霸嗎拉麵 (香港國際機場)

Open Now

Now Closed

終於都有假期可以離開一下香港上機前過完海關喺food court搵食醫肚平日下午人流唔算好多 搵位都算輕鬆揀咗食呢間霸嗎拉麵久仰大名 但一直都冇機會試雖然係food court 鋪頭唔大 但裝飾幾有心思滿滿日本拉麵台店嘅木枱、紅布拉麵碗又放滿枱面猶如置身日本炙燒豚肉味玉拉麵$125賣相好靚 見到都流晒口水先試湯頭 非常濃郁 香味湧晒出嚟 飲起嚟濃而不膩豚肉燒得微焦 食落去嫩滑 豚肉味道幾突出拉麵係幼麵 食落亦爽彈 掛起湯汁食好正仲有原隻溏心蛋 入面真係流心架 好正仲有大量日本筍 增加口感跟餐仲有枝豆同汽水枝豆份量都好多 食完好滿足雞叉燒味玉雞白湯拉麵$125雞白湯湯頭相對較清爽 雞叉燒亦都係好嫩滑 較豚肉更軟稔配菜有大量木耳絲 有咬口飲飽食醉上機就可以狂瞓

好抵呀😆😆😆今日去旅行，臨上機前喺禁區揾野食時發現到呢個好地方😁😁皆因見到佢性價比超高，叫一個拉麵會送一客枝豆和飲品，成日以為機場食野貴，呢間餐廳就顛覆咗大家嘅固有思想😊😊我同朋友叫咗兩客拉麵，有野食有小食，加埋都係$250😃😄😄灸燒豚肉味玉拉麵- 好味！ 湯底濃郁撲鼻😍😍豚肉仲啖啖肉😍😍拉麵份量又足😆😆 推介👌🏻👌🏻👌🏻雞义燒味玉雞白湯拉麵- 朋友叫呢客😀😀 佢話好鐘意果白湯，我見到果貌相都唔錯😀 等我下次又叫先😝😝😝霸嗎拉麵 (香港國際機場) (赤鱲角)赤鱲角暢達路1號香港國際機場機場一號客運大樓 (禁區)東大堂7樓7E162號舖

今次坐五點機，攪掂check in手續唔食d野頂唔到落機，所以即刻去揾野食，係機場都唔敢諗有咩平靚正嘢食，但求正常就算，去到food court個位比我見到霸嗎拉麵，去望下價錢同餐牌，發現價錢係機場黎講算合理，就決定食返碗拉麵拉麵一共有四款，都係一啲比較岩大眾口味嘅款式，有辣有唔辣，我就揀咗個唔辣嘅炙燒豚肉味玉拉麵，跟餐仲送枝豆一份同飲品，可以揀汽水或水，配料可以另外追加，價錢算合理，整體性價比都幾高，如果係搭廉航嘅話食完先上機就啱啱好跟餐有枝水，連買水都慳返因為下午機場人唔多，好快到可以取餐，拉麵未食都聞到好香，叉燒好厚肉，煮得好入味好”淋”，油脂分布剛剛好，唔會食兩啖就覺得膩，味玉水準都好高，蛋味好濃，流心好正呀麵質方面唔算太硬，個人唔中意食煮到淋晒嘅拉麵，呢碗麵硬度剛剛好配埋湯底食到停唔到口，湯底係豚骨湯，好濃好香，成碗麵嘅份量都好夠，食完之後好夠飽，如果鍾意食辣嘅朋友，可以試吓佢將個辛辣湯底，應該都好香濃跟餐送咗一份枝豆同飲品，枝豆味道正常，喺機場黎講呢個價錢有拉麵，又送小食，仲有嘢飲，份量又足，性價比真係好高另外再試多個新出嘅小食，一個係北海道芝士薯餅，仲有一個雞肉軟骨串賣晒

由於今日放工要直接去機場飛離香港冇乜時間，所以選擇咗喺香港國際機場食個快飯，入咗禁區大堂之後見到霸嗎拉麵好耐冇食之後又要飛歐洲冇乜亞洲野食，於是就食完先上機。我哋喺禁區大堂food court行咗一陣，眼見其他餐廳定價都10分昂貴，霸嗎拉麵性價比非常高，基本上同市區冇乜分別，一個拉麵加支同一支嘢飲都只係$125起,我哋一行二人由於唔想食兩個拉麵，於是就叫咗個小食芝士忌廉薯餅，加配一個味玉同2支野飲。拉麵份量10分足夠湯底濃稠又唔會過鹹，即叫即煮熱到十足，其他拉麵店湯底唔夠熱會影響拉麵質素。芝士忌廉薯餅有兩大塊切開嚟芝士仲係半溶狀態非常香口，另外我哋都叫咗兩支日本飲品可以拎上飛機。大家如果乘搭廉航可以嚟食咗個拉麵先,好過上機冇嘢好食。

旅行坐飛機出發前要醫下肚先唔係上到機 飛機餐量少質素參差…以前中環返工食過呢間拉麵估唔到機場都有分店比起市區分店排長人龍機場分店就冇呢個問題機場禁區food court座位都唔少都幾闊落 但冷氣唔太足 Cashier都唔算太多人亦都可以scan qr code點餐再係機場儲分換禮品 餐牌有4款拉麵及少量小食選擇每碗拉麵附送枝豆同飲品我地揀左炙燒豚肉味玉拉麵同雞叉燒雞白湯味玉拉麵另有2款辛辣口味炙燒豚肉味玉拉麵 $125一大塊厚切微微燒過既豚肉 配上全隻流心雞蛋配料有海量蔥花同筍湯底濃厚拉麵軟硬適中 掛湯雞叉燒雞白湯味玉拉麵 $125兩塊微微燒過既圓形雞叉燒配上全隻流心雞蛋配料有海量蔥花同木耳雞白湯湯底濃郁凍枝豆補充每日所需食物纖維

霸嗎拉麵赤鱲角暢達路1號香港國際機場機場一號客運大樓 (禁區)東大堂7樓7E162號舖很想飛 終於到我飛 出外走走 散心之旅上機前係禁區要醫肚仔 因為對飛機餐冇乜作心haha個food court幾大 有好多選擇 辛辣雞叉燒味玉雞白湯拉麵 $135套餐有野飲 配一份枝豆 ＋味玉 $15 ＋炙燒又燒$20辛辣湯底，搭配口感嫩滑雞叉燒及炙燒豬舌頭上的刺激 的確幾辣 啖啖肉嘅雞叉燒 橫切雞皮連肉炙燒豬6肥4瘦 肥美油香信州蘋果蘇打 $28蘋果天然甜味 微微果香 清爽 消暑解渴個樽身幾靚 可惜唔比帶上機 紅茶雪糕 $35Made in Japan ice cream甜度岩岩好 紅茶味道比較輕盈 食完冇乜罪惡感👀

-霸嗎拉麵-@機場.去旅行搭廉航冇飛機餐，於是提早入禁區食埋野先。機場餐廳選擇唔算少，但一般都比較貴。睇完霸嗎拉麵的menu，價錢同市區唔會差好多，$125-$135仲要附埋枝豆同飲品，就選擇食佢。.辛辣炙燒豚肉味玉拉麵 ($135)辛辣的湯底唔算好辣，亦唔會好油膩，湯底味道好濃厚。麵的份量都好多，軟硬度剛好。.叉燒好大片，油脂同瘦肉分明，咬落好柔軟。加上外層燒至焦香，更為惹味。.追加的青蔥($10)和味筍($10)，分量超級之多。.

外遊撞正delay，多左三個鐘頭入境後就搵嘢食住等，平時都係直行直過都無留意過呢到有咩食，估唔到都有幾多嘢揀最後搵左間食拉麵，跟麵有汽水同事枝豆送勝在夠飽肚機場黎講價錢唔算太貴 ，性價比高。叫左一人一個麵雞叉燒味玉雞白湯拉麵，估唔到湯都幾濃味，雞肉啖啖肉，配埋木耳，蔥花，溫泉蛋麵質亦軟硬適中，掛到湯，又唔錯喎另一碗係炙燒豚肉味玉拉麵配料少左木耳但多左荀友人話個炙燒豚肉好軟淋，好食如黎到機場等上機前過黎食d野都唔錯。

-🍴🍽🍴🍽🍴🍽🍜🍜🍜🍜🍜🍴🍽🍴🍽🍴🍽-早排飛之前早到咗機場，坐廉航又冇飛機餐，唯有搵間餐廳醫下肚🥲。客運大樓多咗唔少餐廳，價錢都比出面嘅高，格完一輪價就揀咗霸嗎嘅套餐，除咗有拉麵之外，仲有枝豆同飲品，計番單價比起市區仲平添👍🏻。🥢灸燒豚肉味玉拉麵 $125 🆗湯底經過長時間熬煮，湯底食材有豬、雞、蔬菜等，層次非常豐富，食得出有濃郁嘅豚骨味。豚肉片柔軟，充滿住油香，拉麵彈牙偏硬身，仲充分索曬啲湯汁好入味😋。🥢雞叉燒味玉雞白湯拉麵 $125🆗湯嘅濃度適中，味道鮮甜。自家製嘅拉麵幾彈牙爽口，好有嚼勁！雞叉燒肉質偏瘦，唔會好油膩👍🏻。🥸 評價 𝗥𝗮𝘁𝗶𝗻𝗴𝘀 🥸食物 𝗙𝗼𝗼𝗱 7/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 7.5/10服務 𝗦𝗲𝗿𝘃𝗶𝗰𝗲 6.5/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10整體 𝗢𝘃𝗲𝗿𝗮𝗹𝗹 7/10-🍴🍽🍴🍽🍴🍽🍜🍜🍜🍜🍜🍴🍽🍴🍽🍴🍽-🗺️ 霸嗎拉麵 (香港國際機場) (赤鱲角)赤鱲角暢達路1號香港國際機場機場一號客運大樓 (禁區)東大堂7樓7E162號鋪#bakdiu日式 #bakdiu大嶼山 #bakdiu拉麵

我又飛喇！我每次去機場禁區內的美食廣場必定食霸嗎拉麵，真的非常好吃！我今次點了炙燒豚肉味玉拉麵，在機場內這個價錢，性價比非常高，價格相對合理，份量也很足夠。首先，拉麵的湯頭非常濃郁，以豚骨熬煮而成，帶有濃厚的豬骨香氣，讓人一嚐到就停不下來。湯頭的醬油味道與炙燒豚肉的鮮甜完美結合，整碗湯頭帶有微微的甜味，非常開胃。除了湯頭，拉麵的配料也非常豐富。炙燒豚肉片烤得剛剛好，外酥內嫩，肉汁十足，每一口都充滿滿足感。另外，還有半熟的味玉蛋，蛋白QQ彈，蛋黃濃郁，非常美味。蔥花和竹筍等配料也增添了口感和風味。整體而言，霸嗎拉麵的炙燒豚肉味玉拉麵不僅味道出色，而且價格合理，是一個非常值得推薦的美食選擇。如果你在機場內，不妨去試試這家餐廳，相信你也會愛上他們的美味拉麵！

搭飛機最怕去機場塞車或者有咩意外搞到miss左班機，所以次次都一定提早勁多去到機場check in settle好晒自安樂問題就係成日早早去到未食野好肚餓，要係機場搵食。個個都知係機場食野多數都又伏又貴，好難搵到岩食既反而今日搵左呢間「霸嗎拉麵」，平時係出面都食唔少，希望呢到質素都有保證價錢亦無話貴好多，都係一般拉麵店既價位，性價比高同朋友一人一碗雞肉一碗豬肉拉麵，望落去肉質都唔差半肥瘦試下湯底先，好濃好重油脂味，似係淆出黎唔係用粉開既，係機場都keep到質素，唔錯豬肉面頭燒過，好香口好有咬口，高質麵質同樣爽口唔會煲到淋晒變左一坨野咁好食到最後連湯底都飲晒套餐仲包左枝豆同飲品，相當唔錯，所為臨飛前美味又抵食既一餐，真係大滿足！

眾所周知 香港嘅消費物價係比較高好多野入到機場或者主題樂園 價錢都會上升勁多所以每次去機場都寧願食完先入去又或者去到目的地先(當然要近)今次太肚餓 忍唔住係food court行左一轉 就發現霸嗎拉麵嘅價錢同出邊差唔多 仲要有嘢飲送等候時間大約5分鐘 套餐包括炙燒豚肉味玉拉麵有燒到好香口 又肥瘦適中嘅豚肉 有流心蛋 再揀左支水同枝豆咁多嘢食嘅套餐都只係125蚊喺香港國際機場來講 我覺得係絕對物超所值講吓食物先拉麵十分爽口 份量又多而且又好掛湯 食到停唔到口湯方面 十分濃郁 成碗飲哂都唔係問題 朋友揀既雞叉燒味玉賣相都非常吸引下次一定要試試佢先得枝豆作為小食 小小咸 多多趣一邊食 一邊同朋友吹水 十分寫意以後再去旅行 一定係揀霸嗎拉麵！

今年一次過飛了三年想飛的次數，臨假期結束之前都仲要飛多轉四日三夜。因為飛了幾轉，今轉要省錢，揀了坐廉航。無飛機餐就要上機前食飽啲，紅通通的霸嗎拉麵店特別搶眼，一於揀佢。機場座位都唔少，都幾闊落。有四款拉麵選擇，一碗拉麵附送枝豆及汽水或純水，加一定夠頂肚，岩晒上機前作為午餐。我揀咗一碗雞叉燒味玉雞白湯拉麵（$125），有兩塊雞叉燒、一隻味玉、一些青香的蔥花和爽脆的木耳，大大碗，好滿足!。湯底濃郁，啖啖雞香，很美味! 麵條幼身，口感適中。連皮的雞叉燒腍嫩，帶少少油脂，甘香油潤，仲好入味，好吃!仲有隻味玉，流心狀極佳，好黏滑，又有蛋香，一流！朋友要咗碗炙燒豚肉味玉拉麵（$125）再追加份雞叉燒（$20），好豐富！有塊大豚肉、味玉，不少筍和葱花。湯底濃厚兼富膠質，充滿香濃的豚肉味，正！豚肉相當厚身，肥膏瘦肉雙間，經輕燒帶些焦香，又更甘香油潤。雞叉燒同樣嫩口美味，有質素保証！枝豆份量都唔少，好青綠，啖啖豆香，煮至半腍，仍存咬口。仲有兩支大純水，岩晒上機飲，因為廉航連水都無提供呀！食完咁大碗拉麵，真係好飽肚，全程5個鐘機都唔洗食嘢，真係出走前好選擇！

搭飛機最忌趕頭趕命，穩陣派既我一定預早好多去機場，入埋禁區慢慢食個飯等上機。係T1見到有霸嗎拉麵而且唔洗排隊，尖沙咀個間次次想食都排長龍!! 每個拉麵仲跟一碗枝豆同埋野飲☑️唔洗另買，乜機場有咁抵食既咩😋機場menu相對比較簡單，我地都係揀番最classic既炙燒豚肉味玉拉麵($125)，質素無變，湯底夠哂rich帶濃厚豚骨香。豚肉厚身口感軟腍，一層肥一層瘦味道甘香，仲帶有微微焦香。溏心蛋都整得幾靚，蛋香重👍🏻仲有荀爽口吸埋湯汁好味☑️枝豆有鹽同黑椒調味，雖然係送但其實好大兜，但係咬咬下唔覺唔覺就食哂😆當做等上機零食一流☑️臨上機食飽滿足心情好❤️❤️❤️

每次飛前都想食啲熱辣辣嘅嘢。年頭嚟機場時仲係好多舖頭未開。上次喺入禁區前食過間拉麵，真心麻麻地！知道霸嗎拉麵開返，今次就過咗海關喺禁區食嘢啦😃豚肉味玉拉麵，豬骨湯底濃厚，豚肉大大件好軟滑，加埋我最鐘意嘅味玉，帶點點甘甜，算做得唔錯！雞叉燒味玉拉麵，如果唔想要咁濃湯底，可以試一下呢款，湯底比豚肉拉麵稍為淡，唔知係咪雞濃湯呢？兩款拉麵都會跟飲品和枝豆。百幾蚊係機場算好抵食！