紅星餐廳

Open Now

Now Closed

疫情下減少外出用膳，最多只能買外賣，呢一間西餐廳推出午市$40套餐，有中西式多款選擇，可以加錢叫甜品或者其他嘢食，仲有唔少其他套餐，如果買兩份又有優惠。今日好想食牛扒，就買咗薄切燒紐西蘭肉眼扒，配炒蛋及薯角，仲有燒汁蔬菜，等咗唔夠10分鐘就攞得，非常快手，一打開個餐盒真係「嘩」一聲，估唔到$40份量會咁充足，隻牛扒仲大過我個手掌，雖然係薄切，但牛扒有0.5cm厚，而且燒得剛剛好，中心仲係粉紅色，炒蛋嫩滑，呢一餐真係又豐富又滿足，性價比超高，真係一間有良心、有質素嘅餐廳，要多多支持👍🏻👍🏻👍🏻

鰂魚涌的「老字號」 好多西餐廳都係食氣氛同燈光 但呢間真係例外嚟 山長水遠都要入嚟食👍Menu一如既往地多選擇～同埋這個燈光會否太靚食咗咁多次 佢哋嘅忌廉湯都總可以比到驚喜我😄同一般西餐廳唔同 唔係下下都紅湯白湯咁無聊 佢哋啲忌廉湯成日用好特別嘅材料 幾乎嚟親都唔同 今日係甘筍忌廉湯 啲甘筍打得好細 食唔到任何顆粒 但每一啖嘅甘筍味都好濃郁 又唔假唔膠～證明真係落足料啊 餐包細細件 點湯定係點油醋都好好味 可以無限添包😋大滿足J餐香煎銀鱈魚扒•意大利蕃茄蓉 魚肉好滑好滑好滑 幾乎入口即溶咁樣 好得意嘅口感（自己喺屋企一定整唔到😅）極鮮美！ 好juicy但層皮係卜卜脆 隻魚本身唔係好重味 但蕃茄蓉又出奇地唔會喧嘩奪主 食材同醬汁嘅配搭做得好好🥺唯一缺點應該係比較多骨 要小心啲食 不過呢啲都無可避免 反而仲可以令我哋仔細品嚐 冇得狼吞虎嚥 完全唔影響佢嘅滋味呀 橙茶 每次必飲！試下就知 冇檸檬茶咁刺激咁酸 少少橙香 總之就係好夾 係我嘅飲品首選題外話 門口多咗盞燈 好有情調❤️

平時都比較少食西餐 覺得又貴又唔抵 喺網上見到人推薦呢間西餐廳 話又抵食又好味 咁啱嚟開呢頭 姑且試試佢🤣餐包和湯已經睇得出好用心 係紫薯做嘅手打麵包 同好足料嘅羅宋湯（真係成碗都係湯料🤭）我就麻麻地紫薯 但同行嘅囡囡就話好鍾意啦～話紫薯味好突出呢個係皇帝蝦意大利粉 芝士同番茄醬係perfect match! 個醬比較稠 所以啖啖意粉都沾滿晒啲醬 每啖都回味無窮😝食得出係自己煮嘅番茄醬 唔係罐頭味!呢個係雜扒餐 唔講得笑 上菜嘅時候真係哇一聲 點食呀?? 件件肉都咁大舊 超!級!大!份!😲 我同阿女share都食唔晒🤣 啲扒嘅肉汁鎖得好好 食到最後都唔會乾唔會柴 真係超級超級豐富🤣🤣食得好滿足同場加映 橙茶 好似冇乜點聽過橙茶 所以試吓 估唔到又幾特別（本身仲驚中伏🤭）甜橙味配茶味原來係好夾 一定要試吓蠟燭情調是基本吧！🤣兩個餐都係百幾蚊 又唔算好貴 但質素就真係好高 終於都明點解朋友話佢性價比極高🤣

這間餐廳在舊居附近，開了幾年，以前經常光顧。很久沒回來這區，偶然經過，見到早餐menu，價錢相宜，決定重温味道💓早餐奄列，佔滿了一大半個碟，很豐富。輕輕切開奄列，滿滿的內餡，煙肉，火腿，小番茄，洋蔥，茹，沾滿芝士，「啖啖肉！」$40一個餐，好抵好開心！餐廳的環境很舒適，悠閑的音樂，鬆軟的沙發，員工也很有禮，是一次愉快的體驗。能夠以這一餐飯作一日的開啟，很美好走時看見店外的易拉架，原來現在有$40餐，很多款式，有空的話，一定再回來

西餐總要在weekend🤪😋平時做嘢咁辛苦，放假點可以唔犒賞一下自己！打頭陣嘅係菠菜忌廉湯！會話呢個湯好似直接打碎咗個菠菜擺入去咁，好足料，好稠身，好creamy🤣本來覺得菠菜同cream呢個組合好怪，但估唔到咁match，係好新奇嘅味道，值得一試😍😍😍然後係主菜～意式煎焗雞扒配雙重芝士～真係好好好鍾意芝士呀！！大大塊芝士鋪喺舊雞扒上面，熔得恰到好處，每一啖都係芝士同番茄味，好香濃好滿足🧀🍅🧀🍅🥺🥺會唔會太幸福🥺🥺🥺雞扒本身都煎得好好，啖啖juicy，啲肉都好嫩滑～絕對唔會俾芝士同番茄搶走風頭啊～🐔仲有仲有！配菜竟然係紫薯蓉，唔係求求其其擺幾條菜就算🥺❤️睇得出佢哋真係好有心機，好難得～～

餐廳環境一流 有陽光 悠閒的下午 好浪漫 同夜晚比又係另一種風景西蘭花忌廉湯西蘭花味好重 忌廉都好香好滑 係一個層次豐富嘅湯 都幾特別 推薦! 平時唔多喜歡食餐包 但呢個紫薯餐包好好食 好鬆軟 黑椒燒汁燴牛脷配飯個飯壓成心心 好可愛啊❤️牛脷好軟熟 唔會話太乾太韌 黑椒汁好match 但比較重口味 我自己prefer清淡口味 就會撥走少少汁香煎挪威鮮三文魚呢個堅係一流 個皮係脆嘅 啲三文治肉係多汁而且好滑! 做到真真正正嘅外脆內軟 相信廚師花咗好多心機同耐性 魚皮喺芥末汁度浸得耐會軟 要儘快食

［紅星餐廳 (北角)］地址：北角健康村2期UG10號舖推薦度（10👍🏻滿）：7👍🏻衞生（10⭐️滿）：7⭐️環境（10⭐️滿）：7⭐️賣相（10⭐️滿）：7⭐️味道（10⭐️滿）：8⭐️價錢（10⭐️滿）：8⭐️服務（10⭐️滿）：7⭐️地點（10⭐️滿）：6⭐️今次介紹嘅係喺健康村樓下嘅一間西餐廳，價錢非常抵，呢個價錢來講，佢嘅質素非常之好。不過地點就唔算就腳，喺屋村附近，會比較近鰂魚涌站。芝士芥末魚柳意粉（外賣價$40）芥末芝士味非常足，而意粉係我鍾意食比較硬身有咬口嘅嗰種，所以我覺得$40一份嘅外賣價錢非常之抵，我好怕啲意粉係林晒嗰啲，而家嘅意粉啱晒我。燴牛面頰意粉 （外賣價$40）除咗有我鍾意嘅意粉質地之外，佢嘅牛面頰炆得非常林身，差唔多入口即化，非常好味。😋

難得自己一個人食飯，想食餐好嘅👍🏻嚟咗呢間裝修幾骨緻嘅餐廳一坐低見到啲星星燈飾，紫紅色窗簾，好浪漫，好有格調～個餐包好特別，係紫薯味，仲要係自家製，甜甜地，煙煙韌韌，紫薯味好香，幾得意🍠可以點住油醋食，但我覺得點唔點都好味😆咁有心機，出面真係少見‼️嗌咗G餐，西梅燒汁配豬胺，份量驚人，好大塊豬肉，一個女仔真係未必食得晒😂啲肉燒得啱啱好，係exactly啱啱好熟晒，所以咬口得嚟又唔會太淋，keep到肉本身嘅質感，而且咬落係有肉汁‼️配酸酸甜甜嘅西梅汁，好開胃好好味🤤（ps紫薯控一定要嗌紫薯蓉做配菜😆）最後埋單$176，用$176買到一晚好心情，抵！😚

食食吓晏諗住飲啖咖啡。點知杯野入面有隻小強 🤢 真係想嘔。雖然啲餐飯冇收我錢不過餐廳都應該要注意衛生⚠️Found a cockroach in my coffee during my lunch. Even though the meal was on the house, this restaurant should seriously take precaution to be more hygienic (especially during covid). 

今日lunch打算試下呢間外賣，睇open rice好似外賣都係差評比較多，已經將我expectation降低曬。 -今日一出公司就打電話去叫定外賣，過程好快，話10分鐘後可以拎。 差唔多5-7分鐘行到去，都已經有得拎👍🏻唔錯，而且服務都好好👍🏻-同事都話唔好預期有擺盤，因為是外賣，麵包另外袋。一打開飯盒，比我想像好，雞扒好大塊，而且唔會煎到好乾，好香脆。炒蛋是用2隻蛋，所以係厚身足料，都好滑。 自己擺盤😅👇🏻比較失望嘅係塊麵包，無咩味，無牛油。但整體都係OK。 下次想試下焗野。

經過呢間餐廳幾次見到裝修風格幾靚，有啲似歐洲風格於是入去試吓，入到去入邊嘅侍應飄下飄下咁，目無表情，見到周圍啲人開晒紅酒好似好嘆咁樣，我以為呢間野係因為啲食物出色keep咗好多熟客，望一望個餐牌價錢唔平，我哋嗰日叫咗一個豬軟骨焗飯，同埋一個雜扒餐，其實見到餐牌我都覺得呢度都係主打港式西餐，但係我冇食過咁難食嘅港式西餐，豬軟骨完全唔入味好似就咁烚熟，啲蘿蔔係硬嘅，再加埋一啲類似蕃茄物體嘅汁，然後嗰個雜扒餐，上面啲肉好似全部求其煎熟放響個鐵板上面，但係佢杯檸檬茶係幾好飲，個茶底係幾香。其實喺香港試過好多次啲裝修幾靚，又或者行懷舊風格嘅餐廳，食物質素差，但係又收得貴，仲要唔知點解好多人食？

今午訂了外賣，本身點了雞扒飯，單上也是打了雞扒飯，但取了後，回到公司打開飯盒是魚柳飯，已經不是第一次出錯，好彩是雞變魚，如變了其他不吃的東西便有問題了，請留意下次不要出錯

經友人推介，所以來試這裡的午餐，這裡堂食與外賣內容大致一樣，不過價錢相差一半，難怪這麼多人等外賣賣相不俗的雜菜湯，味道濃郁不錯麵包口感像白糖糕，有點濕潤，不過香草味太強，個人不太喜歡檸檬茶飲得多，橙茶是第一次，我沒有加糖，感覺有少少像司各脫魚肝油主菜點了豬梅肉扒$90梅頭肉就是平時做义燒專用的豬肉部份，所以這塊猶如义燒扒，口感柔軟，醬汁主要是蕃茄和芝士，頗開胃的，而且肉煎得香口，整體不錯配糙米飯不知是否午飯時間很趕，飯和湯都不太熱，有點扣分，最後埋單加一$99，感覺不太值，

本來訂某網站hk res week北角地鐵口campsite，未夠鐘周圍逛逛，發現此處，好像金爵餐廳，好似grand ，水晶燈，豬肝式皮梳化，有懷舊感覺，而因原訂餐廳安排位子較窄，所以翻轉頭光顧此處。 餐牌寫意大利黑醋紫蘇葉焗蕃茄及月桂南瓜蓉，好吸引，但最後我完全無感受到，好失望，南瓜蓉街市最平隻，蕃茄不甜不香。 先來餐包，歐式接受，如熱辣辣豬仔包更好，蘸橄欖油無橄欖油味，醋不是蘸包的陳醋。 南瓜湯，夠滑，有南瓜香。 我精明，揀最平＄90,香煎魚柳，夠份量，淡味，不霉，波菜忌廉汁，不香。 意式煎焗雞扒＄110，烤雙重芝士，意大利蕃茄酱，羅勒香草醬，想吓好，芝士及醬一的都不香，快餐店芝士，一般茄糕，找不到意式，雞扒無味又靱。 最後杯檸茶，用茶餐廳不銹鋼杯，最破壞西餐廳格局。 未入去之前我預知舊式煮法，以為自己可以接受，但當你真正嚐過後失望，係估唔到失望點。就好像病痛，知辛苦，嚐過才知辛苦程度去到那；窮，係好惨，慘的感受，不是想像中可忍受到。

晏晝經過 見到$40外賣自取門口亦有不少人等外賣於是就試吓佢份量真的唔多 對細食嘅人來講就夠對大食嘅人來講就唔多夠豬軟骨 唔係嗰種好淋個d 係好硬 咬落去格格聲嗰啲個人來講唔喜歡這種意粉 幾煙韌 不錯魚 正正常常不過不失但呢個午餐食完之後 好快就會肚餓😂