紅樹林餐廳 (Closed)

我去過尼間餐廳兩次,兩次都係同我男朋友去.第一次都還好,我第二次去時大概下午三點半到.去到門口戴眼鏡既女waiters 就帶左我地去近門口既二人坐位度坐.我同我男朋友梗係唔鐘意啦.咁我地同位女waiters講話位入d.但個女waiters竟然同我地講話"冇晒二人位啦喎."我同我男友冇理到佢一直行入去四人坐位度坐.果時下午茶時間又小人客,比客人自己簡位坐都得0者.唔通我地會阻你好耐咩!?到左叫野食,我果份係有得比客人選飯或意粉.但個waiters問都冇問我要乜就同我落左飯.到食物黎到時我先知我叫左飯,但其實我係想食意粉.開頭以為餐廳會好過茶餐廳喇.點知又係咁唔尊業.先前有人講話人手唔夠,我就唔多覺,我反而覺得多得很.d人好似唔多願意自己郁手咁.成日行黎行去唔知做乜咁.如果唔係新達冇咩野食,我諗我同我男朋友都唔會去.

食物唔在講.......連普通一杯ge熱檸水同熱檸茶都可以係好苦ge....我諗大家都心中有數,而家我對全部(紅樹林)都好反感~

一行五人,點了牛扒,雜扒,龍利扒和銀鱈魚扒等. 每一塊扒都切得簿簿的,煎得很乾,份量又很少. 蒜蓉汁,黑椒汁及洋蔥汁都很普通.比茶餐好一點點而已. 除了門口接待那位戴眼鏡的小姐外, 其他的待應不是聾耳陳,就是詐看不見. 第一次光顧這餐廳就感覺很失望,希望他們未來作出改進.

星期日，一改往時成家飲茶的習慣，轉為食西餐，是媽媽提議來這兒的，因為她曾跟妹妹來吃，覺得唔錯。我們兩點幾入坐，妹妹說2:30 o既下午茶有好多款式，她寧願等下午茶，我和姐也跟她一起等。於是爸爸、媽媽和弟弟先點，要了海鮮焗飯，蒜香牛仔柳跟飯和海南雞飯。因叫了兩個set，所以有餐湯飲，個羅宋湯其實幾好味，可惜落得太多紅椒，偏辣；焗海鮮飯做得不錯，料足，但不太新鮮，蝦肉及帶子仲有好大朕雪藏味，不過面頭o既芝士忌廉汁好香濃，撈飯吃真係流；蒜香牛仔柳跟飯和海南雞飯ok啦，不過不失，冇乜特別。 2:30時，侍應換了下午茶餐牌，真係有成24款任你揀，全部都係$25，認真抵。叫了日式海鮮炒鳥冬和咖喱牛腩飯。咖喱牛腩o的牛腩炆得都算腍，但咖喱就麻麻，因為椰汁落得太多；至於碟日式海鮮炒鳥冬，真係不知所謂，先講麵條，我敢說不是鳥冬是上海粗麵，仲要係冇出水o個隻，難食兼哏胃；配料o既蜆、蟹柳、帶子粒、八爪魚仔、椰菜、洋蔥、芽菜…炒都未熟透，微暖，尤其是椰菜和洋蔥，仲臭青的，yuk >~< ，仲重最大一個致命點係，極級油，夾起麵條時，會見到o的油滴緊落o黎，十分恐怖。

呢間餐廳(大埔)d服務超差, 星期六上午10時,我同媽媽諗住去食個早餐,一到門口已見好多人等緊,心想唔係要等位呀!但係望進去,有好多位係吉的,不過枱上d野waiter仲未執,結果等左about 5 mins 先有位,呢d都算,我地坐左又5~6 mins, 都冇waiters 理我地,叫又冇人理,有的應左就算,冇人肯落單,我見到其他枱都有d咁情況,結果好不容易先有人幫我落單,但又等左7~10mins先黎到個餐,真係激死~根本呢間餐廳d waiters就唔夠, 做到d人踢曬腳...唉~不過,d食物都幾好食,但係d service就超差,尤其busy time!如果去食真係要think think!如果真係要食呢間,我suggest 上水個間(係上水廣場)!!!

我都係想講屯門個間，環境真係唔錯，D 梳化好舒服。佢D下午茶唔錯，野飲亦沖得幾好飲，廿幾元都幾抵。不過晚餐就唔係好得，D 扒好"UN"，豬扒同牛扒都係唔得，晚餐又少款揀，價錢亦唔平，不過係環境好，每張TABLE都有盞小燈，幾浪漫KA。

屯門個間分店叫red cafe，係錦華既，非吸煙區個邊係梳化，又對正落地大玻璃，又點埋CANDLE(女仔最BUY GA LA)好好坐。覺得個煙三文魚墨魚汁意粉好好食，如果要叫餐，可以叫香草錫紙咩咩骨(唔記得個全名)，個買相好靚下，同埋佢地D薄餅唔係意大利PIZZA，而係MEXICO 薄餅，用個薄皮包住D餡，幾特別又幾好食。