R66 旋轉餐廳 (Closed)

我食過一次甘大把o者,就係阿媽生日請佢食的嘩~睇住個甘靚的境食飯真係開胃dd野好正丫,不過我去個時佢係以意大利式做主題的最記得有tcby任食不過轉完一個圈之後就覺得好頭痛,好暈,唔想再望出面lu....ha

boxing day見lunch buffet $168咁平就同女友尼試下.一行到入去...如果唔係望下個地下真係唔知佢係到轉緊...慢到都唔覺佢轉緊.好彩lunch唔多人,我25號先book都有靠邊位.頭六十分鐘d 服務真係幾好,收碟收得好快.個view 係好正.但係d野食就唔掂.個湯勁難飲,好似唔識調味咁,d 刺身唔refill.出完一次就無唒.不過d 青口就算幾新鮮,不過唔夠大隻.d熟食又唔掂,得個最簡單既豆腐煮得幾滑.上菜又大意,白汁蔬菜個牌係寫住白汁海鮮.d 菜唔理熟定係沙律個d 都係苦既,可能唔岩季節.沙律d 汁係幾好味,可惜d菜全部苦浪費唒.d 甜品又唔好食,豆腐花又唔滑,d 咖里又有怪味.d 生果又唔甜.d 旦糕又鞋口.到大約一點左右d waiter 開始懶,唔收碟,要叫佢先識收,成日見唔到有人,d waiter 唔知走唒去邊,但係一埋單就即刻飛過尼,比左貼士佢我見佢轉頭自己收埋左,唔怪得咁大動機尼埋單啦<br />總而言之睇景尼呢到就好,食野都係去其他地方好喇.晚餐三百幾,去其他酒店仲好.

今年是畢業後開始工作的第一個聖誕，想借普天同慶的日子回報爸媽。知道爸爸想試無敵海景的R66，初時還在盤算﹝因為節日自助餐午餐一人要$198；晚餐更要$400 多元，太貴了吧~﹞，後來就讓我找出一個方法來... 我們家人不算大食，不太愛太heavy 的食物，吃tea 就最適合。<br />R66 Tea Buffet $68 一個人，3:00pm 至5:00pm。選擇不算多，都是平常的小食﹝咖哩角、春卷、熱狗、燒賣、炒麵、沙律、三文治、水果、糕餅和糖水，咖啡或茶﹞，但勝在人少清靜，環境服務都很好。爸爸尤愛這裡的咖啡，真的香濃；朱古力puff 和南瓜凍餅都不錯。<br />一方面試到R66 的食物，又見到爸媽聖誕開開心心，我覺得今次的選擇是沒錯的。

有一次公司俾錢請食自助餐,我同我同事去o左baro個邊傾偈。傾傾我同事突然喊,跟住就有位侍應俾好細心俾兩杯水我地,跟住又俾一紙巾俾我地。雖然佢冇出聲,但我地feel 到?細心。

無疑環境真係一流,360度無敵大海景,處於60幾樓眺望維港兩岸景色感覺真係非常震撼,加上果度d燈光好暗,幾乎冇燈咁濟,靜係得支燭仔係張到(我諗佢地年中都慳唔少電費),所以環境係幾浪漫,好適合情侣黎,不過個落地大玻璃窗污糟左少少,望出去有D矇,可算係大煞風景至於食物方面就真係麻麻地,以佢地收費黎講唔值呢個價,個cheesecake唔得,冇cheese 味不特只仲有怪味,仲好醜樣添,其他熱葷都有D樣樣衰衰咁,食物牌又大兜亂過時過節去就好,平時就唔好喇,以佢地價錢我令願去d 好d 0既酒店

我在上星期來過這裡一次，但我並沒有食自助餐，只係來坐坐，感覺好一流。首先個景勁正，我坐左半個鐘，可能係剛好看到灣仔和中環一帶的關係，美麗的景色盡收眼底。第二，冇乜人。我大約晚上9時半到，全餐廳只剩幾有人，好清靜，好舒服。而且個部長仲話可以免費食甜品，令我好開心。不過由於我冇食自助餐，不能評價它的食品質素，但單以景觀來看，就十分不錯。

我好耐前去過食buffet ,冇樣0野得,冇refill ,一d 都唔得,請唔好去

今年三月十五日, 同幾個朋友去慶祝一位朋友既生日, 之前諗左好耐去邊, 最後決定黎呢到, 因為大家都未黎過, 又係旋轉餐廳, 好似會個feel都個view都好好咁, 所以一致決定book位喇黎到呢到, 有以下既感覺:- 得鬼影幾隻(真係鬼, 大部份都唔係本地人)- 塊玻璃好好好污糟, 咩影都睇唔到!- d野食擺到好似垃圾咁, 燒牛肉爆哂光咁擺出黎, 仲要企左好耐先有人黎cut- 由個buffet開始到最後都冇refill過...- D waiter十問十唔應-最後係連最簡單既餐飲都好難飲, 咩都係!總結: 千祈唔好去, 請都唔去, 就算再另外比錢我都唔會去! 攪到個我朋友個生日好冇意思, 最後要去食魚蛋粉!!

簡直係垃圾. 生蠔青口極唔新鮮, 魚生切到一岩一忽, 好似亂黎咁, 熱盤無野揀, 竟然有鹵水蛋同豬皮蘿白, 蛋糕一整個放出來, 無分開一件件, 比人切到核核突突. 最後我地熱盤無食, 蛋糕食左only 一件, 比百幾蚊淨係食左碗粉麵檔的魚蛋粉.

來過一千零一次，仲要係好多年前下，個時都未開始有buffet，再睇番呢度訪問既相，餐廳的裝修真的令我有點失望，因為我去既時候，窗邊既位全部係卡位黎的!!?俾我既感覺係無以前咁高級了。不過點都好，360度無敵view應該都係無變的，但係我諗現在buffet食物的水準應該唔好得去邊，真回味以前高檔年代既fruit punch，成杯都係新鮮生果，當然價錢都係非一般，個時已經成$60一杯......p.s.我今次淨俾環境分，事關我咁多年無去，都唔知佢變成點了。

已很久沒來了, 對上來的時候應是幾年前跟一些朋友來飲酒吹水, 有點懷念.今次再來是吃自助餐, 食的都是跟其他自助餐差不多的食物, 沒大驚喜, 但都算ok, 咖哩羊肉幾好味.刺身一出便很快被人掃得七七八八, 略嫌雪得太硬, 欠了鮮味.甜品中有一樣很吸引, 但只出過一次便再沒有出的就是"紅酒哩", 沒有機會吃, 真的有點遺憾.這裡最正的, 當然是360度無敵景色, 坐在窗邊的位置, 那種"大地在我腳下"的感覺真是妙不可言!不過, 這裡的燈光太暗, 雖很有情調, 但暗到幾乎連食物也看不清楚.'另外, 駐場歌手跟結他樂師會到食客身邊唱歌, 但他們如能每檯都會唱一首就更好了.

尋晚同朋友專登黎呢間餐廳睇夜景既! 個view真係一絕,氣氛好好,可以靜靜地傾下計! 不過如果個玻璃窗乾淨d, 小朋友唔係度跑來跑去同埋食物再多種類d...咁就更好! 事關望出去既時候總會有一層灰塵係玻璃窗度, 影響景觀! 係一個咁靜既環境之下, 突然殺出幾個小朋友在奔跑,呼叫! 嘩...咩都破壞晒啦! 至於食物...連叉燒,蘿蔔炆牛腩同埋滷味都有! 三百幾蚊...值唔值就見仁見智喇! 最後我發覺左d我應為好笑既野! 我唔知係咪所有食buffet既餐廳都係咁! 我見係食物盤既前面都會有一個牌寫住呢款係咩野, 同埋有個夾or匙比你夾食物! hehe...我見到一盤食物係"叉燒", 而個牌寫住"焗薯仔" 係中式餐櫃個度全部都係咁,真係funny! then 個d spoon 就大兜亂,係炒飯前面個隻擺到明係有人"不"過牛腩既spoon, 仲見到有汁係度,咁我可以點呢! 咪唔食囉! 轉攻魚生同埋甜品囉!

雖然食品種類真係好少,兼且味道一般,價錢仲唔係平!但係若果同情人黎呢度食,就係睇個景同埋感受一下餐廳入面既氣氛,呢個價錢都算合理!一句講曬,R66個環境同氣氛真係超正,有機會我一定會再合女朋友再黎

素聞呢間餐廳有一個無敵正景,上網見5,6月佢地做7 折優惠,上星期就同女友兩個試下。一入場,已經坐得7,8 成滿,7:30 仲full 晒,仲有好多家庭客...折扣既威力確實厲害。<br />食物質素果然如網友所講--非常普通。不過上黎前已有心理準備,所以沒有所謂(但估唔到竟然有花膠食,雖然騎呢左d, 但係幾有口感,可以話係是日首選.其他就確實麻麻。食物refill 都好密,我諗同三星hotel 水準差唔多。)係d 小朋友唔識排隊同無禮貌咁攞食物,有d 唔順眼...可能這就是港式buffet特色喇。係學校常識科無教定無家教之過呢?<br /> 服務不俗,收野加水都好勤快。最大賣點,港島夜景確實迷人剎食,我有用相機同DC 影低(雖然有d 娘)^_^),不過,唔影既話,又真係好難有機會成日見咁正既view。除非中1億3T...綜合而言,正常價$300 一位就唔太值,而家有折就不訪試一次。<br />ps.其實有個咁既景, 餐廳間隔又適合做buffet,若係食物上多花功夫,收cafe too 價錢都大把人食,而家有D 浪費。

服務員定在太差了. 我坐係個服務bar台附近, 佢地大大聲吹水, 傾傾下仲鬧交添... >_<環境同情調都不錯, 如果服務好d的話, 是拍拖好地方.