仙踪林 (Closed)

因為時間有限，想坐得舒服，經過商場見有位便入內坐下來個午飯。可能是開放式店舖，只是沒想到商場冷氣真的一點都不夠涼，在等候和午飯時真的滿身汗。午飯上枱後，看上去忌廉汁魚柳飯套餐很吸引，便點了來食，但沒想到這個餐和快餐店相比差不多。******************************忌廉汁魚柳飯套餐，配凍柑吉，HKD48。忌廉汁算是不錯，只是魚柳賣相不好，入口又有點乾身，雜菜淡而無味，如不是這個忌廉汁，這個飯真的不好吃。

去始創趕時間，揀呢度食lunch貪唔駛等位。座位逼，裝修似從未翻新過，第一印象麻麻。四十八蚊午餐有主食有飲品，主食份量偏少。先入為主下諗住唔慌好食，無期望下反而有少少驚喜!牛肉麵湯味道竟然出奇地有少少對辦，有辣味有牛肉汁味，可惜不夠香濃，餐牌話兩隻辣椒完全食唔出。牛肉味道尚可但略嫌不夠淋。麵質有少少台灣人所謂的Q了，可惜不像正宗台灣麵條。照燒雞扒飯，雞扒竟有微燒味，可惜汁多過皮，皮又多過肉，個汁又甜得滯，怪味!珍珠奶茶，正常水準。呢度似乎略懂何謂台式風味，可惜遷就大眾化價錢有將貨就價之嫌，既選擇如此定位就難以期望水準有所提高了。

同朋友係太子食下午茶，揀咗台式連銷店仙踪林。話明連銷店，裝修環境緊喺見得下人。服務態度都唔錯，但食完嘢好耐，都冇人嚟執嘢。下午茶時段，小弟肚餓叫咗個《rbt 香濃牛肉麵》套餐同凍《蜂蜜綠茶》。牛肉麵賣相公整，一冠連鎖店風格，任何一間分店都喺同一個賣相！但最失望喺話明《rbt 香濃牛肉麵》，牛肉同湯底都淡而無味，唯一可取喺麵底彈牙可口， 整體評價令人失望！《蜂蜜綠茶》已失去當年開業時嘅風味，亦都喺淡而無味，無綠茶味之餘亦唔夠甜！48 蚊套餐 6蚊凍飲！唔算抵食囉！

去太子上堂前想食d野.我點左黑椒汁雞球乾拉面.而朋友就食香草雜肉腸黑椒汁.香草雜肉腸黑椒汁意粉($48)大約5分鐘就到,好快。意粉質地吾錯,好滑下。黑椒味吾會太嗆,好味。但雜肉腸我就吾識欣賞啦,朋友都覺得吾好味。大凍朱古力雪香(跟餐$10)第二個到。夠多料,朱古力好濃。值得推介。一嚟到,我已飲左半杯,好好味～！  黑椒汁雞球乾拉面($36)等左大約10分鐘先到。有4-5粒雞球,粒粒都好多汁嫩滑。D汁有少少酸,同黑椒味好襯。加上夠熱,有少少辣,一路食,一路流鼻水@@,好野味。雖然叫乾拉面,但其實係同意粉差吾多。就筧吾撈汁,都吾乾身,質地同意粉一樣。間店有成個L形的街景,大陪分坐位都見到街景,吾錯。但係D玻璃有D漬,吾夠清,有D可惜。因為趕住返學,餐飯食左半個鐘到。如果慢慢坐低食,環境,價錢同食物都吾錯。服務無麥特別。埋單先知吾駛加一服務費 =]

向來好少食呢種台式茶館，因為覺得食物味道好一般，不過陪朋友等上課順便溫書，見近近地又可以坐耐啲就決定食呢間。我點嘅就係 香辣牛肉麵 配 珍珠綠茶 ，味道雖然夠，但質素只屬一般。朋友點的就是 紫菜魚腐湯麵 ，據說湯很淡，麵也煮太過，不過我試了一塊魚腐，味道還可以。另外，都點了 炸魷魚鬚 ，不過這個真的不好吃，完全唔脆，感覺就係放咗好耐，只知道自己食緊魷魚。一如所料，食物真係好一般，還好飲品方面算唔錯，而且都叫坐得舒服，如果有機會再嚟可以剩要嘢飲就算。

因為學校在太子附近~ 所以很多時間都會在始創吃晚餐 多數會選這家店~因為可以坐得舒服一點又不用太趕~不過這裡的食物愈來愈一般 紫菜魚腐湯麵麵煮得有點軟~湯也很淡。朋友叫的是牛肉麵，這個還好。味道還算足夠。 但這個炸魷魚鬚真的好差！！T^T這感覺就是炸完放了超久。食物真的非常一般，幸好飲品還是可以的。可能下次再來的時間，只可以點個飲品吧~ 

同朋友行完街，見倦倦地又有點口渴，咪黎坐底飲茶野囉等位時，明明見到入面有幾張吉枱，但服務員都好似唔知咁等左大約10分鐘就有位喇！坐底就睇下有咩食啦！見有茶餐《小食+飲品》一於試下啦柑桔檸檬~~~凍係絶對夠的，但甜到有點"拿"喉呀珍珠奶茶~~~奶茶味道還可以的，但D珍珠越飲越硬架椒鹽魷魚~~~魷魚真係超差呀！油到好似叫左油浸魷魚咁呀一睇就知係冇"HEART"之作呀！一樣零難度的小食都可以做到咁，店子是否真的要檢討下呢......脆炸豆腐~~~同樣是炸，豆腐反而做得不錯喎！外脆內軟喎坦白說，我真係唔會再光顧，無論食物同飲品都強差人意

跟美女姊妹團吃過蘭苑後，便轉了場地，到了仙跡林聊聊天。記得那些年珍珠奶茶還沒有大行其道，喝珍珠奶茶就是要到仙跡岩或仙蹤林了，於是便點了茉香珍珠回味一下好了。茉香珍珠是有別於普遍的珍珠奶茶，用的是茉莉花茶，可惜甜度真是有點太高，掩蓋了茶香，但珍珠是有甜味的，而且咬勁十足，下次再點的話，要少甜吧。感謝美女姊妹團中姊妹準老公的請客！消費： $25

到太子配眼鏡，在等待取回眼鏡時想吃下午茶消磨時間，便來到始創中心的仙踪林。沒想到人頭湧湧，要拿籌等候，於是打算改為到旁邊的星巴克，嘩，又是座無虛席，星期六下午果然是繁忙時段嘛！最終在仙踪林等了8分鐘，終於可以入座。我沒機會坐在鞦韆桌，而是坐在近玻璃窗的紅色梳化位。桌與桌之間距離極少，感覺說話時很容易被鄰桌聽見，所以環境只屬一般，不適合閒聊。下午茶時段供應的套餐要$48，雖然不用加一，但也不算便宜。我吃了芝士白汁吞拿魚意粉，那一堆白汁「杰撻撻」，賣相欠佳。味道方面也令人失望，意粉太軟，質感差，而那些吞拿魚很碎，像罐頭吞拿魚，最重要是所謂的芝士白汁味道怪怪的，沒有忌廉味，亦沒有芝士香。飲品方面，我喝了柑桔青檸，加$6可以轉為標準裝，份量足夠，卻只是不過不失，味道偏酸，沒有任何果肉。總結而言，仙踪林的食物質素和價錢都不吸引，我不會再光顧。

這天跟姊妹去太子那邊shopping, 在始創的仙踪林吃個快飯, 回想以前只有小食及飲品, 現在也有正餐吃, 就試試吧!去到後不用等位,環境清靜, 我們坐了在梳化位, 坐位都很舒服~我們點了兩個晚餐, 價錢其實都算少貴...($52/set)朋友叫了大滷拼大碗飯, 飲蜂蜜綠茶滷飯賣相已不太討好, 而且朋友說滷肉是凍的, 一點也不好吃而我叫了 雜肉腸黑椒汁意粉, 飲柑桔青檸這個是熱的, 但肉腸沒什麼味, 而且腸都好像煮過頭發脹了...意粉靠黑椒汁的味道還可接受...始終都是茶座, 主食果然比較遜色...

這晚和朋友一起到這裡吃飯,我叫了一個肉燥乾面和珍珠奶茶,朋友叫了一個雞扒意粉和青檸柑吉。首先，兩碟都超多椰菜，這我可以接受，因為可能想健康一點。可是那碟幹面聞落似鹹肉棕既味，食落肉燥超鹹，而且面好似煮糊左個種口感。至於意粉，食落有種奇怪既甜味，雞扒我無試。兩杯飲品都不錯，奶茶調得很香，柑吉有點酸。後來，有黎多左個朋友，點左朱古力雪香，蜜糖多士同炸豆腐，朱古力雪香面頭有層cream，但系朱古力太苦，同層cream完全唔夾。多士不過不失，豆腐出奇地好，裏面很軟滑，配上有點蒜味既醬汁，很好味。

在太子區食完晚飯，幾個女仔仲想吹水傾偈，就黎左始創呢度飲野～叫左個蘆薈綠茶，好似係$22，未至於過甜，普普通通OK貨色。呢度係勝在夠靜，大大個梳化位，坐得舒服，好岩女仔黎飲野傾偈～第時再黎太子區聚會，我諗都可以考慮黎呢度飲野！

炎炎夏日，與朋友逛街累了但不餓，進了此店休息。全店也是梳化或鞦韆座椅，店內環境有空間感，感覺挺舒適的。要了芝麻蝦多士及兩杯飲品（凍蜂蜜綠茶及凍柑桔檸檬）。芝麻蝦多士設計有心思，有鮮蝦肉及醬料，多士香脆，配搭得宜，味道好，但略感「熱氣」和油膩。兩杯飲品保持水準，喝下冰涼解渴，所混味道（蜂蜜及綠茶；柑桔及檸檬）平衡不錯，濃度足，不過甜，清新好味。的確舒適美味，又吃了一頓休閒有質素的小餐。

在太子晚上吃飯，真的是到處也是這麼多人，偶爾經過仙踪林，竟然沒有人等位!!肚仔餓等很的我當然拉住男友入去食~~~入到去，特意要了個千秋位座那些位子很特別，真的是千秋般郁下郁下的，大愛!!!!叫了意粉和麵食，那個意粉都ok吧，沒有太多肉醬味，味道有一點淡，意粉太林了，不太好吃，也不能期望有西餐廳的標準吧，而那個麵，真的是荼餐廳的水準吧，wu冬很林，湯底是味精湯。但也可入口的，難怪沒有什麼人等。而飲品是值得一讚的，珍珠奶荼好好飲~!!有奶味，十分濃郁大概下次再去太子其它餐廳都滿的話才再光顧吧。不過這是我的最後選擇。

數年前珍珠奶茶漸起之時...第一間接足便是仙踪林...路經始創眼見有始分店、又好肚子有點餓，便進去食過晏就套餐約$40.餘元起,叫上一個雜菌意/跟珍珠熱奶茶奶茶奉上、落單時已叫上小甜幸好甜度亦達到自己要求、數年前的感覺，頓時勇上心頭再來的意粉,立刻打碎美夢，眼前一碟白雪雪的汁.翻開下才乍現意粉先講雜菌(凍的礶頭中國牌磨菇，再現是數條椰菜),好明顯是三樣東西分别整好最後加上家家戶戶都有(金x)牌礶頭白汁繼而上枱這種意粉便是最難食不過,仲有...意粉煮得過熟、太淋太不環保下、我只可比自己食下1/3，終告放手!