Video
Opening Hours
*截單時間 8:30pm
Mon
Closed
Tue - Sun
11:00 - 22:00
Above information is for reference only. Please check details with the restaurant.
Recommended Dishes
🥘搵到寶！隱世泰國美食挑戰味蕾。係這家《80后》店裡面，食到幾款好正既泰式料理，每一樣都令人眼前一亮！先講講佢哋個泰式炸蝦餅啦，每一件都炸到金黃酥脆，同時間內藏秘密武器—鮮香彈牙既蝦肉。啖啖咬落去，咸香中帶出海鮮既鮮甜，真係口感層次分明到不得了！再嚟就係泰式湯河粉，好本地既食法，特別係選咗炸豬肉，啖啖肉感，外皮炸到剛好，有咬口又唔會過火。啖啖脆香，肉質中帶少少甜，同湯底既酸辣完美融合。話時話，呢度既飲品都不容小看，佢哋個泰式咖啡就真係頂呱呱！濃得嚟又唔膩口，加埋特別既香料味，飲一啖真係精神為之一振。總之，呢度既飯菜質素穩定，又有種種新鮮嘅味道體驗，無論係老饕定係想change下口味既朋友，都值得黎試吓。🌶🍽🥤
continue reading
啲餸菜非常多味精，非常之咸。咸到食唔落！我叫咗一個生蝦，椰汁雞湯，一個小食併盤，什菜，咖哩飯，炒金邊粉，雞翼同生菜包！就連生菜包既肉碎，包住菜都非常之咸。生蝦係唯一正常既！鍾意濃味既應該會接受，如果唔係既話，我勸你唔好試！
continue reading
今日同朋友去左井頭村撐艇，第一次玩撐艇的我表示攰到飛起。收拾完物品後，我地就在井頭村附近找野食。於是揀左呢間隱世的泰式餐廳。唔知係咪太攰和太餓的原因 ，覺得野食都好好味，而且非常好抵食 😋平時在市區食呢個份量應該要每人200-250先落到樓，但個日我地成餐只係比左$260。勁抵食，而且食物質素唔差和份量比相像中的多。在附近玩完，值得入去試一試。1.泰式生菜包2.冬陰公豬頸肉湯金邊粉3.泰式炒蜆大排檔的炒蜆就食得多，唔知係咪泰式的緣估，佢既醬汁是與大排檔的不同。但相同的係都係非常有鑊氣。4.魷魚鬚酥脆內軟的魷魚鬚，即叫即煮，熱辣辣，唔似番炸。5.泰式龍眼冰6.鹹檸七
continue reading
💓隱世家庭式泰菜💞推介指數 ❤️❤️❤️❤️❤️食泰國菜好多人都去西沙路或者西貢市中心，人多車多特別疫情下weekend同埋假期都旺過旺角。想chill 下又想體驗下村屋環境，可以去井頭村搵食，仲有free parking。由80后開張幫襯到而家好幾年，向以下情況就會去食，例如諗唔到食咩、唔想搵食咩、唔想去同人逼、唔想煮，基本上即係飯堂！店舖位於村屋地下，以家庭式經營，座位有室內同室外，價錢相宜而且食物質素有水準又穩定，仲有係即叫即製，全部熱辣辣出哂煙，小心辣口呀！✨泰式炸蝦餅 HKD65炸蝦餅有5大舊，每舊仲大塊過檸檬，質地彈牙酥香又唔油膩。✨泰式湯河粉 HKD38推介炸豬肉，新鮮即炸，外層脆卜卜、仲有啖啖豬油香，好好食！除咗面層嘅芫荽，入面仲有雜菜㗎，有菜芯、椰菜同生菜，絕不馬虎！餸料可以揀牛丸、札肉、雞絲、豬頸肉、炸豬肉、肥牛同蝦，每多一款餸都係+HKD8。粉麵可以揀河粉或者金邊粉、改冬蔭功湯底+HKD5。配凍熱飲品+HKD6，想揀特飲+HKD12。✨泰式炒粉絲 HKD54嚟哩度食炒嘢，第一係夠鑊氣，第二係火喉炒得啱啱好。炒粉絲條條分明，配料仲有好多蝦米仔、肉碎同椰菜。而且價錢仲送例湯同嘢飲，例湯多數係冬瓜湯煲得夠火喉，仲有家嘅味道。✨泰式凍檸茶橙紅色嘅茶底唔係色素，用上泰國紅茶味道清新。✨泰式凍咖啡味道濃厚，質地順滑。總結：-食物 ❤️❤️❤️❤️❤️環境 ❤️❤️❤️❤️🤍服務 ❤️❤️❤️❤️❤️.··餐廳：80 后 (西貢)地址：西貢西沙路三杯酒井頭村80號地舖
continue reading
喜出望外嘅價錢，可以食倒好味的泰國菜，雖然選擇唔多，勝在行出去就得。我最喜歡的便是想食蝦片，又唔想一次過食一大包，這裡就最好。今日食了梅菜扣肉飯，以後我唔駛出去旺角泉章居排隊啦，這裡更方便、更好味
continue reading