QUE (ELEMENTS圓方)

Open Now

Now Closed

这家餐厅真的环境真的太棒了！QUE这家餐厅的位置真的太好啦了，很适合白领打工人，就在九龙站出口ICC，里面很适合跟朋友聚会谈事情！ 我们点了他家的幸福二人套餐，主食点了牛肉乌冬，前菜点了炸鸡翅，我们选了海胆塔，这个海胆塔真的很推荐，上面铺着一大块海胆，配上紫菜脆，口感很不错。套餐里还有两个串烧，分别选了牛舌和鸡肉，最后选择了他家两杯颜值超高的特饮，白桃🍑特饮和番石榴特饮，整个很赞！ 大家可以试试！大人小孩都合适！

.‼️❤️ 記得CLICK我PROFILE關注我呀 ❤️‼️.🍱 西日FUSION二人套餐 @ 🌟 QUE 🌟.💁‍♀️ 圖片展示美食為：二人套餐 HKD 588- 牛肉他他 + HKD 48- 松葉蟹肉海鮮茶碗蒸 + HKD 48- 月見免治雞肉棒- 燒牛舌串 + HKD 18- 大蝦什錦天婦羅- 鰻魚玉子壽司塔可- 海膽壽司塔可 + HKD 88- 京都宇治抹茶提拉米蘇盒子- 香桃富士梳打 + HKD 38- 石榴泡泡綠茶 + HKD 38.👽 最鍾意約埋朋友仔一齊黎呢度坐得舒舒服服聚下，最方便唔洗選擇困難症就當然係嗌呢個推廣緊嘅「二人套餐」啦！有齊：前菜、燒物、主食、壽司TACO、甜品、飲品，超抵呢。.🥗 首先上嚟嘅就係前菜「牛肉他他」，牛肉非常新鮮，好嫩滑，配埋鱈魚片煎得香脆，紫菜片帶嚟淡淡鹹味，剛好襯托牛肉他他嘅鮮味！.🦀 加配左「松葉蟹肉海鮮茶碗蒸」，蟹肉鮮甜，好滑嫩，暖胃之選。.👅 接住係兩款燒物，揀左「月見免治雞肉棒」同「燒牛舌串」。前者雞肉軟嫩，配上蛋黃，味道好香濃。牛舌就燒得熱辣辣，少少香脆，保持彈牙，配上燒汁好高質。.🌮 比較特色係呢個創意滿滿嘅「壽司塔可」，融合壽司同TA

松葉蟹肉甲羅燒意大利飯冇諗過喺意大利飯入面嘅甲羅燒可以咁好食，濃濃嘅蟹膏撈飯本身已經係一大享受，再加埋佢細滑意大利飯，兩種順滑嘅口感喺口中昇華，再配上清甜嘅蟹肉，簡直係絕配香蔥拖羅蓉甜蝦蓉溫泉蛋丼健康嘅選擇，拖羅蓉好味，整個飯質感非常之好，完全唔會覺得肥膩。如果配搭其他重口味嘅主食，其中一個叫呢個就非常完美。特濃朱古力芭菲打卡一流，望住朱古力醬慢慢從上面嘅朱古力溶落去，視覺效果冇得輸！芭菲黎講都有啲料到，唔會話好甜口，入口係順滑。

嘩😍～好夢幻的下午茶呀(⁎⁍̴̛ᴗ⁍̴̛⁎)/原來𝐒𝐎𝐅𝐈𝐍𝐀與𝐐𝐔𝐄聯乘合作🤝，推出期間限定的🩵𝐑𝐞𝐟𝐫𝐞𝐬𝐡𝐢𝐧𝐠 𝐒𝐮𝐦𝐦𝐞𝐫 𝐀𝐟𝐭𝐞𝐫𝐧𝐨𝐨𝐧 𝐓𝐞𝐚 𝐒𝐞𝐭(≧▽≦)，作為𝐒𝐎𝐅𝐈𝐍𝐀的粉絲，又是𝐐𝐔𝐄的常客，當然要去試試啦～下午茶有兩款，可以選提拉米蘇或甜筒🤤! 我選擇的🍮炭燒咖啡提拉米蘇盒子，好幼滑好有咖啡香～而以𝐒𝐎𝐅𝐈𝐍𝐀 𝐢𝐏系列作為創作靈感的🍍藍柑香桃菠蘿沙冰，則好清新好清爽呀～套餐會贈送𝐒𝐎𝐅𝐈𝐍𝐀 𝐢𝐏肌底修護精華體驗套裝🧴，有𝐒𝐎𝐅𝐈𝐍𝐀 𝐢𝐏 土台美容液 𝟑𝟎𝐠、角質層修護凝露 𝟑𝟎𝐦𝐥及𝟐片緊膚彈力注入精華液體驗裝，好抵呢!! 皇牌土台美容液，有助增強肌底血液循環，解決各種肌膚問題，打造夏日水漾美肌哦(≧▽≦)/💕價值$𝟐𝟓𝟎㗎，用完後皮膚靚靚，好好用呀～只限𝐐𝐔𝐎的尖沙咀圓方、旺角新世紀廣場 及 銅鑼灣希慎廣場供應哦～

意外發現呢間餐廳嘢其實都幾好食，啲牛扒好軟，個飯調味都唔錯，係有少少偏淡。另外呢個蟹膏撈飯好濃味，不過有少少漏。白桃梳打正常發揮，好飲嘅！意外趣事係朋友叫咗杯啤酒，有個新嚟既侍應，倒啤酒倒到成個杯都係得翻泡，仲瀉曬岀嚟。我睇到呆左之滯，一個senior立即拎新一枝倒翻比我地，哈哈！不是廣告文。

有個下雨天的週末，行尖沙咀圓方 ELEMENTS，無意中發現日式 Cafe <QUE>！後來，上網 check，已有其他分店，相比之下，圓方分店幾大又較 Grand！店內播放日文歌，餐桌之間空間充裕，讓食客在輕鬆舒適環境享用美食！Menu松葉蟹海膽醬壽司塔可 $88第一次食日式壽司塔可 Sushi Taco， 炸紫菜夾住暖暖地嘅珍珠米飯，加入沙律菜混合子薑汁、滿載青瓜、熟松葉蟹肉、熟帆立貝絲、蟹籽，配海膽醬，鮮味滿載又幾特色！京都宇治抹茶芭菲 $108有得食有得玩， 把熱抹茶醬淋上白朱古力杯，白朱古力杯隨即溶融溶化！ 抹茶醬流到芭菲上，整份甜品入口不會太冰冷，卻為口腔帶來涼快感！熱靜岡有機抹茶鮮奶 $58水溫把抹茶清香發揮出來，可惜甘味不及京都宇治抹茶芭菲呢！

行開圓方，見到呢間餐廳，認得個名好似近來都開咗好多間咪試試囉！入到去坐低，餐牌又比錯都算，但係完全冇服務，我以為呢啲高級商場服務會好啲但係完全錯晒。員工多，客人少，但冇人理！職員掛住聚埋一齊吹水，舉手要杯水2分鐘都冇人理！又難怪嘅，個場咁大都冇客，我都唔知佢點做食物中規中矩，份量不多，食完之後立即口渴，應該勁多味精。牛肉有肉味嘅但係起碼一半係啲筋多到咬唔開…..咁嘅價錢純粹坐得好啲（因為根本冇客好安靜），但係每人$200都食唔飽，自己諗我就冇下次

兩個女仔撐枱腳本身諗住要個二人套餐但驚食唔曬最後都係散叫個人覺得冇乜特別唔係特別好食亦都唔係特別難食慶幸冇叫做套餐😂呢個價位嚟講我期望會高啲甲羅燒海膽意大利飯正正常常，我覺得加啲鹽吊返啲味出嚟，會好食多少少，有少少唔夠濃龍蝦湯烏冬個湯都幾濃

原來Element冇一間齋食甜品又坐得舒服嘅餐廳，經過Que，見到menu有甜品，就入去試吓。其實之前已經喺東涌分店食過，不過係鹹食，唔錯嘅，今次就試吓佢嘅甜品。裝修都係好精緻，位置寬敞，整體感覺上好舒服乾淨。呢個清酒柚子tiramisu有驚喜，吸管係好淡嘅清酒，加咗係有少少酒味。食落去有柚子嘅清新，綿滑嘅cream，同埋有我鍾意嘅麻糬，少煙韌拉絲多，口感同味道上都好match，好好食，又唔太甜。草莓雲呢拿蛋糕，相比之下，呢個比較普通少少，但都好食。 以為白朱古力mousse會好甜，食落又唔係喎，可能加咗草莓啫喱中和番，海綿蛋糕都好moist，整體嚟講都好食。之後再叫咗杯貴妃白桃沙冰，味道都唔錯，有桃味，好清新。Que除咗鹹點好食，連甜品都好有驚喜，可以再回頭嘅餐廳。

Que嘅幾間分店，都係高品質帶新意變調嘅日基料理，裝修食物飲品都，亦好適合我呢啲重質素同健康嘅中產嘅消費。可惜昨日嘅輕食，其中點咗串燒牛舌。三塊厚切嘅，全都非常韌，完全係食材選擇處理同品控嘅問題，與燒烤工藝無關。一條牛舌，修改好後，合適嘅部位只能做到四客份。強用次等部位入饌，只會做壞名譽。見微知著，食物最重要係食材同烹藝嘅配合。擺碟呀，擺設呀，顏色設計等，雖新穎吸睛，亦只係小道手法。

第一次去呢間位於九龍站圓方嘅餐廳，Que. 去嗰日係聖誕節，好多餐廳都要等位。咁啱經過呢間見到唔使等位，所以就去呢度試吓。呢間係一間日式fusion餐廳。餐廳環境舒適、優雅。龍蝦湯手打烏冬好味！👍😋烏冬好煙韌，龍蝦湯底都不錯。香桃富士梳打＄58. 味道清新。抹茶tiramisu. 本身我係好鍾意食tiramisu的。呢個抹茶tiramisu 味道都唔錯。佢有支細細支嘅rum酒係自己唧落去蛋糕入面食。酒味唔會太濃。餐廳有兩位女職員嘅服務態度好好，有禮貌。

嘩！今日試咗間超正嘅fusion餐廳，食物真係有驚喜，令人目不暇給！🤩首先，佢地個三色魚生超正，新鮮到彈牙，食落去滋味爆炸，真係鮮美得滯！軟殼蟹意粉就更加賞心悅目，脆脆嘅蟹配上濃郁忌廉汁，順滑得嚟唔會太膩口，正到不得了！再講下佢地嘅軟殼蟹塔可，賣相勁吸引，食落又夠晒口感：外脆內軟，香口得黎唔覆會攰噏，攞食物嘅創意諗法真係要拍手叫好！至於甜品，靜岡縣紅茶芭菲香甜得來清新，超切合散步後嘅甜蜜時刻。每樣菜食落都一流，搶晒鏡！坦白講，佢哋嘅環境同服務都一流，員工親切，唔會催你快啲食，可以慢慢享受。整體上嚟講，呢間fusion餐廳真係值得推薦，食物味道夠層次，又能俾人一個舒服嘅用餐環境，下次有機會，我一定會再嚟！👍🏻🍽️🌟

入座時人唔算多，落單叫左一個牛肉烏冬，一個海鮮烏冬同一杯梳打。等左陣大約13:02牛肉烏冬就到左，一路食嘅時候，亦多左3 枱入座。到我食完，另一個烏冬以及梳打仍未到。過左陣，我地向著白衫嘅侍應查詢，侍應話人多，所以要等耐啲。然後大約13:15，一位短髮著黑衫嘅女服務員問「係咪黎哂野啦？」語氣態度似係想趕我地走，所以我地向佢提出仍有食物飲品未到。再過一陣，約13:20，同樣嘅海鮮烏冬送到另有一枱遲黎嘅客人枱上，大約13:24我就向短髮女服務員查詢，佢以唔禮貌嘅態度同我講「出單機壞左氣張單冇左呀嘛！」我指出隔離枱比我遲黎，佢就唔耐煩地指出「人地同你唔同呀嘛！」明明隔離枱一樣食海鮮烏冬、一樣有男有女，唔同嘅係佢地有4人，我地兩個，佢地係大陸人，我地係本地人，究竟短髮女服務員指嘅唔同係咩？所以我就向當時餐廳經理J 查詢，但J 多次迴避，亦選擇係同我有眼神接觸後於人流不多的時段躲係某張沒有客人的枱後，直至我再次向佢揮手佢先紓尊降貴來招呼我。我向佢查詢咩為之「我同人地唔同」，J聲稱唔好再為呢件事講落去，另外亦聲稱，由於出單機問題，所以就算我早黎，但我張單出唔到，變左要再排過，要排係遲黎嘅人後面。縱

聖誕節正日，同屋企人叫咗4個套餐，分別包括：前菜，沙律，刺身壽司，湯，蒸蛋，串燒，主菜，甜品，餐飲，餐飲同侍應表示之後再落單，但等了45分鐘先開始上前菜，過多10分鐘後才上沙律同刺身壽司，想叫侍應落埋餐飲單，足足叫咗4次先肯過嚟，食完等咗20分鐘都未有人收拾，其餘食物都仍然未有，通知侍應通知咗3次都只係得到回應：「今日係比較忙，太多客人了」但侍應講既同時就只係一路執枱一路安排新客入座，完全無去跟單，後來過多5分鐘先有湯，蒸蛋同串燒，食完又等多20分鐘都未上主菜，17:35入座，19:30都未上到主菜，前後總共7次向侍應反映上菜好慢，都無任何人認真處理，有侍應甚至乎只係點一點頭就走開！！期間旁邊兩張遲過本人入座既客人，其中一張枱更加係超過10人，都已經結帳離開了，我同屋企人既主菜都仍然未上！最後要再向一位管理層既職員反映，先可以係19:40上到主菜！最後餐廳方面雖然有提供免費甜品作補償，但已經補救唔到對餐廳既負面評價！埋單結帳時都仍然有出錯，經理收錯金額，要一等再等，成場飯局花近3小時才完成，嚴重影響當晚既行程，原定飯後既慶祝活動都要一一取消！！餐廳環境侷促！職員服務態度差！食物質素一般

門口經理態度惡劣，店舖內有空枱加我們站在門口靠邊位置，但係經理大大聲趁人出去，我們之中還有小朋友受到驚嚇，而且他只是講唔好意思，唔好意思非常之大聲，沒有講出他到底想我們等一等？還是想我們離開門口位置？還是想怎樣？過程中還想手想推我們！還好，我們下意識向後蹆避開了，重點是有小朋友！其實過程中，它可以正常聲線要求我們等一等還是離開門口位置？他10分激動狂躁，瘋狂的對我們講唔好意思唔好意思，咁唔好意思到底是什麼意思？加上身體動作，令人非常不安和遺憾