黑糖台式料理 (Closed)

今日行過，見到鬧市中居然有一間裝修企理嘅台式食店，立即入去試下。我點了一客粒粒西多士同埋一杯香芋珍珠，心諗29蚊，包埋杯台式飲品，價錢都算可以接受啦。當個西多士一嚟，心諗，出事了！賣相，似一舊舊臭豆腐多過西多士。賣相差都唔緊要。食落根本只係一舊炸面包，裡面又無花生醬。根本唔可以話係西多士，令我覺得佢有啲違反商品說明條例!我食咗半碟都唔夠就放棄了!至於杯嘢，正常!到埋單喇，諗住俾29蚊食咗個難食嘅下午茶算啦。到收錢，心諗，又再中伏，居然，杯嘢飲要加5蚊，要加都唔係問題，喺台式店當然飲台式飲品，估唔到要加錢，店員仲要無講。最後，食下午茶都收加一!埋單三十七個幾，食半份難食嘅西多加一杯嘢飲。應該都唔會再有下次!

心血來潮～想食台灣食物，行經深水埗，即被「黑糖」呢個字吸引左入去~一個人食晚餐，好自然叫左個一人套餐～珍珠奶茶先上～飲品沒有茶味，奶味不濃郁～口感不順滑！而珍珠不Q彈，黑糖味好弱～肉燥不正宗，汁料像用𧐢油勾獻製成～肉碎好乾，建議混入半肥瘦肉碎，口感會比較好！而小棠菜會出水，影響汁料味道！米粉選用新竹米粉，非常爽口～可惜湯底太重麻油味，油蔥酥粉量少得可憐！店名以黑糖命名，可惜店中缺乏菜式以黑糖為主角，感覺上頗為名不副實！值得一讚樓面稱職有禮貌！效率高～

這天想再去台北101食下午茶，去到時發現原址已改稱『黑糖台式。料理』，換了門面，內裡的裝修及座位擺設，略為調動了。細閱餐牌，食物與飲品跟之前的，都是大同小異。兩人點了以下食品及餐飲：酥炸豆腐外皮微脆，內裡豆腐味濃，口感香滑！有酸甜醬供應沾醬汁後，又另一番味道！脆炸花枝丸炸得香脆可口，帶有少許墨魚味。肉絲炒公仔麵水準一般，無彈亦無讚。凍青蘋果綠茶味道清爽，消暑解渴！凍金香奶茶完全不覺甘香，淡而無味！賬單：以下午茶來說，收費偏貴！