拉麵‧羅曼

Open Now

Now Closed

今日午飯時段黎到樂富廣場UNY，發現有個Food Court😳 一於睇吓有咩食～～見到呢間拉麵店，平平地，十分唔錯👍🏻 學生/長者優惠仲有得減$5！ 我叫左個慢煮叉燒白雞湯拉麵餐，小食要左豚肉薯餅，飲品要凍檸茶🍋😋呢碗拉麵十分唔錯，隻溏心蛋好正，但得半隻🥹😭 如果有成隻我一定食得晒！🤣 叉燒亦幾好食👍🏻 解凍/煮得幾好，薯餅都非常ok😝如果凍檸茶大杯d就好了🤣🥹平價拉麵咁高質真係冇投訴！希望有多d分店啦😭😬😛

平民飯堂menu單點主食夠平 選擇多午餐時段有60套餐 任君選擇包羅萬有野飲 主食 小食都有這才是food court應有的樣子！打工仔的好朋友樂富的food court真係夠貼地👍🏻👍🏻👍🏻👍🏻👍🏻

行過樂富搵嘢食，見到food court入面呢一間標榜以意大利洋風配搭日式食材嘅拉麵店，麵控即刻被吸引到去試一試👀 餐牌上主要有唔同湯底拉麵，好似蕃茄湯、奶油雞湯等，亦有牛油飯選擇。今次揀咗午市套餐，60幾蚊有一碗拉麵、小食同飲品🔸慢煮叉燒羅勒香草奶油雞湯拉麵一向鍾意青醬，所以揀咗呢一款拉麵！奶油雞湯質地稀薄而且非常淡味，就咁用匙羹飲都冇乜雞湯味道。叉燒上既青醬係加添左羅勒香氣，但整體黎講都不太相配，味道blend唔到一齊。麵條係港式拉麵常用個款，唔掛湯所以食落冇乜味道😢叉燒係普通貨色，咬落去好鞋口，成碗麵唯一抵讚嘅係溏心蛋調味好足，甚至比某d拉麵店更出色櫃檯入邊只有一位呀姐應對客人，雖然客流不多但呀姐語氣都顯得不耐煩，food court黎講出餐速度亦較慢，如果幫襯要有少少耐性🙃

本身對日本野係有興趣既，跟住見到呢間將日式同意式既夾埋一齊既餐廳，令我好好奇。之前已經見過好幾次，今次終於的起心肝去試下，叫左個醬油叉燒牛油飯，本身對佢不期不待，點知食落又意外OK WO。個飯落左牛油之後其實就好滑，同D醬油又好夾，再加埋隻溫泉蛋既蛋香，我覺得值得一試。

見food courts 新開左呢間新食店，都幾抵食有lunch 套餐，一個飯加小食同一杯飲品。叫左柚子醬油豚肉溫泉玉子牛油飲、炸馬蘇里拉芝士、凍檸檬茶。牛油飯好香，夾埋柚子醋唔會好油膩，個炸物個皮偏厚，但勝在可以拉絲，食落都唔錯個豚肉幾好食，肉多肉厚，質素唔錯。個飯都配左少少沙律菜，味道清新配埋柚子醬。整體唔錯，以一個午餐來講，食到都幾滿足，一個男仔食都應該夠飽。杯檸檬茶都算幾甜，如果怕太甜可以叫少甜。

估唔到係樂富可以搵到高質食物$60一個set 拉麵/飯 +小食+飲品拉麵可以選擇自己鐘意既湯底，有濃白湯、濃蕃茄湯、清雞湯小食：餃子、薯餅、唐雞件、牛油飯、沙律飲品：罐裝飲品，推介：大阪綠茶呢一次叫左叉燒拉麵（濃蕃茄湯）+薯餅，同埋唐雞件拉麵（濃蕃茄湯）+牛油飯。講一講個濃蕃茄湯先～個湯好濃，濃到似沾麵咁，但係唔好比佢個湯驚到飲落口一啲都唔咸，食落去一啲味精都無，又唔會話好酸，好似自己煮到咁濃咁。叉燒拉麵：個湯加芝士同拉麵，食落好，好快就飽，啲麵適中，叉燒好林好好食啲叉燒仲要係日本既叉燒，而唔係用平價既肥叉燒薯餅：好脆口 ps 放左30min 都係咁脆 抵讚唐雞件拉麵：唐雞件係另外，唔係放落個拉麵抵讚估唔到平民價既拉麵，都會做呢啲細心既service 唔會令雞件同湯加埋一樣就林牛油飯：個飯有牛油同芝士，食落口好香口而唔油膩，好好食，最後可以試下加埋啲湯同飯食，啲湯同飯都好夾總結：係出面雖然有$60-70價位既拉麵，但係得一個拉麵同餸，無小食同餐飲，所以$60食到咁多野，真係抵食

樂富uny food court裏面6月新開嘅拉麵店～係日式拉麵mix西式醬汁嘅概念雖然開咗一段日子但都冇去試 驚會好怪但最近見到佢個lunch set又幾抵！$60 包 指定款式拉麵一碗，一款小食同一罐飲品學生仲有得- $5！所以我就決定試吓～下面呢度係揀咗卡邦尼煙肉拉麵 炸薯餅 同一罐巨峰玉露～拉麵隻蛋係溏心蛋！個汁好似creamy嘅湯味道同普通卡邦尼嘅汁一樣 只係質地冇咁傑～所以都係好食的！只係平時嘅意粉而家換成拉麵～個薯餅都係即炸夠熱但忘記係乜餡料了～總結呢個set都係can try try的～

The UNY Food Court under went a small renovation and I hadn't eaten there since my last poor exposure to the food there. But on this evening, one new shop caught my eye.Ramen Roman. The food stall served ramen but instead of the usual tonkatsu and shoyu, you get carbonara and tomato. Interesting!They have a la carte along with sets. Menu is in English and Chinese. As it's a food court, there is no 10% service charge.They have  special dinner set menu which costs $70. This is in Chinese only but