好多都一式一樣，之前我試過有d環境靚，但食物質素麻麻，有d就相反，但始終未有一間我覺得有齊呢2樣嘢嘅！但海港城呢間寬巷子就有齊呢2樣嘢，而且d擺盤都好靚！連媽媽都忍唔住不停打卡影相！佢重話下次要帶佢再嚟！不過由於呢餐都唔平㗎，所以或者我都係等母親節再帶佢嚟啦！另外，好特別嘅係，呢度除咗火鍋之外，重有刺身壽司食，d 刺身非常新鮮，連媽媽平時唔點食生野嘅，都一食再食！

環境有著懷舊的氣氛，望著維港，的確大滿足！食物方面亦落足心思，不論是擺盤，還是味道，也是高質的，令人吃得飽飽又開心！人氣推介是人握壽司滑，光是賣相已經很吸引，像壽司一樣的賣相！簡直是餐廳的創意料理！👍🏻👍🏻👍🏻新出的糖葫蘆也很心思！由海蝦和豬肉製成的創意料理，的確很特別！就連蔬菜盤也滿有心思和創意，就像藝術品一樣，設定為花藝庭園，以法式插花浪漫風情為主題，結合清新自然的健康味道，是觀感和味覺的大享受！

呢間寬巷子喺台灣過江龍係一間好高質嘅台式火鍋店以精品火鍋而聞名 一直都想食好耐終於約咗朋友一齊食好吸睛嘅靚靚湯底 少女心爆發湯頭入邊有幾朵花朵造型側邊仲襯托住玫瑰花瓣 賣相滿分真係超靚 同朋友瘋狂影相 呃like一流火鍋配料都好有睇頭 食物架好似摩天輪造型咁擺放得超精緻 好似一件藝術品咁食材都好新鮮高質 叫咗一碟牛肉牛味超濃郁 真係好正店員服務態度好好 配上靚海景食完呢餐飯真係好滿足🍴寬巷子📍尖沙咀廣東道3-27號海港城海運大廈地下OT G57號舖

呢間位於尖沙咀海港城高質台式火鍋店，我已經想食好耐🥹🥹 終於約到朋友同我一齊去食！我哋一早book咗枱，當時都冇特別話要求要窗口位 不過好好彩去到店員安排到俾我哋🥰叫咗鴛鴦湯底，有辣有唔辣😋 個人覺得必點墨條牛軋 手工蛋皮，好台式🇹🇼🇹🇼🇹🇼壽司滑盛盒 好有睇頭 特別又好食….牛肉方面 叫左幾款，上台好靚 拼到玫瑰花🌹咁，打卡岩哂🤭 店員都好貼心提醒每款牛要淥幾耐時間，我自己就鍾意油花多啲既牛小扒，滑啲 肉味又夠。體溫牛喺香港唔多地方有得食，真係好濃牛肉味嘅😋雖然價錢中上，不過環境真係好好 食物又好精緻，如果真係想食餐好啲嘅 慶祝吓或者同朋友搵間打卡餐廳去食 性價比都可以。暫時仲未去到旅行嘅朋友 去食一轉就好似去咗轉台灣打邊爐咁 正👍🏻👍🏻

今天經過尖沙咀，超級想吃一些麻辣火鍋，暖暖身子，聽說寬巷子是台灣品牌，連鎖店，品質有保障，特意過來嘗試一下。環境優美，服務態度很好，坐下之後就想著舒舒服服大吃一頓最愛的是鴛鴦鍋，辣鍋刺激味蕾，豬骨鍋滋補養生。上等的牛肉和豬肉，用筷子夾住，涮幾秒就可以配上醬料大快朵頤了。還有刺身拼盤，簡直就是結合了所有美食與一體。刺身很新鮮，肉質鮮嫩，擺盤精美，適合打開發圈。還有很多其他美食，鴨血豆腐，肥腸等等，值得嘗試。