拉麵小町

Open Now

Now Closed

2個人晚上食左二百幾叫丼飯，拉麵同餃子🥟雪吧平日晚上去唔洗排隊如果週末都就有機會要排隊枱上準備左好多調味料同水比客人。但如果要杯/茶/熱水就要出到門口位自助取。茶普通係綠茶煎餃子細細粒，男仔一個口就一粒😂，入面偏淡口味。唔係九菜豬肉。似香蔥豬肉餃？拉麵無得揀面既口感不過佢原設既我都覺得好食，係偏彈口唔係十分掛湯，雞蛋係完整一隻得2塊🇯🇵叉燒，偏淋身，同薄。食左好似無食😂.另外叫左個豬肉丼飯，係用珍珠米，都有溫泉蛋係到，得半隻？.仲有個雪吧係似雪糕咁上枱，用玻璃碗上幾香好食😋

小町既位置唔易去 所以唔算好多人 因為住元朗加上有車 先會經常去食餐廳既裝修簡潔 日系 重點係乾淨一向都好留意師傅既整面過程 雖然餐廳設計就睇唔到 但係見到師傅做野超認真佢定期都會有唔同款既拉麵食 但我偏好佢個 鏗魚湯拉麵，實在太好食！ 湯底濃鏗魚味但入口清 拉麵質感彈牙無「簡」水味舊豚肉先係重點 豬皮入味彈牙 肉質剛好唔硬 🥲 個皮我俾101分！ 我次次都要飲埋個湯先走😅元朗既拉麵黎講 佢都有頭3不過遠啲就係真 有車既你地多啲到啦！ 推介！

去完錦田的另一個週末，突然想起秋冬 Wish List 裡久放未動的拉麵店，這家拉麵店是身邊不少友人的推介，遲遲未訪，主要自己不是拉麵控，其次濃稠的拉麵湯較適合秋冬天氣！突如其來的改變，是基於上星期跟烈日對著幹並沒有構成什麼任何負擔，為何不再給自己一個突破，於是我們向屏山出發去！對呀，在傳統村落、鄉紳為首的地方，竟有一家日本拉麵？這也是我的大問號！世事往往令人意外，不只是格局令未曾到訪過的朋友產生疑慮，相信更直接的疑惑是其品質與味道！正所謂，未試過又點知呢！我們抵埗時，首先發現「小町」店名，正好配合處於坑尾村一條小橫街之上的地理環境，然而日式大門與小橫街亦顯得甚為順眼，由此可見格局與屏山對應！至於味道，以全店客滿、不時更有外賣到取的膚淺分析，大抵不會是中伏的料子！在門外等了十五分鐘，終於進入親身味道測試的時候。拉麵湯底的選擇挺多元化，大致分為豚骨魚介湯和鰹魚湯兩大類，還增設限定的口味，與及小食和飯類，第一次看到拉麵店的餐牌流口水，實在太餓了吧！我喜歡飲用清水，「小町」在檯上放置一壺壺的飲用水給客人，實在太讚了！在另一方面，凍檸茶已成為老公的指定動作！香蔥拉麵 HK$90 是身旁愛蔥人的

食飯時間一坐低就落單，等咗足足半個鐘，竟然隔離枱遲嚟先上岸🙄我忍唔住即刻問點解❓佢淨係話因為一齊煮㗎⁉️ 但係明明隔離枱係遲我十分鐘先落單，你話畀我聽有咩嘢意思呢?❓ 我係咪應該要知嘅呢😑直至我離開佢哋一句唔好意思都冇🤷‍♀️🤷‍♂️ 咁嘅服務態度真係令人好失望。講番碗拉麵，我嘅經驗話俾我知，當一個人好痛肚餓嘅時候，食一啲佢平時覺得好味嘅嘢，佢會覺得特別好味，但係我食呢碗麵嘅時候，我真係覺得好一般，只係一碗好普通嘅麵。。。唔係話我唔想支持小店，但有時打住小店嘅旗號唔係就話大曬，隨便一句用心製作，就可以叫一個食客浪費30分鐘去等一碗咁普通嘅麵。

去開屏山圖書館，即刻諗起附近有呢間拉麵店，上次食過好好味，所以有下次附近仲張有得免費泊車但入到去竟然沒有冰水，呢樣真係好扣分，熱到死，仲要食熱拉麵。。。唯有即刻叫支我唔鍾意飲既可樂。今次只點了兩碗拉麵（鹽醬油+醬油拉麵）味道一如既往的好（當然無得同日本比）就這樣慢悠悠的邊食邊傾渡過了90分鐘（星期日都唔會有好多人迫）

對於我呢個拉麵愛好者當然試過很多隱世拉麵，這間不得不說是自己心頭好之一。這家拉麵店如坊間一些拉麵店差不多都是坐位數很少，但偏偏就是這類小店都做得好。印象中都幫襯過這間大約3-4次了，這次為此店寫個食評。這家店除了一些填紙的固定款式拉麵外，還有限定款式不定期供應，今次就試了香蔥拉麵（辛口）蔥是滿足的多，每一口都有蔥，湯底充滿香香的蔥味，是這碗麵靈魂，日式叉燒偏薄但軟滑，充滿肉香，麵條軟硬適中，但這碗麵辛辣口感不弱，喜歡吃辣的朋友可不要錯過。太太叫了鹽拉麵，我也試了，湯底純厚，麵條也軟硬適中，流心蛋漿口，叉燒是腩肉位置，會比較多油香。另外加了小食，日式煎餃子，剛煎起，外皮香脆內的菜肉碎味道也很平衡。骨付腸，是我的最愛，充滿油香肉汁。最後叫個柚子雪芭作為完美的總結，柚子味很香甜，也消退了拉麵的辛辣。

住喺大西北又突然好想食拉麵，又唔想出咁遠，就比次機會試下食坑尾村嘅「小町」！點知有驚喜！！覺得以後可以唔使出城食拉麵～呢間拉麵店，唔係腸地圖底區內人都唔識嚟，佢喺村屋入面，門面裝修到好似日本小店咁(｡･ω･｡)ﾉ我地今次叫咗好多野食鹽拉麵～老公叫呢個，湯底好好飲！我覺得有少少似中式老火湯迷你叉燒丼呢個超級好食，叉燒入口即溶我叫咗迷你size，但都夠女仔胃口叉燒飯團呢個飯團就略嫌太多飯，啲白飯冇乜味但入面嘅叉燒切碎又好好食餃子呢個係老闆自己包，皮薄餡靚，煎香好好食！

位置好隔涉😂 咁啱亂咁行，然後喺大街遠望到小徑入邊，有一間日式裝修、睇落應該係餐廳嘅舖頭，於是行入去睇吓見到係拉麵店，又未諗到晚餐想食咩，於是入去試吓入到去人唔多，見到有對外國人喺度試緊本地手工啤，不過自己對於啤酒冇乜興趣，所以都係睇返拉麵嗌咗個蕃茄拉麵，樣子正常流心蛋正路，紫菜有啲淋叉燒超薄😂薄到有啲驚訝刀工，一啖一片，味道都正常拉麵個麵無咩特別，應該都係出面攞貨，有啲似日清嗰隻不過個蕃茄湯底就都幾好飲，無一粒粒茄肉，但茄味都幾勁，飲落唔會口渴，好少可地我會飲曬個拉麵湯，呢點加分另外佢地無加一，所以碗拉麵90全包價錢上ok，但如果以呢個位置同叉燒既厚度就真係性價比不足

第一次在沒有推介的情況下，自己在openrice覓食，找到了這間小町。如照片所見，給人舒服的感覺！猜到這是什麼嗎？這是叉燒法包，整體也十分好味，蕃茄亦出其不意地點綴了這個新鮮的配搭，十分推介！！塩拉麵蕃茄拉麵此外，手工啤也十分吸引，這一次因為男朋友要駕車所以未能嘗試到，留待下次光顧再試吧🤟🏼

👫好耐無更新啦，偷咗3個幾月懶🤣 呢排疫情愈嚟愈嚴重，大家記得多啲留係屋企，就算出街食都要消毒餐具，勤洗手🖖🏻 今次食呢間位於屏山嘅隱世拉麵店，終於嚟到屏山有多個選擇，唔係食華嫂啦😳一一一一一一一一一一一一一一#塩拉麵 <$80>呢碗鹽味豚朋魚介拉麵充滿誠意🍜湯底鮮甜，魚同豚肉嘅味道都好出，啖啖濃味夠滿足😍兩塊叉燒半肥瘦，食得出唔係冰鮮，應該係自家製，一啲都唔肥膩，薄切食落啱啱好，入口仲帶油香添😋拉麵用咗幼麵，爽口又無梘味，份量啱啱好夠一人食😚唯一失望號係溏心蛋比較熟.#三椒塩拉麵 <$100>呢個係期間限定，有少少覺得無咁抵食🤕賣相同鹽拉麵差唔多，但湯多咗好多椒類食落比較辣，湯底相對無咁鮮甜🤔.#山椒雞翼 <$42>雞翼等嘅時間比較耐，焗出嚟已經聞到好香😍雞翼斬半，方便食用👍🏻外皮焗到香脆，但入面又保持到嫩滑，黑椒味道比想像中辣，食落帶麻香，超正❤️一一一一一一一一一一一一一一👾驚喜指數：❗️❗️❗️🔙翻撻指數：❗️❗️❗️❗️（5個❗️最高）

日劇「孤獨的美食家」主角五郎‍經常係佢做完嘢之後, 會突然肚餓😮跟隨住佢既食慾, 真誠地搵美食。今日亦仿效咗佢, 係周四工作過後, 跟隨拉麵之心 開車到屏山搵到「小町」呢間拉麵舖‍♂️ 舖頭位置算偏遠, 開車過黎既話 係舖頭前方既小路盡頭有幾個專用泊車位 (記住係村入面唔好亂泊咗人哋既位呀), 如果係搭西鐵🚈 係天水圍站要走大約行番10零分鐘⌚  舖頭係小路既角落上, 水泥牆身上「小町」兩隻字係射燈下特別顯眼舖頭入面有一排吧枱同幾張四人枱, 估計坐到20人左右, 水泥、木枱、射燈, 簡單陳設加埋輕柔既音樂 好有日式小店FEEL。隱藏係村落入面, 小町既裝修就反映出屏山既與世無爭️  MENU就似番車仔麵舖, 略嫌佢字既行距太密😕 有啲難睇。除咗拉麵同小食外, 另外有份飯既MENU, 可能就番附近村民街坊既需求掛 可能係村既關係, 無聽到扮日式既「郁世媽瀉」反而飲品有得揀鹹檸七拉麵上枱, 係射燈映襯下, 豬肉都變女神, 小小兩塊叉燒訓係湯底上, 仲有紫菜皮, 加埋葱同流心蛋做枕頭, 呢幅床照拿滿分💯  先試一下鹽味豚骨魚介湯底, 見到一隻豬同條大魚係度打交, 兩者味道不商上下, 係鹽帶領下鮮

嚟屏山唔揀華嫂，反而幫襯拉麵小町~因為~~~我哋係拉麵控！豚骨魚介湯白味噌拉麵 $88湯底濃郁，叉燒夠淋，脂肪入口即化，不錯！隻蛋雖然好深色，但唔入味，而且係熟蛋，唔係我杯茶~鰹魚湯柚子鹽拉麵（配慢煮肩肉鹽味白叉燒） $78比起豚骨魚介湯，呢款拉麵同清爽嘅鰹魚柚子湯更加夾！啱晒夏天食！不過慢煮肉有啲似煙火腿，如果可以配叉燒就更好味喇！本來仲想試埋柚子雪芭（$24），可惜天氣太熱，冇乜胃口，下次再試~~~

無諗過日式拉麵店GE辣麵會係四川GE辣....我來得日式拉麵店, 梗係想食番日本GE辣....湯底仲要係麻辣....又咸.... 麵條是幼身的, 無咩特別,有2塊叉燒, 半肥瘦, 如果全瘦會岩我地口味D又5可以怪佢地, 只怪我地揀錯辣都麵,應該都係揀番其他湯底反而餃子有驚喜, 係一口餃子黎, 煎得夠熱夠脆。入面有九菜有椰菜有肉, 肉仲要好多, 5似出面多數都係菜, 應該係自己包的, 足料, 好食。

去車場拎車。順便試下呢間係屏山既拉麵🍜 小町 我叫左鏗魚柚子鹽拉麵 🐟佢地叫左豚骨魚介拉麵（醬油同白味噌）兩款1️⃣鏗魚柚子比較清新。無甘油膩。但配上的慢煮肩肉🐖我就覺得麻麻地。慢煮我expect 係軟淋d. 但可惜都比較鞋口。2️⃣醬油。白味噌都係好濃既湯底。我個人會覺得比較咸。但唔差既。岩重口味人士（飛飛）3️⃣麵質。應該唔係自家製。係來貨既。但麵質都幾彈。唔錯。鐘意呢種質感多過直條拉面4️⃣蛋 🥚唔錯。流心效果我like. 全餐最欣賞隻蛋um.... 呢間拉面食完暫無一定要encore 既感覺。順路經就可以試下既😁😁

對日本有一定認識的朋友，一定會知道町是什麼意思，可以指、小城市、小區、小鎮等。這間小町拉麵店，正正就是位於遠離市區屏山一帶，剛剛到達，已有一種到了另一城市的感覺，再走一會，看到這間拉麵店，其日式的裝修，加上人流有限，所以決定入內一試。餐廳內部環境不俗，較一般拉麵店寬闊，枱與枱間有一定的空間，較有空間感。牆身貼了不同的菜式和餐牌，枱椅都有木材質感，配合燈光，感覺柔和。我食了塩拉麵和日式凍豆腐。塩拉麵 ($72)拉麵煙韌有硬口，不錯；湯底味道較淡，希歡濃味的人應該會有保留，還是有一定的鮮味；叉燒和同類拉麵店比較，厚度較薄，不過脂肪足夠，肌肉不會太硬，配合湯底，有入囗即融之感，感覺實在不錯；份量足夠，一碗麵就可以當成晚餐。日式凍豆腐 ($24)豆腐似是豆腐花底，靭度不足，不過口感嫩滑，鰹魚醬油汁都是偏淡，沒有搶走凍豆腐的味道，還有些許豆香味，份量算是足夠。以上兩款食物質素不錯，雖然比此店的拉麵絕非最出色，但考慮到其位置，加上遠離市區的高樓大廈，感受不同的氣氛，又可以到附近的屏山四處遊覽，還是值得再來的。