Video
10-min walk from Exit D, Long Ping MTR Station
continue reading
Opening Hours
Mon
Closed
Tue - Sun
11:30 - 22:30
Above information is for reference only. Please check details with the restaurant.
今晚諗唔到食乜，經過見到有間新開既拉麵店，就決定一試。餐廳唔算好大，乾淨企理。蒲燒鰻魚拉麵($78)“友人” 點左蒲燒鰻魚拉麵。豬骨湯底好淡，唔似係用豬骨淆出來，似味精粉。麵底係茶餐廳拉麵個隻，好重鹼水味，唔好食，非正宗日式拉麵。出菜時聞到好香既鰻魚香味，但上枱後好快凍，唔似新鮮燒出來，似返叮，唔好食。(但影相睇落都好吸引)(個人口味: 2.8/5)(鰻魚)(個人口味: 2.2/5)(拉麵)吉列豬排拉麵($60)+可樂($8)見住廚房即叫即沾粉炸豬排，上枱見到大大塊豬排又熱辣辣，好吸引。但d皮係散哂既，有部份豬排肉質偏柴又硬，係食唔到既，不過沾醬食就可以接受。拉麵就同”友人”既評價一樣。(個人口味: 2.5/5)感受到侍應既親切同熱情，值得加分。可能因為我地期待既係食到日式風味既拉麵，係同其他拉麵餐廳比較既情況下，就有差距(似茶餐廳級數)，會覺得好失望，寧願俾多少少錢食個湯底濃郁既豬骨湯拉麵。
continue reading
佢唔係我地食開既日式餐廳, 選擇唔太多, 但係佢既雞扒丼, 牛肉拉麵, 鰻魚拉麵都好好食, 佢真正既賣點係煎香既料理, 係值得一試。另外都推薦雜菜沙律, 都係水準之作既飯前小食, 又可以攝取番多d纖維。元朗好小衣一類餐廳, 可能係宣傳唔夠, 暫時眼見未係太多人流, 希望可以介紹下比大家。
continue reading
外面望落係間好普通嘅 local 日式餐廳，唔會特別想試，但有朋友試完覺得唔錯，反正就腳，於是去嚐一嚐~朋友嘅咖喱豬扒飯一上枱，全枱譁然，好大碟豬扒多到好似一般餐廳嘅 double XD試咗少少，咖喱好正！平時我唔太好日式咖喱，因為偏甜，但呢個係帶點辣，好啱我口味。見朋友食到最後仲好夠汁。豬扒炸得香脆，硬咗少少，肉偏乾身，略嫌唔夠 juicy.跟住都係朋友嘅燒三文魚飯，因為我唔食三文魚，所以無試，只影咗相，但望落都幾吸引，朋友都話味道唔錯。配泡菜都幾特別，酸辣味~最後係我嘅雞扒拉麵同豬扒一樣，份量超多 XD 雞扒好滑嫩，好正，皮都好香口，平時全部飛走，呢次忍唔住食少少麵身正正常常，印象不太深刻。另外配料有好多好多筍~另外嗌咗一份唐揚炸雞，一份4大件外脆內滑，炸炸嗰層夠薄身，感覺唔會太熱氣水準之作。最後特別一提店員，好有禮貌同熱誠，雖然無乜點講過嘢，但係感受得到。
continue reading
昨天和男朋友到教育路覓食經過店舖，本身覺得門面貼的圖片並非十分吸引，而且菜式選擇似乎不多，都有少許猶豫。但由於附近的餐廳都有點人多，於是決定試試這間。豈料，一試便覺得性價比奇高。我們分別點了吉豬拉麵和燒雞肉丼，還有一客辣燒牛肉沙律。味道都甚佳，尤其是那燒牛肉沙律，牛排大塊之餘，燒烤的時間控制得很好，令肉汁得以保存。再配上酸酸甜甜的汁料，十分醒胃，是高水準之作。而價錢只是$40。我們著實覺得好抵食。我們一直都喜歡吃日本料理，相信很多元朗人也是。雖然這間餐廳名氣不大，但卻是真材實料，故此向大家推薦一下。
continue reading
元朗教育路一向都係食店林立，但係強烈競爭下要做得住，往往都係相當難，作為住係元朗街坊，見證到好多餐廳又開又結業離場好似今次介紹呢間以日式拉麵為主打既餐廳，見到佢只係新開業唔係好耐，於是就行入去試下啦店內裝修就無乜特別，但乾淨企理整齊，可能岩岩新開張唔係好耐，餐牌上選擇唔係好多，落單就係以自助形式，自己係餐牌上剔出你想要既野，拉麵仲可以自選麵身既軟硬程度，仲有要唔要蔥，最後我揀左個燒牛肉拉麵落完單好快就送上，一送上第一眼望落賣相唔錯，仲有牛肉既份量都唔算小，全部都係大大片，牛肉食落唔韌，咬落尚算嫩清，至於麵身就軟硬適中，係略嫌湯底味道偏淡整體來講算係唔錯，下次會再試下其他
continue reading