赤屋中華日式料理店

Open Now

Now Closed

睇完YouTube 介紹觀塘美食，發現有間特色拉麵店，星期日就去試吓。湯底好清甜唔膩，同一般日式拉麵店嘅湯底唔同。冇咁濃郁。而有自己嘅特色湯底首選推介豬手豬肚；豬肚好林。雜錦海鮮就一般。製作時間需要耐d。 小食都唔差。我叫咗係炸雞皮同埋台灣腸。雞皮好爽脆，而台灣腸不過不失。跟住仲買埋外賣豬手豬肚湯，一盒$98。裏面有好多件。拎個煲翻熱就食得。另外買多一盒要嚟打邊爐，主要係覺得佢湯底比較清甜，冇咁油膩。可值得一試日式拉麵店

由七哥麵當一直吃到現在赤屋💖由胡椒豬肚豬軟骨拉麵到牡蠣拉麵，全部都用料新鮮今日我選擇吃的牡蠣拉麵配上九州豬骨湯第一口先飲湯，嘩😳非常鮮甜，好味再吃麵，麵吸左湯，好味再吃一口牡蠣，非常鮮甜，好味😋再叫左個甜品，和菓子，甜度不太甜，剛剛好中和牡蠣的鮮味，好味

收工試新餐廳胡椒口味同九州湯底都好足料，我飲哂成個湯底叫左個胡椒豚胃，朋友試豚骨，幾樣都好嫩好食65蚊有個足料既拉麵，想食拉麵既時候我會再黎另外試左個紅糖糍粑，即叫即整，好食，可以一試

同事想試，所以中午去食，本身唔食內臟同豬手，睇menu有就咁豬肉同漢堡，所以麵ok，等咗10分鐘入到去先話得返豬手/豬胃果類，已經有啲比佢呃嘅感覺，但再排其他可能過食飯時間。裝修係幾靚，用電話落單佢都可出錯，唔知算係服務差定無服務，叫咗個豬軟骨（佢嚟咗個特盛之類）、茶同櫻花大福，個湯一般，得少少辣嘅胡椒味，豬軟骨ok，豬胃真係食唔慣，豬手無食，大福一般，好似食啫喱咁，男人一定唔夠食，埋單around $90，個人覺得唔係好抵食，如果想食拉麵不建議食呢間，唔知關九州咩事，胡椒湯樓上二撇雞好食好多，簡單嚟講係扮日式嘅豬雜湯麵，可能只係豬手我唔啱食。

上網睇完介紹，黎左試「胡椒肉大盛」，湯底胡椒味突出，唔會因為食麵而淡口左，入口舒服少少辣。配料好好食，豬手好淋一吮就離骨，豚胃都好食。成碗食晒。餐廳環境好靚，好有心思，別出一格。

三顧草廬（嚟左三次）先食到既一碗麵，好珍惜叫到舖頭落場前最後一碗麵，湯底濃而不辣，好入味好入味💯🥣呢個湯頭真心激贊💯因為所有餸幾乎賣曬，老闆同阿囡叫我等一等，最後剩番兩樣餸，叫我唔好走煮埋俾我食🙏🏾豬手忟到好鬆軟（離骨）豬軟骨好入味真心推介大家試吓💯👍🏾#赤屋#胡椒豬肚湯#你絕無味精#星期一例休#港式麵店#好食米線關於組#好食米線關注組

上網見到有youtube 介紹呢間赤屋，於是放假就嚟試下佢；1點幾嚟到都要排8、9個人先入到，睇嚟都幾出名～胡椒豬肚湯拉麵 ($65)- 湯底係有好香但唔會太刺激嘅胡椒味，而且豬肚亦煮得軟嫩無腥味，呢兩樣抵讚嘅！但又無youtube講到咁神…可能我期望太大🫥- 個拉麵湯麵同個湯真係完咗唔夾…而且湯底同材料你咁講究，麵就用咗隻來貨嘅拉麵，個人覺得有啲虎頭蛇尾～🥲 至於豬軟骨湯麵，豬軟骨肉質較硬同嚡口，同湯頭唔太夾…😓.重點係呢度嘅定價一啲都唔平，而且入去落單係自助、茶水自助，最後都收你加一服務費，我真係唔係好感受到服務咗啲咩🫤🫤仲要落單嗰時都無寫明，有種被蒙在鼓裏嘅感覺🥺.總括而言，呢度性價比不太高，亦同我想像中嘅「日式中華料理」有好大出入…想品嚐更好的湯麵可以考慮其他選擇🥶