Video
Introduction
QUE是一間日式和西式融合的Café，提供不同類型令人無法抗拒的美食、寧靜的氣氛環境。每道菜式，都融合了特色食材和獨特香料，震撼您的味蕾和擴闊您對美食的想像。QUE致力為您提供真誠服務和創意美食。
continue reading
Opening Hours
Today
11:30 - 22:00
Mon - Sun
11:30 - 22:00
*Last order: 21:00
Above information is for reference only. Please check details with the restaurant.
About Reward Scheme
今日來到元朗，約埋一班朋友食晚餐🥰我哋揀選了好受「打卡界」歡迎的QUEQUE是日本餐廳，不過環境及食物感覺比較新派👍🏻🔹軟殼蟹壽司塔可🔹辣味三文魚壽司塔可🔹鰻魚玉子壽司塔可壽司塔可有五款不同配料，我哋揀選了當中三款！軟殼蟹炸得好香脆！上面配上少少辣汁，蟹籽份量好多，絕不吝嗇😍！鰻魚玉子好惹味，兩樣配料配搭好好！同樣辣汁都係精粹🥰辣味三文魚好厚身，亦都好新鮮！外層紫菜脆卜卜😍🔹軟殼蟹意粉個醬汁好香好濃，軟殼蟹份量好大，超級好食，下次都必再食🥰🔹鹿兒島豚肉生薑燒湯手打烏冬這碗幾適合小朋友食，個湯底好味！豚肉嘅份量亦都算多！🔹松葉蟹味噌甲羅燒燴飯 配海膽忌廉汁個汁簡直一流！燴飯感覺唔會好硬！好Creamy！大推這個👍🏻👍🏻👍🏻🔹炸薯條配煙肉，京蔥絲木魚絲薯條正正常常，冇特別！🔹特濃朱古力沙冰都係正常朱古力沙冰，好飲💕
continue reading
戲院就喺餐廳對面，睇戲前近近哋就試呢間。餐廳好多貓貓佈置🐈而且周圍都幾寬敞，坐得幾舒服。太多選擇，唔想諗所以點咗2人晚餐-有蘑菇餐湯，比較杰身-脆炸單骨雞翼配辛明太子醬：雞翼幾香脆，正正常常啦雖然係辛明太子醬，但我覺得食唔出辣味-溫泉玉子卡邦尼意粉：份量都好多，意粉唔會煮到好淋，都ok-燒春雞配芥末薯蓉：正常發揮，醬汁略嫌太鹹。如果將薯蓉伴碟會好d，放喺燒春雞個底比較油-甜品揀咗朱古力甜筒：一般般，無乜特別，明白始終唔係甜品鋪整體每樣食物都係普普通通，呢個價錢，符合呢個質素。我哋坐卡位，好闊落，所以好舒服👍🏻一邊傾計，一邊享用晚餐，都唔錯。有信用卡優惠減$50，2人$438，人均$219
continue reading
經過見到呢間餐廳有啲貓貓嘅裝飾，同埋門口餐牌有個貓耳朵粉做招徠，作為貓奴嘅我即時心心眼不過到落單既時候侍應話冇晒貓耳朵粉轉咗做長通粉🔸黑松露雜菌長通粉 🌟🌟🌟味道唔差，不過啲通粉有啲硬..同埋一落單就即刻上枱，$128 食預製菜， 溫度微暖🥲🔸燒春雞🌟 $158賣相唔掂，黑過舊炭～ 啲肉好柴，隻雞都好細！出面二百零蚊已經有一隻🔸肉眼扒🌟$238嗌5成熟，出黎起碼9成熟吧其中一個杯未飲已經有唇印.. 呢間野永不錄用加一服務費
continue reading
QUE 位於YOHO1是一間日式西餐廳，最可愛之處是提供一個寜靜的環境讓毛孩也可以共聚，當然他們的食物也很有特色及水準。蒜香柚子胡椒蜆肉意粉（$118)那陣清香又清新的汁醬帶出蜆肉的鮮甜，蜆肉飽滿，意粉做到 al dente ，口感很好。汁燒鰻魚枝豆意大利飯（$158)這個飯用濃香來形容，鰻魚結實好味，意大利飯恰到好處米中心還有點點白-正宗，還配上枝豆及鰹魚片。套餐有一個小食及沙律或餐湯，是日餐湯是椰菜花湯很甜美。柚子清酒提拉米蘇盒子配柚子麻糬($82)麻糬Q彈又有醇香的清酒味道，令整個甜品增加層次。
continue reading
💫漢堡扒全日早餐配甜番薯+煎蛋+柚子荷蘭汁+bagel+松露醬好多配菜超豐富！🤩漢堡扒厚實而且多汁🤤 個蛋仲要係流心嘅～🍳沙律配柚子汁可以解吓漢堡扒嘅油膩👍🏻雖然番薯係好食嘅不過我覺得有啲多餘😹覺得可以當係一個小食而唔係bagel嘅配菜🤔Bagel軟熟有咬口😆 松露醬喺漢堡扒底而且份量有啲少😢 有好似冇咁🙂↕️不過整體嚟講係一個唔錯嘅配搭！-💫開心果抹茶豆腐沙冰呢款我就完全唔推介🥹首先佢開心果味真係超級淡😢我飲嘅第一啖基本上唔覺有開心果味🤔淨係食到啲豆腐花同埋少少嘅抹茶味仲有抹茶味都唔係好重…簡單啲嚟講就係豆腐味>抹茶味>>開心果味而且價錢仲要幾貴吓😣所以真係冇咩必要試😭-💫抹茶提拉米蘇盒子呢款甜品見好多人都有食過！上面係滿滿抹茶粉🍵佢仲會配埋少量酒～ 加埋會有少少苦味但係好正！啲cream cheese好smooth好順滑🤤入面仲有啲紅豆增加口感🫘最抵係有層海綿蛋糕索晒抹茶好濃味🙈缺點就係四個角嘅部份唔係好食到嗚嗚！🥹（好味嘅嘢係唔可以浪費㗎！）-食物質素都OK嘅價錢都比較偏貴💰同埋唔係話特別有驚喜🤔另外店員嘅服務態度唔係咁好😢叫咗幾次幫我加加水都冇咗件事…但轉個頭就同其他人傾偈🙂↕️又好似唔係好不滿咁（？）可能佢嗰日心情唔好啦…不過下次應該都唔會再去食😣-整體評價：3.6🌟
continue reading