紅煙窗餐廳

Open Now

Now Closed

今日12點鐘準時到,因為一早BOOK左位!!環境新淨企理, 不過都幾多人,可能自己年紀大左, 唔食得太多!!呢幾年都食少左好多BUFFET...加埋疫症期間都有少少顧忌...不過今日唔理, 好少一家人咁齊腳!!其實呢間酒店, 款式比較少!!種類唔太多, 但係質素樣樣都中上OK!!魚生得4-5款, 食完一輪, 唔會主動ENCORE!!其他冷盤都唔太多選擇,我記得前幾年黎有生蠔食,不過而家無左...變左呢個開邊龍蝦...不過夾既時候真係撞手神...佢有幾隻會有少少霉...但係整體上都OK!!另外熟食, 有牛扒, 雞扒, 豬扒, 蒸魚果D大路野!!不過都係夾完一ROUND之後就夠!!唔會有意慾ENCORE多轉!!熟食整體上都OK既!!甜品最好味係雪糕!!係某大品牌出既!!唔錯架!! 我都食左兩杯!!以午巿BUFFET黎講係OK既!!有機會都會翻食!!

見難得平日放假，就搵左間酒店食lunch buffet我地都好鐘意食龍蝦、刺身同甜品，就搵左間可以任食呢d野既buffet有成2個鐘時間食，一定夠時間俾你慢慢食啊！我地仲要食左好多隻龍蝦🦞！隻隻都又大又新鮮，都係2百幾蚊一位 勁抵食甜品仲要唔差，有牌子雪糕都係任食，仲有唔同既小蛋糕、斑cake 、豆腐花、都齊哂款架喇，如果再有放假一定會再黎其實仲有好多其他熟食 中湯西湯 點心 炒飯 小菜等等 但無計 太鐘意食龍蝦了 哈哈

日期28.7.2021時間12:00嘅中午自助餐，海鮮正常無咩驚喜，龍蝦有少少雪味（但可接受)本來以為有生但原來無失望魚生有少少味，燒牛肉唔錯有肉汁。其他熱食……燒鴨賣相差，牛腩無味粥無料，係有飲品供應唔錯啦！價錢唔太貴約280$走人。認真講味道一般，大約13:30開始無食物補充，本來以為有生蠔至食，如果早知無就唔來。咁嘅質量叫做唔貴唔平囉！

慶祝生日 地方唔算大 但坐得舒服食物質素好好 最鍾意生蠔長食長有冷盤 熱食都好好係飲品方面唔係好多選擇 咖啡即磨，但有d凍同埋冇咩咖啡味 不過整體黎講5xx蚊 抵食推介 生蠔 蝦 鴨肝 爆谷

已經好耐冇嚟，媽媽成日話想去恒豐食lunch buffet，話抵食，適逢母親節，就同佢嚟一趟吧！冇嚟應該有年幾，熱鬧情況一樣，可能係母親節關係，一開始啲人都係去攞凍盤～蝦、蟹腳、翡翠螺等，太多人我就去攞啲熱葷先……都係常見嘅蒸魚、咖哩嘢、菜、炒粉麵，燒烤就有牛、鷄翼、茄子、翠玉瓜……刺身同凍蟹腳、蝦都新鮮…飲品、甜品都有多款選擇……但可惜已冇我至愛～港式奶茶了今次再嚟，感覺不一樣了，往時的喜愛也退減了……侍應好多吾同晒，服務冇以前咁好，凍水或暖水都冇主動提供（這是基本招呼了吧），食品提供少了，但價格卻上升了，以往午餐有生蠔、港式奶茶機（現在轉了朱古力，奶茶係香港特色都吾keep ）、沙冰、即整湯粉麵，而家已冇了，所以性價比低了……同埋，呢度冇長者優惠，如有其他選擇，也未必選這裡了……

作為一個生蠔🦪控，見到人哋話呢度嘅自助餐有生蠔🦪食而且會🤩不停 re-fill 同無限😍每次拎幾多隻，所以特登🤤過嚟試吓！呢度地方寬敞，坐得幾舒服😌。食物款式唔算太多，熱食🍲同甜品🍰稍為遜色咗少少🤏。生蠔🦪無限😍每次拎幾多隻👍，而且會🤩不停 re-fill🤤！🦪質素就👌中規中矩，有部份😋幾肥美，不過都係偏🤏細隻，我一共食咗三打😂。龍蝦🦞都幾多膏🤩幾鮮味😋，咬落去肉質幾爽，🦀蟹腳都幾粗幾多肉👌，不過我覺得有少少偏鹹🤤。鴨🦆肝大大件👍幾滑，🐑羊架好😋鮮嫩肉味香濃！甜品款式唔多😩，而且一般般，好彩有幾款🍈生果🍍同埋Häagen-Dazs🍨任食！

今日來同朋友慶生, 揀咗呢度嘅午市 buffet, 因為平之餘, 亦因為有我最喜歡嘅鴨肝可能選了11點呢個時段, 人流不多, 可以好自在地安排座位&拎食物以呢個三百幾嘅價錢食到蟹腳, 龍蝦, 刺身, 蟹柑同鴨肝, 我覺得非常優惠, 當然又不能要求過高蟹柑同龍蝦係沒有什麼味道, 都非常淡口, 龍蝦唔係隻隻有膏, 不過我朋友唔食膏, 所以都可以話比大家有選擇蟹腳不錯, 肉實又大隻鴨肝我也滿意, 雖然有點細塊, 但一路不缺, 我食咗差不多8件!牛扒亦很有肉味, 有趙口刺身還可以甜品選擇不算多, 但有咖啡機&熱朱古力供客人飲用, 大人細路都岩!

之前就聽朋友介紹說恆豐酒店的自助餐性價比高，這次趁著母親節，帶媽媽來吃點好吃的。當然我們並不是母親節正日來吃，而是提前了日子，兩人入座就有75折優惠，午餐埋單人均HKD270。而說起這HKD270的內容物是很豐富的，正常自助餐該有的冷盤刺身熱盤甜品都不在話下，還有午餐少見的龍蝦和鵝肝多士，也有現煮的鮑魚雞絲生滾粥和多款口味的哈根達斯。供應也是足足的，即使是龍蝦也一直有補充，從沒有斷過。是日可說是全場滿座，不過桌與桌之間位置足夠闊落，不會感覺到人很多，取餐用餐還是比較自在的，我們來得比較遲，坐到了午餐時段的最後，侍應也沒有趕人。總的來說，100分滿分可以給它個80分。

母親節與老公家人到佐敦的恆豐酒店食自助餐早鳥訂台優惠，九折後約每位$560，任食三小時：🦞海鮮類有生蠔、龍蝦、蟹腳、青口和蝦等海鮮，refill速度都算快，我地八點半食飽飽走人時，都見仲會有海鮮拎至於質素方面就一分錢一分貨，生蠔有啲啲會有少少苦澀味，要落多少少檸檬汁。有粒實在太其貌不揚，烏卒卒咁所以唔敢食；龍蝦就熟左啲，冇咩鮮甜味；蟹腳蟹鉗位幾鮮甜，我都食得幾多；蝦肉最好食，因為最正常，彈牙且甜👍🏻/🍣壽司刺身類刺身行過見有三文魚、八爪魚和希靈魚等，也有不同款式的壽司和冷麵/🥩燒烤類烤牛肉overcook了，非常硬柴，要做大嘥鬼🙈鵝肝多士唔錯啦；燒雞翼孜然粉好香，好有譚仔味lol/🍳熱葷類有中式蒸比目魚和菜膽雞👌🏻、水煮牛(牛淋到公公婆婆冇牙都食倒😂)、pizza(有菠蘿藥水味)、烤羊架(蘇蘇地有啲黃芥末會易入口啲)、燉湯清清地都唔錯。其他我冇食，但見到仲有芝士龍蝦伊面、烤豬肋骨、鮑魚雞粥和咖喱雞等，都幾多選擇🤔/🍰甜品類芝士小蛋糕和brownie都可以。最喜歡迷你葡撻，熱辣辣食左兩件；芒果布甸和楊枝甘露食左少少就唔想哂quota了；食番個穩穩陣陣的哈根大師雪糕便完美收爐其實佢仲有好多

見到14/4 後自助餐（晚上）改了有蠔食就即時同朋友去試試，環境係唔錯👍🏻，取食物通道都算寬躺既，一開始就即刻試凍海鮮，龍蝦，蝦，藍貝，長腳蟹腳紐西蘭蠔1.龍蝦好快就無曬，但有龍蝦夾，唔常refill（食後感係肉質無味）2.凍蝦常滿，但無咩鮮味3.生蠔 ，估計唔係即開，有2款蠔，creamy ,海水味重4.首輪長腳蟹可能下午淨左果批，肉質好鞋身（一個鐘後再試先有驚喜，食到蟹肉既鮮甜味）刺身❌完全係無味，聽到格離枱都講，未食過咁難食既刺身燉湯麻麻地又係淡口生果西瓜，多汁但無甜味最欣賞係爆谷（出奇地好食）同哈根大師雪糕杯2人埋單$1004 （ $558/位，8折後再原價加1）真心這個價錢出面有很多其他選擇，不用花錢在這間食

心血來潮想食自助餐所以就同朋友講不如搵間性價比高嘅，跟住無意中比我諗翻起紅煙窗係我細個時候食過，嗰陣時都已經覺得啲嘢食幾好食，但後來因為大個咗之後有太多琳琅滿目嘅食物沖昏咗自己頭腦，直到而家突然想試返所以就下定決心同朋友講不如我哋食呢間啦！去到嘅時候，職員好有禮貌，一入到去就會見到有個甜品櫃，甜品講真比我想像中多，我初頭會以為得五六款，後來認真睇清楚起碼有八款，甚至超過！ 嗰日我哋去食午餐時段嘅第二節，有咩食物：長腳蟹，生蠔，蝦，鵝肝多士，烤牛肉扒，鮑魚雞粥，煙三文魚，魚生壽司，各種煙燻火腿，仲有差唔多有六七款唔同種類嘅沙律熟食方面有：紅油抄手，煎餃子，蒸魚，馬來咖喱，炒西蘭花，酸甜骨，有中西湯，煎三文魚骨等等。甜品：cheese cake ，熱情果蛋糕，綠茶忌廉批，果仁蛋糕，Brownie，布甸，仲有好多款不能盡錄～好食：👏🏻👏🏻👏🏻👏🏻性價比：👏🏻👏🏻👏🏻👏🏻環境：👏🏻👏🏻👏🏻👏🏻👏🏻衛生:👏🏻👏🏻👏🏻👏🏻👏🏻服務質素:👏🏻👏🏻👏🏻👏🏻👏🏻交通:👏🏻👏🏻👏🏻👏🏻👏🏻第一次寫食評，所以希望盡量同大家講到底入面有咩食💗🤤多謝支持哈哈

2021年2月16日 牛年 正月初五嚟傳説中，性價比最高嘅紅煙窗餐廳牛年歡聚與姪兒撐枱腳環球滋味海鮮自助午餐中午12點至2點半，每位338元，有75折，折實後每位$270.30生蠔有兩款，細隻果款好味啲，第一輪好掂，第二及三輪取的生蠔都唔得，有腥、有臭。鴨肝多士，好味道，頭果幾輪好快清晒，好在陸續都有出，2點後都仲繼續出菜，臨尾食個夠。刺身及壽司都很好。熱食：牛肉及豬手硬左啲、龍脷柳豆腐、牛柳粒、咖哩雞、燒雞扒、章魚小丸子、Pizza、蔬菜、炒飯、炒麵點心：蝦餃、燒賣、牛肉球，似叮叮點心的質素，不好吃。燒雞翼及燒菠蘿不錯，好快俾人攞晒。甜品OK，雪糕係杯裝Haagen-Dazs，好多款味道供選擇，仲有爆谷食。海鮮班戟，咸食，不好吃，皮及餡都冇味冇道。有2款果汁，仲有熱咖啡、熱朱古力、熱檸水、熱綠茶、熱紅茶，自己任沖。總括嚟講有生蠔、鴨肝多士、三文魚刺身都算係咁，不過唔知係咪以前好好多呢？今餐食物質素都係一般般啫，熱食烹調又唔屬於出色，試食左幾款都冇興趣再攞。我主要是食生蠔及鴨肝多士，其他食物選一件試過味！咁多食評都話CP值高，究竟係誇大左，定係差咗呢？

今日好想食buffet，上網查過呢間lunch buffet 性價比高，價錢算平，一於試下。✨生蠔都幾新鮮有海水味。✨凍蝦好彈牙有鮮味唔錯。✨熱盤好多選擇，pizza幾香口。✨燒烤區嘅食物都唔錯，最好食係雞翼，烤得香脆可口。烤菠蘿夠juicy，好開胃。✨鮑魚雞粥都好食，仲有油炸鬼可以送粥。✨蝦餃燒賣都幾有水準。甜品方面✨葡撻好食，細細件一口剛剛好。✨番薯糖水略嫌有點甜，但好重薑味，唔錯。✨豆腐花好滑溜。✨蛋糕全部細細件，容易入口。

這一間，最近好似好hit。很多網民說某FB group疑似大量水軍，吹奏紅煙窗。本人決定親自一試我來的目的，就是生蠔有兩款，好處是每次去拿生蠔不會限制你拿取的數量，我見到大家都拿得很多，有一個人應該是在自己的碟子，疊了兩層生蠔，捧回自己的位置。我建議：一開始不要怕生蠔排隊，盡量去拿。因為大約1.5 小時過後，refill就只會有其中一款，就是大的這款法國石蠔（沒有另外一款紐西蘭生蠔好吃），而不是同時有兩款生蠔。大家見到只有這一款，一改之前狂搶的行為，變成扭頭就走。週末去吃，298+1一位。

記得打電話預約，最多有65折😚當日lunch埋單$238/person嚟得呢度都係俾生蠔吸引，仲要唔限量任夾，唔洗排隊排到傻，refill快，所以唔係即要即開嘅，要自己衡量喇～🌟當日有兩款蠔，紐西蘭嘅，輪流refill.一大一細，圖入面係大蠔，多啲肉食，但細蠔蠔味重啲兩款都係偏向清新嘅，唔算creamy比較我食過嘅普x, 普x 會好少少.🌟凍海鮮仲有藍青口、凍蝦、螺，質素都正常🌟冷盤有煙三文魚、cold cuts都係正常🌟刺身同日式嘅細細碟頭盤，不過冇拎嚟試熟食呢度就出名鴨肝多士同鮑魚雞粥，我淨係試咗前者🌟鴨肝多士都幾香，多士keep到脆，我食咗兩件😋🌟燒牛肉好鞋，都預咗...淡淡肉味🌟燒火雞竟然冇咁鞋，仲好食啲🌟其他熱盤本身對熱盤冇要求，當日亦都唔吸引，冇食做到咁平大家都預到有咩食啦😄幾啱老人家食嘅見到有疑似叮叮點心蝦餃🤣🌟飲品有一部咖啡機，有熱朱古力，兩款果汁任飲👍🏻我食飯係非常需要飲野，平時得一杯飲品邊度夠🥴🌟甜品唔係幾啱我口味，亦都冇個牌仔唔知啲蛋糕係咩味嚟，綠茶味算係最好，其他都麻麻不過有哈根大師雪糕就夠啦👍🏻總結：好適合海鮮控，服務唔錯 收碟亦好勤快，環境舒服。當然一分錢一