紅城

Open Now

Now Closed

由於住在這裏附近，早午晚餐都會經常光顧，剛剛開張的時候客似雲來，由於附近沒有類似的茶餐廳。所以可以話天時地利人和造就咗佢午餐時段經常爆棚。現在風光不在，尤其是晚餐，可以說是十桌九空。說真的，食物質素只是一般，好明顯想走高價的格調，但給予客人的食物材料只是中價甚至下價貨。餐牌一年到晚都沒有太大的轉變，食多幾次就會覺得好厭倦！！只是天時地利人和灣仔這個地段很少茶餐廳，所以可以說是局住食不是欣賞去食！！最討厭就是他們的服務態度，早餐明顯很多空餘的桌，也要人搭枱，只會同你講一陣會有客嚟。那為什麼一陣有客來不可以搭枱呢？或者我已經食完走咗呢，抱住呢個服務態度，我寧願一走了之！說真的食嘢就是要好好享受這個小小的時段，這樣壓迫又大壓力為什麼要選擇這間餐廳？最離譜就係食午餐的時候餐飲未飲完就趕你走叫你樣張枱出嚟，我諗地痞店的茶餐廳也不會有這樣的做法？我又不是免費食，說真的所有東西我都有付足價錢，那為什麼要承受你無理的要求未食完就要讓張枱出嚟俾你去做生意？不如好好地將服務做好啲再擴充營業多開分店啦！外賣仲離譜，叫三次有兩次比錯？！？幾經投訴終於肯賠返一個餐給我。成$70. －個午餐唔應該承受呢啲撳劣質嘅

一直都幫襯開佢地既外賣菠蘿包，因為真心好食，表層好脆，又夠新鮮熱辣辣👍🏻所以咪同朋友黎試佢早餐囉 早餐沙嗲牛麵好一般、完成係出前一丁麵，以及出前一丁湯底，完全冇驚喜。炒蛋ok好食，但唔夠滑，其他都中規中矩。我哋都未飲完杯野，未食完個蛋撻，有個金髮女侍應已經叫我哋坐埋一邊，咁我哋咪坐埋一邊比半邊位出嚟，10分鐘後佢又過嚟叫我哋買單讓個位出黎。其實我地都明繁忙時間，但一句唔該唔好意思都冇，好似理所當然咁仲要眼超超啤住我哋。其實過門都係客，唔使咁差嘅服務態度嘅

起因係我想食榴蓮菠蘿包 但唔想行咁遠 所以就去佐哩間 之前一直冇食過 今次就諗住去試下果然 街邊冰室真係冇隨便試😅基本上都係伏 招牌雞尾榴槤包 唔好食 入邊冇咩榴槤都唔知係咩合成醬料 我堂食嗌都唔幫手叮熱 上面啲芝麻粒粒同哩個包非常之唔搭 不論從口感或者味道來講都係 可能只係為佐好睇😅焗飯等佐好耐 但係上桌都唔係好熱...味道就同大多數茶餐廳一樣冇咩味 雖然叫白汁 但唔係白汁 係白色的芡汁 總要鹹味都冇 抄底都係冇味 都唔落鹽 價錢都唔便 試一次就夠例湯好難飲 鴛鴦OK 今日係難食嘅一天 over😵

係灣仔做野嘅人我諗都實識紅城😂出名人多午餐例牌要排長龍，今日開會開晏左去到2點幾先出去食，梗係要去感受下唔洗排隊嘅紅城！2:25分去到循例都問一問伙記下午茶入得未，伙記見有位無人排隊就比我地坐住等。由於係電子落單嘅關係，好均真要夠2:30先叫到下午茶餐🤣紅城鴛鴦焗飯一個餐滿足哂紅白汁同埋雞扒豬扒4個願望😃紅城焗飯出名有質素即叫即焗，雖然稍微要等少少時間不過新解出爐熱辣辣，芝士有拉絲等一陣都值！雞扒豬扒份量同午餐差唔多各有3舊，紅白汁配炒飯底一絕！加多三蚊有埋杯凍肉埋單60蚊有找，係灣仔咁嘅質素加埋咁嘅價錢真係唔多👍🏻

平日午市經常會見到條人龍 Idiot 12點左右去到等咗5分鐘就入到 餐廳用QR code落單 上菜速度好快 食完亦都好快有人會收走 坐得唔耐 但就勝在款式多 而且質素唔錯       ❤️‍🔥芝士焗黑松露雞皇飯   焗飯係炒底已經好加分 芝士同黑松露份量唔多唔少 聞得到好香嘅黑松露味 但又唔會遮咗芝士味  跟餐有紅湯同餐飲 羅宋湯入面有牛肉 頗足料 奶茶就不過不失見隔離枱叫咗常餐 有招牌菠蘿包同紅豆冰 好吸引! 下次都要試下!

水中躺平的肥鴨，十年重臨香港，帶領豆釘一齊欣賞牠的美態之後隨意入了此冰室，發現味道很好，份量和用料都沒有挑剔的地方。用料豪爽的泰式菠蘿炒飯好多塊豆仔骨，而且肉嫩不肥膩焗飯正價錢算公道

紅城距離灣仔地鐵站大約只需要五分鐘的路程，不會太遠，地點非常方便。 如果星期一至五午餐的話，12點已經有少少人龍，如果一點的話，人龍會非常長。我推薦餐廳的特色菜餚：銀芽仿鮑絲炒麵和鐵板XO雞扒炒烏冬。銀芽仿鮑絲炒麵的麵炸得非常脆，配上銀芽和仿鮑絲，味道非常清淡，不會太油膩或太鹹。而鐵板XO雞扒炒烏冬加上XO醬非常惹味。而且雞肉非常嫩滑配上烏冬，味道非常好。如果你喜歡吃辣，可以加一些辣椒油，味道更加豐富。記得一定要嚐試一下！

Today we have been to this cha chaan teng to grab a quick breakfast before heading to work. It locates at Johnston road and it's not difficult to find the restaurant. I've ordered a deep fried fish fillet set with an additional of a bowl of macaroni. It also comes with fried egg as well as a toast. The deep fried fish fillet is hot and it tastes well with the sauce. The size of the fillet is also kinda large. The macaroni is also good. The soup isn't too salty and the portion of the macaroni is

呢間紅城無論早午下午茶時間都係咁多人成日都要搭枱喜歡佢有自家製麵包尤其菠蘿包真心好味佢地最近仲出咗榴槤雞尾包可惜我唔好榴槤唔打算試今日食佢既芝士白汁海鮮焗飯夠哂熱但味道一般唔知係我冇胃口定點好在有杯醒晨奶茶補數

之前都有食開紅城，一直都覺得幾好，坐得舒服野食都ok，但呢排佢生意好左，野食質素就開始下降。我住附近，所以都會成日幫襯，之前食都覺得幾好，野食價錢唔算特別平，都唔算特別貴，所以一直都去食。但呢排質素開始下降，我一個女仔食早餐，俾40蚊一個早餐，米粉超少，餸超少，食左好似無食咁，真係好似一陣風咁。之前食既都夠飽，依家想叫多個包餐添。唔同飲食業真係得一開頭先做得好，生意好左就會質素下降？希望佢質素可以提升番啦，如果唔係真係好難keep住客人。

今朝早起身，做完運動之後就喺灣仔搵地方食早餐，最後就決定去紅城食個早餐，咁我慣常都鍾意食佢哋嘅沙嗲牛肉公仔麵，配佢哋嘅多士啦炒蛋同埋飲杯凍奶茶嘅！沙嗲牛肉公仔麵面底係有麻油味嘅公仔麵啦，咁沙嗲牛肉味都好濃，牛肉夠晒味，亦都夠嫩滑！多士落左奶油，烘得夠哂脆口！炒蛋夠哂滑，唔會過熟！最緊要就係我杯凍奶茶，奶味夠晒香濃，配合埋個茶底，嘆咗個咁嘅早餐真係一流！佢門口都有啲新鮮出爐嘅麵包賣㗎，有時我都買返個菠蘿包返公司食，今日太飽就唔買啦！

每一次下午嘅時候都會見到呢一間茶餐廳特別多人 排隊排到差唔多去到起碼去到機利臣街轉角嘅位置鍾意排隊嘅我 決定都去試吓 究竟係咪真係咁好食？入到去 好快同同事就被安排咗喺一個坐卡位嘅位置 位置都是寬躺唔會太迫 店員亦都馬上遞上餐牌我就叫咗鮮茄焗豬扒飯 同事就叫咗咖喱魚柳飯 個人嚟講都係覺得中規中矩 但係份量都係比較大 適合男士 唔會話有偷工減料嘅感覺 大家亦都可以選擇 中湯西湯或者羅宋湯 我就鍾意比較忌廉湯 大家都不妨試吓 記得早啲嚟排隊

<讚👍🏻>.最近灣仔一間冰室新推出芝士甜品！試左新出藍莓焦糖芝士撻同焦糖芝士丹麥酥，兩款甜品都用左TINE® Brunost™’挪威焦糖芝士😍🥣藍莓焦糖芝士撻🥣：💰$26有好多新鮮藍莓同焦糖芝士，牛油撻皮鬆脆，上面加左焦糖芝士，一絲絲芝士片，味道咸咸甜甜又有焦糖香！有驚喜！好特別👍🏽🥣焦糖芝士丹麥酥🥣：💰 $26勁多焦糖芝士，咸咸甜甜好夾大大粒士多啤梨🍓同藍莓！丹麥酥好香脆。原來配甜品出奇地夾，芝士控一定要試喇！🙈個人覺得呢款焦糖芝士可以配沙律食都得！.好味程度：⭐⭐⭐⭐抵食指數：⭐⭐⭐⭐環境指數：⭐⭐⭐⭐💸人均消費：$26另收加1️⃣服務費：❌再食 ENCORE：✅

今天逛街經過灣仔莊士敦道見到這間叫「紅城」的茶餐廳，外牆幾搶眼有大大隻字寫上紅城兩個字，非常易找。 我三個人叫了一個午餐（泰式海南雞配油飯）和一個常餐（沙爹牛肉即食麵（金寶雞湯），其實香港來說他們的價錢不算貴。 泰式海南雞飯$65海南雞飯份量算多，切雞也很滑口，點上醬油更加好味，另外還有跟餐飲和例湯，例湯很清甜，餐飲用冰杯盛載很冰凍。沙爹牛肉即食麵沙爹麵賣相可以，沙爹汁也很濃味，另有炒蛋多士；炒蛋很滑流但多士不夠牛油不能溶化。

港式早餐 = 茶記早餐似乎已成了不爭的事實。某日中午前，為了一份記憶中的茶記早餐，於是來到一家開業不久人氣頗旺的茶餐廳「紅城」。趁著仍有早餐，叫了一個好久不見的茶記丁麵來吃。其實店方可供選擇的是餸菜，可配出前一丁、通粉或河粉。小人的柯打是豬扒煎蛋 + 出前一丁；既然一場來到茶記，沒理由不叫出前一丁吧！湯底不會很鹹，是對辦的味道，至少喝完無需要狂灌水！豬扒大塊，肉質不乾，調味亦恰宜；驚喜的是煎蛋居然有兩隻：不只不油，更有點漏汁！最後也是最重要的丁麵煮得尚算爽彈，一試無妨。另外一碗乃五香肉丁+ 通粉，相對而言一比就比了下去。不單外觀樣子一般，就連內容也是一樣的簡單直接：就是把五香肉丁倒進通粉裡面，印象中就只是湯面鋪滿五香肉丁的紅油，以及不夠熱。熱菜蜜甜潤兼備，已叫做不俗。承惠八十元有找，於同區之中可算是食得喜又食得起。