紅豆烘焙 (西洋菜南街)

Open Now

Now Closed

行過見到好多人買 行入去，又見到都好多款式又睇到個樣好似幾吸引買咗香芋麻糬波波同烏龍茶麻糬波波又見到有近期大熱嘅千層吐司見到都唔係好貴，所以就買埋千層到時一摸上手好濕又黐立立嘅感覺然後係撕唔開一層層 食落仲好甜總結嚟講仲難食過普通白麵包 🤧🤧🤧🤧然後個麻糬波波 完全冇香芋味反而有藍莓嘅酸味 然後個被我用咗九牛二虎之力先摵到其實都feel唔到麻糬嘅感覺 都係唔好食 😑😑😑😑總結嚟講，絕對唔會再有下一次

店名: 紅豆烘焙地址: 旺角西洋菜南街146號地舖旺角站B2出口，行1分鐘環境: 外賣價錢:4/5味道: 3.5/除左呢間分店，旺角近朗豪坊同佐敦仲有分店，大家可以睇翻邊間近自己啲麻糬香芋芝士包$18呢個真係大失所望😶🥲見人地影到入面爆哂焰咁🤨無錯的確如此，但食落一啲芋頭味都無，只係食緊堆紫色嘅cream cheese，仲要食左半個已經膩到啊媽都唔認得😔阿華田麻糬波$18其實入面就係有啲阿華田嘅cream，無咩特別😂勝在唔算太甜，食落都無香芋個個咁膩😹法式芒果楊枝甘露布丁包$15今次買個4款入面，呢款係最好食雪凍左之後，入面個焰有燉蛋嘅味道，加上上面唔太甜嘅芒果醬，好夾，又唔會太甜下次黎一定會再買😍🥰伯爵茶布丁包$15相比楊枝甘露個個，呢個就會甜少少同佢話係伯爵茶，但食落唔太食到有茶味，只係隻色似咁🤨🙊

近年嚟布甸包呢樣野簡直係超級大熱❤️‍🔥自從嘉多娜嘅布甸包風靡全港後，越來越多麵包店都推出布甸包吸引顧客🤣而呢間位於旺角嘅麵包店就正正係嘉多娜嘅對手🤣佢哋除咗推出好多唔同口味嘅布甸包，例如伯爵茶、楊枝甘露等，呢排仲出咗爆漿嘅麻薯波波😳🤤呢日經過就買咗嚟試🤪🌟伯爵茶布甸包 $15 (3/5)由於我懶嘅關係，所以我係凍食🤣擺咗雪櫃一晚，所以個包好冰凍🥶布甸部分好滑，不過伯爵茶味唔算好濃，甜度適中～但個包體就差啲😮唔知係因為我雪得太耐定咩，包嘅部分太韌😂😂好難先切得開，食嘅時候都係好難先扯得開😂😳可能焗熱咗會好啲？有冇人食過可以話我知😂😂😂🌟 阿華田麻糬波 $18 (3.5/5)我反而鍾意呢個多啲～佢係一個巨型版麻糬波波🤣咬落去完全就係平時食嗰隻煙煙韌韌嘅麻糬波波💖但中間就擠滿咗阿華田醬😍所以一切開係爆漿！🤤阿華田醬味道好濃郁，完全就係平時飲嘅阿華田味🤣而且食食吓會覺得有啲鹹鹹地，有啲似海鹽奶蓋🤣🤣🤣我覺得又幾好食😈不過食半個已經好飽，建議同朋友一齊分享🤣Overall覺得經過嘅話值得一試～反正又唔係貴🤣🤣而且個麻糬波波都真係幾特別😌不過布甸包就真係嘉多娜世一！🤪加一服務費：❎回頭率：❤️❤️❤️

法式布丁麵包有一段時間係風靡全港，每一個人都會去排隊買！我就唔鍾意排隊所以一直都未食到，發現原來呢一間麵包店都有法式布甸麵包賣但係唔使排隊所以就買咗一個嚟試吓。布甸嘅奶味都頗重同埋都好滑配埋麵包食係幾正嘅！

咁啱路過呢間都多人讚嘅麵包布甸買咗一個旺角店限定嘅楊枝甘露味一個伯爵茶味同一粒紫薯麻糬泡芙烘返熱個麵包布甸，個法包好脆口⬇️楊枝甘露麵包布甸呢個旺角店限定嘅口味，食落都幾特別入邊嘅filling唔算太甜，都有少少食緊楊枝甘露嘅感覺不過如果有埋少少西米就更似啦⬇️伯爵茶麵包布甸伯爵茶茶味夠濃☕️口感比較貼近返傳統嗰種麵包布甸嘅texture個人比較鍾意呢一款麵包布甸另外嗰個紫薯麻糬泡芙屋企人食咗佢話好聚手，所以分咗兩餐食麻糬分量都幾多所以個泡芙好重味道正常，冇特別差又冇特別好總括嚟講：麵包布甸嘅包係好脆嘅但係味道方面，我會揀返原味或者伯爵茶味感覺好似比較match

見之前人地瘋狂排隊買法式布甸包，依家終於唔洗排隊買即刻買嚟試。雖然其他口味都同原味一樣價錢$15一個，但識買一定買原味，先試到佢既原汁原味真水準咬左幾啖，啲布甸🍮即刻湧落嚟，但個人會prefer蛋撻多過布甸麵包，呢個食唔到蛋香味，而且個包冇煙韌口感，會寧願布甸同包分開食所以呢個十幾蚊試過一次就算了

之前都有食過呢間嘅法式布丁包🍮今次見到佢有新推出嘅麻糬波就買咗黎試吓✨麻糬波除咗有阿華田仲有榴連味💁🏻‍♀️🔺阿華田麻糬波 $18見到阿華田已經bring bring 眼咗再見到麻糬無法抗拒🤭麻糬波好大個同埋都好有重量😙成個麻糬波唔係空心而係實心㗎!!麻糬好煙靭🙌🏻而中間有內饀仲要會爆阿華田醬但講真唔太食得阿華田味😬仲有少少化學朱古力味🫢但勝在麻糬波真材實料,成個食哂應該都幾飽肚同膩💦

第三次食佢啦，起佢未紅之前食過一次原味布甸包，冇幾耐前買過提子包食覺得佢啲包全部幾好食，幾有質素👍🏻今次咁啱經過見佢出咗好多新款，咁就再試吓啲特別嘢啦▶️ 伯爵茶布甸包 ($15)個布甸係茶啡色㗎🤎正常布甸包嘅size如果唔焗嘅話，其實唔太吸引，因為個包摸落好韌🫢入邊個布甸都好似麻麻地咁但係一焗一焗熱佢，即刻靚仔咗好多🤤外面個法式baguette包咬落幾脆口🥖味道上少少鹹鹹地，同布甸成反差，好凸出布甸同麵包比例啱啱好，布甸佔大部份入邊個布甸焗完之後有微微流心效果，即刻Creamy啲🍮食落質感好似吉士咁，而佢個焙茶味都OK，雖然冇咩嗰種甘苦味，但係都好香嘅☕️幾好係佢唔會太過甜，個人覺得好食過原味，唔錯唔錯！▶️ 榴槤麻薯波 ($20)呢個雖然係麻糬波波，但係食落冇咁煙韌，外皮硬身啲加上榴槤味唔重，即使打開個盒都完全問唔到味(榴槤控千祈唔好期望太高🙈)，變咗食落好似吉士咁呢個就唔係幾推介，因為佢比其他都貴▶️ 阿華田麻糬波 ($18)呢個係新品啊❗️一撳落去已經好冧一切開就爆曬漿🍫唔覺都咁流心外皮都比起榴槤嗰個煙靭好多，真係似返個麻糬波，朱古力控可以試一試▶️ 法式芒果楊支甘露布甸包 ($15)呢個

之前流行過一陣子的布甸包，想吃要排長龍，但現在已風光不再😅前個月見到不需排隊買了一次雞蛋布甸包，味道不錯，因限時出爐（下午2：00），買回家也熱辣辣的，覺得很好吃😋😋今日再去買，也是相同時間，見有新口味（伯爵茶布甸包）便買一個，但一拿上手發現已是不熱的🙄回家後立即吃，幸好味道也不錯，伯爵茶味很香，麵包是豬仔包式的，皮脆肉軟，只可式不熱，扣了些分。但仍是可口的

黎到紅豆烘焙，多數人一黎就會買布甸麵包，但我同朋友入左去兜左兜，發現左有個有趣既野🧐🧐🧐就係呢個朱古力心太軟啦🍫同朋友買完就快快手手出去試食下佢有冇達到我地預期效果😋😋😋第一啖食落去…係有少少一言難盡既🫣🫣佢隻朱古力味唔太討好，同埋佢最面果層有啲硬，中間個filling應該係擠落去而唔係焗到佢半熟，咁當然佢擺得出黎賣就唔會係我地印象入面果隻心太軟啦😶😶😶我同朋友食完第一啖都覺得有啲怪，但神奇既係，食食下佢果朕朱古力味又變到冇咁黑人憎同埋會覺得佢愈食愈正常😯😯整體黎講係一個幾有趣既甜品，同埋呢個價黎講真係算係咁👍🏼咁買呢個心太軟既時候都有個幾無言既故事既😶‍🌫️😶‍🌫️咁我同朋友食想問佢拎多隻羹🥄廢事互食口水尾，點知個cashier就問佢隔離果個話我地要拎多隻羹，然後佢地就好似要討論俾唔俾多隻羹我地咁❓最後有個人話：「一個心太軟只有一隻羹」咁其實有冇多隻羹我都唔係太介意，但點解唔可以一黎就講話唔可以俾多隻我地？🤔🤔總括黎講：野食OK但處事手法有待改善🤐

旺角T.O.P對面麵包店紅豆烘焙估唔到開到夜一夜都有布甸麵包啊～*\(^o^)/*而且仲有超多款口味原味，焙茶，藍莓等等，想要咩味都有'焙茶味都幾濃郁 食落都幾滑溜出面麵包仲有少少脆整體口感好一流。-除咗大熱布甸麵包，烘焙店仲有好多走甜品蛋糕美點，無論係楊枝甘露 士多啤梨藍莓乳酪奶凍，定係傳統 朱古力芒果士多啤梨蛋糕等等都有得選擇，即使一杯Tiramisu都只係廿蚊杯非常抵食,買黎過下口癮非常唔錯啊～

旺角紅豆烘培的布丁麵包經過時見到剛剛出爐，便買了一個來試布丁部份好滑，好香，好好味但麵包部份又唔會比布丁整濕，keep到好乾身又鬆脆15元一個真係好抵食，重有朱古力味的推薦

基本上呢間每間面包鋪都會有布丁包。而呢間好似都會比人拎黎同嘉多X比較。我淨係買咗個芒果味嘅黎試，見佢個味又幾新奇。又真係楊芝甘露味，食落去係幾特別，個餡都算多，而且質地唔會過杰唔會太稀，味道不算甜，但又唔可以話好好味，又唔可以話唔好味，頂多係幾特別，可以買黎試下。始終個人都係習慣咗芒果呢類係凍食，暖暖地有丁點奇怪。maybe係我個人口味問題，覺得一般般吧。 至於個包我覺得一般。見佢有榴連味，會想試下～

今日出開旺角，買到2點新鮮出爐的布丁麵包今日有4個口味，原味、伯爵茶、焙茶、同楊枝甘露布丁麵包。因為之前食過原味布丁麵包，所以今次買咗另外3個口味各2個！味道：好味好味好好味！！個人中意焙茶多過伯爵茶。楊枝甘露都好有驚喜。價錢：$15一個，超級抵食。正常胃口嘅話，食一個都已經好飽。只係我貪心，咩味都想試……其他：今日係星期日，我1點57分去到店舖，只有3、4個人排緊隊，好易買。唔知平時係咪都咁易買呢？

今日認真心情麻麻，一來一早被一位餐廳姐姐惡劣嘅態度激親；二來今日天氣仍然令人悶熱，加上今日工作行程緊密，忙到下午五點左右，終於可以抖抖。想心情靚番，就會突然想食啲甜野，咁啱一落巴士站就見到呢間「紅豆烘焙」。首先以為只是一般麵包店，奇怪店內外有不少客人光顧，好奇心驅使下睇下有乜嘢特別，突然發現有多款法式布丁限定發售。呢間「紅豆烘焙」原來產品頗多元化，有一般麵包、中式酥餅、西餅、甜品、曲奇、布丁包，更有近年大熱的立體蛋糕及扑扑球蛋糕，歡迎預訂。正好甜品癮發作，食指大動。原來法式布丁包每日下午開始發售，售完即止。最後決定選了新口味《伯爵茶布丁》（$15），法包底非常新鮮，面微脆包軟熟。布丁甜度適中，伯爵茶十分香濃好味。超值好味，配 coffee or tea 都夾。甜品亦很多選擇，更有馬卡龍，杯杯甜品有傳統布丁、燉蛋等等。用杯盛裝住，乾淨衞生又企理。揀了至愛《提拉米蘇》（$20），可可及酒味超濃，不太甜，如果配埋杯咖啡就十分完美了。講起咖啡，所以最後決加多件《咖啡芝士切餅》（$18），未食已經𡶐啡香氣撲鼻。入海綿蛋糕底好柔軟，Cream除了咖啡味亦微微帶有芝士味，配茶亦係至正。其實開心真係好